Video Viral: ‘ਇਹ ਭਾਰਤ ਹੈ, ਸਿਰਫ਼ ਹਿੰਦੀ ਬੋਲਾਂਗੀ’, SBI ਮੈਨੇਜਰ ਨੂੰ ਕੰਨੜ ਬੋਲਣ ਲਈ ਕੀਤਾ ਮਜਬੂਰ
Shocking Viral Video: ਬੰਗਲੁਰੂ ਦਿਹਾਤੀ ਦੇ ਚੰਦਾਪੁਰਾ ਵਿੱਚ ਉਦੋਂ ਇਹ ਝੜਪ ਸ਼ੁਰੂ ਹੋਈ ਜਦੋਂ ਇੱਕ ਗਾਹਕ ਨੇ ਕੰਨੜ ਵਿੱਚ ਬੋਲਦੇ ਹੋਏ ਐਸਬੀਆਈ ਬੈਂਕ ਮੈਨੇਜਰ ਨੂੰ ਉਸੇ ਭਾਸ਼ਾ ਵਿੱਚ ਜਵਾਬ ਦੇਣ ਲਈ ਕਿਹਾ। ਹਾਲਾਂਕਿ, ਔਰਤ ਨੇ ਹਿੰਦੀ ਵਿੱਚ ਗੱਲਬਾਤ ਜਾਰੀ ਰੱਖਣ 'ਤੇ ਜ਼ੋਰ ਦਿੱਤਾ, ਜਿਸ ਤੋਂ ਬਾਅਦ ਦੋਵਾਂ ਵਿਚਕਾਰ ਤਿੱਖੀ ਬਹਿਸ ਹੋ ਗਈ। ਜਿਸ ਦੀ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ।
SBI Manger Refuses To Speak Kannada: ਕਰਨਾਟਕ ਦੀ ਰਾਜਧਾਨੀ ਬੈਂਗਲੁਰੂ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ (SBI) ਦੀ ਇੱਕ ਸ਼ਾਖਾ ਵਿੱਚ ਉਸ ਸਮੇਂ ਵਿਵਾਦ ਸ਼ੁਰੂ ਹੋ ਗਿਆ ਜਦੋਂ ਬੈਂਕ ਮੈਨੇਜਰ ਨੇ ਇੱਕ ਗਾਹਕ ਨਾਲ ਗਰਮਾ-ਗਰਮ ਬਹਿਸ ਦੌਰਾਨ ਕੰਨੜ ਵਿੱਚ ਬੋਲਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ। ਇੱਕ ਬੈਂਕ ਮੈਨੇਜਰ ਅਤੇ ਇੱਕ ਗਾਹਕ ਵਿਚਕਾਰ ਜ਼ੁਬਾਨੀ ਝਗੜੇ ਦੀ ਇਹ ਘਟਨਾ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ ਹੈ।
ਇਹ ਵਿਵਾਦ ਦੱਖਣੀ ਬੰਗਲੁਰੂ ਦੇ ਇੱਕ ਉਪਨਗਰ ਚੰਦਾਪੁਰਾ ਵਿੱਚ ਉਦੋਂ ਸ਼ੁਰੂ ਹੋਇਆ ਜਦੋਂ ਕੰਨੜ ਵਿੱਚ ਬੋਲ ਰਹੇ ਇੱਕ ਗਾਹਕ ਨੇ ਬੈਂਕ ਮੈਨੇਜਰ ਨੂੰ ਉਸੇ ਭਾਸ਼ਾ ਵਿੱਚ ਜਵਾਬ ਦੇਣ ਲਈ ਕਿਹਾ। ਹਾਲਾਂਕਿ, ਔਰਤ ਨੇ ਹਿੰਦੀ ਵਿੱਚ ਗੱਲਬਾਤ ਜਾਰੀ ਰੱਖਣ ‘ਤੇ ਜ਼ੋਰ ਦਿੱਤਾ, ਜਿਸ ਤੋਂ ਬਾਅਦ ਦੋਵਾਂ ਵਿਚਕਾਰ ਤਿੱਖੀ ਬਹਿਸ ਹੋ ਗਈ।
‘ਇਹ ਭਾਰਤ ਹੈ, ਮੈਂ ਸਿਰਫ਼ ਹਿੰਦੀ ਬੋਲਾਂਗਾ’
ਵਾਇਰਲ ਵੀਡੀਓ ਵਿੱਚ, ਗਾਹਕ ਨੂੰ ਮੈਨੇਜਰ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ ਕਿ ਉਹ ਕਰਨਾਟਕ ਵਿੱਚ ਹੈ ਇਸ ਲਈ ਉਸਨੂੰ ਕੰਨੜ ਬੋਲਣਾ ਚਾਹੀਦਾ ਹੈ। ਗਾਹਕ ਕਹਿੰਦਾ ਹੈ, ਕੰਨੜ ਬੋਲੋ ਮੈਡਮ, ਇਹ ਕਰਨਾਟਕ ਹੈ। ਇਸ ਦਾ ਮੈਨੇਜਰ ਜਵਾਬ ਦਿੰਦੀ ਹੈ, ਤਾਂ? ਇਹ ਭਾਰਤ ਹੈ। ਮੈਂ ਸਿਰਫ਼ ਹਿੰਦੀ ਹੀ ਬੋਲਾਂਗੀ।
ਇਸ ਤੋਂ ਬਾਅਦ, ਗਾਹਕ ਨੇ ਆਰਬੀਆਈ ਦਿਸ਼ਾ-ਨਿਰਦੇਸ਼ ਦਾ ਹਵਾਲਾ ਦਿੱਤਾ ਜਿਸ ਵਿੱਚ ਗਾਹਕ ਨਾਲ ਸਥਾਨਕ ਭਾਸ਼ਾ ਵਿੱਚ ਗੱਲ ਕਰਨ ਦੀ ਸਲਾਹ ਦਿੱਤੀ ਗਈ ਹੈ। ਹਾਲਾਂਕਿ, ਮੈਨੇਜਰ ਨੇ ਇਸਦਾ ਕੋਈ ਜਵਾਬ ਨਹੀਂ ਦਿੱਤਾ ਅਤੇ ਗਾਹਕ ਨੂੰ ਕਿਹਾ, ਤੁਸੀਂ ਮੈਨੂੰ ਨੌਕਰੀ ਨਹੀਂ ਦਿੱਤੀ। ਫਿਰ ਜਿਵੇਂ-ਜਿਵੇਂ ਬਹਿਸ ਤੇਜ਼ ਹੁੰਦੀ ਗਈ, ਮੈਨੇਜਰ ਨੇ ਗੁੱਸੇ ਨਾਲ ਕਿਹਾ, ਮੈਂ ਕਦੇ ਕੰਨੜ ਨਹੀਂ ਬੋਲਾਂਗੀ। ਇਸ ‘ਤੇ ਗਾਹਕ ਨੇ ਤਾਅਨਾ ਮਾਰਿਆ, ਸੁਪਰ, ਮੈਡਮ, ਸੁਪਰ।
Bengaluru Chandapura SBI Branch Manager says “she will never speak Kannada” as this is India and she speaks Hindi RBI has given clear guidelines saying staff should provide service in the local language@TheOfficialSBI better take action against her.pic.twitter.com/llkqTjsW7R
— 👑Che_Krishna🇮🇳💛❤️ (@CheKrishnaCk_) May 20, 2025ਇਹ ਵੀ ਪੜ੍ਹੋ
ਇਸ ਘਟਨਾ ਨੇ ਸੋਸ਼ਲ ਮੀਡੀਆ ‘ਤੇ ਗੁੱਸਾ ਭੜਕਾਇਆ, ਬਹੁਤ ਸਾਰੇ ਨੇਟੀਜ਼ਨਾਂ ਨੇ ਗੁੱਸੇ ਵਿੱਚ ਆ ਕੇ ਕਿਹਾ ਕਿ ਕੋਈ ਵੀ ਕਿਸੇ ‘ਤੇ ਸਥਾਨਕ ਭਾਸ਼ਾ ਨਹੀਂ ਥੋਪ ਸਕਦਾ। ਲੋਕ ਕੋਈ ਵੀ ਭਾਸ਼ਾ ਬੋਲ ਸਕਦੇ ਹਨ, ਜਦੋਂ ਕਿ ਕਈਆਂ ਨੇ ਬੈਂਕ ਮੈਨੇਜਰ ਨੂੰ ਰੁੱਖਾ ਕਿਹਾ ਕਿਉਂਕਿ ਉਸਨੇ ਕੰਨੜ ਵਿੱਚ ਬੋਲਣ ਤੋਂ ਇਨਕਾਰ ਕਰ ਦਿੱਤਾ ਸੀ।
ਇਹ ਵੀ ਪੜ੍ਹੋ- ਕੁੜੀ ਨੇ ਚਲਦੀ ਬਾਈਕ ਤੇ ਚੱਪਲਾਂ ਨਾਲ ਨੌਜਵਾਨ ਨੂੰ ਕੁੱਟਿਆ 20 ਸਕਿੰਟਾਂ ਵਿੱਚ 14 ਹਮਲੇ; ਵੀਡੀਓ
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਕੰਨੜ ਕਾਰਕੁਨ ਸਮੂਹਾਂ ਨੇ ਬੈਂਕ ਵਿਰੁੱਧ ਵਿਰੋਧ ਪ੍ਰਦਰਸ਼ਨ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਉਹ ਐਸਬੀਆਈ ਦੀ ਮੁੱਖ ਸ਼ਾਖਾ ਵੱਲ ਮਾਰਚ ਕਰਨ ਅਤੇ ਇਸ ਮਾਮਲੇ ਵਿੱਚ ਇੱਕ ਮੰਗ ਪੱਤਰ ਸੌਂਪਣ ਦੀ ਯੋਜਨਾ ਬਣਾ ਰਹੇ ਹਨ।
