ਵਾਰ-ਵਾਰ ਕੱਟ ਰਹੀ ਹੈ ਕਾਲ? ਹੁਣ ਸ਼ਿਕਾਇਤ ਕਰਨਾ ਹੋਵੇਗਾ ਆਸਾਨ, TRAI ਨੇ ਲਾਂਚ ਕੀਤਾ ਨਵਾਂ MyCall ਐਪ
MyCall App: ਟ੍ਰਾਈ (TRAI) ਨੇ ਨਵੇਂ ਫੀਚਰਾਂ ਅਤੇ ਬਿਹਤਰ ਇੰਟਰਫੇਸ ਨਾਲ 'ਮਾਈਕਾਲ' (MyCall) ਐਪ ਨੂੰ ਮੁੜ ਲਾਂਚ ਕੀਤਾ ਹੈ। ਹੁਣ ਯੂਜਰਸ 1 ਤੋਂ 5 ਸਟਾਰ ਤੱਕ ਕਾਲ ਕੁਆਲਿਟੀ ਨੂੰ ਰੇਟ ਕਰ ਸਕਣਗੇ ਅਤੇ ਕਾਲ ਡਰਾਪ ਸਮੇਤ ਕਈ ਨੈੱਟਵਰਕ ਸਮੱਸਿਆਵਾਂ ਦੀ ਰਿਪੋਰਟ ਵੀ ਕਰ ਸਕਣਗੇ।
ਭਾਰਤ ਵਿੱਚ ਮੋਬਾਈਲ ਕਾਲਿੰਗ ਦਾ ਤਜਰਬਾ ਹੋਰ ਬਿਹਤਰ ਬਣਾਉਣ ਲਈ ਭਾਰਤੀ ਦੂਰਸੰਚਾਰ ਨਿਯਾਮਕ ਅਥਾਰਟੀ (TRAI) ਨੇ ਆਪਣੇ ‘ਮਾਈਕਾਲ’ (MyCall) ਐਪ ਨੂੰ ਨਵੇਂ ਫੀਚਰਾਂ ਅਤੇ ਬਿਹਤਰ ਇੰਟਰਫੇਸ ਨਾਲ ਮੁੜ ਲਾਂਚ ਕੀਤਾ ਹੈ। ਹੁਣ ਯੂਜਰਸ ਆਪਣੀ ਵੌਇਸ ਕਾਲ ਦੀ ਕੁਆਲਿਟੀ ਨੂੰ ਰੇਟ ਕਰਨ ਦੇ ਨਾਲ-ਨਾਲ ਕਾਲਿੰਗ ਦੌਰਾਨ ਆਉਣ ਵਾਲੀਆਂ ਸਮੱਸਿਆਵਾਂ ਦੀ ਜਾਣਕਾਰੀ ਵੀ ਸਿੱਧੀ ਸਾਂਝੀ ਕਰ ਸਕਣਗੇ। ਟ੍ਰਾਈ ਦਾ ਕਹਿਣਾ ਹੈ ਕਿ ਇਸ ਨਾਲ ਟੈਲੀਕਾਮ ਕੰਪਨੀਆਂ ਨੂੰ ਨੈੱਟਵਰਕ ਸੁਧਾਰਨ ਵਿੱਚ ਮਦਦ ਮਿਲੇਗੀ ਅਤੇ ਯੂਜਰਸ ਦੀਆਂ ਸ਼ਿਕਾਇਤਾਂ ‘ਤੇ ਹੋਰ ਤੇਜ਼ੀ ਨਾਲ ਕਾਰਵਾਈ ਕੀਤੀ ਜਾ ਸਕੇਗੀ।
ਯੂਜਰਸ ਨੂੰ ਮਿਲੇਗਾ ਸ਼ਿਕਾਇਤ ਦਰਜ ਕਰਵਾਉਣ ਦਾ ਆਸਾਨ ਮਾਧਿਅਮ
ਭਾਰਤ ਵਿੱਚ ਮੋਬਾਈਲ ਕਾਲਿੰਗ ਦਾ ਤਜਰਬਾ ਬਿਹਤਰ ਬਣਾਉਣ ਦੇ ਉਦੇਸ਼ ਨਾਲ ਭਾਰਤੀ ਦੂਰਸੰਚਾਰ ਨਿਯਾਮਕ ਅਥਾਰਟੀ (TRAI) ਨੇ ਆਪਣੇ ‘ਮਾਈਕਾਲ’ (MyCall) ਐਪ ਨੂੰ ਨਵੇਂ ਰੂਪ ਵਿੱਚ ਪੇਸ਼ ਕੀਤਾ ਹੈ। ਸੋਮਵਾਰ ਨੂੰ ਲਾਂਚ ਕੀਤੇ ਗਏ ਇਸ ਐਪ ਵਿੱਚ ਨਵਾਂ ਇੰਟਰਫੇਸ ਅਤੇ ਕਈ ਉਪਯੋਗੀ ਫੀਚਰ ਸ਼ਾਮਲ ਕੀਤੇ ਗਏ ਹਨ। TRAI ਦੇ ਅਨੁਸਾਰ, ਇਹ ਐਪ ਖਪਤਕਾਰਾਂ ਅਤੇ ਟੈਲੀਕਾਮ ਕੰਪਨੀਆਂ ਵਿਚਕਾਰ ਇੱਕ ਮਹੱਤਵਪੂਰਨ ਕੜੀ ਵਜੋਂ ਕੰਮ ਕਰੇਗਾ। ਇਸ ਦੀ ਮਦਦ ਨਾਲ ਲੋਕ ਆਪਣੀਆਂ ਵੌਇਸ ਕਾਲਾਂ ਦੀ ਕੁਆਲਿਟੀ ਨੂੰ ਰੇਟ ਕਰਨ ਦੇ ਨਾਲ-ਨਾਲ ਕਾਲਿੰਗ ਦੌਰਾਨ ਆਉਣ ਵਾਲੀਆਂ ਸਮੱਸਿਆਵਾਂ ਦੀ ਜਾਣਕਾਰੀ ਵੀ ਸਿੱਧੇ ਤੌਰ ‘ਤੇ ਸਾਂਝੀ ਕਰ ਸਕਣਗੇ। ਇਸ ਨਾਲ ਨੈੱਟਵਰਕ ਦੀ ਅਸਲ ਸਥਿਤੀ ਦਾ ਪਤਾ ਲਗਾਉਣ ਅਤੇ ਉਸ ਵਿੱਚ ਸੁਧਾਰ ਕਰਨ ਵਿੱਚ ਮਦਦ ਮਿਲੇਗੀ।
1 ਤੋਂ 5 ਸਟਾਰ ਤੱਕ ਰੇਟਿੰਗ ਅਤੇ ਕਈ ਤਰ੍ਹਾਂ ਦੀਆਂ ਸ਼ਿਕਾਇਤਾਂ ਦਰਜ ਕਰਨ ਦੀ ਸੁਵਿਧਾ
TRAI ਦੇ ਚੇਅਰਮੈਨ ਅਨਿਲ ਕੁਮਾਰ ਲਾਹੋਟੀ ਨੇ ਐਪ ਲਾਂਚ ਮੌਕੇ ਕਿਹਾ ਕਿ ‘ਮਾਈਕਾਲ’ (MyCall) ਐਪ ਖਪਤਕਾਰਾਂ ਲਈ ਇੱਕ ਪ੍ਰਭਾਵਸ਼ਾਲੀ ਮਾਧਿਅਮ ਸਾਬਤ ਹੋਵੇਗਾ। ਨਵੇਂ ਐਪ ਵਿੱਚ ਯੂਜ਼ਰ ਆਪਣੀਆਂ ਹਾਲੀਆ ਵੌਇਸ ਕਾਲਾਂ ਨੂੰ 1 ਤੋਂ 5 ਸਟਾਰ ਤੱਕ ਰੇਟ ਕਰ ਸਕਣਗੇ।
ਇਸ ਤੋਂ ਇਲਾਵਾ ਕਾਲ ਡਰਾਪ, ਕਾਲ ਦੌਰਾਨ ਗੂੰਜ (Echo), ਆਡੀਓ ਵਿੱਚ ਦੇਰੀ (Audio Delay), ਕਰਾਸ ਕਨੈਕਸ਼ਨ (Cross Connection) ਅਤੇ ਆਵਾਜ਼ ਦਾ ਵਾਰ-ਵਾਰ ਟੁੱਟਣਾ ਵਰਗੀਆਂ ਤਕਨੀਕੀ ਸਮੱਸਿਆਵਾਂ ਦੀ ਜਾਣਕਾਰੀ ਵੀ ਦਰਜ ਕਰ ਸਕਣਗੇ। ਇਸ ਨਾਲ ਟੈਲੀਕਾਮ ਕੰਪਨੀਆਂ ਨੂੰ ਕਾਲਿੰਗ ਦੌਰਾਨ ਆਉਣ ਵਾਲੀਆਂ ਅਸਲ ਸਮੱਸਿਆਵਾਂ ਬਾਰੇ ਜਾਣਕਾਰੀ ਮਿਲੇਗੀ ਅਤੇ ਉਨ੍ਹਾਂ ਦੇ ਹੱਲ ਲਈ ਕਦਮ ਚੁੱਕਣ ਵਿੱਚ ਮਦਦ ਮਿਲੇਗੀ।
ਗੂਗਲ ਪਲੇ ਸਟੋਰ ਤੋਂ ਕਰੋ ਡਾਊਨਲੋਡ
TRAI ਦੇ ਮੁਤਾਬਕ, ‘ਮਾਈਕਾਲ’ (MyCall) ਐਪ ਰਾਹੀਂ ਮਿਲਣ ਵਾਲਾ ਖਪਤਕਾਰਾਂ ਦਾ ਫੀਡਬੈਕ ਸਬੰਧਤ ਟੈਲੀਕਾਮ ਸੇਵਾ ਪ੍ਰਦਾਤਾਵਾਂ ਨਾਲ ਸਾਂਝਾ ਕੀਤਾ ਜਾਵੇਗਾ। ਕੰਪਨੀਆਂ ਇਸ ਫੀਡਬੈਕ ਦਾ ਵਿਸ਼ਲੇਸ਼ਣ ਕਰਕੇ ਨੈੱਟਵਰਕ ਅਤੇ ਕਾਲ ਕੁਆਲਿਟੀ ਵਿੱਚ ਸੁਧਾਰ ਲਈ ਲੋੜੀਂਦੇ ਕਦਮ ਚੁੱਕ ਸਕਣਗੀਆਂ। TRAI ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ ਐਪ ਨੂੰ ਗੂਗਲ ਪਲੇ ਸਟੋਰ ਤੋਂ ਡਾਊਨਲੋਡ ਕਰਨ ਅਤੇ ਹਰ ਕਾਲ ਤੋਂ ਬਾਅਦ ਆਪਣਾ ਅਨੁਭਵ ਸਾਂਝਾ ਕਰਨ। ਨਿਯਾਮਕ ਦਾ ਮੰਨਣਾ ਹੈ ਕਿ ਜਿੰਨੇ ਵੱਧ ਲੋਕ ਇਸ ਐਪ ਦੀ ਵਰਤੋਂ ਕਰਨਗੇ, ਉੱਨਾ ਹੀ ਸਹੀ ਡਾਟਾ ਮਿਲੇਗਾ, ਜਿਸ ਨਾਲ ਦੇਸ਼ ਭਰ ਵਿੱਚ ਮੋਬਾਈਲ ਕਾਲਿੰਗ ਸੇਵਾਵਾਂ ਦੀ ਕੁਆਲਿਟੀ ਨੂੰ ਹੋਰ ਬਿਹਤਰ ਬਣਾਉਣ ਵਿੱਚ ਮਦਦ ਮਿਲੇਗੀ।
ਇਹ ਵੀ ਪੜ੍ਹੋ
Source:TV9Hindi.com
