ਕਰਾਚੀ ਦੀਆਂ ਸੜਕਾਂ ‘ਤੇ ਵਿਕ ਰਿਹਾ Masala Dosa, ਪਰ ਕੀਮਤ ਦੇਖਦੇ ਹੀ ਵਿਦੇਸ਼ੀ ਰਹਿ ਗਿਆ ਹੈਰਾਨ, ਵਾਇਰਲ ਹੋਇਆ ਵੀਡੀਓ
Karachi Street Food: ਇੱਕ ਵਿਦੇਸ਼ੀ ਵਲੌਗਰ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਪਾਕਿਸਤਾਨ ਦੇ ਕਰਾਚੀ ਵਿੱਚ ਇੱਕ ਫੂਡ ਸਟਾਲ 'ਤੇ ਮਸਾਲਾ ਡੋਸਾ ਅਤੇ ਪਾਵ ਭਾਜੀ ਦੇਖ ਕੇ ਹੈਰਾਨ ਰਹਿ ਜਾਂਦਾ ਹੈ। ਪਰ ਅਸਲ ਟਵਿਸਟ ਉਸ ਵੇਲੇ ਆਉਂਦਾ ਹੈ ਜਦੋਂ ਉਸ ਨੂੰ ਡੋਸੇ ਦੀ ਕੀਮਤ ਦਾ ਪਤਾ ਲੱਗਦਾ ਹੈ। ਰੇਟ ਸੁਣਨ ਤੋਂ ਬਾਅਦ ਵਿਦੇਸ਼ੀ ਦੇ ਹਾਵ-ਭਾਵ ਦੇਖਣ ਵਾਲੇ ਹੁੰਦੇ ਹਨ।
Viral Video: ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਖਾਣ-ਪੀਣ ਨਾਲ ਜੁੜੀਆਂ ਵੀਡੀਓਜ਼ ਨੂੰ ਲੋਕ ਖੂਬ ਪਸੰਦ ਕਰ ਰਹੇ ਹਨ, ਖ਼ਾਸ ਕਰਕੇ ਜਦੋਂ ਕੋਈ ਵਿਦੇਸ਼ੀ ਵਲੌਗਰ ਕਿਸੇ ਦੇਸ਼ ਦੀਆਂ ਗਲੀਆਂ ਵਿੱਚ ਘੁੰਮ ਕੇ ਉੱਥੋਂ ਦੇ ਸਟ੍ਰੀਟ ਫੂਡ ਨੂੰ ਕਵਰ ਕਰਦਾ ਹੈ। ਅਜਿਹਾ ਹੀ ਇੱਕ ਵੀਡੀਓ ਪਾਕਿਸਤਾਨ ਦੇ ਕਰਾਚੀ ਤੋਂ ਸਾਹਮਣੇ ਆਇਆ ਹੈ, ਜੋ ਇੰਟਰਨੈੱਟ ‘ਤੇ ਕਾਫ਼ੀ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਵਾਇਰਲ ਹੋ ਰਹੀ ਇਸ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਵਿਦੇਸ਼ੀ ਵਲੌਗਰ ਕਰਾਚੀ ਦੀਆਂ ਸੜਕਾਂ ‘ਤੇ ਘੁੰਮਦਿਆਂ ਉੱਥੋਂ ਦੇ ਸਟ੍ਰੀਟ ਫੂਡ ਦਾ ਅਨੁਭਵ ਕਰ ਰਿਹਾ ਸੀ। ਇਸ ਦੌਰਾਨ ਉਸ ਦੀ ਨਜ਼ਰ ਇੱਕ ਅਜਿਹੇ ਫੂਡ ਸਟਾਲ ‘ਤੇ ਪਈ, ਜਿਸ ਨੂੰ ਦੇਖ ਕੇ ਉਹ ਹੈਰਾਨ ਰਹਿ ਗਿਆ। ਉੱਥੇ ਮੇਨੂ ਵਿੱਚ ਮਸਾਲਾ ਡੋਸਾ, ਪਾਵ ਭਾਜੀ ਅਤੇ ਵੜਾ ਪਾਵ ਵਰਗੇ ਭਾਰਤੀ ਵਿਅੰਜਨਾਂ ਦੇ ਨਾਮ ਲਿਖੇ ਹੋਏ ਸਨ। ਪਾਕਿਸਤਾਨ ਵਿੱਚ ਦੱਖਣੀ ਭਾਰਤੀ ਅਤੇ ਮਹਾਰਾਸ਼ਟਰੀ ਪਕਵਾਨਾਂ ਨੂੰ ਦੇਖ ਕੇ ਵਲੌਗਰ ਖੁਦ ਨੂੰ ਰੋਕ ਨਾ ਸਕਿਆ ਅਤੇ ਤੁਰੰਤ ਉਸ ਸਟਾਲ ਵੱਲ ਚਲਾ ਗਿਆ।
ਮੇਨੂ ਦੇਖਦੇ ਹੀ ਹੈਰਾਨ ਰਹਿ ਗਿਆ ਵਿਦੇਸ਼ੀ
ਪਰ ਜਿਵੇਂ ਹੀ ਵਲੌਗਰ ਨੇ ਮੇਨੂ ਕਾਰਡ ਦੇਖਿਆ, ਉਹ ਹੈਰਾਨ ਰਹਿ ਗਿਆ। ਦਰਅਸਲ, ਇੱਕ ਮਸਾਲਾ ਡੋਸੇ ਦੀ ਕੀਮਤ 800 ਪਾਕਿਸਤਾਨੀ ਰੁਪਏ ਲਿਖੀ ਹੋਈ ਸੀ। ਉਹਦਾ ਹੀ ਪਾਵ ਭਾਜੀ ਦੀ ਕੀਮਤ ਵੀ ਕਾਫ਼ੀ ਜ਼ਿਆਦਾ ਸੀ। ਇੰਨੀ ਵੱਧ ਕੀਮਤ ਦੇਖ ਕੇ ਵਿਦੇਸ਼ੀ ਦੇ ਹੋਸ਼ ਉੱਡ ਗਏ। ਇਸ ਤੋਂ ਬਾਅਦ ਉਸ ਨੇ ਡੋਸਾ ਬਣਾਉਣ ਦੀ ਪ੍ਰਕਿਰਿਆ ਦਿਖਾਈ ਅਤੇ ਸਟਾਲ ਦੇ ਮਾਲਕ ਨਾਲ ਗੱਲਬਾਤ ਵੀ ਕੀਤੀ।
ਭਾਰਤੀਆਂ ਨੇ ਕਿਹਾ- ਸਾਡੇ ਕੋਲ ਆਓ, ਸਸਤੇ ਵਿੱਚ ਵਧੀਆ ਖਵਾਵਾਂਗੇ
ਜਿਵੇਂ ਹੀ ਇਹ ਵੀਡੀਓ ਵਾਇਰਲ ਹੋਈ, ਭਾਰਤੀ ਯੂਜ਼ਰਾਂ ਨੇ ਇਸ ‘ਤੇ ਮਜ਼ੇਦਾਰ ਪ੍ਰਤੀਕਿਰਿਆਵਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ। ਲੋਕ ਭਾਰਤ ਅਤੇ ਪਾਕਿਸਤਾਨ ਵਿੱਚ ਡੋਸੇ ਦੀਆਂ ਕੀਮਤਾਂ ਦੀ ਤੁਲਨਾ ਕਰਨ ਲੱਗ ਪਏ। ਇੱਕ ਯੂਜ਼ਰ ਨੇ ਲਿਖਿਆ, “ਇੱਥੇ ਤਾਂ 80 ਰੁਪਏ ਵਿੱਚ ਵਧੀਆ ਮਸਾਲਾ ਡੋਸਾ ਮਿਲ ਜਾਂਦਾ ਹੈ।” ਦੂਜੇ ਨੇ ਟਿੱਪਣੀ ਕੀਤੀ, “ਉੱਥੇ ਡੋਸਾ ਨਾ ਖਾਣਾ, ਉਹ ਤੁਹਾਨੂੰ ਲੁੱਟ ਰਹੇ ਹਨ। ਸਾਡੇ ਕੋਲ ਆਓ, ਸਸਤੇ ਵਿੱਚ ਵਧੀਆ ਖਾਣਾ ਖਵਾਵਾਂਗੇ।”
ਜਦੋਂ ਲੋਕਾਂ ਨੇ ਕੀਮਤ ‘ਤੇ ਸਵਾਲ ਉਠਾਇਆ, ਤਾਂ ਵਲੌਗਰ ਨੇ ਸਪੱਸ਼ਟ ਕੀਤਾ ਕਿ ਇਹ ਕਰਾਚੀ ਦਾ ਇੱਕ ਸ਼ਾਨਦਾਰ ਇਲਾਕਾ ਹੈ। ਪਾਕਿਸਤਾਨ ਵਿੱਚ, ਡੋਸਾ ਇੱਕ ਆਮ ਸਟ੍ਰੀਟ ਫੂਡ ਨਹੀਂ ਹੈ, ਪਰ ਇਸਨੂੰ ਇੱਕ ਫੈਂਸੀ ਡਿਸ਼ ਮੰਨਿਆ ਜਾਂਦਾ ਹੈ, ਜਿਸ ਕਾਰਨ ਇਸਦੀ ਕੀਮਤ ਵਧੇਰੇ ਹੁੰਦੀ ਹੈ।
ਇੱਥੇ ਦੇਖੋ ਵੀਡੀਓ
