NEET UG 2026: NTA ਨੇ ਜਾਰੀ ਕੀਤੀ ਨੀਟ ਯੂਜੀ 2026 ਦੀ OMR ਸ਼ੀਟ, ਜਾਣੋ ਕਿਵੇਂ ਕਰੀਏ ਡਾਊਨਲੋਡ
NTA: NEET UG 2026 ਰੀ-ਪ੍ਰੀਖਿਆ ਵਿੱਚ ਸ਼ਾਮਲ ਉਮੀਦਵਾਰਾਂ ਲਈ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ। ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਨੇ ਸਕੈਨ ਕੀਤੀਆਂ OMR ਰਿਸਪਾਂਸ ਸ਼ੀਟਾਂ ਅਤੇ ਰਿਕਾਰਡ ਕੀਤੇ ਰਿਸਪਾਂਸ ਜਾਰੀ ਕਰ ਦਿੱਤੇ ਹਨ। ਉਮੀਦਵਾਰ 15 ਜੁਲਾਈ ਤੱਕ OMR ਨਾਲ ਸਬੰਧਤ ਆਪਣੀਆਂ ਆਪਤੀਆਂ ਦਰਜ ਕਰਵਾ ਸਕਦੇ ਹਨ।
NEET UG 2026 ਰੀ-ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਲੱਖਾਂ ਉਮੀਦਵਾਰਾਂ ਦਾ ਨਤੀਜਾ ਆਉਣ ਦਾ ਇੰਤਜ਼ਾਰ ਹੁਣ ਜਲਦ ਖਤਮ ਹੋ ਸਕਦਾ ਹੈ। ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਨੇ ਉਮੀਦਵਾਰਾਂ ਲਈ ਸਕੈਨ ਕੀਤੀਆਂ OMR ਰਿਸਪਾਂਸ ਸ਼ੀਟਾਂ ਅਤੇ ਰਿਕਾਰਡ ਕੀਤੇ ਰਿਸਪਾਂਸ ਜਾਰੀ ਕਰ ਦਿੱਤੇ ਹਨ। ਇਸ ਦੇ ਨਾਲ ਹੀ OMR ਸ਼ੀਟ ਵਿੱਚ ਕਿਸੇ ਵੀ ਗਲਤੀ ਲਈ ਇਤਰਾਜ਼ ਦਰਜ ਕਰਵਾਉਣ ਦੀ ਸਹੂਲਤ ਵੀ ਸ਼ੁਰੂ ਕਰ ਦਿੱਤੀ ਗਈ ਹੈ। ਉਮੀਦਵਾਰ 15 ਜੁਲਾਈ ਤੱਕ ਆਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਤੋਂ ਬਾਅਦ NTA ਫਾਈਨਲ ਆਂਸਰ ਕੀ ਜਾਰੀ ਕਰੇਗਾ ਅਤੇ 20 ਜੁਲਾਈ ਦੇ ਆਸ-ਪਾਸ NEET UG 2026 ਰੀ-ਪ੍ਰੀਖਿਆ ਦਾ ਨਤੀਜਾ ਐਲਾਨ ਕੀਤਾ ਜਾ ਸਕਦਾ ਹੈ।
NTA ਨੇ 13 ਜੁਲਾਈ ਨੂੰ NEET UG 2026 ਰੀ-ਪ੍ਰੀਖਿਆ ਦੀ ਰਿਕਾਰਡ ਕੀਤੀ OMR ਰਿਸਪਾਂਸ ਸ਼ੀਟ ਜਾਰੀ ਕਰ ਦਿੱਤੀ ਹੈ। ਪ੍ਰੀਖਿਆ ਵਿੱਚ ਸ਼ਾਮਲ ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ neet.nta.nic.in ‘ਤੇ ਜਾ ਕੇ ਆਪਣੀ OMR ਸ਼ੀਟ ਦੇਖ ਅਤੇ ਡਾਊਨਲੋਡ ਕਰ ਸਕਦੇ ਹਨ। ਇਸ ਨਾਲ ਉਮੀਦਵਾਰ ਆਪਣੇ ਰਿਕਾਰਡ ਕੀਤੇ ਜਵਾਬਾਂ ਦੀ ਤੁਲਨਾ ਫਾਈਨਲ ਆਂਸਰ ਕੀ ਨਾਲ ਕਰਕੇ ਸੰਭਾਵਿਤ ਅੰਕਾਂ ਦਾ ਅੰਦਾਜ਼ਾ ਲਗਾ ਸਕਦੇ ਹਨ। ਹਾਲਾਂਕਿ, ਦਾਖਲੇ ਅਤੇ ਕਾਊਂਸਲਿੰਗ ਲਈ ਸਿਰਫ਼ NTA ਵੱਲੋਂ ਜਾਰੀ ਕੀਤਾ ਗਿਆ ਅਧਿਕਾਰਤ ਨਤੀਜਾ ਹੀ ਮੰਨਿਆ ਜਾਵੇਗਾ।
15 ਜੁਲਾਈ ਤੱਕ ਆਨਲਾਈਨ ਇਤਰਾਜ਼ ਦਰਜ ਕਰਵਾ ਸਕਦੇ ਹਨ
ਜੇਕਰ ਕਿਸੇ ਉਮੀਦਵਾਰ ਨੂੰ OMR ਸ਼ੀਟ ਵਿੱਚ ਦਰਜ ਜਵਾਬਾਂ ਨੂੰ ਲੈ ਕੇ ਕੋਈ ਗਲਤੀ ਨਜ਼ਰ ਆਉਂਦੀ ਹੈ ਤਾਂ ਉਹ 15 ਜੁਲਾਈ ਤੱਕ ਆਨਲਾਈਨ ਇਤਰਾਜ਼ ਦਰਜ ਕਰਵਾ ਸਕਦਾ ਹੈ। ਜੇਕਰ ਜਾਂਚ ਵਿੱਚ ਇਤਰਾਜ਼ ਸਹੀ ਪਾਇਆ ਜਾਂਦਾ ਹੈ ਤਾਂ ਪ੍ਰਤੀ ਪ੍ਰਸ਼ਨ ਜਮ੍ਹਾਂ ਕੀਤੇ ਗਏ 200 ਰੁਪਏ ਵਾਪਸ ਕਰ ਦਿੱਤੇ ਜਾਣਗੇ।
ਇਸ ਤਰ੍ਹਾਂ ਕਰੋ OMR ਸ਼ੀਟ ਡਾਊਨਲੋਡ ਅਤੇ ਇਤਰਾਜ਼ ਦਰਜ
ਉਮੀਦਵਾਰ ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਕੇ Display of Scanned Images of OMR Answer Sheet and Recorded Response ਲਿੰਕ ‘ਤੇ ਕਲਿੱਕ ਕਰਨ। ਇਸ ਤੋਂ ਬਾਅਦ ਐਪਲੀਕੇਸ਼ਨ ਨੰਬਰ ਅਤੇ ਪਾਸਵਰਡ ਨਾਲ ਲਾਗਇਨ ਕਰੋ। OTP ਵੈਰੀਫਿਕੇਸ਼ਨ ਪੂਰਾ ਕਰਨ ਤੋਂ ਬਾਅਦ View/Challenge OMR Sheet & Recorded Responses ਵਿਕਲਪ ਖੋਲ੍ਹੋ। ਹੁਣ ਆਪਣੇ ਰਿਕਾਰਡ ਕੀਤੇ ਜਵਾਬਾਂ ਦਾ ਮਿਲਾਨ ਕਰੋ। ਜੇਕਰ ਕੋਈ ਜਵਾਬ ਗਲਤ ਦਰਜ ਹੋਇਆ ਹੈ ਤਾਂ ਸੰਬੰਧਿਤ ਪ੍ਰਸ਼ਨ ਚੁਣ ਕੇ ਸਹੀ ਵਿਕਲਪ ਲਈ ਦਾਅਵਾ ਕਰੋ ਅਤੇ ਪ੍ਰਤੀ ਪ੍ਰਸ਼ਨ 200 ਰੁਪਏ ਫੀਸ ਦਾ ਭੁਗਤਾਨ ਕਰਕੇ ਅਰਜ਼ੀ ਸਬਮਿਟ ਕਰ ਦਿਓ। ਭਵਿੱਖ ਲਈ ਰਸੀਦ ਡਾਊਨਲੋਡ ਕਰਨਾ ਨਾ ਭੁੱਲੋ।
20 ਜੁਲਾਈ ਦੇ ਆਸ-ਪਾਸ ਜਾਰੀ ਹੋ ਸਕਦਾ ਹੈ ਨਤੀਜਾ
NTA ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਸਹੂਲਤ ਸਿਰਫ਼ ਰਿਕਾਰਡ ਕੀਤੇ OMR ਰਿਸਪਾਂਸ ‘ਤੇ ਇਤਰਾਜ਼ ਦਰਜ ਕਰਵਾਉਣ ਲਈ ਹੈ। ਪ੍ਰੋਵਿਜ਼ਨਲ ਆਂਸਰ ਕੀ ‘ਤੇ ਇਤਰਾਜ਼ ਦਰਜ ਕਰਵਾਉਣ ਦੀ ਪ੍ਰਕਿਰਿਆ ਪਹਿਲਾਂ ਹੀ ਪੂਰੀ ਹੋ ਚੁੱਕੀ ਹੈ ਅਤੇ ਹੁਣ ਉਸ ‘ਤੇ ਕੋਈ ਨਵਾਂ ਦਾਅਵਾ ਸਵੀਕਾਰ ਨਹੀਂ ਕੀਤਾ ਜਾਵੇਗਾ। ਸਾਰੇ ਇਤਰਾਜ਼ਾਂ ਦੀ ਸਮੀਖਿਆ ਤੋਂ ਬਾਅਦ ਏਜੰਸੀ ਫਾਈਨਲ ਆਂਸਰ ਕੀ ਜਾਰੀ ਕਰੇਗੀ। ਇਸ ਤੋਂ ਬਾਅਦ NEET UG 2026 ਰੀ-ਪ੍ਰੀਖਿਆ ਦਾ ਨਤੀਜਾ 20 ਜੁਲਾਈ ਦੇ ਆਸ-ਪਾਸ ਐਲਾਨ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਲੱਖਾਂ ਉਮੀਦਵਾਰ ਹੁਣ ਨਤੀਜਾ ਜਾਰੀ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਇਹ ਵੀ ਪੜ੍ਹੋ
Source: TV9Hindi.com
