ਚੰਨੀ ਦੇ ਬਿਆਨ ‘ਤੇ ਬਿੱਟੂ ਦਾ ਪਲਟਵਾਰ, ਬੋਲੇ- ਉਨ੍ਹਾਂ ਨੇ ਕਾਲਜਾਂ ‘ਚ ਜਾ ਕੇ ਜੋ Meetoo ਦੀ ਪੜ੍ਹਾਈ ਕੀਤੀ, ਉਹ ਅਸੀਂ ਨਹੀਂ ਪੜ੍ਹੇ

ਸਾਬਕਾ ਕੇਂਦਰੀ ਮੰਤਰੀ ਰਵਨੀਤ ਸਿੰਘ ਬਿੱਟੂ ਨੇ ਸੋਮਵਾਰ ਨੂੰ ਲੁਧਿਆਣਾ ਵਿੱਚ ਇੱਕ ਵਾਰ ਫਿਰ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ‘ਤੇ ਨਿਸ਼ਾਨਾ ਸਾਧਿਆ। ਬਿੱਟੂ ਨੇ ਚੰਨੀ ਵੱਲੋਂ ਆਪਣੀ ਸਿੱਖਿਆ ਬਾਰੇ ਕੀਤੀਆਂ ਟਿੱਪਣੀਆਂ ਦਾ ਜਵਾਬ ਦਿੰਦੇ ਹੋਏ ਨਿੱਜੀ ਇਲਜ਼ਾਮਾਂ ਅਤੇ Meetoo ਵਿਵਾਦ ਦਾ ਹਵਾਲਾ ਦਿੱਤਾ। ਬਿੱਟੂ ਨੇ ਕਿਹਾ ਕਿ ਰਾਜਨੀਤਿਕ ਆਗੂ ਅਕਸਰ ਇੱਕ ਦੂਜੇ ‘ਤੇ ਸਵਾਲ ਉਠਾਉਂਦੇ ਹਨ। ਉਨ੍ਹਾਂ ਕਿਹਾ ਕਿ ਚੰਨੀ ਆਪਣੀ ਸਿੱਖਿਆ ਬਾਰੇ ਗੱਲ ਕਰਦੇ ਹਨ ਪਰ ਉਨ੍ਹਾਂ ਨੂੰ ਆਪਣੀ ਸਿੱਖਿਆ ਬਾਰੇ ਵੀ ਚਰਚਾ ਕਰਨੀ ਚਾਹੀਦੀ ਹੈ।

‘ਜੋ ਪੜ੍ਹਾਈ ਚੰਨੀ ਨੇ ਕੀਤੀ, ਉਹ ਅਸੀਂ ਨਹੀਂ ਕੀਤਾ’

ਇਸ ਦੌਰਾਨ ਬਿੱਟੂ ਨੇ ਕਿਹਾ, ਚੰਨੀ ਨੇ ਕਾਲਜ਼ਾਂ ਵਿੱਚ ਜਾ ਕੇ ਜੋ Meetoo ਦੀ ਪੜ੍ਹਾਈ ਕੀਤੀ, ਉਹ ਪੜ੍ਹਾਈ ਅਸੀਂ ਕਦੇ ਨਹੀਂ ਕੀਤੀ। ਮੁੱਖ ਮੰਤਰੀ ਹੋਣ ਦੇ ਨਾਤੇ ਵੀ ਚੰਨੀ ਨੇ ਆਈਏਐਸ ਅਧਿਕਾਰੀਆਂ ਨੂੰ ਨਹੀਂ ਛੱਡਿਆ। ਉਨ੍ਹਾਂ ਨੂੰ ਆਪਣੀ ਸਿੱਖਿਆ ਦਾ ਸਤਿਕਾਰ ਕਰਨਾ ਚਾਹੀਦਾ ਸੀ।” ਉਨ੍ਹਾਂ ਅੱਗੇ ਕਿਹਾ ਕਿ ਉਨ੍ਹਾਂ ਨੇ ਸਕੂਲ ਜਾਂ ਕਾਲਜ ਵਿੱਚ ਅਜਿਹੀ “ਉਂਗਲ-ਅਧਾਰਤ ਸਿੱਖਿਆ” ਦੀ ਪੜ੍ਹਾਈ ਨਹੀਂ ਕੀਤੀ। ਬਿੱਟੂ ਨੇ ਦਾਅਵਾ ਕੀਤਾ ਕਿ ਜੇਕਰ ਚੰਨੀ ਚਾਹੁੰਦੇ ਹਨ, ਤਾਂ ਉਹ ਸੰਬੰਧਿਤ ਵੀਡੀਓ ਵੀ ਭੇਜ ਸਕਦੇ ਹਨ।

‘ਚੰਨੀ ਦੀ ਉਂਗਲ ਜਿਸ ਤਰ੍ਹਾਂ ਚਲਦੀ ਹੈ, ਮੇਰੀ ਨਹੀਂ ਚਲਦੀ’

ਬਿੱਟੂ ਨਿਸ਼ਾਨਾ ਸਾਧਦਿਆਂ ਕਿਹਾ ਜਿਵੇਂ ਚੰਨੀ ਦੀ ਉਂਗਲ ਚਲਦੀ ਹੈ, ਮੇਰੀ ਉਸ ਤਰ੍ਹਾਂ ਚਲ ਹੀ ਨਹੀਂ ਸਕਦੀ। ਉਨ੍ਹਾਂ ਨੇ ਚੰਨੀ ਦੇ ਬਿਆਨਾਂ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਕਦੇ ਉਹ ਬੱਕਰੀਆਂ ਨੂੰ ਦੁੱਧ ਕੱਢਣ ਅਤੇ ਕਦੇ ਮੰਜੇ ਬਣਾਉਣ ਦੀ ਗੱਲ੍ਹ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਅਜਿਹੀ ਪੜ੍ਹਾਈ ਨਹੀਂ ਕੀਤੀ।

ਕਰੋੜਾਂ ਦੀਆਂ ਜਾਇਦਾਦਾਂ ਬਣਾਈਆਂ

ਰਵਨੀਤ ਸਿੰਘ ਬਿੱਟੂ ਨੇ ਚੰਨੀ ‘ਤੇ ਲੋਕਾਂ ਨਾਲ ਧੋਖਾ ਕਰਕੇ ਕਰੋੜਾਂ ਦੀ ਜਾਇਦਾਦ ਇਕੱਠੀ ਕਰਨ ਦਾ ਇਲਜ਼ਾਮ ਲਗਾਇਆ। ਉਨ੍ਹਾਂ ਨੇ ਕਿਹਾ ਕਿ ਉਹ ਅਜਿਹੀ ਪੜ੍ਹਾਈ ਦਾ ਖਰਚਾ ਨਹੀਂ ਚੁੱਕ ਸਕਦਾ।