Padma Awards: ਪਦਮ ਪੁਰਸਕਾਰਾਂ ਨਾਲ ਚਮਕਿਆ ਖੇਡ ਜਗਤ, ਹਰਮਨਪ੍ਰੀਤ ਨੂੰ ਮਿਲਿਆ ਪਦਮ ਸ਼੍ਰੀ; ਰਾਸ਼ਟਰਪਤੀ ਮੁਰਮੂ ਨੇ ਕੀਤਾ ਸਨਮਾਨਿਤ
Padma Awards 2026: ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੇ ਸਾਲ 2026 ਲਈ ਪਦਮ ਪੁਰਸਕਾਰ ਵੰਡੇ ਹਨ। ਭਾਰਤੀ ਮਹਿਲਾ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਨੂੰ ਸੋਮਵਾਰ ਨੂੰ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ। ਉਨ੍ਹਾਂ ਤੋਂ ਇਲਾਵਾ ਪੰਜਾਬ ਦੇ ਸੀਨੀਅਰ ਹਾਕੀ ਕੋਚ ਬਲਦੇਵ ਸਿੰਘ ਨੂੰ ਵੀ ਸਨਮਾਨਿਤ ਕੀਤਾ ਗਿਆ ਹੈ।
ਭਾਰਤੀ ਮਹਿਲਾ ਕ੍ਰਿਕਟ ਨੂੰ ਨਵੀਆਂ ਉਚਾਈਆਂ ‘ਤੇ ਪਹੁੰਚਾਉਣ ਵਾਲੀ ਵਿਸ਼ਵ ਕੱਪ ਜੇਤੂ ਕਪਤਾਨ ਹਰਮਨਪ੍ਰੀਤ ਕੌਰ ਨੂੰ ਸੋਮਵਾਰ ਨੂੰ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੇ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ। ਰਾਸ਼ਟਰਪਤੀ ਨੇ ਜਨਵਰੀ ਵਿੱਚ ਸਾਲ 2026 ਲਈ ਪਦਮ ਪੁਰਸਕਾਰਾਂ ਦਾ ਐਲਾਨ ਕੀਤਾ ਸੀ, ਜਿਸ ਵਿੱਚ ਨੌਂ ਖੇਡ ਸ਼ਖਸੀਅਤਾਂ ਦੀ ਚੋਣ ਕੀਤੀ ਗਈ ਸੀ।
#WATCH | Delhi | President Droupadi Murmu confers Padma Shri on India women’s cricket captain Harmanpreet Kaur for her contributions in the field of Sports (Cricket)
(Video source: President of India/Social Media) pic.twitter.com/Rua8xCLznp — ANI (@ANI) May 25, 2026
ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦਾ ਅਹਿਮ ਹਿੱਸਾ
ਹਰਮਨਪ੍ਰੀਤ ਕੌਰ ਦਾ ਜਨਮ 8 ਮਾਰਚ, 1989 ਨੂੰ ਪੰਜਾਬ ਦੇ ਮੋਗਾ ਵਿੱਚ ਹੋਇਆ ਸੀ। ਬਚਪਨ ਤੋਂ ਹੀ ਕ੍ਰਿਕਟ ਪ੍ਰਤੀ ਜਨੂੰਨੀ, ਹਰਮਨ ਨੂੰ ਛੋਟੀ ਉਮਰ ਵਿੱਚ ਹੀ ਇਸ ਖੇਡ ਵਿੱਚ ਆਪਣੀ ਥਾਂ ਬਣਾ ਲਈ। ਉਨ੍ਹਾਂ ਨੇ 2009 ਵਿੱਚ ਆਪਣਾ ਅੰਤਰਰਾਸ਼ਟਰੀ ਡੈਬਿਊ ਕੀਤਾ ਅਤੇ ਉਦੋਂ ਤੋਂ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੇ ਹਨ। ਉਨ੍ਹਾਂਨੇ ਭਾਰਤ ਲਈ 7 ਟੈਸਟ ਮੈਚ, 164 ਵਨਡੇ ਅਤੇ 195 ਟੀ-20 ਮੈਚ ਖੇਡੇ ਹਨ। ਇਸ ਦੌਰਾਨ, ਉਨ੍ਹਾਂ ਨੇ ਟੈਸਟ ਮੈਚਾਂ ਵਿੱਚ 230 ਦੌੜਾਂ, ਵਨਡੇ ਮੈਚਾਂ ਵਿੱਚ 4541 ਦੌੜਾਂ ਅਤੇ ਟੀ-20 ਮੈਚਾਂ ਵਿੱਚ 3991 ਦੌੜਾਂ ਬਣਾਈਆਂ ਹਨ।
ਹਰਮਨਪ੍ਰੀਤ ਕੌਰ ਨੇ ਆਪਣੇ ਕਰੀਅਰ ਵਿੱਚ ਭਾਰਤ ਲਈ ਕਈ ਮੈਚ ਜਿੱਤੇ ਹਨ। 2017 ਦੇ ਵਨਡੇ ਵਿਸ਼ਵ ਕੱਪ ਵਿੱਚ ਉਨ੍ਹਾਂਦੀ ਅਜੇਤੂ 171 ਦੌੜਾਂ ਦੀ ਪਾਰੀ ਨੂੰ ਅਜੇ ਵੀ ਯਾਦ ਕੀਤਾ ਜਾਂਦਾ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਆਸਟ੍ਰੇਲੀਆ ਵਰਗੀ ਮਜ਼ਬੂਤ ਟੀਮ ਖਿਲਾਫ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। 2017 ਦੇ ਵਿਸ਼ਵ ਕੱਪ ਵਿੱਚ, ਉਨ੍ਹਾਂ ਨੇ ਭਾਰਤ ਨੂੰ ਫਾਈਨਲ ਵਿੱਚ ਪਹੁੰਚਾਇਆ। ਹਾਲ ਹੀ ਵਿੱਚ ਇੱਕ ਰੋਜ਼ਾ ਵਿਸ਼ਵ ਕੱਪ ਜਿੱਤ ਉਨ੍ਹਾਂ ਦੇ ਕਰੀਅਰ ਦੀ ਸਭ ਤੋਂ ਵੱਡੀ ਪ੍ਰਾਪਤੀ ਸੀ, ਜਿਸ ਵਿੱਚ ਉਨ੍ਹਾਂਦੀ ਕਪਤਾਨੀ ਅਤੇ ਬੱਲੇਬਾਜ਼ੀ ਨੇ ਟੀਮ ਨੂੰ ਨਵੀਆਂ ਉਚਾਈਆਂ ‘ਤੇ ਪਹੁੰਚਾਇਆ। ਹੁਣ, ਉਨ੍ਹਾਂ ਦੀ ਨਜ਼ਰ 2026 ਟੀ-20 ਵਿਸ਼ਵ ਕੱਪ ‘ਤੇ ਹੈ।
| ਖਿਡਾਰੀ | ਰਾਜ/ਦੇਸ਼ ਪਦਮ ਸਨਮਾਨ | |
| ਵਿਜੇ ਅੰਮ੍ਰਿਤਰਾਜ | ਅਮਰੀਕਾ | ਪਦਮ ਭੂਸ਼ਣ |
| ਹਰਮਨਪ੍ਰੀਤ ਕੌਰ ਭੁੱਲਰ | ਪੰਜਾਬ | ਪਦਮਸ਼੍ਰੀ |
| ਬਲਦੇਵ ਸਿੰਘ | ਪੰਜਾਬ | ਪਦਮਸ਼੍ਰੀ |
| ਭਗਵਾਨਦਾਸ ਰਾਏਕਵਾਰ | ਮੱਧ ਪ੍ਰਦੇਸ਼ | ਪਦਮਸ਼੍ਰੀ |
| ਕੇ ਪਜ਼ਨੀਵੇਲ | ਪੁਡੂਚੇਰੀ | ਪਦਮਸ਼੍ਰੀ |
| ਪ੍ਰਵੀਨ ਕੁਮਾਰ | ਉੱਤਰ ਪ੍ਰਦੇਸ਼ | ਪਦਮਸ਼੍ਰੀ |
| ਰੋਹਿਤ ਸ਼ਰਮਾ | ਮਹਾਰਾਸ਼ਟਰ | ਪਦਮਸ਼੍ਰੀ |
| ਸਵਿਤਾ ਪੂਨੀਆ | ਹਰਿਆਣਾ | ਪਦਮਸ਼੍ਰੀ |
| ਵਲਾਦੀਮਰ ਮੇਸਤਵੀਰਿਸ਼ਵਿਲੀ (ਮਰਨ ਉਪਰੰਤ) | ਜਾਰਜੀਆ | ਪਦਮਸ਼੍ਰੀ |
#WATCH | Padma Shri awarded to Paralympic gold medallist para high jumper Praveen Kumar by President Droupadi Murmu pic.twitter.com/eIByfLu8Vx
— ANI (@ANI) May 25, 2026ਇਹ ਵੀ ਪੜ੍ਹੋ
ਪ੍ਰਵੀਨ ਕੁਮਾਰ ਨੂੰ ਵੀ ਮਿਲਿਆ ਪਦਮ ਸ਼੍ਰੀ
ਪੈਰਾਲਿੰਪਿਕ ਗੋਲਡ ਮੈਡਲ ਜੇਤੂ, ਪੈਰਾ-ਹਾਈ ਜੰਪਰ ਪ੍ਰਵੀਨ ਕੁਮਾਰ ਨੂੰ ਵੀ ਖੇਡ ਵਿੱਚ ਸ਼ਾਨਦਾਰ ਯੋਗਦਾਨ ਲਈ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ। ਉੱਤਰ ਪ੍ਰਦੇਸ਼ ਦੇ ਨੌਜਵਾਨ ਐਥਲੀਟ ਪ੍ਰਵੀਨ ਕੁਮਾਰ ਦੀ ਕਹਾਣੀ ਪ੍ਰੇਰਨਾਦਾਇਕ ਉਦਾਹਰਣ ਹੈ। ਇੱਕ ਲੱਤ ਵਿੱਚ ਅਪੰਗਤਾ ਨਾਲ ਪੈਦਾ ਹੋਣ ਦੇ ਬਾਵਜੂਦ, ਉਨ੍ਹਾਂ ਨੇ ਕਦੇ ਹਾਰ ਨਹੀਂ ਮੰਨੀ। T64 ਸ਼੍ਰੇਣੀ ਵਿੱਚ ਵਿਸ਼ਵ ਨੰਬਰ 1 ਪੈਰਾ-ਹਾਈ ਜੰਪਰ ਪ੍ਰਵੀਨ ਨੇ ਪੈਰਿਸ 2024 ਪੈਰਾਲੰਪਿਕਸ ਵਿੱਚ ਸੋਨ ਤਗਮਾ ਜਿੱਤਿਆ ਅਤੇ ਏਸ਼ੀਆਈ ਰਿਕਾਰਡ ਵੀ ਬਣਾਇਆ।
