Airtel Down: ਦਿੱਲੀ-ਐਨਸੀਆਰ ਵਿੱਚ ਏਅਰਟੈੱਲ ਦਾ ਨੈੱਟਵਰਕ ਡਾਊਨ, ਲੋਕਾਂ ਨੂੰ ਹੋ ਰਹੀ ਮੁਸ਼ਕਲ
Airtel Down in Delhi-NCR: ਏਅਰਟੈੱਲ ਯੂਜ਼ਰਸ ਨੂੰ ਨੋ ਸਿਗਨਲ, ਕਾਲਿੰਗ ਅਤੇ ਇੰਟਰਨੈੱਟ ਵਰਤੋਂ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਡਾਊਨਡਿਟੈਕਟਰ 'ਤੇ ਵੀ ਏਅਰਟੈੱਲ ਯੂਜ਼ਰਸ ਦੀਆਂ ਸ਼ਿਕਾਇਤਾਂ ਦੀ ਗਿਣਤੀ 3 ਹਜ਼ਾਰ ਨੂੰ ਪਾਰ ਕਰ ਗਈ ਹੈ, ਦਿੱਲੀ-ਐਨਸੀਆਰ ਸਮੇਤ ਕਿਹੜੇ ਰਾਜਾਂ ਵਿੱਚ ਏਅਰਟੈੱਲ ਦਾ ਨੈੱਟਵਰਕ ਡਾਊਨ ਹੈ? ਆਓ ਜਾਣਦੇ ਹਾਂ।
ਏਅਰਟੈੱਲ ਕੰਪਨੀ ਦੇ ਸਿਮ ਦੀ ਵਰਤੋਂ ਕਰਨ ਵਾਲੇ ਯੂਜ਼ਰਸ ਨੂੰ ਨੈੱਟਵਰਕ ਵਿੱਚ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਆਊਟੇਜ ਟ੍ਰੈਕਿੰਗ ਪਲੇਟਫਾਰਮ ਡਾਊਨਡਿਟੈਕਟਰ ਨੇ ਇਹ ਵੀ ਦੱਸਿਆ ਹੈ ਕਿ 56 ਪ੍ਰਤੀਸ਼ਤ ਏਅਰਟੈੱਲ ਯੂਜ਼ਰਸ ਨੂੰ ਮੋਬਾਈਲ ਫੋਨ ਨਾਲ ਸਬੰਧਤ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, 26 ਪ੍ਰਤੀਸ਼ਤ ਲੋਕ ਮੋਬਾਈਲ ਇੰਟਰਨੈੱਟ ਨਾਲ ਸਬੰਧਤ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਹਨ ਅਤੇ 18 ਪ੍ਰਤੀਸ਼ਤ ਲੋਕ ਸਿਗਨਲ ਨਾ ਹੋਣ ਨਾਲ ਸਬੰਧਤ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਹਨ।
ਨੈੱਟਵਰਕ ਆਊਟੇਜ ਦੀ ਸਮੱਸਿਆ ਤੋਂ ਬਾਅਦ, ਲੋਕ ਤੇਜ਼ੀ ਨਾਲ ਰਿਪੋਰਟ ਕਰ ਰਹੇ ਹਨ ਅਤੇ ਹੁਣ ਤੱਕ ਡਾਊਨਡਿਟੈਕਟਰ ‘ਤੇ ਇਹ ਅੰਕੜਾ 3000 ਨੂੰ ਪਾਰ ਕਰ ਗਿਆ ਹੈ। ਦਿੱਲੀ, ਮੁੰਬਈ, ਸੂਰਤ, ਹੈਦਰਾਬਾਦ, ਚੇਨਈ, ਬੰਗਲੌਰ, ਨਾਗਪੁਰ, ਕੋਲਕਾਤਾ ਵਿੱਚ ਰਹਿਣ ਵਾਲੇ ਏਅਰਟੈੱਲ ਯੂਜ਼ਰਸ ਨੈੱਟਵਰਕ ਡਾਊਨ ਹੋਣ ਦੀ ਸ਼ਿਕਾਇਤ ਕਰ ਰਹੇ ਹਨ।
ਏਅਰਟੈੱਲ ਯੂਜ਼ਰਸ ਮਾਈਕ੍ਰੋਬਲੌਗਿੰਗ ਪਲੇਟਫਾਰਮ ਐਕਸ (ਟਵਿੱਟਰ) ‘ਤੇ ਕੰਪਨੀ ਨੂੰ ਟੈਗ ਕਰਕੇ ਵੀ ਸ਼ਿਕਾਇਤ ਕਰ ਰਹੇ ਹਨ। ਨੈੱਟਵਰਕ ਡਾਊਨ ਹੋਣ ‘ਤੇ ਕੰਪਨੀ ਦਾ ਜਵਾਬ ਵੀ ਸਾਹਮਣੇ ਆਇਆ ਹੈ, ਲੋਕਾਂ ਦੇ ਸਵਾਲਾਂ ਦੇ ਜਵਾਬ ਦਿੰਦੇ ਹੋਏ, ਕੰਪਨੀ ਦਾ ਕਹਿਣਾ ਹੈ ਕਿ ਅਸੀਂ ਇਸ ਸਮੇਂ ਨੈੱਟਵਰਕ ਰੁਕਾਵਟ ਦਾ ਸਾਹਮਣਾ ਕਰ ਰਹੇ ਹਾਂ। ਸਾਡੀ ਟੀਮ ਇਸ ਸਮੱਸਿਆ ਨੂੰ ਹੱਲ ਕਰਨ ਅਤੇ ਸੇਵਾ ਨੂੰ ਤੁਰੰਤ ਬਹਾਲ ਕਰਨ ਲਈ ਸਰਗਰਮੀ ਨਾਲ ਕੰਮ ਕਰ ਰਹੀ ਹੈ। ਹਾਨੂੰ ਹੋਈ ਅਸੁਵਿਧਾ ਲਈ ਅਸੀਂ ਤੁ ਦਿਲੋਂ ਮੁਆਫੀ ਚਾਹੁੰਦੇ ਹਾਂ। ਅਚਾਨਕ ਨੈੱਟਵਰਕ ਡਾਊਨ ਹੋਣ ਕਾਰਨ, X ‘ਤੇ ਲੋਕਾਂ ਵੱਲੋਂ ਸ਼ਿਕਾਇਤਾਂ ਦਾ ਹੜ੍ਹ ਆ ਗਿਆ ਹੈ।
(ਫੋਟੋ- ਡਾਊਨਡਿਟੇਕਟਰ)
ਇੰਟਰਨੈੱਟ, ਕਾਲਿੰਗ ਅਤੇ ਨੋ ਸਿਗਨਲ ਹੀ ਨਹੀਂ, ਸਗੋਂ ਕੁਝ ਲੋਕਾਂ ਨੂੰ SMS ਭੇਜਣ ਵਿੱਚ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਏਅਰਟੈੱਲ ਦੀ ਸੇਵਾ ਕਦੋਂ ਬਹਾਲ ਹੋਵੇਗੀ, ਇਸ ਕੰਪਨੀ ਨੇ ਬਾਰੇ ਸਹੀ ਜਾਣਕਾਰੀ ਨਹੀਂ ਦਿੱਤੀ ਹੈ, ਪਰ ਸੇਵਾ ਜਲਦੀ ਹੀ ਬਹਾਲ ਹੋਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ
#Airtel Down for the past 1 hour in Delhi-NCR!@airtelindia @Airtel_Presence
— Manish Bhatt (@MBHATT89) August 18, 2025
X ‘ਤੇ ਸ਼ਿਕਾਇਤ ਕਰ ਰਹੇ ਹਨ ਲੋਕ
ਉੱਧਰ, ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਪਿਛਲੇ ਇੱਕ ਘੰਟੇ ਤੋਂ ਇਨਕਮਿੰਗ ਅਤੇ ਆਊਟਗੋਇੰਗ ਦੋਵਾਂ ਕਾਲਾਂ ਵਿੱਚ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
