ਕਾਰ ਨਾਲ ਖੁੱਦ ਨੂੰ ਜ਼ਿੰਦਾ ਦਫਨਾਇਆ, ਰੂਸੀ ਸ਼ਖਸ ਨੇ ਅਜੀਬ ਤਰੀਕੇ ਨਾਲ ਮਨਾਇਆ ਨਵਾਂ ਸਾਲ; ਵਾਇਰਲ ਹੋਇਆ Video
Viral Video: ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਰੂਸ ਦੇ ਇਕ ਸ਼ਖਸ ਨੇ ਆਪਣੀ ਕਾਰ ਸਮੇਤ ਖੁਦ ਨੂੰ ਸਿਰਫ ਇਸ ਲਈ ਜ਼ਿੰਦਾ ਦਫਨ ਕਰ ਲਿਆ ਕਿਉਂਕਿ ਉਹ ਸ਼ਾਂਤੀਪੂਰਨ ਮਾਹੌਲ ਵਿੱਚ ਨਵਾਂ ਸਾਲ ਮਨਾਉਣਾ ਚਾਹੁੰਦਾ ਸੀ। Evgeny Chebotarev ਨਾਂਅ ਦੇ ਇਸ ਸ਼ਖਸ ਨੇ ਆਪਣੀ ਵੀਡੀਓ ਵੀ ਸ਼ੇਅਰ ਕੀਤੀ ਹੈ, ਜਿਸ ਨੇ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਹੈ।
ਨਵੇਂ ਸਾਲ ਨੂੰ ਮਨਾਉਣ ਦੇ ਤਰੀਕੇ ਵੱਖ-ਵੱਖ ਹੋ ਸਕਦੇ ਹਨ ਪਰ ਰੂਸ ਤੋਂ ਵਾਇਰਲ ਹੋਈ ਇਹ ਘਟਨਾ ਸੱਚਮੁੱਚ ਹੈਰਾਨ ਕਰਨ ਵਾਲੀ ਹੈ। Evgeny Chebotarev ਨਾਂਅ ਦੇ ਸ਼ਖਸ ਨੇ ਆਪਣੀ ਕਾਰ ਸਮੇਤ ਖੁਦ ਨੂੰ ਜ਼ਿੰਦਾ ਦਫਨ ਕਰਨ ਵਰਗਾ ਸਟੰਟ ਕਰਕੇ ਇੰਟਰਨੈੱਟ ‘ਤੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਘਟਨਾ ਦੀ ਵੀਡੀਓ ਨੂੰ ਦੇਖ ਕੇ ਯੂਜ਼ਰਸ ਦੰਗ ਰਹਿ ਗਏ ਹਨ। ਜ਼ਿਆਦਾਤਰ ਲੋਕਾਂ ਨੇ ਇਸ ਨੂੰ ਖਤਰਨਾਕ ਅਤੇ ਗੈਰ-ਜ਼ਿੰਮੇਵਾਰਾਨਾ ਕਰਾਰ ਦਿੱਤਾ ਹੈ। ਕਿਉਂਕਿ, ਅਜਿਹੇ ਸਟੰਟ ਘਾਤਕ ਹੋ ਸਕਦੇ ਹਨ।
Evgeny Chebotarev ਨੇ ਲੋਕਾਂ ਨੂੰ ਨਵੇਂ ਸਾਲ ਦੀ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਆਪਣੀ ਇਕ ਵੀਡੀਓ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ, ਜਿਸ ਵਿੱਚ ਕੁਝ ਲੋਕ ਉਸ ਨੂੰ ਇਕ ਚਿੱਟੇ ਰੰਗ ਦੀ ਕਾਰ ਦੇ ਨਾਲ ਇਕ ਖੇਤ ਵਿੱਚ ਦੱਬਦੇ ਹੋਏ ਦਿਖਾਈ ਦੇ ਰਹੇ ਹਨ। Evgeny ਨੇ ਲਿਖਿਆ, ਇੱਥੇ ਕੁਝ ਇੰਟਰਨੈੱਟ ਕੰਮ ਕਰ ਰਿਹਾ ਹੈ ਅਤੇ ਹਵਾ ਵੀ ਹੈ। ਪਰ ਮੈਂ ਤੁਹਾਨੂੰ ਇਹ ਨਹੀਂ ਦੱਸਾਂਗਾ ਕਿ ਮੈਨੂੰ ਕਿੱਥੇ ਦਫ਼ਨਾਇਆ ਗਿਆ ਹੈ।
ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਰੂਸ ਦੇ ਇਸ ਸ਼ਖਸ ਨੇ ਇਹ ਖ਼ਤਰਨਾਕ ਸਟੰਟ ਸਿਰਫ਼ ਇਸ ਲਈ ਕੀਤਾ ਕਿਉਂਕਿ ਉਹ ਕੁਝ ਸਮਾਂ ਲੋਕਾਂ ਤੋਂ ਦੂਰ ਸ਼ਾਂਤ ਮਾਹੌਲ ਵਿੱਚ ਰਹਿ ਕੇ ਨਵਾਂ ਸਾਲ ਮਨਾਉਣਾ ਚਾਹੁੰਦਾ ਸੀ। Evgeny ਨੇ ਆਪਣੀ ਪੋਸਟ ‘ਚ ਲੋਕਾਂ ਨੂੰ ਕਿਹਾ ਕਿ ਉਹ ਕੁਝ ਸਮੇਂ ਲਈ ਬ੍ਰੇਕ ਲੈਣਾ ਚਾਹੁੰਦਾ ਹਾਂ।
ਸਟੰਟਮੈਨ ਹੈ ਸ਼ਖਸ
1.3 ਮਿਲੀਅਨ ਲੋਕ Evgeny ਨੂੰ ਇੰਸਟਾਗ੍ਰਾਮ @chebotarev_evgeny ‘ਤੇ ਫਾਲੋ ਕਰਦੇ ਹਨ। ਉਹ ਅਜਿਹੇ ਜਾਨਲੇਵਾ ਸਟੰਟ ਕਰਨ ਲਈ ਮਸ਼ਹੂਰ ਹੈ। 1 ਜਨਵਰੀ ਨੂੰ ਸ਼ੇਅਰ ਕੀਤੀ ਗਈ ਉਨ੍ਹਾਂ ਦੀ ਇਸ ਰੀਲ ਨੂੰ ਹੁਣ ਤੱਕ 23 ਲੱਖ ਲੋਕ ਪਸੰਦ ਕਰ ਚੁੱਕੇ ਹਨ। ਹਾਲਾਂਕਿ ਇਸ ਵਾਰ ਪ੍ਰਸ਼ੰਸਕ ਉਸ ਨੂੰ ਜ਼ਿੰਦਾ ਦਫਨ ਕਰਨ ਵਰਗੇ ਸਟੰਟ ਕਰਦੇ ਦੇਖ ਕੇ ਦੰਗ ਰਹਿ ਗਏ ਹਨ।
ਸ਼ੋਸ਼ਲ ਮੀਡੀਆ ‘ਤੇ ਲੋਕਾ ਦੀ ਪ੍ਰਤੀਕਿਰਿਆ
ਇਹ ਵੀ ਪੜ੍ਹੌਂ- ChatGPT ਨਹੀਂ ਬਾਜ਼ਾਰ ਵਿੱਚ ਛਾਈ ChaiGPT, ਸਟਾਲ ਦੀ ਫੋਟੋ ਹੋ ਰਹੀ ਹੈ ਸੋਸ਼ਲ ਮੀਡੀਆ ਤੇ ਵਾਇਰਲ
ਇਕ ਯੂਜ਼ਰ ਨੇ ਕਮੈਂਟ ਕੀਤਾ, ਇਸ ਤਰ੍ਹਾਂ ਕੰਟੈਂਟ ਕਾਰਨ ਲੋਕ ਆਪਣੀ ਜਾਨ ਗੁਆ ਦਿੰਦੇ ਹਨ। ਇਕ ਹੋਰ ਯੂਜ਼ਰ ਨੇ ਕਿਹਾ, ਇਹ ਤਾਂ ਠੀਕ ਹੈ ਬਾਬਾ, ਪਰ ਤੁਸੀਂ ਬਾਥਰੂਮ ਜਾਣ ਬਾਰੇ ਕੀ ਸੋਚਿਆ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਇਸ ਬੇਵਕੂਫੀ ਨੂੰ ਕੀ ਨਾਂਅ ਦੇਵਾਂ?
