1 ਘੰਟਾ AC ਚਲਾਉਣ ਤੇ ਕਿੰਨਾ ਤੇਲ ਪੀਂਦੀ ਹੈ ਕਾਰ, ਮਾਈਲੇਜ ‘ਤੇ ਕੀ ਹੁੰਦਾ ਹੈ ਅਸਰ?
ਅੱਜਕੱਲ੍ਹ ਕਾਰ ਵਿੱਚ AC ਦੀ ਵਰਤੋਂ ਕਰਨਾ ਜ਼ਰੂਰੀ ਹੋ ਗਿਆ ਹੈ, ਪਰ ਇਸ ਨਾਲ ਪੈਟਰੋਲ ਦੀ ਖਪਤ ਨੂੰ ਵੱਧਦੀ ਹੈ। ਕਈ ਲੋਕ ਇਸ ਖਪਤ ਨੂੰ ਘਟਾਉਣ ਲਈ AC ਬੰਦ ਕਰਕੇ ਗੱਡੀ ਚਲਾਉਂਦੇ ਹਨ। ਇਸ ਨਾਲ ਇਹ ਸਵਾਲ ਉੱਠਦਾ ਹੈ: ਜੇਕਰ AC 1 ਘੰਟਾ ਲਗਾਤਾਰ ਚੱਲਦਾ ਹੈ ਤਾਂ ਕਿੰਨਾ ਬਾਲਣ ਫਿਊਲ ਖਰਚ ਹੋਵੇਗਾ?
ਅੱਜ ਦੇ ਸਮੇਂ ਵਿੱਚ, ਏਅਰ ਕੰਡੀਸ਼ਨਰ (AC) ਕਾਰ ਵਿੱਚ ਇੱਕ ਬਹੁਤ ਜਰੂਰੀ ਫੀਚਰ ਬਣ ਚੁੱਕਾ ਹੈ। ਖਾਸ ਕਰਕੇ ਗਰਮੀਆਂ ਵਿੱਚ, AC ਤੋਂ ਬਿਨਾਂ ਗੱਡੀ ਚਲਾਉਣਾ ਲਗਭਗ ਅਸੰਭਵ ਹੈ। ਏਸੀ ਚਲਾਉਣ ਨਾਲ ਪੈਟਰੋਲ ਦੀ ਖਪਤ ਵੱਧ ਜਾਂਦੀ ਹੈ, ਜੋ ਕਾਰ ਦੀ ਮਾਈਲੇਜ ਨੂੰ ਪ੍ਰਭਾਵਿਤ ਕਰਦੀ ਹੈ। ਇਹੀ ਕਾਰਨ ਹੈ ਕਿ ਬਹੁਤ ਸਾਰੇ ਲੋਕ AC ਦੀ ਵਰਤੋਂ ਤੋਂ ਬਚਦੇ ਹਨ ਜਾਂ ਘੱਟ ਕਰਦੇ ਹਨ। ਹੁਣ ਸਵਾਲ ਇਹ ਹੈ ਕਿ ਜੇਕਰ ਏਸੀ 1 ਘੰਟਾ ਲਗਾਤਾਰ ਚੱਲਦਾ ਹੈ ਤਾਂ ਕਿੰਨਾ ਫਿਊਲ ਖਰਚ ਹੋਵੇਗਾ?
ਜੇਕਰ ਅਸੀਂ ਇਸ ਬਾਰੇ ਗੱਲ ਕਰੀਏ ਕਿ 1 ਘੰਟੇ ਵਿੱਚ ਕਿੰਨਾ ਪੈਟਰੋਲ ਖਰਚ ਹੋਵੇਗਾ ਤਾਂ ਜਵਾਬ ਕਾਰ ਦੀ ਕਿਸਮ ਅਤੇ ਇਸਦੇ ਇੰਜਣ ਦੀ ਸਮਰੱਥਾ ‘ਤੇ ਨਿਰਭਰ ਕਰਦਾ ਹੈ। ਹੈਚਬੈਕ ਅਤੇ ਸੇਡਾਨ ਵਰਗੀਆਂ ਛੋਟੀਆਂ ਕਾਰਾਂ ਘੱਟ ਫਿਊਲ ਖਰਚ ਕਰਦੀਆਂ ਹਨ ਕਿਉਂਕਿ ਉਹਨਾਂ ਵਿੱਚ ਆਮ ਤੌਰ ‘ਤੇ 1.2 ਤੋਂ 1.5 ਲੀਟਰ ਦਾ ਇੰਜਣ ਹੁੰਦਾ ਹੈ। 2.0 ਲੀਟਰ ਜਾਂ ਇਸ ਤੋਂ ਵੱਧ ਇੰਜਣ ਵਾਲੀਆਂ ਵੱਡੀਆਂ SUVs ਜ਼ਿਆਦਾ ਫਿਊਲ ਦੀ ਖਪਤ ਕਰਦੀਆਂ ਹਨ। ਨਤੀਜੇ ਵਜੋਂ, ਵੱਡੀਆਂ ਗੱਡੀਆਂ ਵਿੱਚ AC ਚਲਾਉਣ ਨਾਲ ਪੈਟਰੋਲ ਦੀ ਖਪਤ ਵੀ ਵੱਧ ਹੁੰਦੀ ਹੈ। ਹਰੇਕ ਕਾਰ ਲਈ ਬਾਲਣ ਦੀ ਖਪਤ ਵੱਖ-ਵੱਖ ਹੁੰਦੀ ਹੈ।
ਕਿੰਨਾ ਤੇਲ ਪੀਂਦੀ ਹੈ ਕਾਰ?
ਆਮ ਤੌਰ ‘ਤੇ ਦੇਖਿਆ ਗਿਆ ਹੈ ਕਿ 1.2 ਤੋਂ 1.5 ਲੀਟਰ ਇੰਜਣ ਵਾਲੀਆਂ ਹੈਚਬੈਕ ਜਾਂ ਸੇਡਾਨ AC ਚਲਾਉਂਦੇ ਸਮੇਂ ਪ੍ਰਤੀ ਘੰਟਾ ਲਗਭਗ 0.2 ਤੋਂ 0.4 ਲੀਟਰ ਪੈਟਰੋਲ ਦੀ ਖਪਤ ਕਰਦੀਆਂ ਹਨ। ਇਸ ਦੌਰਾਨ, 2.0 ਲੀਟਰ ਜਾਂ ਇਸ ਤੋਂ ਵੱਡੇ ਇੰਜਣ ਵਾਲੀਆਂ SUVs ਪ੍ਰਤੀ ਘੰਟਾ ਲਗਭਗ 0.5 ਤੋਂ 0.7 ਲੀਟਰ ਪੈਟਰੋਲ ਦੀ ਖਪਤ ਕਰ ਸਕਦੀਆਂ ਹਨ। ਹਾਲਾਂਕਿ, ਇਹ ਅੰਕੜੇ ਪੂਰੀ ਤਰ੍ਹਾਂ ਸਥਿਰ ਨਹੀਂ ਹਨ ਅਤੇ ਕਈ ਹੋਰ ਕਾਰਕਾਂ ‘ਤੇ ਨਿਰਭਰ ਕਰਦੇ ਹਨ।
ਬਿਹਤਰ ਕੂਲਿੰਗ ਲਈ ਇਹ ਕਦਮ ਚੁੱਕੋ
ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡੀ ਕਾਰ ਦਾ AC ਸਹੀ ਢੰਗ ਨਾਲ ਕੰਮ ਕਰੇ, ਤਾਂ ਨਿਯਮਤ ਸਰਵਿਸ ਜ਼ਰੂਰੀ ਹੈ। ਕਿਉਂਕਿ ਗੰਦੇ ਫਿਲਟਰ ਅਤੇ ਘੱਟ ਗੈਸ ਸਪਲਾਈ ਕੂਲਿੰਗ ਨੂੰ ਘਟਾਉਂਦੀ ਹੈ ਅਤੇ ਇੰਜਣ ‘ਤੇ ਵਧੇਰੇ ਦਬਾਅ ਪਾਉਂਦੀ ਹੈ। ਹਰ 6-12 ਮਹੀਨਿਆਂ ਬਾਅਦ ਆਪਣੇ AC ਦੀ ਜਾਂਚ ਕਰਵਾਉਣਾ ਫਾਇਦੇਮੰਦ ਰਹਿੰਦਾ ਹੈ। ਦੂਜਾ, ਆਪਣੀ ਕਾਰ ਸ਼ੁਰੂ ਕਰਨ ਤੋਂ ਤੁਰੰਤ ਬਾਅਦ AC ਨੂੰ ਪੂਰੀ ਪਾਵਰ ‘ਤੇ ਨਾ ਚਲਾਓ। ਪਹਿਲਾਂ, ਗਰਮ ਹਵਾ ਨੂੰ ਅੰਦਰੋਂ ਬਾਹਰ ਕੱਢਣ ਲਈ ਖਿੜਕੀਆਂ ਖੋਲ੍ਹੋ, ਫਿਰ ਇਸਨੂੰ ਚਾਲੂ ਕਰੋ। ਇਸ ਨਾਲ ਕੂਲਿੰਗ ਛੇਤੀ ਹੁੰਦੀ ਹੈ ਅਤੇ ਲੋਡ ਘੱਟ ਪੈਂਦਾ ਹੈ।
ਗੱਡੀ ਚਲਾਉਂਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ
ਡਰਾਈਵਿੰਗ ਕਰਦੇ ਸਮੇਂ ਏਸੀ ਨੂੰ ਹਮੇਸ਼ਾ ਮਾਡਰੇਡ ਮੋਡ ‘ਤੇ ਰੱਖੋ। ਲਗਾਤਾਰ ਫੁੱਲ ਸਪੀ਼ਡ ਤੇ ਚੱਲਾਉਣ ਨਾਲ ਪੈਟਰੋਲ ਦੀ ਜ਼ਿਆਦਾ ਖਪਤ ਹੁੰਦੀ ਹੈ। ਨਾਲ ਹੀ, ਕੈਬਿਨ ਨੂੰ ਜ਼ਿਆਦਾ ਗਰਮ ਹੋਣ ਤੋਂ ਰੋਕਣ ਲਈ ਆਪਣੀ ਕਾਰ ਨੂੰ ਛਾਂ ਵਿੱਚ ਪਾਰਕ ਕਰੋ ਜਾਂ ਸਨਸ਼ੇਡ ਦੀ ਵਰਤੋਂ ਕਰੋ। ਨਾਲ ਹੀ, ਯਾਤਰਾ ਦੌਰਾਨ ਵਾਰ-ਵਾਰ ਖਿੜਕੀਆਂ ਜਾਂ ਦਰਵਾਜ਼ੇ ਖੋਲ੍ਹਣ ਤੋਂ ਬਚੋ, ਕਿਉਂਕਿ ਇਸ ਨਾਲ ਕਾਰ ਜ਼ਿਆਦਾ ਗਰਮ ਹੋ ਜਾਂਦੀ ਹੈ। ਇਸ ਤੋਂ ਇਲਾਵਾ, ਰੀਸਰਕੁਲੇਸ਼ਨ ਮੋਡ ਦੀ ਵਰਤੋਂ ਕਰੋ, ਜਿਸ ਨਾਲ ਬਾਹਰ ਦੀ ਗਰਮ ਹਵਾ ਅੰਦਰ ਨਹੀਂ ਆਉਂਦੀ ਅਤੇ ਕੈਬਿਨ ਜਲਦੀ ਠੰਡਾ ਹੁੰਦਾ ਹੈ।
ਇਹ ਵੀ ਪੜ੍ਹੋ
