ਡੋਨਾਲਡ ਟਰੰਪ ਦੀ ਸੁਰੱਖਿਆ ‘ਚ ਵੱਡੀ ਢਿੱਲ, ਜੈੱਟ ਜਹਾਜ਼ ਨਾਲ ਟਕਰਾਉਣ ਤੋਂ ਵਾਲ-ਵਾਲ ਬਚਿਆ ਅਮਰੀਕੀ ਰਾਸ਼ਟਰਪਤੀ ਦਾ ਹੈਲੀਕਾਪਟਰ
ਸੂਤਰਾਂ ਅਨੁਸਾਰ ਉਡਾਣ ਦੌਰਾਨ ਦੋਵਾਂ ਜਹਾਜ਼ਾਂ ਵਿਚਾਲੇ ਲੋੜੀਂਦੀ ਦੂਰੀ ਨਹੀਂ ਰਹੀ, ਜਿਸ ਨੂੰ ਏਵੀਏਸ਼ਨ ਭਾਸ਼ਾ 'ਚ "ਲਾਸ ਆਫ ਸੈਪਰੇਸ਼ਨ" ਕਿਹਾ ਜਾਂਦਾ ਹੈ। ਹਾਲਾਂਕਿ ਦੋਵੇਂ ਜਹਾਜ਼ ਟਕਰਾਉਣ ਦੀ ਸਥਿਤੀ 'ਚ ਨਹੀਂ ਸਨ ਤੇ ਆਪਣੀ-ਆਪਣੀ ਯਾਤਰਾ ਬਿਨਾਂ ਕਿਸੇ ਰੁਕਾਵਟ ਦੇ ਜਾਰੀ ਰੱਖੀ।
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਹਵਾਈ ਸੁਰੱਖਿਆ ‘ਚ ਇੱਕ ਵੱਡੀ ਢਿੱਲ ਵਰਤਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਨੇ ਇਸ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਟਰੰਪ ਦਾ ਅਧਿਕਾਰਤ ਹੈਲੀਕਾਪਟਰ ਮਰੀਨ ਵਨ ਵਾਸ਼ਿੰਗਟਨ ਡੀ.ਸੀ. ਦੇ ਉੱਪਰ ਇੱਕ ਹੋਰ ਜਹਾਜ਼ ਦੇ ਬਹੁਤ ਨੇੜੇ ਆ ਗਿਆ ਸੀ, ਜੋ ਹਵਾਈ ਸੁਰੱਖਿਆ ਨਿਯਮਾਂ ਦੇ ਉਲਟ ਸੀ।
ਰਿਪੋਰਟਾਂ ਮੁਤਾਬਕ ਮੰਗਲਵਾਰ ਦੁਪਹਿਰ ਜਦੋਂ ਰਾਸ਼ਟਰਪਤੀ ਟਰੰਪ ਨੂੰ ਲੈ ਕੇ ਮਰੀਨ ਵਨ ਨੇ ਵ੍ਹਾਈਟ ਹਾਊਸ ਤੋਂ ਉਡਾਣ ਭਰੀ ਤਾਂ ਏਅਰ ਟ੍ਰੈਫਿਕ ਕੰਟਰੋਲ (ATC) ਰੋਨਾਲਡ ਰੀਗਨ ਨੈਸ਼ਨਲ ਏਅਰਪੋਰਟ ‘ਤੇ ਵਪਾਰਕ ਉਡਾਣਾਂ ਨੂੰ ਸਮੇਂ ਸਿਰ ਰੋਕਣ ‘ਚ ਨਾਕਾਮ ਰਿਹਾ। ਇਸ ਦੌਰਾਨ ਫਲੋਰਿਡਾ ਜਾ ਰਿਹਾ ਇੱਕ ਯਾਤਰੀ ਜੈੱਟ ਤੇ ਰਾਸ਼ਟਰਪਤੀ ਦਾ ਹੈਲੀਕਾਪਟਰ ਨਿਰਧਾਰਤ ਸੁਰੱਖਿਅਤ ਦੂਰੀ ਤੋਂ ਵੱਧ ਨੇੜੇ ਆ ਗਏ।
ਟਕਰਾਉਣ ਦੀ ਸਥਿਤੀ ਨਹੀਂ ਬਣੀ
ਸੂਤਰਾਂ ਅਨੁਸਾਰ ਉਡਾਣ ਦੌਰਾਨ ਦੋਵਾਂ ਜਹਾਜ਼ਾਂ ਵਿਚਾਲੇ ਲੋੜੀਂਦੀ ਦੂਰੀ ਨਹੀਂ ਰਹੀ, ਜਿਸ ਨੂੰ ਏਵੀਏਸ਼ਨ ਭਾਸ਼ਾ ‘ਚ “ਲਾਸ ਆਫ ਸੈਪਰੇਸ਼ਨ” ਕਿਹਾ ਜਾਂਦਾ ਹੈ। ਹਾਲਾਂਕਿ ਦੋਵੇਂ ਜਹਾਜ਼ ਟਕਰਾਉਣ ਦੀ ਸਥਿਤੀ ‘ਚ ਨਹੀਂ ਸਨ ਤੇ ਆਪਣੀ-ਆਪਣੀ ਯਾਤਰਾ ਬਿਨਾਂ ਕਿਸੇ ਰੁਕਾਵਟ ਦੇ ਜਾਰੀ ਰੱਖੀ। FAA ਨੇ ਵੀ ਆਪਣੇ ਬਿਆਨ ‘ਚ ਕਿਹਾ ਕਿ ਮਰੀਨ ਵਨ ਨਾਲ ਜੁੜੀ ਇਸ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਪਰ ਸ਼ੁਰੂਆਤੀ ਜਾਣਕਾਰੀ ਮੁਤਾਬਕ ਇਹ ਕੋਈ ਖ਼ਤਰਨਾਕ ਸਥਿਤੀ ਨਹੀਂ ਸੀ।
ਰਾਸ਼ਟਰਪਤੀ ਨੂੰ ਕੋਈ ਖ਼ਤਰਾ ਨਹੀਂ ਸੀ: ਵ੍ਹਾਈਟ ਹਾਊਸ
ਵ੍ਹਾਈਟ ਹਾਊਸ ਦੇ ਬੁਲਾਰੇ ਕੁਸ਼ ਦੇਸਾਈ ਨੇ ਕਿਹਾ, “ਮਰੀਨ ਵਨ ਦੀਆਂ ਉਡਾਣਾਂ ਦੁਨੀਆ ਦੇ ਸਭ ਤੋਂ ਤਜਰਬੇਕਾਰ ਪਾਇਲਟ ਉਡਾਉਂਦੇ ਹਨ ਤੇ ਰਾਸ਼ਟਰਪਤੀ ਨੂੰ ਕਿਸੇ ਵੀ ਸਮੇਂ ਕੋਈ ਖ਼ਤਰਾ ਨਹੀਂ ਸੀ।”
ਹਾਲਾਂਕਿ, ਇਹ ਘਟਨਾ ਉਸ ਸਮੇਂ ਵਾਪਰੀ ਹੈ ਜਦੋਂ ਪਿਛਲੇ ਸਾਲ ਜਨਵਰੀ ‘ਚ ਵਾਸ਼ਿੰਗਟਨ ਡੀ.ਸੀ. ‘ਚ ਇੱਕ ਕਮਰਸ਼ੀਅਲ ਜਹਾਜ਼ ਤੇ ਫੌਜ ਦੇ ਬਲੈਕ ਹਾਕ ਹੈਲੀਕਾਪਟਰ ਦੀ ਟੱਕਰ ‘ਚ 67 ਲੋਕਾਂ ਦੀ ਮੌਤ ਤੋਂ ਬਾਅਦ FAA ਨੇ ਸੁਰੱਖਿਆ ਨਿਯਮ ਹੋਰ ਸਖ਼ਤ ਕਰ ਦਿੱਤੇ ਸਨ। ਉਸ ਹਾਦਸੇ ਨੂੰ ਪਿਛਲੇ ਦੋ ਦਹਾਕਿਆਂ ‘ਚ ਅਮਰੀਕਾ ਦਾ ਸਭ ਤੋਂ ਘਾਤਕ ਹਵਾਈ ਹਾਦਸਾ ਮੰਨਿਆ ਗਿਆ ਸੀ। Source: TV9 Hindi.com
ਇਹ ਵੀ ਪੜ੍ਹੋ
