Viral Video: ਮਾਂ ਬਾਪ ਦੀ ਤਰ੍ਹਾਂ ਪਿਆਰ ਤੇ ਚਿੰਤਾ, ਹਰ ਅੱਧੇ ਘੰਟੇ ਬਾਅਦ ਕੁੱਤਾ ਚੈੱਕ ਕਰਨ ਆਉਂਦਾ ਹੈ ਕਿ ਬੱਚਾ ਸੌਂ ਰਿਹਾ ਹੈ ਜਾਂ ਨਹੀਂ, ਦੇਖੋ ਇਹ VIDEO
Viral Video: ਕੁੱਤਿਆਂ ਨਾਲ ਸਬੰਧਤ ਪਿਆਰੇ ਵੀਡੀਓ ਅਕਸਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੇ ਰਹਿੰਦੇ ਹਨ। ਹਾਲ ਹੀ 'ਚ ਅਜਿਹਾ ਹੀ ਇਕ ਵੀਡੀਓ ਫਿਰ ਤੋਂ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਕੁੱਤਾ ਇਕ ਛੋਟੇ ਬੱਚੇ ਦੀ ਦੇਖਭਾਲ ਕਰਦਾ ਨਜ਼ਰ ਆ ਰਿਹਾ ਹੈ।
ਕੁੱਤੇ ਇਨਸਾਨਾਂ ਪ੍ਰਤੀ ਬਹੁਤ ਵਫ਼ਾਦਾਰ ਹੁੰਦੇ ਹਨ। ਉਹ ਮਨੁੱਖਾਂ ਦੇ ਵੱਡੇ ਹਮਦਰਦ ਵੀ ਹਨ। ਬਹੁਤ ਸਾਰੇ ਲੋਕ ਆਪਣੇ ਘਰਾਂ ਵਿੱਚ ਆਪਣੇ ਕੁੱਤਿਆਂ ਨੂੰ ਪਰਿਵਾਰ ਦੇ ਇੱਕ ਮੈਂਬਰ ਵਾਂਗ ਰੱਖਦੇ ਹਨ। ਕੁੱਤੇ ਵੀ ਆਪਣੇ ਮਾਲਕ ਅਤੇ ਆਪਣੇ ਪਰਿਵਾਰ ਪ੍ਰਤੀ ਇੰਨੇ ਵਫ਼ਾਦਾਰ ਹੁੰਦੇ ਹਨ ਕਿ ਉਹ ਮਾਲਕ ਨੂੰ ਆਉਣ ਵਾਲੇ ਕਿਸੇ ਵੀ ਖ਼ਤਰੇ ਤੋਂ ਪਹਿਲਾਂ ਹੀ ਦੂਰ ਕਰ ਦਿੰਦੇ ਹਨ। ਅਜਿਹੀਆਂ ਹੀ ਇਕ ਉਦਾਹਰਣਾਂ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ। ਜਿਸ ਵਿੱਚ ਇਕ ਕੁੱਤਾ ਆਪਣੇ ਘਰ ਦੇ ਛੋਟੇ ਬੱਚੇ ਦੀ ਰਾਖੀ ਕਰਦਾ ਨਜ਼ਰ ਆ ਰਿਹਾ ਹੈ।
ਕੁੱਤੇ ਦੀ ਇਸ ਵੀਡੀਓ ਨੂੰ ਸੋਸ਼ਲ ਸਾਈਟ ਐਕਸ ‘ਤੇ @TheFigen_ ਨਾਂ ਦੇ ਯੂਜ਼ਰ ਨੇ ਸ਼ੇਅਰ ਕੀਤਾ ਹੈ। ਇਹ ਖਬਰ ਲਿਖੇ ਜਾਣ ਤੱਕ ਇਸ ਨੂੰ 16.8 ਮਿਲੀਅਨ ਲੋਕ ਦੇਖ ਚੁੱਕੇ ਹਨ ਅਤੇ ਲਗਭਗ 2 ਲੱਖ ਲੋਕਾਂ ਨੇ ਇਸ ਨੂੰ ਲਾਈਕ ਕੀਤਾ ਹੈ। ਵੀਡੀਓ ਦੇ ਕੈਪਸ਼ਨ ‘ਚ ਯੂਜ਼ਰ ਨੇ ਦੱਸਿਆ ਹੈ ਕਿ ਕੁੱਤਾ ਹਰ ਅੱਧੇ ਘੰਟੇ ਬਾਅਦ ਇਹ ਦੇਖਣ ਲਈ ਆਉਂਦਾ ਹੈ ਕਿ ਬੱਚਾ ਸੌਂ ਰਿਹਾ ਹੈ ਜਾਂ ਨਹੀਂ। ਵੀਡੀਓ ਵਿੱਚ ਇਹ ਦੇਖਿਆ ਜਾ ਰਿਹਾ ਹੈ ਕਿ ਨਵਜੰਮਿਆ ਬੱਚਾ ਆਪਣੇ ਪੰਘੂੜੇ ਵਿੱਚ ਸ਼ਾਂਤੀ ਨਾਲ ਸੌਂ ਰਿਹਾ ਹੈ। ਫਿਰ ਘਰ ਦਾ ਪਾਲਤੂ ਕੁੱਤਾ ਆ ਕੇ ਸੁੰਘਦਾ ਹੈ ਕਿ ਬੱਚਾ ਸੌਂ ਰਿਹਾ ਹੈ ਜਾਂ ਨਹੀਂ। ਜਦੋਂ ਕੁੱਤਾ ਸੰਤੁਸ਼ਟ ਹੋ ਜਾਂਦਾ ਹੈ ਕਿ ਬੱਚਾ ਸੌਂ ਰਿਹਾ ਹੈ, ਤਾਂ ਉਹ ਦੂਜੇ ਕਮਰੇ ਵਿੱਚ ਵਾਪਸ ਚਲਾ ਜਾਂਦਾ ਹੈ। ਇਸ ਤੋਂ ਬਾਅਦ ਉਹ ਅੱਧੇ ਘੰਟੇ ਬਾਅਦ ਦੁਬਾਰਾ ਆ ਕੇ ਜਾਂਚ ਕਰਦਾ ਹੈ ਕਿ ਬੱਚਾ ਸੌਂ ਰਿਹਾ ਹੈ ਜਾਂ ਨਹੀਂ। ਇਸ ਤੋਂ ਬਾਅਦ ਉਹ ਇਸ ਗੱਲ ਦੀ ਪੁਸ਼ਟੀ ਕਰਦਾ ਹੈ ਅਤੇ ਚਲਾ ਜਾਂਦਾ ਹੈ। ਇਹ ਸਿਲਸਿਲਾ ਇਸੇ ਤਰ੍ਹਾਂ ਚਲਦਾ ਰਹਿੰਦਾ ਹੈ।
Dog checks if baby is sleeping every 30 minutes.
— Figen (@TheFigen_) August 29, 2024
ਇਹ ਵੀ ਪੜ੍ਹੋ- ਸੜਕ ਤੇ ਅਚਾਨਕ ਈ-ਰਿਕਸ਼ਾ ਕਰਨ ਲੱਗਾ ਸਟੰਟ, ਵੀਡੀਓ ਦੇਖ ਕੇ ਲੋਕ ਬੋਲੇ- ਹੁਣ ਤੋਂ ਸੰਭਲ ਕੇ ਬੈਠਣਾ
ਬੱਚੇ ਪ੍ਰਤੀ ਕੁੱਤੇ ਦੀ ਅਜਿਹੀ ਚਿੰਤਾ ਦੇਖ ਕੇ ਲੋਕ ਹੈਰਾਨ ਹਨ। ਲੋਕ ਕਮੈਂਟ ਕਰ ਰਹੇ ਹਨ ਕਿ ਇਸ ਕੁੱਤੇ ਨੂੰ ਬੱਚੇ ਦੀ ਓਨੀ ਹੀ ਚਿੰਤਾ ਹੈ ਜਿੰਨੀ ਕਿਸੇ ਮਾਂ-ਬਾਪ ਨੂੰ ਹੁੰਦੀ ਹੈ। ਵੀਡੀਓ ਦੇ ਕਮੈਂਟ ਬਾਕਸ ‘ਚ ਲੋਕਾਂ ਨੇ ਕੁੱਤਿਆਂ ਅਤੇ ਇਨਸਾਨਾਂ ਨਾਲ ਸਬੰਧਤ ਕਈ ਹੋਰ ਵੀਡੀਓਜ਼ ਵੀ ਸ਼ੇਅਰ ਕੀਤੀਆਂ ਹਨ। ਜਦੋਂ ਕਿ ਕਈ ਲੋਕਾਂ ਨੇ ਕਿਹਾ ਕਿ ਕੁੱਤੇ ਬੱਚਿਆਂ ਦੇ ਸਭ ਤੋਂ ਚੰਗੇ ਦੋਸਤ ਹੁੰਦੇ ਹਨ।
