Viral: 5 ਸਾਲ ਪਹਿਲਾਂ ਦਿੱਤੇ ਸਨ 1 ਲੱਖ…ਅੱਜ ਧੀ ਨੇ ਕਰੋੜਾਂ ਦੀ G-Wagon ‘ਚ ਬਿਠਾਇਆ, ਨਿਕਲ ਪਏ ਹੰਝੂ

Emotional Viral Video: ਇੱਕ ਪਿਤਾ ਲਈ ਇਸ ਤੋਂ ਵਧੀਆ ਦਿਨ ਕੀ ਹੋ ਸਕਦਾ ਹੈ? ਪੰਜ ਸਾਲ ਪਹਿਲਾਂ, ਉਸਨੇ ਜਿਹੜੀ ਧੀ ਨੂੰ ਦੁਬਈ ਜਾਣ ਲਈ 1 ਲੱਖ ਰੁਪਏ ਦਿੱਤੇ ਸਨ, ਅਤੇ ਅੱਜ, ਉਹ ਕਰੋੜਾਂ ਦੀ ਕਾਰ ਵਿੱਚ ਬੈਠ ਕੇ ਭਾਵੁਕ ਹੋ ਗਏ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਇਸ ਪਲ ਨੇ ਇੰਟਰਨੈੱਟ ਦੀ ਜਨਤਾ ਦਾ ਦਿਲ ਜਿੱਤ ਲਿਆ ਹੈ।

Image Credit source: Instagram/@mansiinsights

TV9 Punjabi | Updated On: 30 Jun 2026 13:52 PM IST

Emotional Viral Video: ਦੁਬਈ (Dubai) ਵਿੱਚ ਰਹਿਣ ਵਾਲੀ ਇੱਕ ਭਾਰਤੀ CEO , ਮਾਨਸੀ ਪੰਚਾਲ (Mansi Panchal) ਦਾ ਇੱਕ ਬਹੁਤ ਹੀ ਭਾਵੁਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਵਿੱਚ ਇੱਕ ਪਿਤਾ ਆਪਣੀ ਧੀ ਦੀ ਪਹਿਲੀ ਚਮਕਦਾਰ G-Wagon ਵਿੱਚ ਸਵਾਰੀ ਕਰਦੇ ਹੋਏ ਦਿਖਾਈ ਦੇ ਰਿਹਾ ਹੈ। ਇਹ ਸਿਰਫ਼ ਇੱਕ ਲਗਜ਼ਰੀ ਕਾਰ ਵਿੱਚ ਸਵਾਰੀ ਨਹੀਂ ਸੀ, ਸਗੋਂ ਇੱਕ ਪਿਤਾ ਦੇ ਵਿਸ਼ਵਾਸ ਅਤੇ ਉਸਦੀ ਧੀ ਦੀ ਮਿਹਨਤ ਦਾ ਸਫਰ ਸੀ।

1 ਲੱਖ ਤੋਂ ਕਰੋੜਾਂ ਦੀ G-Wagon ਤੱਕ ਦਾ ਸਫ਼ਰ

ਮਾਨਸੀ ਨੇ ਇਸ ਖਾਸ ਪਲ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕਰਦਿਆਂ ਦਿਲ ਨੂੰ ਛੁਹ ਲੈਣ ਵਾਲਾ ਨੋਟ ਲਿਖਿਆ। ਉਨ੍ਹਾਂ ਨੇ ਲਿਖਿਆ ਕਿ ਜਦੋਂ ਉਹ ਪੰਜ ਸਾਲ ਪਹਿਲਾਂ ਆਪਣਾ ਕਰੀਅਰ ਬਣਾਉਣ ਲਈ ਦੁਬਈ ਜਾ ਰਹੀ ਸੀ, ਤਾਂ ਉਸਦੇ ਪਿਤਾ ਨੇ ਉਨ੍ਹਾਂ ਨੂੰ ਸਹਾਇਤਾ ਵਜੋਂ 1 ਲੱਖ ਰੁਪਏ ਦਿੱਤੇ ਸਨ। ਅੱਜ, ਪੰਜ ਸਾਲ ਬਾਅਦ, ਉਨ੍ਹਾਂ ਦੀ ਸਫਲਤਾ ਦੀ ਬਦੌਲਤ ਉਨ੍ਹਾਂ ਨੇ ਕਰੋੜਾਂ ਦੀ G-Wagon ਖਰੀਦੀ ਅਤੇ ਆਪਣੇ ਪਿਤਾ ਨੂੰ ਉਸਦੀ ਪਹਿਲੀ ਰਾਈਡ ਦਿੱਤੀ।

ਲੋਕ ਬੋਲੇ, “ਪਾਪਾ ਨੂੰ ਤੁਹਾਡੇ ‘ਤੇ ਮਾਣ ਹੈ”

ਉਨ੍ਹਾਂਨੇ ਅੱਗੇ ਕਿਹਾ, “ਇਹ ਪਲ ਸਿਰਫ ਮੇਰੀ ਵਿੱਤੀ ਸਫਲਤਾ ਬਾਰੇ ਨਹੀਂ ਹੈ, ਬਲਕਿ ਮੇਰੇ ਪਿਤਾ ਦੇ ਵਿਸ਼ਵਾਸ ‘ਤੇ ਸਥਾਪਿਤ ਇੱਕ ਸੁਪਨੇ ਦੀ ਪੂਰਤੀ ਬਾਰੇ ਹੈ।” ਮਾਨਸੀ ਦੇ ਵੀਡੀਓ ਨੇ ਸੋਸ਼ਲ ਮੀਡੀਆ ‘ਤੇ ਲੱਖਾਂ ਲੋਕਾਂ ਦੇ ਦਿਲ ਜਿੱਤ ਲਏ ਹਨ। ਲੋਕ ਪੋਸਟ ‘ਤੇ ਪਿਆਰ ਦੀ ਵਰਖਾ ਕਰ ਰਹੇ ਹਨ ਅਤੇ ਉਨ੍ਹਾਂ ਦੀ ਪ੍ਰਾਪਤੀ ਲਈ ਉਨ੍ਹਾਂਦੀ ਪ੍ਰਸ਼ੰਸਾ ਕਰ ਰਹੇ ਹਨ।

ਇਹ ਵੀ ਪੜ੍ਹੋ: 5 ਅੱਖਾਂ ਤੇ ਹਾਥੀ ਵਰਗੀ ਸੂੰਡ! 50.5 ਕਰੋੜ ਸਾਲ ਪੁਰਾਣੇ ਇਸ ਜੀਵ ਨੇ ਵਿਗਿਆਨੀਆਂ ਨੂੰ ਵੀ ਕੀਤਾ ਹੈਰਾਨ

ਇੱਕ ਯੂਜਰ ਨੇ ਲਿਖਿਆ, “ਮਾਨਸੀ…ਤੁਹਾਨੂੰ ਹੋਰ ਪਾਵਰ ਮਿਲੇ, ਤੁਸੀਂ ਬਹੁਤ ਵਧੀਆ ਕੰਮ ਕੀਤਾ ਹੈ।” ਇੱਕ ਹੋਰ ਯੂਜਰ ਨੇ ਟਿੱਪਣੀ ਕੀਤੀ, “ਇਹ ਸੱਚਮੁੱਚ ਪ੍ਰੇਰਨਾਦਾਇਕ ਹੈ; ਹਰ ਬੱਚੇ ਦਾ ਇਹ ਸੁਪਨਾ ਹੋਣਾ ਚਾਹੀਦਾ ਹੈ।” ਇੱਕ ਹੋਰ ਯੂਜਰ ਨੇ ਲਿਖਿਆ, “ਪਿਤਾ ਦੀਆਂ ਅੱਖਾਂ ਸਾਫ ਦਿਖਾ ਰਹੀਆਂ ਹਨ ਕਿ ਉਨ੍ਹਾਂ ਨੂੰ ਆਪਣੀ ਧੀ ‘ਤੇ ਕਿੰਨਾ ਮਾਣ ਹੈ।”