ਗੋਲੀਆਂ ਮਾਰ-ਮਾਰ ਕੇ ਛਾਨਣੀ ਬਣਾ ਦੇਵਾਂਗੇ…ਗੋਲਡੀ ਬਰਾੜ ਨੂੰ ਪਰਮਜੀਤ ਪੰਮਾ ਦੀ ਧਮਕੀ
ਪੰਮਾ ਨੇ ਗੋਲਡੀ ਬਰਾੜ ਨੂੰ ਧਮਕੀ ਦਿੰਦਿਆਂ ਕਿਹਾ ਕਿ ਉਸ ਨੇ ਨਿੱਝਰ ਨੂੰ ਕਤਲ ਕਰਵਾ ਕੇ ਠੀਕ ਨਹੀਂ ਕੀਤਾ। ਉਸ ਨੇ ਗੋਲਡੀ ਬਰਾੜ ਤੇ ਭਾਰਤੀ ਏਜੰਸੀਆਂ ਲਈ ਕੰਮ ਕਰਨ ਦਾ ਵੀ ਇਲਜ਼ਾਮ ਲਗਾਇਆ। ਪੰਮਾ ਨੇ ਕਿਹਾ ਕਿ ਤੁਸੀਂ 40 ਗੋਲੀਆਂ ਚਲਾਈਆਂ, ਅਸੀਂ 4 ਹਜ਼ਾਰ ਗੋਲੀਆਂ ਚਲਾਵਾਂਗੇ ਤੇ ਮਾਰ-ਮਾਰ ਕੇ ਛਾਨਣੀ ਬਣਾ ਦੇਵਾਂਗੇ।
ਬ੍ਰਿਟੇਨ ‘ਚ ਬੈਠੇ ਖਾਲਿਸਤਾਨੀ ਅੱਤਵਾਦੀ ਪਰਮਜੀਤ ਸਿੰਘ ਪੰਮਾ ਵੱਲੋਂ ਗੈਂਗਸਟਰ ਗੋਲਡੀ ਬਰਾੜ ਨੂੰ ਧਮਕੀ ਦਿੱਤੀ ਗਈ ਹੈ। ਉਸ ਦੀ ਇੱਕ ਆਡੀਓ ਵਾਇਰਲ ਰਹੀ ਹੈ। ਪੰਮਾ ਨੇ ਇਲਜ਼ਾਮ ਲਗਾਇਆ ਹੈ ਕਿ ਗੋਲਡੀ ਬਰਾੜ ਨੇ ਉਸ ਦੀ ਕਾਲ ਨੂੰ ਰਿਕਾਰਡ ਕੀਤਾ ਤੇ ਲੀਕ ਕੀਤਾ। ਉਸ ਨੇ ਕਿਹਾ ਕਿ ਆਡੀਓ ‘ਤੇ ਡਰਾਮੇਬਾਜ਼ੀ ਚੱਲ ਰਹੀ ਹੈ।
ਪੰਮਾ ਨੇ ਗੋਲਡੀ ਬਰਾੜ ਨੂੰ ਧਮਕੀ ਦਿੰਦਿਆਂ ਕਿਹਾ ਕਿ ਉਸ ਨੇ ਨਿੱਝਰ ਨੂੰ ਕਤਲ ਕਰਵਾ ਕੇ ਠੀਕ ਨਹੀਂ ਕੀਤਾ। ਉਸ ਨੇ ਗੋਲਡੀ ਬਰਾੜ ਤੇ ਭਾਰਤੀ ਏਜੰਸੀਆਂ ਲਈ ਕੰਮ ਕਰਨ ਦਾ ਵੀ ਇਲਜ਼ਾਮ ਲਗਾਇਆ। ਪੰਮਾ ਨੇ ਕਿਹਾ ਕਿ ਤੁਸੀਂ 40 ਗੋਲੀਆਂ ਚਲਾਈਆਂ, ਅਸੀਂ 4 ਹਜ਼ਾਰ ਗੋਲੀਆਂ ਚਲਾਵਾਂਗੇ ਤੇ ਮਾਰ-ਮਾਰ ਕੇ ਛਾਨਣੀ ਬਣਾ ਦੇਵਾਂਗੇ।
ਪੰਮਾ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਸ ਨੂੰ ਧਮਕੀਆਂ ਮਿਲ ਰਹੀਆਂ ਹਨ ਕਿ ਇੱਕ ਸਾਲ ਦੇ ਅੰਦਰ ਉਸ ਨੂੰ ਮਾਰ ਦਿੱਤਾ ਜਾਵੇਗਾ। ਉਸ ਨੇ ਕਿਹਾ ਕਿ ਉਹ ਧਮਕੀ ਦੇਣ ਵਾਲਿਆਂ ਨੂੰ ਚੁਣੌਤੀ ਦਿੰਦਾ ਹੈ ਕਿ 365 ਦਿਨ ਕੀ, 366 ਦਿਨ ਲੈ ਲਓ, ਦੇਖਦੇ ਹਾਂ ਕਿ ਮਰਦਾ ਕੌਣ ਹੈ। ਪਿਛਲੇ 37 ਸਾਲਾਂ ‘ਚ ਕੋਈ ਵੀ ਮੈਨੂੰ ਮਾਰਨ ‘ਚ ਕਾਮਯਾਬ ਨਹੀਂ ਹੋਇਆ। 12 ਸਾਲਾਂ ‘ਚ ਜਦੋਂ ਮੇਰੀ ਜਾਨ ਲੈਣ ਦੀਆਂ ਕੋਸ਼ਿਸ਼ਾਂ ਹੋਈਆਂ ਹਨ, ਤੁਹਾਡੇ ਦੁਆਰਾ ਭੇਜਿਆ ਗਿਆ ਇੱਕ ਵੀ ਆਦਮੀ ਵਾਪਸ ਨਹੀਂ ਆਇਆ।
“ਨਿੱਝਰ ਦੀ ਪਿੱਠ ‘ਤੇ ਛੁਰਾ ਮਾਰਿਆ”
ਪਰਮਜੀਤ ਸਿੰਘ ਪੰਮਾ ਨੇ ਕਿਹਾ ਕਿ ਗੋਲਡੀ ਬਰਾੜ ਨੇ ਹਰਦੀਪ ਸਿੰਘ ਨਿੱਝਰ ਦੀ ਪਿੱਠ ਤੇ ਛੁਰਾ ਮਾਰਿਆ। ਪੰਮਾ ਨੇ ਕਿਹਾ ਕਿ ਜੇਕਰ ਹਿੰਮਤ ਸੀ ਤਾਂ ਉਹ ਨਿੱਝਰ ਨੂੰ ਪਹਿਲਾਂ ਦੱਸ ਕੇ ਆਉਂਦੇ। ਉਸ ਨੇ ਦਾਅਵਾ ਕੀਤਾ ਕਿ ਨਿੱਝਰ ਨੇ ਸਿੱਖ ਕੌਮ ਲਈ ਕੰਮ ਕੀਤਾ ਤੇ ਉਸ ਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਕੀ ਹੈ ਮਾਮਲਾ?
ਇਸ ਤੋਂ ਪਹਿਲਾਂ ਗੈਂਗਸਟਰ ਗੋਲਡੀ ਬਰਾੜ ਦੀ ਇੱਕ ਕਥਿਤ ਆਡੀਓ ਕਾਲ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋਈ ਸੀ। ਕਥਿਤ ਤੌਰ ਤੇ ਇਹ ਫ਼ੋਨ ਕਾਲ ਪਰਮਜੀਤ ਸਿੰਘ ਪੰਮਾ ‘ਤੇ ਗੋਲਡੀ ਬਰਾੜ ਵਿਚਾਲੇ ਹੋਈ ਦੱਸੀ ਜਾ ਰਹੀ ਸੀ। ਹਾਲਾਂਕਿ, ਇਸ ਆਡੀਓ ਦੀ ਅਧਿਕਾਰਤ ਤੌਰ ਤੇ ਪੁਸ਼ਟੀ ਨਹੀਂ ਹੋਈ ਹੈ। ਕਥਿਤ ਆਡੀਓ ‘ਚ ਗੋਲਡੀ ਬਰਾੜ ਨੇ ਦਾਅਵਾ ਕੀਤਾ ਸੀ ਕਿ ਨਿੱਝਰ ਨੂੰ ਉਸ ਨੇ ਨਿਸ਼ਾਨਾ ਬਣਾਇਆ ਸੀ। ਉਸ ਨੇ ਇਹ ਵੀ ਕਿਹਾ ਸੀ ਕਿ ਗੁਰੂ ਘਰ ਦੀ ਮਰਿਆਦਾ ਨੂੰ ਧਿਆਨ ‘ਚ ਰੱਖਦਿਆਂ ਗੋਲੀਆਂ ਗੁਰਦੁਆਰੇ ਦੇ ਅੰਦਰ ਨਹੀਂ ਚਲਾਈਆਂ ਗਈਆਂ।
ਇਹ ਵੀ ਪੜ੍ਹੋ
ਜੂਨ 2023 ‘ਚ ਹੋਇਆ ਸੀ ਨਿੱਝਰ ਦਾ ਕਤਲ
ਹਰਦੀਪ ਸਿੰਘ ਨਿੱਝਰ ਦਾ ਜੂਨ 2023 ‘ਚ ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਦੇ ਸਰੀ ‘ਚ ਗੁਰੂ ਨਾਨਕ ਸਿੱਖ ਗੁਰਦੁਆਰੇ ਦੇ ਨੇੜੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਨਿੱਝਰ ਆਪਣੀ ਕਾਰ ‘ਚ ਗੁਰਦੁਆਰੇ ਦੇ ਬਾਹਰ ਪਾਰਕਿੰਗ ‘ਚ ਮੌਜੂਦ ਸੀ, ਜਦੋਂ ਦੋ ਹਮਲਾਵਰਾਂ ਨੇ ਉਸ ਤੇ ਗੋਲੀਆਂ ਚਲਾ ਦਿੱਤੀਆਂ ਸਨ।
