Viral Video: ਖ਼ਤਰਨਾਕ ਅਜਗਰਾਂ ਵਿਚਾਲੇ ਆਰਾਮ ਨਾਲ ਲੇਟ ਗਿਆ ਬੰਦਾ, ਵੀਡੀਓ ਦੇਖ ਕੇ ਸਹਿਮ ਗਏ ਲੋਕ
Shocking Video of a Man Laying with Snakes Viral: ਅਜਗਰਾਂ ਨਾਲ ਖ਼ਤਰਨਾਕ ਸਟੰਟ ਕਰਨ ਵਾਲੇ ਆਦਮੀ ਦਾ ਨਾਮ ਜੈ ਬਰੂਅਰ ਹੈ। ਉਹ ਅਮਰੀਕਾ ਦੇ ਕੈਲੀਫੋਰਨੀਆ ਵਿੱਚ ਚਿੜੀਆਘਰ ਚਲਾਉਂਦੇ ਹਨ, ਜਿੱਥੇ ਹਰ ਤਰ੍ਹਾਂ ਦੇ ਸੱਪ ਮੌਜੂਦ ਹੁੰਦੇ ਹਨ। ਜੈ ਬਰੂਅਰ ਅਕਸਰ ਸੋਸ਼ਲ ਮੀਡੀਆ 'ਤੇ ਖ਼ਤਰਨਾਕ ਜਾਨਵਰਾਂ ਨਾਲ ਸਮਾਂ ਬਿਤਾਉਣ ਅਤੇ ਮਸਤੀ ਕਰਨ ਦੇ ਆਪਣੇ ਵੀਡੀਓ ਸ਼ੇਅਰ ਕਰਦੇ ਰਹਿੰਦੇ ਹਨ।
ਹੈਰਾਨ ਕਰਨ ਵਾਲੇ ਜਾਨਵਰਾਂ ਦੀਆਂ ਵੀਡੀਓਜ਼ ਹਰ ਰੋਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੀਆਂ ਹਨ, ਪਰ ਇੱਕ ਵੀਡੀਓ ਅੱਜਕੱਲ੍ਹ ਇਸ ਵੇਲ੍ਹੇ ਤੇਜੀ ਨਾਲ ਲੋਕਾਂ ਦਾ ਧਿਆਨ ਖਿੱਚ ਰਹੀ ਹੈ, ਜਿਸ ਨੂੰ ਵੇਖ ਕੇ ਬਹਾਦਰ ਤੋਂ ਬਹਾਦਰ ਲੋਕਾਂ ਦੀ ਵੀ ਰੂਹ ਕੰਬ ਜਾਵੇ। ਇਸ ਦਿਲ ਦਹਿਲਾ ਦੇਣ ਵਾਲੀ ਵੀਡੀਓ ਵਿੱਚ, ਇੱਕ ਆਦਮੀ ਕਈ ਵੱਡੇ ਅਜਗਰਾਂ ਵਿਚਕਾਰ ਆਰਾਮ ਨਾਲ ਲੇਟਿਆ ਹੋਇਆ ਦਿਖਾਈ ਦੇ ਰਿਹਾ ਹੈ।
ਇਸ ਵਾਇਰਲ ਵੀਡੀਓ ਵਿੱਚ, ਇੱਕ ਆਦਮੀ ਇੱਕ ਛੋਟੀ ਜਿਹੀ ਜਗ੍ਹਾ ਵਿੱਚ ਕਈ ਵੱਡੇ ਅਜਗਰਾਂ ਵਿਚਕਾਰ ਪਿਆ ਹੋਇਆ ਦਿਖਾਈ ਦੇ ਰਿਹਾ ਹੈ। ਜਿਵੇਂ ਹੀ ਉਹ ਕੈਮਰੇ ਵੱਲ ਦੇਖਦਾ ਹੈ ਅਤੇ ਬੋਲਦਾ ਹੈ, ਕਈ ਵੱਡੇ ਅਜਗਰ ਧੜਾਮ ਨਾਲ ਉਸ ‘ਤੇ ਡਿੱਗ ਪੈਂਦੇ ਹਨ। ਅਜਗਰਾਂ ਦੇ ਮਜ਼ਬੂਤ ਸ਼ੀਸ਼ੇ ਦੀ ਕੰਧ ਨਾਲ ਟਕਰਾਉਣ ਦੀ ਆਵਾਜ਼ ਤੋਂ ਹੀ ਉਨ੍ਹਾਂ ਦੇ ਭਾਰ ਦਾ ਅੰਦਾਜ਼ਾ ਲਗਾ ਸਕਦੀ ਹੈ।
ਪਰ ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਇਸ ਸਭ ਦੇ ਬਾਵਜੂਦ, ਇਸ ਆਦਮੀ ਦੇ ਚਿਹਰੇ ‘ਤੇ ਡਰ ਜਾਂ ਘਬਰਾਹਟ ਦਾ ਕੋਈ ਨਿਸ਼ਾਨ ਨਹੀਂ ਹੈ। ਵੀਡੀਓ ਵਿੱਚ, ਤੁਸੀਂ ਉਸਨੂੰ ਕੈਮਰੇ ਵੱਲ ਸ਼ਾਂਤੀ ਨਾਲ ਵੇਖਦੇ ਹੋਏ ਅਤੇ ਆਪਣੀ ਗੱਲਬਾਤ ਜਾਰੀ ਰੱਖਦੇ ਹੋਏ ਦੇਖ ਸਕਦੇ ਹੋ।
ਕੌਣ ਹੈ ਇਹ ਬਹਾਦਰ ਆਦਮੀ ?
ਜਿਸ ਆਦਮੀ ਨੇ ਅਜਗਰਾਂ ਨਾਲ ਇਹ ਖ਼ਤਰਨਾਕ ਸਟੰਟ ਕੀਤਾ ਹੈ ਉਹ ਜੈ ਬ੍ਰਰੁਅਰ ਹੈ। ਉਹ ਕੈਲੀਫੋਰਨੀਆ, ਅਮਰੀਕਾ ਵਿੱਚ ਇੱਕ ਚਿੜੀਆਘਰ ਚਲਾਉਂਦਾ ਹੈ, ਜਿੱਥੇ ਹਰ ਤਰ੍ਹਾਂ ਦੇ ਸੱਪ ਮੌਜੂਦ ਹਨ। ਜੈ ਬ੍ਰਰੁਅਰ ਸੋਸ਼ਲ ਮੀਡੀਆ ‘ਤੇ ਇੱਕ ਪ੍ਰਮੁੱਖ ਹਸਤੀ ਹੈ ਅਤੇ ਅਕਸਰ ਆਪਣੇ ਸਮੇਂ ਬਿਤਾਉਣ ਅਤੇ ਖਤਰਨਾਕ ਜਾਨਵਰਾਂ ਨਾਲ ਮਸਤੀ ਕਰਨ ਦੇ ਵੀਡੀਓ ਸ਼ੇਅਰ ਕਰਦੇ ਰਹਿੰਦੇ ਹਨ। ਉਨ੍ਹਾਂ ਨੇ ਇਹ ਵੀਡੀਓ ਆਪਣੇ ਇੰਸਟਾਗ੍ਰਾਮ ਅਕਾਊਂਟ @jayprehistoricpets ‘ਤੇ ਸਾਂਝਾ ਕੀਤਾ ਹੈ।
ਜੈ ਬ੍ਰਰੁਅਰ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਇੱਕ ਦਿਲਚਸਪ ਕੈਪਸ਼ਨ ਵੀ ਲਿਖਿਆ: “ਮੈਂ ਇਨ੍ਹਾਂ ਸੱਪਾਂ ਨਾਲ ਇਸ ਕਮਰੇ ਵਿੱਚ ਬੰਦ ਨਹੀਂ ਹਾਂ। ਇਹ ਸੱਪ ਮੇਰੇ ਨਾਲ ਕਮਰੇ ਵਿੱਚ ਬੰਦ ਹਨ।” ਇਹ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸਨੂੰ ਹੁਣ ਤੱਕ 2.6 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਅਤੇ 46,000 ਤੋਂ ਵੱਧ ਲੋਕਾਂ ਨੇ ਇਸਨੂੰ ਪਸੰਦ ਕੀਤਾ ਹੈ। ਵੀਡੀਓ ਦੇਖਣ ਤੋਂ ਬਾਅਦ ਨੇਟੀਜ਼ਨਸ ਆਪਣੀਆਂ ਪ੍ਰਤੀਕਿਰਿਆਵਾਂ ਸ਼ੇਅਰ ਕਰ ਰਹੇ ਹਨ।
ਇਹ ਵੀ ਪੜ੍ਹੋ
View this post on Instagram
ਇੱਕ ਯੂਜਰ ਨੇ ਲਿਖਿਆ, “ਜੇਕਰ ਮੇਰੇ ਨਾਲ ਅਜਿਹਾ ਹੁੰਦਾ, ਤਾਂ ਮੇਰਾ ਦਿਲ ਤੁਰੰਤ ਧੜਕਣਾ ਬੰਦ ਹੋ ਜਾਂਦਾ।” ਇੱਕ ਹੋਰ ਯੂਜਰ ਨੇ ਪੁੱਛਿਆ, “ਹੇ ਮੇਰੇ ਰੱਬਾ! ਕੀ ਤੁਸੀਂ ਡਰਦੇ ਨਹੀਂ ਹੋ?” ਇੱਕ ਹੋਰ ਯੂਜਰ ਨੇ ਟਿੱਪਣੀ ਕੀਤੀ, “ਮੈਂ ਬੇਹੋਸ਼ ਹੋ ਜਾਂਦਾ।” ਇੱਕ ਹੋਰ ਯੂਜਰ ਨੇ ਪੁੱਛਿਆ ਕਿ ਤੁਹਾਨੂੰ ਹਮਲੇ ਦਾ ਡਰ ਨਹੀਂ ਲੱਗਦਾ ਹੈ?”
