ਲੀਡ Cabin Crew ਧੀ ਦੇ ਜਹਾਜ਼ ‘ਚ ਮਾਣ ਨਾਲ ਚੜ੍ਹੇ ਮਾਤਾ-ਪਿਤਾ, ਏਅਰ ਹੋਸਟੇਸ ਨੇ ਕੀਤਾ ਸ਼ਾਨਦਾਰ ਸਵਾਗਤ
Air Hostess welcomes Parents in Flight: ਇੰਡੀਗੋ ਏਅਰਲਾਈਨਜ਼ ਦਾ ਇੱਕ ਪਿਆਰਾ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿਸ ਵਿੱਚ ਇੱਕ ਕੈਬਿਨ ਕਰੂ ਆਪਣੇ ਮਾਪਿਆਂ ਨੂੰ ਆਪਣੀ ਫਲਾਈਟ ਵਿੱਚ ਦੇਖ ਕੇ ਭਾਵੁਕ ਹੋ ਜਾਂਦੀ ਹੈ ਅਤੇ ਉਨ੍ਹਾਂ ਦੇ ਪੈਰ ਛੂਹ ਕੇ ਉਨ੍ਹਾਂ ਦਾ ਜਹਾਜ਼ ਵਿੱਚ ਸਵਾਗਤ ਕਰਦੀ ਹੈ। ਇਸ ਖੂਬਸੂਰਤ ਵੀਡੀਓ ਨੂ੍ੰ ਲੋਕਾਂ ਵੱਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ।
ਇੱਕ ਬੱਚੇ ਲਈ ਸਭ ਤੋਂ ਖੁਸ਼ਹਾਲ ਪਲ ਉਹ ਹੁੰਦਾ ਹੈ ਜਦੋਂ ਉਸਦੇ ਮਾਪੇ ਉਸ ‘ਤੇ ਮਾਣ ਕਰਦੇ ਹਨ ਅਤੇ ਉਸਨੂੰ ਕਹਿੰਦੇ ਹਨ ਕਿ ‘ਇਹ ਮੇਰਾ ਬੱਚਾ ਹੈ’। ਆਪਣੇ ਮਾਪਿਆਂ ਨੂੰ ਮਾਣ ਨਾਲ ਮੁਸਕਰਾਉਂਦੇ ਦੇਖਣਾ ਹਰ ਬੱਚੇ ਦਾ ਸਭ ਤੋਂ ਵੱਡਾ ਸੁਪਨਾ ਹੁੰਦਾ ਹੈ। ਇੱਕ ਮਾਤਾ-ਪਿਤਾ ਦੇ ਚਿਹਰੇ ‘ਤੇ ਅਜਿਹੀ ਹੀ ਵੱਡੀ ਮੁਸਕਰਾਹਟ ਉਦੋਂ ਦੇਖੀ ਗਈ ਜਦੋਂ ਇੱਕ ਬਜ਼ੁਰਗ ਮਾਤਾ-ਪਿਤਾ ਉਸੇ ਫਲਾਈਟ ਵਿੱਚ ਯਾਤਰਾ ਕਰ ਰਹੇ ਸਨ ਜਿਸ ਵਿੱਚ ਉਨ੍ਹਾਂ ਦੀ ਧੀ ਲੀਡ ਕੈਬਿਨ ਕਰੂ ਵਜੋਂ ਕੰਮ ਕਰ ਰਹੀ ਸੀ। ਮਾਪੇ ਆਪਣੀ ਧੀ ਨੂੰ ਇਸ ਰੂਪ ਵਿੱਚ ਦੇਖ ਕੇ ਬਹੁਤ ਖੁਸ਼ ਹੋਏ।
ਇੰਡੀਗੋ ਏਅਰਲਾਈਨਜ਼ ਦੀ ਏਅਰ ਹੋਸਟੇਸ ਪਰਮਿਤਾ ਰਾਏ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿੱਚ ਉਹ ਫਲਾਈਟ ਵਿੱਚ ਆਪਣੇ ਮਾਪਿਆਂ ਦਾ ਸਵਾਗਤ ਕਰਦੀ ਦਿਖਾਈ ਦੇ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਉਹ ਉਸ ਫਲਾਈਟ ਵਿੱਚ ਲੀਡ ਕੈਬਿਨ ਕਰੂ (ਮੁੱਖ ਏਅਰ ਹੋਸਟੇਸ) ਵਜੋਂ ਕੰਮ ਕਰ ਰਹੀ ਸੀ। ਪਰਮਿਤਾ ਨੇ ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਅਤੇ ਲਿਖਿਆ, ‘ਮੇਰੇ ਮਾਪਿਆਂ ਨੂੰ ਲੀਡ ਕੈਬਿਨ ਕਰੂ ਵਜੋਂ Surprise ਕਰਨਾ ਮੇਰੇ ਲਈ ਇੱਕ ਖਾਸ ਪਲ ਹੈ। ਇਹ ਮੇਰੀ ਡ੍ਰੀਮ ਫਲਾਈਟ ਸੀ, ਜਿਸਨੂੰ ਮੈਂ ਹਮੇਸ਼ਾ ਯਾਦ ਰੱਖਾਂਗੀ।’
View this post on Instagram
ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਪਰਮਿਤਾ ਆਪਣੇ ਮਾਪਿਆਂ ਦਾ ਮੁਸਕਰਾਹਟ ਨਾਲ ਸਵਾਗਤ ਕਰਦੀ ਹੈ ਅਤੇ ਫਿਰ ਉਨ੍ਹਾਂ ਦੇ ਪੈਰ ਛੂਹਦੀ ਹੈ। ਉਸਦੇ ਮਾਤਾ-ਪਿਤਾ ਵੀ ਮਾਣਮੱਤੇ ਚਿਹਰਿਆਂ ਨਾਲ ਫਲਾਈਟ ਵਿੱਚ ਦਾਖਲ ਹੁੰਦੇ ਹਨ। ਪਰਮਿਤਾ ਨੇ ਇਹ ਵੀਡੀਓ ਆਪਣੇ ਇੰਸਟਾਗ੍ਰਾਮ ਅਕਾਊਂਟ @ms.parmita ਤੋਂ ਸ਼ੇਅਰ ਕੀਤਾ ਹੈ, ਜੋ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਨੂੰ ਹੁਣ ਤੱਕ 8 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਬਹੁਤ ਪਿਆਰ ਅਤੇ ਤਾਰੀਫ਼ ਕੀਤੀ ਹੈ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ- ਮੌਤ ਦੀ ਨਦੀ ਵਿੱਚ ਸ਼ਖਸ ਦੀ ਨਿਡਰ ਸਵਾਰੀ, ਮਗਰਮੱਛਾਂ ਨੇ ਦਿੱਤਾ VIP ਰਸਤਾ!
ਇਸ ਭਾਵੁਕ ਪਲ ਅਤੇ ਪਰਮਿਤਾ ਦੇ ਮਾਪਿਆਂ ਦੇ ਚਿਹਰਿਆਂ ‘ਤੇ ਦਿਖਾਈ ਦੇਣ ਵਾਲੇ ਮਾਣ ਦੀ ਸਾਰਿਆਂ ਨੇ ਪ੍ਰਸ਼ੰਸਾ ਕੀਤੀ ਹੈ। ਇੱਕ ਯੂਜ਼ਰ ਨੇ ਲਿਖਿਆ, ‘ਜਦੋਂ ਤੁਸੀਂ ਕਿਸੇ ਦੀ ਪਰਵਾਹ ਕੀਤੇ ਬਿਨਾਂ ਆਪਣੇ ਮਾਪਿਆਂ ਦਾ ਸਤਿਕਾਰ ਕਰਦੇ ਹੋ।’ ਇੱਕ ਹੋਰ ਨੇ ਕਿਹਾ, ‘ਇਸਨੂੰ ਸੰਸਕਾਰ ਕਹਿੰਦੇ ਹਨ।’ ਇੱਕ ਹੋਰ ਨੇ ਕਿਹਾ, ‘ਧੀ ਨੇ ਆਪਣੇ ਮਾਪਿਆਂ ਦਾ ਮਾਣ ਵਧਾਇਆ ਹੈ।’
