ਪ੍ਰੇਮੀ ਦੀ ਭਾਲ ‘ਚ ਕੈਨੇਡਾ ਤੋਂ ਅੰਮ੍ਰਿਤਸਰ ਆਈ ਲੜਕੀ, ਬੋਲੀ- ਇੱਥੇ ਕਰਵਾ ਰਿਹਾ ਕਿਸੇ ਹੋਰ ਨਾਲ ਵਿਆਹ

Canada Girl in Amritsar: ਕੈਨੇਡਾ ਦੇ ਵਿਨੀਪੈਗ ਦੀ ਰਹਿਣ ਵਾਲੀ ਕੁੜੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਉਹ ਪਿਛਲੇ ਕਰੀਬ ਸਾਢੇ ਤਿੰਨ ਸਾਲ ਤੋਂ ਕੈਨੇਡਾ ਰਹਿੰਦੀ ਹੈ। ਉਸ ਨੇ ਪਿੰਡ ਸੂਰੋਂ ਪੱਡਾ ਦੇ ਨੌਜਵਾਨ ਖੁਸਵੀਰ ਸਿੰਘ ਪੱਡਾ ਪੁੱਤਰ ਪ੍ਰੇਮ ਸਿੰਘ ਜੋ ਕਿ ਕੈਨੇਡਾ ਵਿਚ ਹੀ ਉਸ ਨਾਲ ਰਹਿੰਦਾ ਸੀ। ਉਸ ਨੌਜਵਾਨ ਨੇ ਉਸ ਨਾਲ ਵਿਆਹ ਕਰਵਾਉਣ ਦਾ ਝਾਂਸਾ ਦੇ ਕਿ ਸਬੰਧ ਬਣਾਏ ਅਤੇ ਉੱਥੇ ਬਿਜ਼ਨਸ ਵੀ ਸਾਂਝਾ ਕੀਤਾ ਸੀ।

Lalit Sharma | Updated On: 01 Feb 2025 10:16 AM

Canada Girl in Amritsar: ਪਿੰਡ ਸੂਰੋ ਪੱਡਾ ਦੇ ਨੌਜਵਾਨ ਨੇ ਕੈਨੇਡਾ ਦੀ ਐਨਆਰਆਈ ਲੜਕੀ ਨਾਲ ਵਿਆਹ ਦਾ ਝਾਂਸਾ ਦੇ ਕਿ ਜਿਨਸੀ ਸੋਸਣ ਕਰਨ ਅਤੇ ਪੈਸੇ ਹੜੱਪਣ ਦੇ ਇਲਜ਼ਾਮ ਲੱਗੇ ਹਨ। ਇਸ ਸਬੰਧੀ ਪੁਲੀਸ ਥਾਣਾ ਮਹਿਤਾ ‘ਚ ਲਿਖਤੀ ਸ਼ਿਕਾਇਤ ਕੀਤੀ ਹੈ। ਪੀੜਤ ਲੜਕੀ ਨੇ ਪੁਲੀਸ ਥਾਣਾ ਮਹਿਤਾ ਦੇ ਮੁਖੀ ਤਰਫੋਂ ਕੋਈ ਕਾਰਵਾਈ ਨਾ ਕਰਨ ‘ਤੇ ਨਿਰਾਸਾ ਪ੍ਰਗਟ ਕੀਤੀ ਹੈ।

ਕੈਨੇਡਾ ਦੇ ਵਿਨੀਪੈਗ ਦੀ ਰਹਿਣ ਵਾਲੀ ਕੁੜੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਉਹ ਪਿਛਲੇ ਕਰੀਬ ਸਾਢੇ ਤਿੰਨ ਸਾਲ ਤੋਂ ਕੈਨੇਡਾ ਰਹਿੰਦੀ ਹੈ। ਉਸ ਨੇ ਪਿੰਡ ਸੂਰੋਂ ਪੱਡਾ ਦੇ ਨੌਜਵਾਨ ਖੁਸਵੀਰ ਸਿੰਘ ਪੱਡਾ ਪੁੱਤਰ ਪ੍ਰੇਮ ਸਿੰਘ ਜੋ ਕਿ ਕੈਨੇਡਾ ਵਿਚ ਹੀ ਉਸ ਨਾਲ ਰਹਿੰਦਾ ਸੀ। ਉਸ ਨੌਜਵਾਨ ਨੇ ਉਸ ਨਾਲ ਵਿਆਹ ਕਰਵਾਉਣ ਦਾ ਝਾਂਸਾ ਦੇ ਕਿ ਸਬੰਧ ਬਣਾਏ ਅਤੇ ਉੱਥੇ ਬਿਜ਼ਨਸ ਵੀ ਸਾਂਝਾ ਕੀਤਾ ਸੀ। ਸਾਲ 2023 ‘ਚ ਉਹ ਇਕੱਠੇ ਇੱਕ ਹੀ ਘਰ ‘ਚ ਰਹਿੰਦੇ ਰਹੇ ਸਨ।

ਕੁੜੀ ਨੇ ਇਲਜ਼ਾਮ ਲਗਾਇਆ ਹੈ ਕਿ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲਬਾਤ ਕਰਕੇ ਵਿਆਹ ਕਰਵਾਉਣ ਲਈ ਵਾਅਦਾ ਕੀਤਾ ਸੀ। ਉਹ ਕਹਿੰਦਾ ਸੀ ਕਿ ਉਸ ਦੀ ਪੀਆਰ ਹੋਣ ਉਪਰੰਤ ਵਿਆਹ ਕਰ ਲਵਾਂਗੇ। ਸਾਡੇ ਦੋ ਬਿਜ਼ਨੈੱਸ ਵੀ ਸਾਂਝੇ ਸਨ। ਉਕਤ ਨੌਜਵਾਨ ਪਿਛਲੇ ਮਹੀਨੇ ਪੰਜਾਬ ਆਪਣੇ ਘਰ ਆ ਗਿਆ।

ਲੜਕੀ ਨੇ ਇਲਜ਼ਾਮ ਲਗਾਇਆ ਹੈ ਕਿ ਉਸ ਨੇ ਇੱਥੇ ਵਿਆਹ ਕਰਵਾਉਣ ਲਈ ਤਾਰੀਖ਼ ਵੀ ਤੈਅ ਕਰ ਲਈ ਸੀ। ਜਿਸ ਦਾ ਉਸ ਨੂੰ ਪਤਾ ਲੱਗਣ ਤੇ ਉਸ ਨੇ ਪਹਿਲਾ ਆਪਣੇ ਪਰਿਵਾਰਕ ਮੈਂਬਰਾਂ ਰਾਹੀ ਇਸ ਪਰਿਵਾਰ ਨਾਲ ਰਾਬਤਾ ਕਾਇਮ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਇਨ੍ਹਾਂ ਦੇ ਘਰ ਤਾਲੇ ਲੱਗੇ ਹੋਏ ਸਨ। ਇਸ ਕਾਰਨ ਕੋਈ ਸੰਪਰਕ ਨਹੀਂ ਹੋ ਸਕਿਆ ਸੀ।

ਇਸ ਤੋਂ ਬਾਅਦ ਇਸ ਦੇ ਪਿਤਾ ਪ੍ਰੇਮ ਸਿੰਘ ਨੇ ਮੇਰੇ ਪਰਿਵਾਰ ਨਾਲ ਬਿਆਸ ਸਟੇਸ਼ਨ ‘ਤੇ ਮਿਲਣ ਉਪਰੰਤ ਜਵਾਬ ਦੇ ਦਿੱਤਾ ਕਿ ਉਹ ਦੂਸਰੀ ਜਾਤੀ ਵਿਚ ਸਾਦੀ ਨਹੀਂ ਕਰਵਾ ਸਕਦੇ। ਦੂਜੇ ਪਾਸੇ ਨੌਜਵਾਨ ਦੇ ਵਿਆਹ ਦੀ ਤਾਰੀਖ਼ ਤੈਅ ਹੋਣ ਕਾਰਨ ਉਨ੍ਹਾਂ ਐੱਸਐੱਸਪੀ ਅੰਮ੍ਰਿਤਸਰ ਦਿਹਾਤੀ ਨੂੰ ਲਿਖਤੀ ਸ਼ਿਕਾਇਤ ਕੀਤੀ। ਇਸ ‘ਤੇ ਪੁਲਿਸ ਥਾਣਾ ਮਹਿਤਾ ਦੇ ਮੁਖੀ ਨੂੰ ਦੋਵਾਂ ਪਰਿਵਾਰਾਂ ਨੂੰ ਆਪਸ ‘ਚ ਸਹਿਮਤੀ ਕਰਨ ਲਈ ਕਿਹਾ ਸੀ, ਪਰ ਪੁਲਿਸ ਥਾਣਾ ਮਹਿਤਾ ਦੇ ਮੁਖੀ ਵੱਲੋਂ ਇਕ ਪਾਸੜ ਕਾਰਵਾਈ ਕਰਕੇ ਨੌਜਵਾਨ ਦੀ ਸਹਾਇਤਾ ਕੀਤੀ ਜਾ ਰਹੀ ਹੈ।

ਲੜਕੀ ਨੇ ਜਤਾਇਆ ਸ਼ੱਕ

ਲੜਕੀ ਨੇ ਸ਼ੱਕ ਪ੍ਰਗਟ ਕੀਤਾ ਕਿ ਉਕਤ ਨੌਜਵਾਨ ਨੂੰ ਵਿਦੇਸ਼ ਭਜਾਉਣ ਦੀ ਕੋਸ਼ਿਸ਼ਾਂ ਕੀਤੀ ਜਾ ਰਹੀ ਹੈ। ਇਸ ਸਬੰਧ ‘ਚ ਅੱਜ ਦੁਬਾਰਾ ਐੱਸਐੱਸਪੀ ਦੇ ਪੇਸ਼ ਹੋ ਕੇ ਸਾਰਾ ਮਾਮਲਾ ਦੱਸਿਆ ਗਿਆ ਹੈ।

ਇਸ ਸਬੰਧੀ ਪੁਲਿਸ ਥਾਣਾ ਮਹਿਤਾ ਦੇ ਇੰਚਾਰਜ ਅਜੈਪਾਲ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਵੱਲੋਂ ਸਾਰੀ ਰਿਪੋਰਟ ਤਿਆਰ ਕਰਕੇ ਡੀਏ ਲੀਗਲ ਨੂੰ ਭੇਜ ਦਿੱਤੀ ਗਈ ਹੈ। ਉਨ੍ਹਾਂ ਵੱਲੋਂ ਜੋ ਵੀ ਹੁਕਮ ਮਿਲਣਗੇ ਉਸ ਉਪਰੰਤ ਕਾਰਵਾਈ ਕੀਤੀ ਜਾਵੇਗੀ।