TV9 Punjabi
03-03- 2026
Author: Shubham Anand
Image: Instagram
ਦਿੱਲੀ ਦੇ ਸ਼ੋਅ ਤੋਂ ਬਾਅਦ ਕਰਨ ਔਜਲਾ ਅੱਜ ਪੁਣੇ ਦੇ ਮਹਾਲਕਸ਼ਮੀ ਲੌਨਜ਼ ਵਿੱਚ ਕੰਸਰਟ ਕਰਨਗੇ, ਪਰ ਸ਼ੋਅ ਤੋਂ ਪਹਿਲਾਂ ਹੀ ਕਾਨੂੰਨੀ ਮੁਸ਼ਕਲਾਂ ਨੇ ਘੇਰ ਲਿਆ ਹੈ।
ਪ੍ਰੋਫੈਸਰ ਧਰਨੇਵਰ ਦੀ ਸ਼ਿਕਾਇਤ 'ਤੇ ਕਾਰਵਾਈ ਕਰਦਿਆਂ ਮਹਿਲਾ ਤੇ ਬਾਲ ਵਿਕਾਸ ਅਫ਼ਸਰ ਰੋਹਿਣੀ ਉਬਾਲੇ ਨੇ ਪੁਲਿਸ ਨੂੰ ਹੁਕਮ ਦਿੱਤੇ ਹਨ ਕਿ ਨਾਬਾਲਗਾਂ 'ਤੇ ਨਕਾਰਾਤਮਕ ਪ੍ਰਭਾਵ ਪਾਉਣ ਵਾਲੇ ਗੀਤਾਂ ਨੂੰ ਲੈ ਕੇ ਉਚਿਤ ਕਦਮ ਚੁੱਕੇ ਜਾਣ।
ਸ਼ਿਕਾਇਤ ਵਿੱਚ ਅੜੀਆ, ਚਿੱਟਾ ਕੁੜਤਾ, ਬੰਦੂਕ ਅਤੇ ਗੈਂਗਸਟਾ ਵਰਗੇ ਗੀਤਾਂ ਦਾ ਜ਼ਿਕਰ ਕੀਤਾ ਗਿਆ ਹੈ। ਦੋਸ਼ ਹੈ ਕਿ ਇਹ ਗੀਤ ਨਸ਼ਿਆਂ ਅਤੇ ਹਥਿਆਰਾਂ ਨੂੰ ਉਤਸ਼ਾਹਿਤ ਕਰਦੇ ਹਨ।
ਡਾ. ਧਰਨੇਵਰ ਨੇ ਚਿੰਤਾ ਜਤਾਈ ਹੈ ਕਿ ਕੰਸਰਟ ਵਿੱਚ ਛੋਟੇ ਬੱਚਿਆਂ ਦੀ ਮੌਜੂਦਗੀ ਅਤੇ ਅਜਿਹੇ ਗੀਤਾਂ ਦਾ ਉਨ੍ਹਾਂ ਦੇ ਮਾਨਸਿਕ ਵਿਕਾਸ 'ਤੇ ਬੁਰਾ ਅਸਰ ਪੈ ਸਕਦਾ ਹੈ।
ਸ਼ਿਕਾਇਤ ਵਿੱਚ ਪੰਜਾਬ-ਹਰਿਆਣਾ ਹਾਈਕੋਰਟ ਦੇ 2019 ਦੇ ਉਸ ਫੈਸਲੇ ਦਾ ਹਵਾਲਾ ਦਿੱਤਾ ਗਿਆ ਹੈ, ਜਿਸ ਵਿੱਚ ਹਿੰਸਾ ਅਤੇ ਨਸ਼ਿਆਂ ਨੂੰ ਉਤਸ਼ਾਹਿਤ ਕਰਨ ਵਾਲੇ ਗੀਤਾਂ 'ਤੇ ਰੋਕ ਲਾਉਣ ਦੇ ਹੁਕਮ ਸਨ।
ਕਰਨ ਔਜਲਾ ਦੇ ਦਿੱਲੀ ਸ਼ੋਅ ਦੌਰਾਨ VVIP ਲੌਂਜ ਵਿੱਚ ਪ੍ਰਸ਼ੰਸਕਾਂ ਵਿਚਾਲੇ ਜਬਰਦਸਤ ਲੜਾਈ ਹੋਈ। ਲੱਤਾਂ-ਮੁੱਕੇ ਚੱਲੇ ਅਤੇ ਕਈਆਂ ਦੇ ਕੱਪੜੇ ਵੀ ਫਟ ਗਏ।
ਦਿੱਲੀ ਵਿੱਚ ਹੋਈ ਇਸ ਹਿੰਸਾ ਨੂੰ ਦੇਖ ਕੇ ਕਈ ਕੁੜੀਆਂ ਅਤੇ ਮਹਿਲਾਵਾਂ ਡਰ ਦੇ ਮਾਰੇ ਸ਼ੋਅ ਵਿਚਾਲੇ ਛੱਡ ਕੇ ਚਲੀਆਂ ਗਈਆਂ। ਇਸ ਘਟਨਾ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹਨ।