Viral Video: ਮਹਿਲਾ ਨੇ ਮਿਕਸੀ ‘ਚ ਹੀ ਧੋ ਲਏ ਕੱਪੜੇ, ਜੁਗਾੜ ਦਾ ਇਹ ਵੀਡੀਓ ਦੇਖ ਹੈਰਾਨ ਰਹਿ ਗਏ ਯੂਜ਼ਰਸ
Viral Video: ਇੱਕ ਮਹਿਲਾ ਦਾ ਜੁਗਾੜ ਵਾਲਾ ਵੀਡੀਓ ਇਨ੍ਹਾਂ ਦਿਨਾਂ ਲੋਕਾਂ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਜਿਸ ਵਿੱਚ ਉਹ ਕੱਪੜੇ ਧੋਣ ਲਈ ਵਾਸ਼ਿੰਗ ਮਸ਼ੀਨ ਨਹੀਂ, ਬਲਕਿ ਮਸਾਲੇ ਪੀਸਣ ਵਾਲੀ ਮਿਕਸੀ ਦਾ ਇਸਤੇਮਾਲ ਕਰ ਰਹੀ ਹੈ। ਇਸ ਦੇਸੀ ਜੁਗਾੜ ਨੂੰ ਵੇਖ ਕੇ ਹਰ ਕੋਈ ਹੈਰਾਨ ਵੀ ਹੈ ਅਤੇ ਹੱਸਦਾ ਵੀ ਨਜ਼ਰ ਆ ਰਿਹਾ ਹੈ।
ਭਾਰਤ ‘ਚ ਜੁਗਾੜ ਦੀਆਂ ਮਿਸਾਲਾਂ ਬੇਅੰਤ ਹਨ। ਕੋਈ ਪੁਰਾਣੀ ਸਾਈਕਲ ਨੂੰ ਮੋਟਰਸਾਈਕਲ ਬਣਾ ਲੈਂਦਾ ਹੈ, ਕੋਈ ਟੁੱਟੇ ਟੀਵੀ ਨੂੰ ਹੈਲਮਟ ਵਾਂਗ ਪਾ ਲੈਂਦਾ ਹੈ। ਕੋਈ ਮਿੱਟੀ ਦੇ ਘੜੇ ਤੋਂ ਕੂਲਰ ਬਣਾ ਲੈਂਦਾ ਹੈ, ਤਾਂ ਕੋਈ ਰੋਟੀ ਫੁਲਾਉਣ ਵਾਲੀ ਮਸ਼ੀਨ ਤਿਆਰ ਕਰਦਾ ਹੈ। ਇਹ ਸੋਚ ਖ਼ਾਸ ਤੌਰ ਤੇ ਭਾਰਤੀਆਂ ‘ਚ ਹੀ ਵੇਖਣ ਨੂੰ ਮਿਲਦੀ ਹੈ, ਜੋ ਕਿਸੇ ਵੀ ਚੁਣੌਤੀ ਨੂੰ ਨਾ ਮੁਮਕਿਨ ਨਹੀਂ ਮੰਨਦੇ। ਹਾਲ ਹੀ ‘ਚ ਇੱਕ ਅਜਿਹਾ ਵੀਡੀਓ ਵਾਇਰਲ ਹੋਇਆ ਹੈ, ਜਿਸ ਨੇ ਦੇਸੀ ਜੁਗਾੜ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ। ਇਹ ਵੀਡੀਓ ਵੇਖ ਕੇ ਲੋਕ ਇੱਕੋ ਸਮੇਂ ਹੈਰਾਨ ਵੀ ਹੋ ਰਹੇ ਹਨ ਤੇ ਹੱਸ-ਹੱਸ ਕੇ ਲੋਟਪੋਟ ਵੀ ਹੋ ਰਹੇ ਹਨ। ਵੀਡੀਓ ‘ਚ ਇੱਕ ਮਹਿਲਾ ਮਿਕਸੀ ਨੂੰ ਵਾਸ਼ਿੰਗ ਮਸ਼ੀਨ ਵਾਂਗ ਵਰਤਦੀ ਨਜ਼ਰ ਆਉਂਦੀ ਹੈ। ਸੁਣਨ ‘ਚ ਭਲੇ ਹੀ ਅਜੀਬ ਲੱਗੇ ਪਰ ਇਹ ਸੱਚ ਹੈ।
ਵੀਡੀਓ ‘ਚ ਵੇਖਿਆ ਜਾ ਸਕਦਾ ਹੈ ਕਿ ਇੱਕ ਮਹਿਲਾ ਜ਼ਮੀਨ ‘ਤੇ ਬੈਠੀ ਹੈ। ਉਸ ਦੇ ਸਾਹਮਣੇ ਵਾਸ਼ਿੰਗ ਮਸ਼ੀਨ ਨਹੀਂ, ਸਧਾਰਨ ਮਿਕਸੀ ਪਈ ਹੋਈ ਹੈ। ਪਹਿਲਾਂ ਉਹ ਮਿਕਸੀ ਦੇ ਜਾਰ ‘ਚ ਮੱਗ ਨਾਲ ਪਾਣੀ ਪਾਉਂਦੀ ਹੈ, ਫਿਰ ਥੋੜ੍ਹਾ ਵਾਸ਼ਿੰਗ ਪਾਊਡਰ ਪਾਉਂਦੀ ਹੈ। ਇਸ ਤੋਂ ਬਾਅਦ ਉਹ ਇੱਕ-ਇੱਕ ਕਰਕੇ ਕੱਪੜੇ ਜਾਰ ਵਿੱਚ ਪਾ ਦਿੰਦੀ ਹੈ। ਫਿਰ ਉਹ ਬਟਨ ਆਨ ਕਰਦੀ ਹੈ ਤੇ ਕੱਪੜੇ ਉਸ ‘ਚ ਧੁਲਣੇ ਸ਼ੁਰੂ ਹੋ ਜਾਂਦੇ ਹਨ। ਮਿਕਸੀ ਘੁੰਮਣ ਲੱਗ ਪੈਂਦੀ ਹੈ ਤੇ ਕੱਪੜੇ ਪਾਣੀ ਵਿੱਚ ਉਛਲਦੇ ਹੋਏ ਬਿਲਕੁਲ ਇੱਕ ਛੋਟੀ ਵਾਸ਼ਿੰਗ ਮਸ਼ੀਨ ਵਾਂਗ ਨਜ਼ਰ ਆਉਂਦੇ ਹਨ।
ਲੋਕਾਂ ਦੇ ਰਿਐਕਸ਼ਨ
ਲੋਕਾਂ ਲਈ ਇਹ ਨਜ਼ਾਰਾ ਮਨੋਰੰਜਨ ਤੋਂ ਘੱਟ ਨਹੀਂ ਸੀ। ਕਿਸੇ ਨੇ ਇਸ ਨੂੰ ਭਾਰਤੀ ਟੈਲੇਂਟ ਦਾ ਉਦਾਹਰਨ ਦੱਸਿਆ, ਤਾਂ ਕਿਸੇ ਨੇ ਹੱਸਦੇ ਹੋਏ ਲਿਖਿਆ — ਹੁਣ ਤਾਂ ਵਾਸ਼ਿੰਗ ਮਸ਼ੀਨ ਦੀ ਲੋੜ ਹੀ ਨਹੀਂ, ਮਿਕਸੀ ਨਾਲ ਹੀ ਕੰਮ ਚੱਲ ਜਾਵੇਗਾ! ਹਜ਼ਾਰਾ ‘ਚ ਕਮੈਂਟ ਆ ਚੁੱਕੇ ਹਨ। ਕਿਸੇ ਨੇ ਲਿਖਿਆ — ਦੇਸੀ ਦਿਮਾਗ ਦੁਨੀਆ ‘ਚ ਸਭ ਤੋਂ ਅੱਗੇ ਹੈ, ਤਾਂ ਕਿਸੇ ਨੇ ਮਜ਼ਾਕ ‘ਚ ਕਿਹਾ — ਹੁਣ ਬਸ ਮਿਕਸੀ ‘ਚ ਆਟਾ ਨਾ ਪਾ ਦੇਣਾ ਦਿਦੀ, ਰੋਟੀਆਂ ਵੀ ਉਹੀ ਬਣਾ ਦੇਵੇਗੀ!
ਇਹ ਵੀਡੀਓ ਇਹ ਵੀ ਦੱਸਦਾ ਹੈ ਕਿ ਜਿੱਥੇ ਮਹਿੰਗੇ ਉਪਕਰਣ ਨਹੀਂ ਹੁੰਦੇ, ਉੱਥੇ ਲੋਕ ਆਪਣੀ ਸੋਚ ਤੇ ਤਜਰਬੇ ਨਾਲ ਨਵਾਂ ਹੱਲ ਲੱਭ ਲੈਂਦੇ ਹਨ। ਇਹੀ ਜੁਗਾੜ ਭਾਰਤੀ ਸਮਾਜ ਦੀ ਸਭ ਤੋਂ ਵੱਡੀ ਤਾਕਤ ਹੈ।
ਇਥੇ ਦੇਖੋ ਵੀਡੀਓ
जब जुगाड़ू दिमाग़ चले तो मिक्सी भी कपड़े धोने लगे….. देखिए दीदी का कमाल👇 pic.twitter.com/7uuiBMJofZ
— madhulika dutta (@Madddy17dutta) October 27, 2025ਇਹ ਵੀ ਪੜ੍ਹੋ
ਅਸਲ ‘ਚ, ਭਾਰਤ ‘ਚ ਜੁਗਾੜ ਸਿਰਫ ਪੈਸੇ ਬਚਾਉਣ ਦਾ ਤਰੀਕਾ ਨਹੀਂ ਹੈ, ਬਲਕਿ ਇਹ ਇੱਕ ਸੋਚ ਹੈ ਕਿ— ਕੁਝ ਵੀ ਸੰਭਵ ਹੈ! ਇਹ ਮਨਸਿਕਤਾ ਦੇਸ਼ ਦੇ ਹਰ ਕੋਨੇ ‘ਚ ਵੇਖਣ ਨੂੰ ਮਿਲਦੀ ਹੈ। ਪਿੰਡਾਂ ‘ਚ ਕਿਸਾਨ ਟਰੈਕਟਰ ਦੇ ਪੁਰਜ਼ਿਆਂ ਨਾਲ ਨਵੇਂ ਔਜ਼ਾਰ ਤਿਆਰ ਕਰ ਲੈਂਦੇ ਹਨ, ਸ਼ਹਿਰਾਂ ‘ਚ ਵਿਦਿਆਰਥੀ ਪੁਰਾਣੇ ਇਲੈਕਟ੍ਰਾਨਿਕ ਸਮਾਨ ਨਾਲ ਇਨੋਵੇਸ਼ਨ ਕਰ ਲੈਂਦੇ ਹਨ। ਇਹ ਸਭ ਭਾਰਤੀਆਂ ਦੀ ਉਸ ਰਚਨਾਤਮਕ ਸੋਚ ਦਾ ਸਬੂਤ ਹੈ ਜੋ ਹਰ ਰੁਕਾਵਟ ਨੂੰ ਚੁਣੌਤੀ ਬਣਾਕੇ ਹੱਲ ਤਲਾਸ਼ਦੀ ਹੈ।
