ਸੋਨਾ-ਚਾਂਦੀ ਆਯਾਤ ਕਰਨ ਵਾਲੇ 15 ਬੈਂਕਾਂ ਦੀ ਸੂਚੀ ਜਾਰੀ, ਕੇਂਦਰ ਸਰਕਾਰ ਨੇ 2029 ਤੱਕ ਦਿੱਤੀ ਵਿਸ਼ੇਸ਼ ਮਨਜ਼ੂਰੀ

ਕੇਂਦਰ ਸਰਕਾਰ ਨੇ ਦੇਸ਼ ਦੇ ਪ੍ਰਮੁੱਖ ਬੈਂਕਾਂ ਨੂੰ ਲੈ ਕੇ ਇੱਕ ਅਹਿਮ ਐਲਾਨ ਕੀਤਾ ਹੈ। ਸਟੇਟ ਬੈਂਕ ਆਫ ਇੰਡੀਆ (SBI), ਐਕਸਿਸ ਬੈਂਕ, ਐਚਡੀਐਫਸੀ (HDFC) ਅਤੇ ਬੈਂਕ ਆਫ ਇੰਡੀਆ ਸਮੇਤ 15 ਵੱਡੇ ਬੈਂਕਾਂ ਨੂੰ 1 ਅਪ੍ਰੈਲ 2026 ਤੋਂ 31 ਮਾਰਚ 2029 ਤੱਕ ਸੋਨਾ ਅਤੇ ਚਾਂਦੀ ਆਯਾਤ ਕਰਨ ਦੀ ਅਧਿਕਾਰਤ ਇਜਾਜ਼ਤ ਦੇ ਦਿੱਤੀ ਗਈ ਹੈ। ਹਾਲਾਂਕਿ, ਇਸ ਸੂਚੀ ਵਿੱਚ ਯੂਨੀਅਨ ਬੈਂਕ ਆਫ ਇੰਡੀਆ ਅਤੇ ਸਬੇਰਬੈਂਕ (Sberbank) ਨੂੰ ਵਿਸ਼ੇਸ਼ ਤੌਰ ‘ਤੇ ਸਿਰਫ਼ ਸੋਨਾ ਆਯਾਤ ਕਰਨ ਦੀ ਹੀ ਮਨਜ਼ੂਰੀ ਮਿਲੀ ਹੈ।

ਕਸਟਮ ‘ਤੇ ਫਸੀਆਂ ਖੇਪਾਂ ਅਤੇ ਸ਼ੇਅਰ ਬਾਜ਼ਾਰ ‘ਚ ਹਲਚਲ

ਇਸ ਤੋਂ ਪਹਿਲਾਂ ਰਿਪੋਰਟਾਂ ਆਈਆਂ ਸਨ ਕਿ ਸਰਕਾਰੀ ਮਨਜ਼ੂਰੀ ਨਾ ਹੋਣ ਕਾਰਨ ਭਾਰਤੀ ਬੈਂਕਾਂ ਨੇ ਸੋਨੇ ਅਤੇ ਚਾਂਦੀ ਦੇ ਆਯਾਤ ਆਰਡਰ ਰੋਕ ਦਿੱਤੇ ਸਨ, ਜਿਸ ਕਾਰਨ ਕਈ ਖੇਪਾਂ ਕਸਟਮ ਵਿਭਾਗ ਕੋਲ ਅਟਕੀਆਂ ਹੋਈਆਂ ਸਨ। ਇਸ ਖ਼ਬਰ ਦਾ ਸਿੱਧਾ ਅਸਰ ਜਵੈਲਰੀ ਕੰਪਨੀਆਂ ਦੇ ਸ਼ੇਅਰਾਂ ‘ਤੇ ਦੇਖਣ ਨੂੰ ਮਿਲਿਆ। ਕਲਿਆਣ ਜਵੈਲਰਜ਼ ਦਾ ਸ਼ੇਅਰ ਕਰੀਬ 6 ਫੀਸਦੀ ਡਿੱਗ ਕੇ 415 ਰੁਪਏ ‘ਤੇ ਆ ਗਿਆ, ਜਦਕਿ ਟਾਈਟਨ (Titan Company) ਦਾ ਸ਼ੇਅਰ 3 ਫੀਸਦੀ ਦੀ ਗਿਰਾਵਟ ਨਾਲ 4,330 ਰੁਪਏ ‘ਤੇ ਪਹੁੰਚ ਗਿਆ। ਦੂਜੇ ਪਾਸੇ, ਸਰਕਾਰੀ ਟ੍ਰੇਡਿੰਗ ਕੰਪਨੀ MMTC ਦੇ ਸ਼ੇਅਰਾਂ ਵਿੱਚ ਕਰੀਬ 16 ਫੀਸਦੀ ਦਾ ਵੱਡਾ ਉਛਾਲ ਦੇਖਿਆ ਗਿਆ।

ਸੋਨੇ ਦੀ ਮੰਗ ਅਤੇ ਵਪਾਰ ਘਾਟੇ ‘ਤੇ ਅਸਰ

ਆਰਥਿਕ ਮਾਹਿਰਾਂ ਦਾ ਮੰਨਣਾ ਹੈ ਕਿ ਭਾਰਤ ਵਿੱਚ ਸੋਨੇ-ਚਾਂਦੀ ਦੀ ਕਮਜ਼ੋਰ ਮੰਗ ਕਾਰਨ ਵਿਸ਼ਵ ਪੱਧਰੀ ਕੀਮਤਾਂ ‘ਤੇ ਦਬਾਅ ਪੈ ਸਕਦਾ ਹੈ। ਇਸ ਨਾਲ ਦੇਸ਼ ਦੇ ਵਪਾਰ ਘਾਟੇ (Trade Deficit) ਨੂੰ ਘੱਟ ਕਰਨ ਵਿੱਚ ਮਦਦ ਮਿਲੇਗੀ ਅਤੇ ਭਾਰਤੀ ਰੁਪਏ ਨੂੰ ਵੀ ਮਜ਼ਬੂਤੀ ਮਿਲ ਸਕਦੀ ਹੈ। ਵਰਲਡ ਗੋਲਡ ਕੌਂਸਲ (World Gold Council) ਅਨੁਸਾਰ, ਸਾਲ 2025 ਵਿੱਚ ਭਾਰਤ ਦੀ ਸੋਨੇ ਦੀ ਮੰਗ ਘਟ ਕੇ 710.9 ਟਨ ਰਹਿ ਗਈ ਹੈ, ਜੋ ਪਿਛਲੇ 5 ਸਾਲਾਂ ਦਾ ਸਭ ਤੋਂ ਹੇਠਲਾ ਪੱਧਰ ਹੈ। ਬਾਜ਼ਾਰ ਵਿੱਚ ਪੁਰਾਣਾ ਸਟਾਕ ਤੇਜ਼ੀ ਨਾਲ ਖ਼ਤਮ ਹੋ ਰਿਹਾ ਹੈ ਅਤੇ ਹੁਣ ETF (ਐਕਸਚੇਂਜ ਟ੍ਰੇਡਡ ਫੰਡ) ਰਾਹੀਂ ਸਪਲਾਈ ਆ ਰਹੀ ਹੈ।

ਜਾਣਕਾਰਾਂ ਮੁਤਾਬਕ ਈਰਾਨ ਨਾਲ ਚੱਲ ਰਹੇ ਤਣਾਅ ਕਾਰਨ ਤੇਲ, ਗੈਸ ਅਤੇ ਖਾਦਾਂ ਮਹਿੰਗੀਆਂ ਹੋ ਰਹੀਆਂ ਹਨ, ਜਿਸ ਨਾਲ ਭਾਰਤ ਦਾ ਆਯਾਤ ਬਿੱਲ ਵਧ ਸਕਦਾ ਹੈ। ਇਸ ਸਥਿਤੀ ਨੂੰ ਦੇਖਦੇ ਹੋਏ ਸਰਕਾਰ ਨੇ ਵਪਾਰ ਘਾਟੇ ਨੂੰ ਕੰਟਰੋਲ ਕਰਨ ਲਈ ਸੋਨੇ-ਚਾਂਦੀ ਦੇ ਆਯਾਤ ਦੀ ਰਫ਼ਤਾਰ ਨੂੰ ਮੱਠਾ ਕਰਨ ਦਾ ਫੈਸਲਾ ਲਿਆ ਹੈ।

ਇਨ੍ਹਾਂ ਬੈਂਕਾਂ ਨੂੰ ਮਿਲੀ ਹੈ ਆਯਾਤ ਦੀ ਮਨਜ਼ੂਰੀ

ਸਟੇਟ ਬੈਂਕ ਆਫ ਇੰਡੀਆ (State Bank of India)

ਇਹ ਵੀ ਪੜ੍ਹੋ

ਆਮ ਆਦਮੀ ਦੀ ਪਹੁੰਚ ਤੋਂ ਬਾਹਰ ਸੋਨਾ ਤੇ ਚਾਂਦੀ! ਸਰਕਾਰ ਨੇ ਵਧਾਈ ਇੰਪੋਰਟ ਡਿਊਟੀ

ਸਰਕਾਰ ਦਾ ਵੱਡਾ ਫੈਸਲਾ, ਕੱਚੇ ਤੇਲ ਅਤੇ ਨੈਚੁਰਲ ਗੈਸ ਦੀ ਰਾਇਲਟੀ ਵਿੱਚ ਕੀਤਾ ਬਦਲਾਅ

ਰੇਲਵੇ ਅੱਗੇ ਫਲਾਈਟਾਂ ਹੋਣਗੀਆਂ ਫੇਲ੍ਹ! ਅਸ਼ਵਨੀ ਵੈਸ਼ਨਵ ਨੇ ਕੀਤਾ ਵੱਡਾ ਦਾਅਵਾ

ਐਕਸਿਸ ਬੈਂਕ ਲਿਮਟਿਡ (Axis Bank Limited)

ਐਚਡੀਐਫਸੀ ਬੈਂਕ ਲਿਮਟਿਡ (HDFC Bank Limited)

ਬੈਂਕ ਆਫ ਇੰਡੀਆ (Bank of India)

ਡੌਇਚੇ ਬੈਂਕ (Deutsche Bank)

ਫੈਡਰਲ ਬੈਂਕ ਲਿਮਟਿਡ (Federal Bank Limited)

ਆਈਸੀਆਈਸੀਆਈ ਬੈਂਕ ਲਿਮਟਿਡ (ICICI Bank Limited)

ਇੰਡਸਇੰਡ ਬੈਂਕ ਲਿਮਟਿਡ (IndusInd Bank Limited)

ਕੋਟਕ ਮਹਿੰਦਰਾ ਬੈਂਕ ਲਿਮਟਿਡ (Kotak Mahindra Bank Limited)

ਪੰਜਾਬ ਨੈਸ਼ਨਲ ਬੈਂਕ (Punjab National Bank)

ਇੰਡੀਅਨ ਓਵਰਸੀਜ਼ ਬੈਂਕ (Indian Overseas Bank)

ਯੈੱਸ ਬੈਂਕ ਲਿਮਟਿਡ (Yes Bank Limited)

ਆਰਬੀਐਲ ਬੈਂਕ ਲਿਮਟਿਡ (RBL Bank Limited)

ਕਰੂਰ ਵੈਸ਼ਿਆ ਬੈਂਕ ਲਿਮਟਿਡ (Karur Vysya Bank Limited)

ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਬੈਂਕ ਆਫ ਚਾਈਨਾ ਲਿਮਟਿਡ (ICBC)