ਕੀ ਤੁਹਾਡਾ ਵੀ WhatsApp ਹੋ ਗਿਆ ਬੰਦ? ਹਜ਼ਾਰਾਂ ਅਕਾਊਂਟ 24 ਘੰਟਿਆਂ ਦੇ ਰਿਵਿਊ ‘ਚ ਫਸੇ, ਯੂਜ਼ਰ ਹੋਏ ਪਰੇਸ਼ਾਨ
WhatsApp ਨੇ ਸੋਮਵਾਰ ਸ਼ਾਮ ਅਚਾਨਕ ਕਈ ਯੂਜ਼ਰਾਂ ਦੇ ਅਕਾਊਂਟ ਜਾਂਚ ਦੇ ਘੇਰੇ 'ਚ ਲੈ ਲਏ, ਜਿਸ ਕਾਰਨ ਉਹ 24 ਘੰਟਿਆਂ ਤੱਕ ਮੈਸੇਜ ਭੇਜਣ ਤੇ ਪ੍ਰਾਪਤ ਕਰਨ ਦੀ ਸਹੂਲਤ ਨਹੀਂ ਵਰਤ ਸਕੇ। ਭਾਰਤ ਸਮੇਤ ਕਈ ਥਾਵਾਂ 'ਤੇ ਯੂਜ਼ਰਾਂ ਨੇ ਇਸ ਸਮੱਸਿਆ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਆਪਣੀ ਨਾਰਾਜ਼ਗੀ ਵੀ ਜ਼ਾਹਰ ਕੀਤੀ।
ਜੇਕਰ ਸਵੇਰੇ ਉੱਠਦੇ ਹੀ ਤੁਹਾਡਾ WhatsApp ਅਚਾਨਕ ਕੰਮ ਕਰਨਾ ਬੰਦ ਹੋ ਗਿਆ ਤੇ ਸਕ੍ਰੀਨ ‘ਤੇ This account is under review for 24 hours ਦਾ ਮੈਸੇਜ ਦਿਖਾਈ ਦੇ ਰਿਹਾ ਤਾਂ ਤੁਸੀਂ ਇਕੱਲੇ ਨਹੀਂ ਹੋ। Meta ਦੀ ਮਲਕੀਅਤ ਵਾਲੇ ਮਸ਼ਹੂਰ ਮੈਸੇਜਿੰਗ ਪਲੇਟਫਾਰਮ WhatsApp ਨੇ ਹਾਲ ਹੀ ‘ਚ ਕਈ ਯੂਜ਼ਰਾਂ ਦੇ ਅਕਾਊਂਟ 24 ਘੰਟਿਆਂ ਦੇ ਅਸਥਾਈ ਰਿਵਿਊ ‘ਤੇ ਪਾ ਦਿੱਤੇ ਹਨ।
ਇਹ ਸਮੱਸਿਆ ਰਾਤ ਕਰੀਬ 8 ਵਜੇ ਸਾਹਮਣੇ ਆਈ, ਜਦੋਂ ਪ੍ਰਭਾਵਿਤ ਯੂਜ਼ਰਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਐਪ ਦੇ ਅੰਦਰ ਇੱਕ ਨੋਟੀਫਿਕੇਸ਼ਨ ਮਿਲਿਆ, ਜਿਸ ‘ਚ ਕਿਹਾ ਗਿਆ ਕਿ ਪਲੇਟਫਾਰਮ ਦੀਆਂ ਸੇਵਾ ਦੀਆਂ ਸ਼ਰਤਾਂ (Terms of Service) ਦੀ ਪਾਲਣਾ ਲਈ ਉਨ੍ਹਾਂ ਦੇ ਅਕਾਊਂਟ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਹਜ਼ਾਰਾਂ ਅਕਾਊਂਟ ਰਿਵਿਊ ‘ਚ ਪਾਏ ਗਏ
WhatsApp ਨੇ ਸੋਮਵਾਰ ਸ਼ਾਮ ਅਚਾਨਕ ਕਈ ਯੂਜ਼ਰਾਂ ਦੇ ਅਕਾਊਂਟ ਜਾਂਚ ਦੇ ਘੇਰੇ ‘ਚ ਲੈ ਲਏ, ਜਿਸ ਕਾਰਨ ਉਹ 24 ਘੰਟਿਆਂ ਤੱਕ ਮੈਸੇਜ ਭੇਜਣ ਤੇ ਪ੍ਰਾਪਤ ਕਰਨ ਦੀ ਸਹੂਲਤ ਨਹੀਂ ਵਰਤ ਸਕੇ। ਭਾਰਤ ਸਮੇਤ ਕਈ ਥਾਵਾਂ ‘ਤੇ ਯੂਜ਼ਰਾਂ ਨੇ ਇਸ ਸਮੱਸਿਆ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਆਪਣੀ ਨਾਰਾਜ਼ਗੀ ਵੀ ਜ਼ਾਹਰ ਕੀਤੀ।
ਯੂਜ਼ਰਾਂ ਨੂੰ ਐਪ ਖੋਲ੍ਹਣ ‘ਤੇ ਇੱਕ ਮੈਸੇਜ ਦਿਖਾਈ ਦਿੱਤਾ ਕਿ ਉਨ੍ਹਾਂ ਦਾ ਅਕਾਊਂਟ ਅੰਡਰ ਰਿਵਿਊ ਹੈ ਤੇ ਉਸ ਦੀਆਂ ਗਤੀਵਿਧੀਆਂ ਤੇ ਫੋਨ ਨਾਲ ਜੁੜੀ ਜਾਣਕਾਰੀ ਦੀ ਜਾਂਚ ਕੀਤੀ ਜਾ ਰਹੀ ਹੈ। WhatsApp ਵੱਲੋਂ ਦੱਸਿਆ ਗਿਆ ਕਿ 24 ਘੰਟਿਆਂ ਦੇ ਅੰਦਰ ਇਸ ਸਬੰਧੀ ਫੈਸਲਾ ਲਿਆ ਜਾਵੇਗਾ।
ਯੂਜ਼ਰਾਂ ਨੇ ਸੋਸ਼ਲ ਮੀਡੀਆ ‘ਤੇ ਜਤਾਈ ਨਾਰਾਜ਼ਗੀ
ਕਈ ਯੂਜ਼ਰਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ ‘ਤੇ ਆਪਣੀ ਪਰੇਸ਼ਾਨੀ ਸਾਂਝੀ ਕੀਤੀ। ਕੁਝ ਲੋਕਾਂ ਨੇ ਕਿਹਾ ਕਿ ਬਿਨਾਂ ਕਿਸੇ ਕਾਰਨ ਉਨ੍ਹਾਂ ਦਾ ਅਕਾਊਂਟ ਬੰਦ ਕਰ ਦਿੱਤਾ ਗਿਆ ਹੈ, ਜਦਕਿ ਕਈ ਕਾਰੋਬਾਰੀ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਦਾ ਕੰਮ WhatsApp ‘ਤੇ ਨਿਰਭਰ ਹੈ ਤੇ ਅਕਾਊਂਟ ਬੰਦ ਹੋਣ ਨਾਲ ਉਨ੍ਹਾਂ ਨੂੰ ਵੱਡੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਇਹ ਵੀ ਪੜ੍ਹੋ
WhatsApp ਦੇ ਬੁਲਾਰੇ ਨੇ ਕਿਹਾ ਕਿ ਕੰਪਨੀ ਉਨ੍ਹਾਂ ਲੋਕਾਂ ‘ਤੇ ਨਜ਼ਰ ਰੱਖਦੀ ਹੈ ਜੋ ਪਲੇਟਫਾਰਮ ਦਾ ਗਲਤ ਇਸਤੇਮਾਲ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਯੂਜ਼ਰਾਂ ਦੀ ਸੁਰੱਖਿਆ ਲਈ ਅਜਿਹੇ ਅਕਾਊਂਟਾਂ ‘ਤੇ ਕਾਰਵਾਈ ਕੀਤੀ ਜਾਂਦੀ ਹੈ। ਹਾਲਾਂਕਿ, ਕਈ ਵਾਰ ਗਲਤੀ ਨਾਲ ਵੀ ਅਜਿਹਾ ਹੋ ਸਕਦਾ ਹੈ, ਜਿਸ ਨੂੰ ਜਲਦੀ ਠੀਕ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ।
24 ਘੰਟਿਆਂ ਦੇ ਰਿਵਿਊ ‘ਚ ਕਿਉਂ ਜਾਂਦੇ ਹਨ WhatsApp ਅਕਾਊਂਟ?
WhatsApp ਦਾ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਤੇ ਮਸ਼ੀਨ ਲਰਨਿੰਗ ਸਿਸਟਮ ਸਪੈਮ ਤੇ ਗਲਤ ਗਤੀਵਿਧੀਆਂ ਨੂੰ ਰੋਕਣ ਲਈ ਲਗਾਤਾਰ ਕੰਮ ਕਰਦਾ ਹੈ। ਹੇਠਾਂ ਦਿੱਤੇ ਕਾਰਨਾਂ ਕਰਕੇ ਅਕਾਊਂਟ ਰਿਵਿਊ ‘ਚ ਜਾ ਸਕਦਾ ਹੈ:
- ਬਲਕ ਮੈਸੇਜਿੰਗ: ਥੋੜ੍ਹੇ ਸਮੇਂ ‘ਚ ਬਹੁਤ ਸਾਰੇ ਅਣਜਾਣ ਲੋਕਾਂ ਨੂੰ ਇੱਕੋ ਮੈਸੇਜ ਭੇਜਣਾ।
- ਜ਼ਿਆਦਾ ਰਿਪੋਰਟ ਹੋਣਾ: ਜੇ ਕਈ ਲੋਕ ਤੁਹਾਡੇ ਨੰਬਰ ਨੂੰ ਸਪੈਮ ਜਾਂ ਸਕੈਮ ਲਈ ਰਿਪੋਰਟ ਕਰਦੇ ਹਨ।
- ਥਰਡ-ਪਾਰਟੀ ਐਪ ਦੀ ਵਰਤੋਂ: GB WhatsApp, WhatsApp Plus ਵਰਗੀਆਂ ਗੈਰ-ਅਧਿਕਾਰਤ ਐਪਸ ਦਾ ਇਸਤੇਮਾਲ ਕਰਨਾ।
- ਗਲਤ ਜਾਂ ਭ੍ਰਮਿਤ ਕਰਨ ਵਾਲੀ ਜਾਣਕਾਰੀ ਫੈਲਾਉਣਾ: ਸ਼ੱਕੀ ਲਿੰਕ ਜਾਂ ਗਲਤ ਸਮੱਗਰੀ ਵਾਰ-ਵਾਰ ਸਾਂਝੀ ਕਰਨਾ।
WhatsApp ਬੈਨ ਤੋਂ ਬਚਣ ਲਈ ਕੀ ਕਰੀਏ?
ਕੀ ਕਰਨਾ ਚਾਹੀਦਾ ਹੈ:
- ਹਮੇਸ਼ਾ Google Play Store ਜਾਂ App Store ਤੋਂ ਹੀ ਅਧਿਕਾਰਤ WhatsApp ਡਾਊਨਲੋਡ ਕਰੋ।
- ਅਣਜਾਣ ਲੋਕਾਂ ਨੂੰ ਮੈਸੇਜ ਭੇਜਣ ਤੋਂ ਪਹਿਲਾਂ ਯਕੀਨੀ ਬਣਾਓ ਕਿ ਉਹ ਤੁਹਾਨੂੰ ਜਾਣਦੇ ਹਨ।
- ਕਿਸੇ ਵੀ ਲਿੰਕ ਜਾਂ ਮੈਸੇਜ ਨੂੰ ਅੱਗੇ ਭੇਜਣ ਤੋਂ ਪਹਿਲਾਂ ਉਸ ਦੀ ਸੱਚਾਈ ਜਾਂਚੋ।
- Two-Step Verification (2FA) ਸੁਰੱਖਿਆ ਚਾਲੂ ਰੱਖੋ।
ਕੀ ਨਹੀਂ ਕਰਨਾ ਚਾਹੀਦਾ:
- GB WhatsApp ਜਾਂ ਹੋਰ ਮੋਡੀਫਾਈਡ ਐਪਸ ਦੀ ਵਰਤੋਂ ਨਾ ਕਰੋ।
- ਅਣਜਾਣ ਨੰਬਰਾਂ ‘ਤੇ ਬਲਕ ਮੈਸੇਜ ਨਾ ਭੇਜੋ।
- ਫਰਜ਼ੀ ਖ਼ਬਰਾਂ ਜਾਂ ਸ਼ੱਕੀ ਡਾਊਨਲੋਡ ਲਿੰਕ ਸਾਂਝੇ ਨਾ ਕਰੋ।
- ਥਰਡ-ਪਾਰਟੀ ਆਟੋ ਮੈਸੇਜਿੰਗ ਟੂਲ ਦੀ ਵਰਤੋਂ ਨਾ ਕਰੋ।
ਜੇ ਤੁਹਾਡਾ WhatsApp ਅਕਾਊਂਟ ਰਿਵਿਊ ‘ਚ ਫਸ ਗਿਆ ਹੈ ਤਾਂ ਕੀ ਕਰਨਾ?
- 24 ਘੰਟਿਆਂ ਦਾ ਇੰਤਜ਼ਾਰ ਕਰੋ: ਜ਼ਿਆਦਾਤਰ ਮਾਮਲਿਆਂ ‘ਚ ਜਾਂਚ ਪੂਰੀ ਹੋਣ ਤੋਂ ਬਾਅਦ ਅਕਾਊਂਟ ਆਪਣੇ ਆਪ ਚਾਲੂ ਹੋ ਜਾਂਦਾ ਹੈ।
- Request a Review ਦਾ ਵਿਕਲਪ ਵਰਤੋ: ਐਪ ‘ਚ ਦਿੱਤੇ ਵਿਕਲਪ ਰਾਹੀਂ WhatsApp ਨੂੰ ਅਪੀਲ ਕਰੋ।
- ਐਪ ਅਪਡੇਟ ਕਰੋ: WhatsApp ਦਾ ਨਵਾਂ ਅਧਿਕਾਰਤ ਵਰਜ਼ਨ ਇੰਸਟਾਲ ਕਰੋ।
- WhatsApp ਸਪੋਰਟ ਨਾਲ ਸੰਪਰਕ ਕਰੋ: ਜੇ 24 ਘੰਟਿਆਂ ਬਾਅਦ ਵੀ ਅਕਾਊਂਟ ਚਾਲੂ ਨਾ ਹੋਵੇ ਤਾਂ ਸਪੋਰਟ ਟੀਮ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।
