ਚਾਂਦੀ ਦੀਆਂ ਕੀਮਤਾਂ ‘ਚ ਤੂਫਾਨੀ ਤੇਜ਼ੀ! 3 ਲੱਖ ਦੇ ਪਾਰ ਪਹੁੰਚੀ ਕੀਮਤ, ਜਾਣੋ ਕੀ ਹੈ ਵਜ੍ਹਾ
ਭਾਰਤੀ ਵਾਇਦਾ ਬਾਜ਼ਾਰ (MCX) ਵਿੱਚ ਚਾਂਦੀ ਦੀਆਂ ਕੀਮਤਾਂ ਨੇ ਸਾਰੇ ਪੁਰਾਣੇ ਰਿਕਾਰਡ ਤੋੜ ਦਿੱਤੇ ਹਨ। ਚਾਂਦੀ ਦਾ ਭਾਅ ਪਹਿਲੀ ਵਾਰ 3 ਲੱਖ ਰੁਪਏ ਪ੍ਰਤੀ ਕਿਲੋ ਦੇ ਇਤਿਹਾਸਕ ਪੱਧਰ ਨੂੰ ਪਾਰ ਕਰ ਗਿਆ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਜਿਹੜੀ ਚਾਂਦੀ ਅਪ੍ਰੈਲ ਦੇ ਮਹੀਨੇ ਵਿੱਚ ਮਹਿਜ਼ 95-96 ਹਜ਼ਾਰ ਰੁਪਏ ਪ੍ਰਤੀ ਕਿਲੋ ਦੇ ਆਸ-ਪਾਸ ਸੀ, ਉਹ ਹੁਣ ਅਸਮਾਨ ਨੂੰ ਛੂਹਦੀ ਹੋਈ 3,00,532 ਰੁਪਏ ਦੇ ਪੱਧਰ 'ਤੇ ਪਹੁੰਚ ਗਈ ਹੈ।
ਭਾਰਤੀ ਵਾਇਦਾ ਬਾਜ਼ਾਰ (MCX) ਵਿੱਚ ਚਾਂਦੀ ਦੀਆਂ ਕੀਮਤਾਂ ਨੇ ਸਾਰੇ ਪੁਰਾਣੇ ਰਿਕਾਰਡ ਤੋੜ ਦਿੱਤੇ ਹਨ। ਚਾਂਦੀ ਦਾ ਭਾਅ ਪਹਿਲੀ ਵਾਰ 3 ਲੱਖ ਰੁਪਏ ਪ੍ਰਤੀ ਕਿਲੋ ਦੇ ਇਤਿਹਾਸਕ ਪੱਧਰ ਨੂੰ ਪਾਰ ਕਰ ਗਿਆ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਜਿਹੜੀ ਚਾਂਦੀ ਅਪ੍ਰੈਲ ਦੇ ਮਹੀਨੇ ਵਿੱਚ ਮਹਿਜ਼ 95-96 ਹਜ਼ਾਰ ਰੁਪਏ ਪ੍ਰਤੀ ਕਿਲੋ ਦੇ ਆਸ-ਪਾਸ ਸੀ, ਉਹ ਹੁਣ ਅਸਮਾਨ ਨੂੰ ਛੂਹਦੀ ਹੋਈ 3,00,532 ਰੁਪਏ ਦੇ ਪੱਧਰ ‘ਤੇ ਪਹੁੰਚ ਗਈ ਹੈ। ਬਾਜ਼ਾਰ ਵਿੱਚ ਆਈ ਇਹ ਤੂਫ਼ਾਨੀ ਤੇਜ਼ੀ ਸਿਰਫ਼ ਮੰਗ ਦਾ ਨਤੀਜਾ ਨਹੀਂ ਹੈ, ਸਗੋਂ ਇਸਦੇ ਪਿੱਛੇ ਦੁਨੀਆ ਦੀਆਂ ਦੋ ਮਹਾਸ਼ਕਤੀਆਂ ਅਮਰੀਕਾ ਅਤੇ ਯੂਰਪ ਦੇ ਵਿਚਕਾਰ ਛਿੜੀ ਇੱਕ ਨਵੀਂ ਆਰਥਿਕ ਜੰਗ ਹੈ।
9 ਮਹੀਨਿਆਂ ਵਿੱਚ ਪੈਸਾ ਹੋਇਆ ਤਿੰਨ ਗੁਣਾ
ਜੇਕਰ ਕਿਸੇ ਨਿਵੇਸ਼ਕ ਨੇ ਪਿਛਲੇ 9 ਮਹੀਨਿਆਂ ਵਿੱਚ ਸ਼ੇਅਰਾਂ ਜਾਂ ਜ਼ਮੀਨ-ਜਾਇਦਾਦ ਦੀ ਬਜਾਏ ਚਾਂਦੀ ਵਿੱਚ ਪੈਸਾ ਲਗਾਇਆ ਹੁੰਦਾ, ਤਾਂ ਅੱਜ ਉਸਦਾ ਮੁਨਾਫਾ ਬੇਮਿਸਾਲ ਹੁੰਦਾ। ਅਪ੍ਰੈਲ ਤੋਂ ਹੁਣ ਤੱਕ ਚਾਂਦੀ ਨੇ ਆਪਣੇ ਨਿਵੇਸ਼ਕਾਂ ਨੂੰ 200 ਫੀਸਦੀ ਤੋਂ ਜ਼ਿਆਦਾ ਦਾ ਰਿਟਰਨ ਦਿੱਤਾ ਹੈ। ਸ਼ੇਅਰ ਬਾਜ਼ਾਰ ਦੀ ਭਾਸ਼ਾ ਵਿੱਚ ਕਹੀਏ ਤਾਂ ਇਹ ਕਿਸੇ ‘ਮਲਟੀਬੈਗਰ’ ਸ਼ੇਅਰ ਵਰਗਾ ਪ੍ਰਦਰਸ਼ਨ ਹੈ।
ਸਿਰਫ਼ ਜਨਵਰੀ ਮਹੀਨੇ ਵਿੱਚ ਹੀ ਕੀਮਤਾਂ ਵਿੱਚ ਕਰੀਬ 25 ਫੀਸਦੀ ਦਾ ਉਛਾਲ ਦੇਖਿਆ ਗਿਆ ਹੈ। ਮੌਜੂਦਾ ਸਮੇਂ ਵਿੱਚ ਚਾਂਦੀ ਪ੍ਰਾਪਰਟੀ ਅਤੇ ਸ਼ੇਅਰਾਂ ਵਰਗੇ ਸਾਰੇ ਨਿਵੇਸ਼ ਸਾਧਨਾਂ ਨੂੰ ਪਛਾੜ ਕੇ ਸਭ ਤੋਂ ਬਿਹਤਰੀਨ ਪ੍ਰਦਰਸ਼ਨ ਕਰਨ ਵਾਲੀ ਸੰਪਤੀ ਬਣ ਗਈ ਹੈ।
ਟਰੇਡ ਵਾਰ (ਵਪਾਰਕ ਜੰਗ) ਦਾ ਖ਼ਤਰਾ
ਬਾਜ਼ਾਰ ਵਿੱਚ ਮਚੀ ਇਸ ਹਲਚਲ ਦੀ ਮੁੱਖ ਵਜ੍ਹਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੀਆਂ ਅਭਿਲਾਸ਼ੀ ਯੋਜਨਾਵਾਂ ਹਨ। ਦਰਅਸਲ, ਟਰੰਪ ਗ੍ਰੀਨਲੈਂਡ ਨੂੰ ਹਾਸਲ ਕਰਨ ਲਈ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ।
ਜਿਨ੍ਹਾਂ ਯੂਰਪੀ ਦੇਸ਼ਾਂ ਨੇ ਉਨ੍ਹਾਂ ਦੀ ਇਸ ਯੋਜਨਾ ਦਾ ਵਿਰੋਧ ਕੀਤਾ, ਉਹ ਹੁਣ ਟਰੰਪ ਦੇ ਨਿਸ਼ਾਨੇ ‘ਤੇ ਹਨ। ਟਰੰਪ ਨੇ ਸਾਫ਼ ਕਰ ਦਿੱਤਾ ਹੈ ਕਿ ਉਹ ਫਰਾਂਸ, ਜਰਮਨੀ ਅਤੇ ਬ੍ਰਿਟੇਨ ਸਮੇਤ ਅੱਠ ਯੂਰਪੀ ਦੇਸ਼ਾਂ ‘ਤੇ ਭਾਰੀ-ਭਰਕਮ ਟੈਰਿਫ (ਆਯਾਤ ਸ਼ੁਲਕ) ਲਗਾਉਣਗੇ।
ਇਹ ਵੀ ਪੜ੍ਹੋ
ਖ਼ਬਰਾਂ ਮੁਤਾਬਕ, 1 ਫਰਵਰੀ ਤੋਂ ਇਨ੍ਹਾਂ ਦੇਸ਼ਾਂ ਦੇ ਸਾਮਾਨ ‘ਤੇ 10% ਸ਼ੁਲਕ ਲਾਗੂ ਹੋਵੇਗਾ, ਜੋ ਜੂਨ ਤੱਕ ਵਧ ਕੇ 25% ਹੋ ਸਕਦਾ ਹੈ। ਅਮਰੀਕਾ ਦੇ ਇਸ ਕਦਮ ਨੇ ਨਿਵੇਸ਼ਕਾਂ ਨੂੰ ਡਰਾ ਦਿੱਤਾ ਹੈ। ਜਦੋਂ ਵੀ ਦੋ ਵੱਡੇ ਦੇਸ਼ਾਂ ਵਿਚਾਲੇ ਵਪਾਰਕ ਜੰਗ ਦੀ ਸਥਿਤੀ ਬਣਦੀ ਹੈ, ਤਾਂ ਲੋਕ ਕਰੰਸੀ ਜਾਂ ਸ਼ੇਅਰ ਬਾਜ਼ਾਰ ਤੋਂ ਪੈਸਾ ਕੱਢ ਕੇ ਸੋਨੇ-ਚਾਂਦੀ ਵਿੱਚ ਲਗਾਉਣਾ ਸੁਰੱਖਿਅਤ ਸਮਝਦੇ ਹਨ।
ਆਮੋ-ਸਾਹਮਣੇ ਹਨ ਅਮਰੀਕਾ ਅਤੇ ਯੂਰਪ
ਮਾਮਲਾ ਸਿਰਫ਼ ਅਮਰੀਕਾ ਦੀ ਕਾਰਵਾਈ ਤੱਕ ਸੀਮਤ ਨਹੀਂ ਹੈ। ਯੂਰਪੀਅਨ ਯੂਨੀਅਨ (EU) ਵੀ ਚੁੱਪ ਬੈਠਣ ਦੇ ਮੂਡ ਵਿੱਚ ਨਹੀਂ ਹੈ। ਰਿਪੋਰਟਾਂ ਅਨੁਸਾਰ, ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਅਤੇ ਹੋਰ ਯੂਰਪੀ ਨੇਤਾ ਜਵਾਬੀ ਹਮਲੇ ਦੀ ਤਿਆਰੀ ਕਰ ਰਹੇ ਹਨ।
ਯੂਰਪ ਅਮਰੀਕਾ ਦੇ ਖ਼ਿਲਾਫ਼ ਆਪਣੇ ਸਭ ਤੋਂ ਸ਼ਕਤੀਸ਼ਾਲੀ ਹਥਿਆਰ ‘ਐਂਟੀ-ਕੋਰਸ਼ਨ ਇੰਸਟ੍ਰੂਮੈਂਟ’ (ACI) ਦੀ ਵਰਤੋਂ ਕਰ ਸਕਦਾ ਹੈ। ਇਸ ਦੇ ਤਹਿਤ ਅਮਰੀਕੀ ਮਾਲ ‘ਤੇ ਕਰੀਬ 93 ਅਰਬ ਯੂਰੋ (108 ਅਰਬ ਡਾਲਰ) ਦਾ ਜਵਾਬੀ ਟੈਕਸ ਲਗਾਉਣ ਦੀ ਚਰਚਾ ਹੈ।
ਇਸ ਤਣਾਅ ਦਾ ਸਿੱਧਾ ਅਸਰ ਗਲੋਬਲ ਮਾਰਕੀਟ ‘ਤੇ ਦਿਖ ਰਿਹਾ ਹੈ। ਸਿੰਗਾਪੁਰ ਵਿੱਚ ਸਪਾਟ ਗੋਲਡ 1.6% ਚੜ੍ਹ ਕੇ 4,668 ਡਾਲਰ ਪ੍ਰਤੀ ਔਂਸ ਅਤੇ ਚਾਂਦੀ 93 ਡਾਲਰ ਦੇ ਪਾਰ ਪਹੁੰਚ ਗਈ ਹੈ। ਪਲੈਟੀਨਮ ਅਤੇ ਪੈਲੇਡੀਅਮ ਵਰਗੀਆਂ ਧਾਤਾਂ ਵਿੱਚ ਵੀ ਤੇਜ਼ੀ ਵੇਖੀ ਜਾ ਰਹੀ ਹੈ।
ਡਾਲਰ ‘ਤੇ ਘਟਿਆ ਭਰੋਸਾ?
ਬਾਜ਼ਾਰ ਦੇ ਮਾਹਿਰਾਂ ਦਾ ਮੰਨਣਾ ਹੈ ਕਿ ਮੌਜੂਦਾ ਭੂ-ਰਾਜਨੀਤਿਕ ਹਾਲਾਤ ਸੋਨੇ-ਚਾਂਦੀ ਲਈ ‘ਆਦਰਸ਼’ ਹਨ। ਕੈਪੀਟਲ ਡਾਟ ਕਾਮ ਦੇ ਵਿਸ਼ਲੇਸ਼ਕ ਕਾਇਲ ਰੋਡਾ ਦਾ ਕਹਿਣਾ ਹੈ ਕਿ ਅਮਰੀਕਾ ਦੀ ਵਿਦੇਸ਼ ਨੀਤੀ ਅਤੇ ਫੈਡਰਲ ਰਿਜ਼ਰਵ ‘ਤੇ ਟਰੰਪ ਪ੍ਰਸ਼ਾਸਨ ਦੇ ਲਗਾਤਾਰ ਹਮਲਿਆਂ ਨੇ ਡਾਲਰ ‘ਤੇ ਨਿਵੇਸ਼ਕਾਂ ਦਾ ਭਰੋਸਾ ਕਮਜ਼ੋਰ ਕੀਤਾ ਹੈ।
ਇਸ ਨੂੰ ਬਾਜ਼ਾਰ ਵਿੱਚ ‘ਡਿਬੇਸਮੈਂਟ ਟਰੇਡ’ ਕਿਹਾ ਜਾ ਰਿਹਾ ਹੈ, ਜਿੱਥੇ ਵੱਧਦੇ ਕਰਜ਼ੇ ਅਤੇ ਸਰਕਾਰੀ ਨੀਤੀਆਂ ਦੀ ਅਨਿਸ਼ਚਿਤਤਾ ਕਾਰਨ ਨਿਵੇਸ਼ਕ ਸਰਕਾਰੀ ਬਾਂਡ ਅਤੇ ਕਰੰਸੀ ਤੋਂ ਦੂਰ ਭੱਜ ਰਹੇ ਹਨ। ਵੈਨੇਜ਼ੁਏਲਾ ਦੇ ਨੇਤਾ ਦੀ ਗ੍ਰਿਫ਼ਤਾਰੀ ਅਤੇ ਗ੍ਰੀਨਲੈਂਡ ਵਿਵਾਦ ਨੇ ਅੱਗ ਵਿੱਚ ਤੇਲ ਦਾ ਕੰਮ ਕੀਤਾ ਹੈ। ਜੇਕਰ ਇਹ ਤਣਾਅ ਘੱਟ ਨਹੀਂ ਹੁੰਦਾ, ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਕੀਮਤੀ ਧਾਤਾਂ ਦੇ ਭਾਅ ਹੋਰ ਵੀ ਨਵੇਂ ਰਿਕਾਰਡ ਬਣਾ ਸਕਦੇ ਹਨ।
