Viral Train Incident: ਟ੍ਰੇਨ ‘ਚ ਮਹਿਲਾ ਦੀ ਹਰਕਤ ਦੇਖ ਲੋਕਾਂ ਦਾ ਫੁੱਟਿਆ ਗੁੱਸਾ, ਵੀਡੀਓ ਹੋਇਆ ਵਾਇਰਲ
Viral Video: ਸੋਸ਼ਲ ਮੀਡੀਆ 'ਤੇ ਇਨ੍ਹੀਂ ਦਿਨੀਂ ਇੱਕ ਵੀਡੀਓ ਖੂਬ ਸੁਰਖੀਆਂ ਬਟੋਰ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਲੋਕ ਹੈਰਾਨ ਵੀ ਹਨ ਅਤੇ ਗੁੱਸੇ ਵਿੱਚ ਵੀ। ਅਕਸਰ ਅਸੀਂ ਰੇਲਗੱਡੀਆਂ ਦੀ ਗੰਦਗੀ ਲਈ ਰੇਲਵੇ ਪ੍ਰਸ਼ਾਸਨ ਨੂੰ ਦੋਸ਼ ਦਿੰਦੇ ਹਾਂ, ਪਰ ਇਹ ਵੀਡੀਓ ਸਾਨੂੰ ਇਹ ਸੋਚਣ ਲਈ ਮਜਬੂਰ ਕਰਦੀ ਹੈ ਕਿ ਕੀ ਅਸਲ ਕਮੀ ਸਾਡੇ ਆਪਣੇ ਸਿਵਿਕ ਸੈਂਸ ਵਿੱਚ ਹੀ ਹੈ?
ਸੋਸ਼ਲ ਮੀਡੀਆ ਦੇ ਵੱਖ-ਵੱਖ ਪਲੇਟਫਾਰਮਾਂ ‘ਤੇ ਇਸ ਵੇਲੇ ਇੱਕ ਵੀਡੀਓ ਤੇਜ਼ੀ ਨਾਲ ਸ਼ੇਅਰ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚ ਰੇਲਗੱਡੀ ਵਿੱਚ ਬੈਠੀ ਇੱਕ ਮਹਿਲਾ ਯਾਤਰੀ ਆਰਾਮ ਨਾਲ ਮੂੰਗਫਲੀ ਖਾਂਦੀ ਨਜ਼ਰ ਆ ਰਹੀ ਹੈ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਉਹ ਮੂੰਗਫਲੀ ਦੇ ਛਿਲਕੇ ਡਸਟਬਿਨ ਜਾਂ ਕਿਸੇ ਲਿਫਾਫੇ ਵਿੱਚ ਪਾਉਣ ਦੀ ਬਜਾਏ ਲਗਾਤਾਰ ਆਪਣੀ ਸੀਟ ਹੇਠਾਂ ਸੁੱਟਦੀ ਦਿਖਾਈ ਦਿੰਦੀ ਹੈ। ਇੰਨਾ ਹੀ ਨਹੀਂ, ਮਹਿਲਾ ਨੇ ਵਾਸ਼ਵੇਸਿਨ ਤੱਕ ਜਾਣ ਦੀ ਵੀ ਹਿੰਮਤ ਨਹੀਂ ਕੀਤੀ ਅਤੇ ਆਪਣੀ ਸੀਟ ‘ਤੇ ਬੈਠੇ-ਬੈਠੇ ਹੀ ਬੋਤਲ ਨਾਲ ਹੱਥ ਧੋ ਲਏ, ਜਿਸ ਕਾਰਨ ਸਾਰਾ ਪਾਣੀ ਡੱਬੇ ਦੇ ਫਰਸ਼ ‘ਤੇ ਫੈਲ ਗਿਆ।
ਵਾਇਰਲ ਹੋ ਰਹੀ ਇਸ ਵੀਡੀਓ ਨੂੰ ਰਿਕਾਰਡ ਕਰਨ ਵਾਲੇ ਸਹਿ-ਯਾਤਰੀ ਦੇ ਮੁਤਾਬਕ, ਮਹਿਲਾ ਦਾ ਇਹ ਰਵੱਈਆ ਪੂਰੇ 5 ਘੰਟਿਆਂ ਦੇ ਸਫ਼ਰ ਦੌਰਾਨ ਜਾਰੀ ਰਿਹਾ। ਗੱਲ ਸਿਰਫ਼ ਗੰਦਗੀ ਫੈਲਾਉਣ ਤੱਕ ਹੀ ਸੀਮਿਤ ਨਹੀਂ ਸੀ, ਸਹਿ-ਯਾਤਰੀ ਨੇ ਦੱਸਿਆ ਕਿ ਮਹਿਲਾ ਨੇ ਪੂਰੀ ਰਾਤ ਮੋਬਾਈਲ ‘ਤੇ ਉੱਚੀ ਆਵਾਜ਼ ਵਿੱਚ ਵੀਡੀਓ ਵੀ ਦੇਖੀਆਂ, ਜਿਸ ਕਾਰਨ ਹੋਰ ਯਾਤਰੀਆਂ ਦੀ ਨੀਂਦ ਵਿੱਚ ਵੀ ਖਲਲ ਪਿਆ।
ਜਦੋਂ ਵੀਡੀਓ ਬਣਾਉਣ ਵਾਲੇ ਵਿਅਕਤੀ ਤੋਂ ਪੁੱਛਿਆ ਗਿਆ ਕਿ ਉਸ ਨੇ ਮਹਿਲਾ ਨੂੰ ਟੋਕਿਆ ਕਿਉਂ ਨਹੀਂ, ਤਾਂ ਉਸ ਨੇ ਸੋਸ਼ਲ ਮੀਡੀਆ ਪੋਸਟ ਵਿੱਚ ਲਿਖਿਆ, “ਮੈਂ ਉਸ ਨੂੰ ਸ਼ਿਸ਼ਟਾਚਾਰ ਦਾ ਪਾਠ ਪੜ੍ਹਾਉਣਾ ਚਾਹੁੰਦਾ ਸੀ, ਪਰ ਬਹਿਸ ਅਤੇ ਟਕਰਾਅ ਦੇ ਡਰ ਕਰਕੇ ਪਿੱਛੇ ਹਟ ਗਿਆ। ਤੁਸੀਂ ਇਕੱਲੇ ਪੂਰੇ ਦੇਸ਼ ਨੂੰ ਨਹੀਂ ਬਦਲ ਸਕਦੇ। ਜੇਕਰ ਤੁਸੀਂ ਅਜਿਹੇ ਲੋਕਾਂ ਦਾ ਵਿਰੋਧ ਕਰੋਗੇ, ਤਾਂ ਉਹ ਆਪਣੀ ਗਲਤੀ ਮੰਨਣ ਦੀ ਬਜਾਏ ਝਗੜਾ ਕਰਨ ਜਾਂ ਹਿੰਸਾ ‘ਤੇ ਉਤਰ ਆਉਂਦੇ ਹਨ।”
ਸਿਵਿਕ ਸੈਂਸ ਨੂੰ ਲੈ ਕੇ ਇੰਟਰਨੈੱਟ ‘ਤੇ ਛਿੜੀ ਬਹਿਸ
ਇਸ ਵੀਡੀਓ ਦੇ ਸਾਹਮਣੇ ਆਉਣ ਤੋਂ ਬਾਅਦ ਨੈਟੀਜ਼ਨਜ਼ ਦਾ ਗੁੱਸਾ ਫੁੱਟ ਪਿਆ ਹੈ। ਰੇਲਵੇ ਦੀ ਸਫ਼ਾਈ ਦੇ ਦਾਵਿਆਂ ਦੇ ਵਿਚਕਾਰ ਲੋਕ ਹੁਣ ਯਾਤਰੀਆਂ ਦੀ ਆਪਣੀ ਜ਼ਿੰਮੇਵਾਰੀ ‘ਤੇ ਵੀ ਸਵਾਲ ਉਠਾ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, “ਲੱਗਦਾ ਹੈ ਘਰ ਵਿੱਚ ਵੀ ਇਸੇ ਤਰ੍ਹਾਂ ਰਹਿੰਦੀ ਹੋਵੇਗੀ।” ਦੂਜੇ ਨੇ ਸੁਝਾਅ ਦਿੱਤਾ, “ਸਿੱਧਾ ਜੁਰਮਾਨਾ ਲਗਾਓ, ਤਦ ਹੀ ਅਜਿਹੇ ਲੋਕ ਸੁਧਰਨਗੇ।” ਇੱਕ ਹੋਰ ਯੂਜ਼ਰ ਨੇ ਨਿਰਾਸ਼ਾ ਜਤਾਉਂਦਿਆਂ ਲਿਖਿਆ, “ਲੱਗਦਾ ਹੈ ਸਿਵਿਕ ਸੈਂਸ ਤਾਂ ਪੂਰੀ ਤਰ੍ਹਾਂ ਗਾਇਬ ਹੋ ਗਿਆ ਹੈ।” ਉੱਥੇ ਹੀ ਇੱਕ ਹੋਰ ਯੂਜ਼ਰ ਨੇ ਕਮੈਂਟ ਕੀਤਾ, “ਕੀ ਹੁਣ ਸ਼ਰਮ ਨਾਮ ਦੀ ਕੋਈ ਚੀਜ਼ ਬਚੀ ਵੀ ਹੈ ਜਾਂ ਨਹੀਂ?”
ਇੱਥੇ ਦੇਖੋ ਵੀਡੀਓ
