Happy New Year: ਦੁਨੀਆ ਭਰ ਵਿੱਚ ਨਵੇਂ ਸਾਲ ਦੇ ਜਸ਼ਨ ਸ਼ੁਰੂ: ਭਾਰਤ ਤੋਂ 9 ਘੰਟੇ ਪਹਿਲਾਂ ਇਨ੍ਹਾਂ 2 ਦੇਸ਼ਾਂ ਵਿੱਚ 2026 ਦਾ ਆਗਾਜ
Happy New Year 2026: ਜਦੋਂ ਕਿ ਦੁਨੀਆ ਦੇ ਜ਼ਿਆਦਾਤਰ ਦੇਸ਼ ਨਵੇਂ ਸਾਲ ਦਾ ਸਵਾਗਤ ਕਰਨ ਲਈ ਇੰਤਜ਼ਾਰ ਕਰ ਰਹੇ ਹਨ, ਤਾਂ ਭਾਰਤ ਤੋਂ ਲਗਭਗ 9 ਘੰਟੇ ਪਹਿਲਾਂ ਕਿਰੀਬਾਤੀ ਦੇ ਕਿਰੀਤਿਮਾਤੀ ਟਾਪੂ ਅਤੇ ਨਿਊਜ਼ੀਲੈਂਡ ਦੇ ਚੈਥਮ ਆਈਲੈਂਡ ਤੇ 2026 ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਇਹ ਪ੍ਰਸ਼ਾਂਤ ਮਹਾਸਾਗਰ ਖੇਤਰ ਦੁਨੀਆਂ ਵਿੱਚ ਹਰ ਸਾਲ ਸਭਤੋਂ ਪਹਿਲਾਂ ਨਵੇਂ ਸਾਲ ਦਾ ਸਵਾਗਤ ਕਰਦੇ ਹਨ।
ਜਦੋਂ ਕਿ ਜ਼ਿਆਦਾਤਰ ਦੇਸ਼ ਅਜੇ ਵੀ ਅੱਧੀ ਰਾਤ ਨੂੰ ਘੜੀ ਵੱਜਣ ਦੀ ਉਡੀਕ ਕਰ ਰਹੇ ਹਨ, ਪ੍ਰਸ਼ਾਂਤ ਮਹਾਸਾਗਰ ਦੇ ਦੋ ਦੂਰ-ਦੁਰਾਡੇ ਖੇਤਰਾਂ ਵਿੱਚ ਨਵੇਂ ਸਾਲ ਦੇ ਜਸ਼ਨ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕੇ ਹਨ। ਭਾਰਤ ਤੋਂ ਲਗਭਗ 9 ਘੰਟੇ ਪਹਿਲਾਂ ਇੱਥੇ 2026 ਨੇ ਦਸਤੱਕ ਦੇ ਦਿੱਤੀ ਹੈ।
ਨਵਾਂ ਸਾਲ 2026 ਦੁਨੀਆ ਵਿੱਚ ਸਭ ਤੋਂ ਪਹਿਲਾਂ ਕਿਰੀਬਾਤੀ ਦੇ ਛੋਟੇ ਟਾਪੂ ‘ਤੇ ਪਹੁੰਚਿਆ, ਜਿੱਥੇ ਜਸ਼ਨ ਅੱਧੀ ਰਾਤ ਨੂੰ ਸ਼ੁਰੂ ਹੋਏ ਸਨ। ਥੋੜ੍ਹੀ ਦੇਰ ਬਾਅਦ, ਲੋਕਾਂ ਨੇ ਨਿਊਜ਼ੀਲੈਂਡ ਦੇ ਚੈਥਮ ਟਾਪੂ ਵਿੱਚ ਵੀ ਨਵੇਂ ਸਾਲ ਦਾ ਸਵਾਗਤ ਕੀਤਾ।
ਕਿਰੀਬਾਤੀ ਕਿੱਥੇ ਹੈ?
ਕਿਰੀਬਾਤੀ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਇੱਕ ਟਾਪੂ ਦੇਸ਼ ਹੈ, ਜੋ ਹਵਾਈ ਦੇ ਦੱਖਣ ਵਿੱਚ ਅਤੇ ਆਸਟ੍ਰੇਲੀਆ ਦੇ ਉੱਤਰ-ਪੂਰਬ ਵਿੱਚ ਸਥਿਤ ਹੈ। ਇਹ ਦੇਸ਼ 33 ਛੋਟੇ ਅਤੇ ਵੱਡੇ ਐਟੋਲm (ਕੋਰਲ ਨਾਲ ਬਣੇ ਟਾਪੂ) ਤੋਂ ਮਿਲਾ ਕੇ ਬਣਿਆ ਹੈ ਅਤੇ ਲਗਭਗ 4,000 ਕਿਲੋਮੀਟਰ ਤੱਕ ਫੈਲਿਆ ਹੋਇਆ ਹੈ।
ਕਿਰੀਬਾਤੀ ਨੇ 1979 ਵਿੱਚ ਬ੍ਰਿਟੇਨ ਤੋਂ ਆਜ਼ਾਦੀ ਪ੍ਰਾਪਤ ਕੀਤੀ ਅਤੇ ਇਸਦੀ ਆਬਾਦੀ ਲਗਭਗ 116,000 ਹੈ। ਦਿਲਚਸਪ ਗੱਲ ਇਹ ਹੈ ਕਿ ਭਾਵੇਂ ਕਿਰੀਬਾਤੀ ਭੂਗੋਲਿਕ ਤੌਰ ‘ਤੇ ਹਵਾਈ ਦੇ ਨੇੜੇ ਹੈ, ਇਹ ਨਵੇਂ ਸਾਲ ਦਾ ਦਿਨ ਇੱਕ ਪੂਰਾ ਦਿਨ ਪਹਿਲਾਂ ਮਨਾਉਂਦਾ ਹੈ। ਇਸ ਦੀ ਵਜ੍ਹਾ 1994 ਵਿੱਚ ਕੀਤਾ ਗਿਆ ਟਾਈਮ ਜੋਨ ਦਾ ਬਦਲਾਅ ਹੈ, ਜਿਸ ਨਾਲ ਸਾਰੇ ਟਾਪੂਆਂ ‘ਤੇ ਇੱਕੋ ਤਾਰੀਖ ਯਕੀਨੀ ਬਣਾਈ ਜਾ ਸਕੇ। ਕਿਰੀਬਾਤੀ ਨੂੰ ਦੁਨੀਆ ਦਾ ਪਹਿਲਾ ਨਵਾਂ ਸਾਲ ਮਣਾਉਣ ਵਾਲਾ ਇਲਾਕਾ ਕਿਹਾ ਜਾਂਦਾ ਹੈ।
ਇਹ ਵੀ ਪੜ੍ਹੋ
ਸਮੁੰਦਰ ਨਾਲ ਘਿਰਿਆ, ਪਰ ਖ਼ਤਰੇ ਹੇਠ
ਕਿਰੀਬਾਤੀ ਦੇ ਕਈ ਦੱਵੀਪ ਬਹੁਤ ਘੱਟ ਉਚਾਈ ‘ਤੇ ਵੱਸੇ ਹੋਏ ਹਨ ਅਤੇ ਸਮੁੰਦਰ ਦੇ ਵਧਦੇ ਪੱਧਰ ਕਾਰਨ ਖ਼ਤਰੇ ਵਿੱਚ ਹਨ। ਇਸ ਦੇ ਬਾਵਜੂਦ, ਇੱਥੇ ਨਵਾਂ ਸਾਲ ਬਹੁਤ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ। ਇਸ ਖੇਤਰ ਨੂੰ ਦੱਖਣੀ ਪ੍ਰਸ਼ਾਂਤ ਵਿੱਚ ਸਭ ਤੋਂ ਵੱਡਾ ਮਰੀਨ ਰਿਜ਼ਰਵ ਵੀ ਮੰਨਿਆ ਜਾਂਦਾ ਹੈ।
ਨਿਊਜ਼ੀਲੈਂਡ ਵਿੱਚ ਵੀ ਜਲਦੀ ਆਈ 2026 ਦੀ ਸਵੇਰ
ਕਿਰੀਬਾਤੀ ਤੋਂ ਬਾਅਦ, ਨਿਊਜ਼ੀਲੈਂਡ ਦੇ ਚੈਥਮ ਆਈਲੈਂਡ ਵਿੱਚ ਵੀ ਨਵਾਂ ਸਾਲ ਪਹੁੰਚ ਗਿਆ। ਇੱਥੇ ਸਿਰਫ਼ 600 ਲੋਕ ਰਹਿੰਦੇ ਹਨ। ਸਥਾਨਕ ਲੋਕ ਹੋਟਲ ਚੈਥਮ ਦੇ ਬਾਰ ਵਿੱਚ 2025 ਦੇ ਆਖਰੀ ਪਲ ਇਕੱਠੇ ਬਿਤਾ ਰਹੇ ਸਨ। ਹੋਟਲ ਮਾਲਕ ਟੋਨੀ ਕਰੂਨ ਦੇ ਅਨੁਸਾਰ, ਨੌਜਵਾਨ ਦੇਰ ਤੱਕ ਜਾਗਣਗੇ, ਪਰ ਬੁਜੁਰਗ ਪਹਿਲਾਂ ਹੀ ਸੌਂ ਜਾਣ। ਟੋਨੀ ਕਹਿੰਦੀ ਹੈ ਕਿ ਲੋਕਾਂ ਦਾ ਇਸ ਜਗ੍ਹਾ ਨਾਲ ਇੱਕ ਖਾਸ ਲਗਾਅ ਹੈ। ਇੱਥੇ 2026 ਦਾ ਸਵਾਗਤ ਕਰਨਾ ਸੱਚਮੁੱਚ ਖਾਸ ਹੈ, ਕਿਉਂਕਿ ਅਸੀਂ ਦੁਨੀਆ ਤੋਂ ਕੱਟੇ ਹੋਏ ਹਾਂ, ਪਰ ਇੱਕ ਦੂਜੇ ਨਾਲ ਜੁੜੇ ਹੋਏ ਹਾਂ।
