X ਦਾ ਨਵਾਂ ਲੁੱਕ ਤੇ ਸੁਪਰਫਾਸਟ ਸਪੀਡ! ਨਵੇਂ ਫੀਚਰਾਂ ਨਾਲ ਲਾਂਚ ਹੋਇਆ Android ਐਪ, ਜਾਣੋ ਕੀ-ਕੀ ਬਦਲਿਆ?
X Android App: X (ਪਹਿਲਾਂ ਟਵਿੱਟਰ) ਨੇ Android ਯੂਜ਼ਰਾਂ ਲਈ ਆਪਣਾ ਨਵਾਂ ਰੀ-ਡਿਜ਼ਾਈਨ ਐਪ ਲਾਂਚ ਕਰ ਦਿੱਤਾ ਹੈ। ਨਵੇਂ ਐਪ ਵਿੱਚ ਸਕ੍ਰੋਲਿੰਗ, ਲੋਡਿੰਗ ਅਤੇ ਹੌਲੀ ਪਰਫਾਰਮੈਂਸ ਵਰਗੀਆਂ ਸਮੱਸਿਆਵਾਂ ਨੂੰ ਦੂਰ ਕੀਤਾ ਗਿਆ ਹੈ। ਇਸ ਨਵੇਂ ਅਪਡੇਟ ਨਾਲ ਐਪ ਵਿੱਚ ਕਈ ਮਹੱਤਵਪੂਰਨ ਬਦਲਾਅ ਕੀਤੇ ਗਏ ਹਨ ਅਤੇ ਜਲਦ ਹੀ ਇਸ ਵਿੱਚ ਹੋਰ ਨਵੇਂ ਫੀਚਰ ਵੀ ਸ਼ਾਮਲ ਕੀਤੇ ਜਾ ਸਕਦੇ ਹਨ।
X (ਪਹਿਲਾਂ ਟਵਿੱਟਰ) ਨੇ ਆਪਣੇ Android ਐਪ ਦਾ ਪੂਰੀ ਤਰ੍ਹਾਂ ਨਵਾਂ ਵਰਜ਼ਨ ਜਾਰੀ ਕਰ ਦਿੱਤਾ ਹੈ। ਕੰਪਨੀ ਨੇ ਲਗਭਗ ਇੱਕ ਸਾਲ ਪਹਿਲਾਂ Android ਯੂਜ਼ਰਾਂ ਲਈ ਐਪ ਦੇ ਤਜਰਬੇ ਨੂੰ ਰੀ-ਡਿਜ਼ਾਈਨ ਕਰਨ ਦੀ ਯੋਜਨਾ ਦਾ ਐਲਾਨ ਕੀਤਾ ਸੀ। ਅਪਡੇਟ ਕੀਤਾ ਗਿਆ ਇਹ ਐਪ ਹੁਣ Google Play Store ਰਾਹੀਂ ਦੁਨੀਆ ਭਰ ਦੇ ਯੂਜ਼ਰਾਂ ਲਈ ਉਪਲਬਧ ਹੈ। ਨਵੇਂ ਵਰਜ਼ਨ ਵਿੱਚ ਸਪੀਡ, ਸਕ੍ਰੋਲਿੰਗ, ਨੋਟੀਫ਼ਿਕੇਸ਼ਨ ਅਤੇ ਐਪ ਦੀ ਕੁੱਲ ਭਰੋਸੇਯੋਗਤਾ (Overall Reliability) ਵਿੱਚ ਮਹੱਤਵਪੂਰਨ ਸੁਧਾਰ ਕੀਤੇ ਗਏ ਹਨ।
ਕੰਪਨੀ ਦੇ ਮੁਤਾਬਕ, Android ਐਪ ਨੂੰ ਹੌਲੀ-ਹੌਲੀ ਅਪਡੇਟ ਕਰਨ ਦੀ ਬਜਾਏ ਸ਼ੁਰੂ ਤੋਂ ਹੀ ਨਵੇਂ ਸਿਰੇ ਨਾਲ ਤਿਆਰ (Develop) ਕੀਤਾ ਗਿਆ ਹੈ। X ਦਾ ਕਹਿਣਾ ਹੈ ਕਿ ਇਸ ਨਵੇਂ ਆਰਕੀਟੈਕਚਰ ਦਾ ਮਕਸਦ ਲੰਬੇ ਸਮੇਂ ਤੋਂ ਚੱਲ ਰਹੀਆਂ ਪਰਫਾਰਮੈਂਸ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨਾ ਹੈ, ਨਾਲ ਹੀ ਭਵਿੱਖ ਵਿੱਚ ਨਵੇਂ ਫੀਚਰ ਜੋੜਨਾ ਹੋਰ ਆਸਾਨ ਬਣਾਉਣਾ ਵੀ ਹੈ।
Android ਐਕਸਪੀਰੀਅੰਸ ਨੂੰ ਬਿਹਤਰ ਬਣਾਉਣ ‘ਤੇ ਫੋਕਸ
Android ਐਪ ਨੂੰ ਨਵੇਂ ਸਿਰੇ ਨਾਲ ਤਿਆਰ ਕਰਨ ਦੀ ਕੋਸ਼ਿਸ਼ ਪਿਛਲੇ ਸਾਲ ਉਸ ਵੇਲੇ ਸ਼ੁਰੂ ਹੋਈ, ਜਦੋਂ X ਨੇ ਮੰਨਿਆ ਕਿ iOS ਵਰਜ਼ਨ ਦੇ ਮੁਕਾਬਲੇ Android ਵਰਜ਼ਨ ਪਿੱਛੇ ਰਹਿ ਗਿਆ ਸੀ। ਇਸ ਤੋਂ ਬਾਅਦ ਕੰਪਨੀ ਨੇ ਐਪ ਨੂੰ ਰੀ-ਡਿਜ਼ਾਈਨ ਕਰਨ ਅਤੇ ਸਮੁੱਚੇ ਯੂਜ਼ਰ ਐਕਸਪੀਰੀਅੰਸ ਨੂੰ ਬਿਹਤਰ ਬਣਾਉਣ ਲਈ ਇੱਕ ਸਮਰਪਿਤ Android ਇੰਜੀਨੀਅਰਿੰਗ ਟੀਮ ਦਾ ਗਠਨ ਕੀਤਾ।
X ਦੇ ਪ੍ਰੋਡਕਟ ਹੈੱਡ ਨਿਕਿਤਾ ਬੀਅਰ ਨੇ ਇਸ ਪ੍ਰੋਜੈਕਟ ਨੂੰ ਕੰਪਨੀ ਵੱਲੋਂ ਕੀਤੀਆਂ ਸਭ ਤੋਂ ਵੱਡੀਆਂ ਇੰਜੀਨੀਅਰਿੰਗ ਪਹਿਲਾਂ ਵਿੱਚੋਂ ਇੱਕ ਦੱਸਿਆ ਹੈ। ਉਨ੍ਹਾਂ ਦੇ ਅਨੁਸਾਰ, ਰੀ-ਡਿਜ਼ਾਈਨ ਕੀਤਾ ਗਿਆ ਐਪ ਹੁਣ ਹੋਰ ਸਮੂਥ ਨੇਵੀਗੇਸ਼ਨ, ਤੇਜ਼ ਲੋਡਿੰਗ ਟਾਈਮ ਅਤੇ ਬਿਹਤਰ ਰਿਸਪਾਂਸਿਵਨੈੱਸ ਪ੍ਰਦਾਨ ਕਰਦਾ ਹੈ।
Android ਯੂਜ਼ਰਾਂ ਨੂੰ ਆ ਰਹੀਆਂ ਸਨ ਸਮੱਸਿਆਵਾਂ
ਇਹ ਬਦਲਾਅ ਉਸ ਸਮੇਂ ਕੀਤਾ ਗਿਆ ਹੈ ਜਦੋਂ ਪਿਛਲੇ ਸਾਲ Android ਯੂਜ਼ਰਾਂ ਨੂੰ ਲਗਾਤਾਰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਇਨ੍ਹਾਂ ਵਿੱਚ ਹੌਲੀ ਪਰਫਾਰਮੈਂਸ ਅਤੇ ਕੁਝ ਮਾਮਲਿਆਂ ਵਿੱਚ ਸ਼ੇਅਰ ਕੀਤੇ ਲਿੰਕਾਂ ਰਾਹੀਂ ਪੋਸਟ ਲੋਡ ਹੋਣ ਵਿੱਚ ਦਿੱਕਤ ਵਰਗੀਆਂ ਸਮੱਸਿਆਵਾਂ ਸ਼ਾਮਲ ਸਨ।
ਇਹ ਵੀ ਪੜ੍ਹੋ
ਜਲਦ ਆਉਣਗੇ ਹੋਰ ਵੀ ਨਵੇਂ ਫੀਚਰ
ਹਾਲਾਂਕਿ ਰੀਬਿਲਟ Android ਐਪ ਹੁਣ ਉਪਲਬਧ ਹੈ, ਪਰ X ਦਾ ਕਹਿਣਾ ਹੈ ਕਿ ਇਸ ‘ਤੇ ਹਾਲੇ ਵੀ ਕੰਮ ਜਾਰੀ ਹੈ। ਕੰਪਨੀ ਪੁਰਾਣੇ Android ਸਮਾਰਟਫੋਨਾਂ ‘ਤੇ ਪਰਫਾਰਮੈਂਸ ਨੂੰ ਹੋਰ ਬਿਹਤਰ ਬਣਾਉਣ ਅਤੇ ਆਪਣੇ ਲਾਈਵ ਆਡੀਓ ਫੀਚਰ Spaces ਲਈ ਸਹਾਇਤਾ ਜੋੜਣ ਦੀ ਯੋਜਨਾ ਬਣਾ ਰਹੀ ਹੈ। ਆਉਣ ਵਾਲੇ ਅਪਡੇਟਾਂ ਵਿੱਚ Android ‘ਤੇ ਕਈ ਹੋਰ ਨਵੇਂ ਫੀਚਰ ਵੀ ਸ਼ਾਮਲ ਹੋਣ ਦੀ ਉਮੀਦ ਹੈ। ਇਨ੍ਹਾਂ ਵਿੱਚ ਨਵਾਂ ਵੀਡੀਓ ਐਡੀਟਰ, ਵੀਡੀਓ ਰਿਐਕਸ਼ਨ, ਕੈਸ਼ਟੈਗ (Cashtags) ਅਤੇ ਕਸਟਮ ਟਾਈਮਲਾਈਨ ਵਰਗੇ ਫੀਚਰ ਸ਼ਾਮਲ ਹਨ, ਜੋ ਪਹਿਲਾਂ ਹੀ ਕੰਪਨੀ ਦੇ ਵੱਡੇ ਪ੍ਰੋਡਕਟ ਰੋਡਮੈਪ ਦਾ ਹਿੱਸਾ ਹਨ।
Source:TV9Hindi.com
