Shocking Video: ਜਨਮਦਿਨ ‘ਤੇ ਕੇਕ ਨਾਲ ਫੋਟੋ ਖਿਚਵਾ ਰਹੀ ਸੀ Birthday Girl, ਗੁਬਾਰਿਆਂ ਕਾਰਨ ਹੋਇਆ ਧਮਾਕਾ
Shocking Video: ਜਨਮਦਿਨ ਮਨਾਉਣ ਦੀ ਡਰਾਉਣੀ ਵੀਡੀਓ: ਵੀਅਤਨਾਮ ਦੇ ਹਨੋਈ ਵਿੱਚ ਜਨਮਦਿਨ ਮਨਾਉਣ ਦੀ ਇੱਕ ਖ਼ਤਰਨਾਕ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋ ਰਹੀ ਹੈ। ਜਿਸਨੂੰ ਦੇਖ ਕੇ ਕਿਸੇ ਦੇ ਵੀ ਰੋਂਗਟੇ ਖੜ੍ਹੇ ਹੋ ਸਕਦੇ ਹਨ। ਇਸ ਵੀਡੀਓ ਵਿੱਚ, ਜਿਵੇਂ ਹੀ ਜਨਮਦਿਨ ਵਾਲੀ ਕੁੜੀ ਕੇਕ 'ਤੇ ਰੱਖੀ ਮੋਮਬੱਤੀ 'ਤੇ ਫੂਕ ਮਾਰਦੀ ਹੈ, ਅਜਿਹਾ ਧਮਾਕਾ ਹੁੰਦਾ ਹੈ ਕਿ ਪੂਰਾ ਕਮਰਾ ਧੂੰਏਂ ਨਾਲ ਭਰ ਜਾਂਦਾ ਹੈ।
ਇਹ ਘਟਨਾ ਜੋ ਕਿ ਵੀਅਤਨਾਮ ਦੇ ਹਨੋਈ ਵਿੱਚ ਵਾਪਰੀ ਸੀ, ਨੂੰ ਗਿਆਂਗ ਫਾਮ ਨਾਂਅ ਦੇ ਇੱਕ ਹੈਂਡਲ ਦੁਆਰਾ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤਾ ਗਿਆ ਹੈ। ਇਸ ਕਲਿੱਪ ਵਿੱਚ, ਇੱਕ ਕੁੜੀ ਨਾਲ ਕੁਝ ਦਿਲ ਦਹਿਲਾ ਦੇਣ ਵਾਲਾ ਵਾਪਰਦਾ ਹੈ ਜੋ ਕੇਕ ‘ਤੇ ਮੋਮਬੱਤੀਆਂ ਬੁਝਾਉਂਦਿਆਂ ਆਪਣਾ ਜਨਮਦਿਨ ਮਨਾ ਰਹੀ ਹੈ। ਗਿਆਂਗ ਦੇ ਅਨੁਸਾਰ, ਇਹ ਜਸ਼ਨ ਇੱਕ ਪਾਰਟੀ ਰੈਸਟੋਰੈਂਟ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਜਿਸਨੂੰ ਗੁਬਾਰਿਆਂ ਨਾਲ ਸਜਾਇਆ ਗਿਆ ਸੀ।
ਜਸ਼ਨ ਦੇ ਮਾਹੌਲ ਨੂੰ ਵਧਾਉਣ ਲਈ, ਜਨਮਦਿਨ ਵਾਲੀ ਕੁੜੀ ਨੇ ਤਸਵੀਰਾਂ ਖਿੱਚਦੇ ਸਮੇਂ ਗੁਬਾਰਿਆਂ ਦਾ ਇੱਕ ਵਾਧੂ ਝੁੰਡ ਖਰੀਦਿਆ ਸੀ। ਜਿਵੇਂ ਹੀ ਜਸ਼ਨ ਖਤਮ ਹੋਇਆ, ਉਹ ਇੱਕ ਹੱਥ ਵਿੱਚ ਜਨਮਦਿਨ ਦਾ ਕੇਕ ਅਤੇ ਦੂਜੇ ਹੱਥ ਵਿੱਚ ਗੁਬਾਰੇ ਲੈ ਕੇ ਸਟੇਜ ‘ਤੇ ਖੜ੍ਹੀ ਸੀ। ਕੁਝ ਹੀ ਪਲਾਂ ਵਿੱਚ ਗੁਬਾਰਾ ਕੇਕ ਉੱਤੇ ਬਲਦੀਆਂ ਮੋਮਬੱਤੀਆਂ ਨੂੰ ਛੂਹ ਗਿਆ, ਜਿਸ ਕਾਰਨ ਇਹ ਫਟ ਗਿਆ। ਫਿਰ ਅੱਗ ਦੀਆਂ ਲਪਟਾਂ ਉੱਠੀਆਂ, ਜਿਨ੍ਹਾਂ ਵਿੱਚ ਕੁੜੀ ਦਾ ਚਿਹਰਾ ਅੱਗ ਵਿੱਚ ਘਿਰ ਗਿਆ।
ਬਾਓਹੈਡੂਓਂਗ ਦੇ ਮੁਤਾਬਕ, ਜਿਵੇਂ ਹੀ ਇਸ ਵੀਡੀਓ ਵਿੱਚ ਗੁਬਾਰੇ ਕਾਰਨ ਅੱਗ ਲਗਦੀ ਹੈ, ਔਰਤ ਤੁਰੰਤ ਕੇਕ ਅਤੇ ਗੁਬਾਰੇ ਸੁੱਟ ਦਿੰਦੀ ਹੈ, ਆਪਣਾ ਚਿਹਰਾ ਢੱਕਦੀ ਹੈ ਅਤੇ ਬਾਥਰੂਮ ਵੱਲ ਭੱਜ ਜਾਂਦੀ ਹੈ। ਉਹ ਹਸਪਤਾਲ ਜਾਣ ਤੋਂ ਪਹਿਲਾਂ ਜਲਣ ਘਟਾਉਣ ਲਈ ਆਪਣੇ ਚਿਹਰੇ ‘ਤੇ ਪਾਣੀ ਦੇ ਛਿੱਟੇ ਮਾਰਦੀ ਰਹਿੰਦੀ ਹੈ। ਇਹ ਹਾਦਸਾ 6 ਦਿਨ ਪਹਿਲਾਂ ਹੋਇਆ ਸੀ, ਪਰ ਗਿਆਂਗ ਨੇ ਇਸਦੀ ਵੀਡੀਓ ਹੁਣੇ ਹੀ ਸਾਂਝੀ ਕੀਤੀ ਹੈ।
View this post on Instagram
ਇਹ ਵੀ ਪੜ੍ਹੋ
ਔਰਤ ਨੇ ਮੰਨਿਆ ਕਿ ਇਹ ਅਨੁਭਵ ਬਹੁਤ ਦੁਖਦਾਈ ਸੀ ਅਤੇ ਉਹ ਕਈ ਦਿਨਾਂ ਤੱਕ ਹਾਦਸੇ ਦੀ ਵੀਡੀਓ ਵੀ ਨਹੀਂ ਦੇਖ ਸਕੀ। ਉਹ ਕਹਿੰਦੀ ਹੈ ਕਿ ਜਦੋਂ ਇਹ ਹੋਇਆ, “ਮੈਂ ਸਾਰਾ ਦਿਨ ਰੋਂਦੀ ਰਹੀ ਕਿਉਂਕਿ ਮੈਨੂੰ ਨਹੀਂ ਪਤਾ ਸੀ ਕਿ ਮੇਰੇ ਚਿਹਰੇ ‘ਤੇ ਇਸ ਤਰ੍ਹਾਂ ਜਲਣ ਤੋਂ ਬਾਅਦ ਮੇਰੀ ਜ਼ਿੰਦਗੀ ਅਤੇ ਕੰਮ ਕਿਹੋ ਜਿਹਾ ਹੋਵੇਗਾ।” ਪਰ ਰਿਪੋਰਟਾਂ ਦੇ ਮੁਤਾਬਕ, ਡਾਕਟਰਾਂ ਨੇ ਪੁਸ਼ਟੀ ਕੀਤੀ ਕਿ ਉਸ ਦੀਆਂ ਸੱਟਾਂ ਪਹਿਲੀ ਅਤੇ ਦੂਜੀ ਡਿਗਰੀ ਬਰਨ ਸਨ।
ਇਹ ਵੀ ਪੜ੍ਹੋ- Monalisa Dance Video: ਚੁੜੀਆ ਖਨਕ ਗਈ ਤੇ ਡਾਂਸ ਕਰਦੇ ਹੋਏ ਮੋਨਾਲੀਸਾ ਨੇ ਅਪਲੋਡ ਕੀਤੀ ਰੀਲ, ਵੀਡੀਓ ਰਾਤੋ-ਰਾਤ ਹੋਇਆ ਵਾਇਰਲ
ਅਜਿਹੀ ਸਥਿਤੀ ਵਿੱਚ ਉਸਨੂੰ ਭਰੋਸਾ ਦਿੱਤਾ ਜਾਂਦਾ ਹੈ ਕਿ ਕੋਈ ਸਥਾਈ ਦਾਗ ਨਹੀਂ ਰਹਿਣਗੇ। ਹਾਲਾਂਕਿ, ਚਮੜੀ ਦਾ ਰੰਗ ਪੂਰੀ ਤਰ੍ਹਾਂ ਵਾਪਸ ਆਉਣ ਵਿੱਚ ਕਈ ਮਹੀਨੇ ਲੱਗ ਸਕਦੇ ਹਨ। ਗਿਆਂਗ ਨੂੰ ਬਾਅਦ ਵਿੱਚ ਪਤਾ ਲੱਗਾ ਕਿ ਉਸਨੇ ਜੋ ਗੁਬਾਰੇ ਖਰੀਦੇ ਸਨ ਉਹ ਹਾਈਡ੍ਰੋਜਨ ਗੈਸ ਨਾਲ ਭਰੇ ਹੋਏ ਸਨ, ਜੋ ਕਿ ਬਹੁਤ ਜ਼ਿਆਦਾ ਜਲਣਸ਼ੀਲ ਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਬਾਕੀ ਗੁਬਾਰਿਆਂ ਵਿੱਚ ਹੀਲੀਅਮ ਗੈਸ ਸੀ, ਜਿਸ ਕਾਰਨ ਕੋਈ ਵੱਡਾ ਹਾਦਸਾ ਨਹੀਂ ਹੋਇਆ।
