Video: ਵਿਰਾਟ ਦੇ ਛੱਕੇ ਨਾਲ ਸੁਰੱਖਿਆ ਗਾਰਡ ਜ਼ਖਮੀ, ਡਰ ਗਏ ਕੋਹਲੀ, ਆਸਟ੍ਰੇਲੀਆ ਦੀ ਮੈਡੀਕਲ ਟੀਮ ਨੇ ਕੀਤਾ ਇਲਾਜ਼

ਆਸਟ੍ਰੇਲੀਆ ਖਿਲਾਫ ਪਰਥ ਟੈਸਟ ਦੀ ਦੂਜੀ ਪਾਰੀ ‘ਚ ਭਾਰਤੀ ਟੀਮ ਨੇ ਜ਼ਬਰਦਸਤ ਬੱਲੇਬਾਜ਼ੀ ਕੀਤੀ। ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਅਤੇ ਕੇਐਲ ਰਾਹੁਲ ਨੇ ਪਹਿਲੀ ਵਿਕਟ ਲਈ 201 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਯਸ਼ਸਵੀ ਨੇ 161 ਦੌੜਾਂ ਅਤੇ ਰਾਹੁਲ ਨੇ 77 ਦੌੜਾਂ ਦੀ ਪਾਰੀ ਖੇਡੀ। ਉਸ ਤੋਂ ਬਾਅਦ ਵਿਰਾਟ ਕੋਹਲੀ ਨੇ ਪਾਰੀ ਨੂੰ ਸੰਭਾਲਿਆ। ਕੋਹਲੀ ਬੱਲੇਬਾਜ਼ੀ ਕਰ ਰਹੇ ਸਨ ਤਾਂ ਇੱਕ ਅਜੀਬ ਹਾਦਸਾ ਹੋ ਗਿਆ। ਉਨ੍ਹਾਂ ਦੇ ਬੱਲੇ ਤੋਂ ਨਿਕਲੇ ਛੱਕੇ ਨਾਲ ਇਕ ਸੁਰੱਖਿਆ ਗਾਰਡ ਜ਼ਖਮੀ ਹੋ ਗਿਆ। ਇਸ ਤੋਂ ਬਾਅਦ ਮੈਦਾਨ ‘ਚ ਹਫੜਾ-ਦਫੜੀ ਮਚ ਗਈ।

ਕੋਹਲੀ ਨੇ 101ਵੇਂ ਓਵਰ ਦੀ 5ਵੀਂ ਗੇਂਦ ‘ਤੇ ਸ਼ਾਨਦਾਰ ਛੱਕਾ ਲਗਾਇਆ। ਉਸ ਨੇ ਮਿਸ਼ੇਲ ਸਟਾਰਕ ਦੀ ਗੇਂਦ ਨੂੰ ਆਫ ਸਾਈਡ ‘ਤੇ ਲਗਾਇਆ। ਗੇਂਦ ਬਾਊਂਡਰੀ ਤੋਂ ਬਾਹਰ ਜਾ ਡਿੱਗੀ। ਉੱਥੇ ਇੱਕ ਸੁਰੱਖਿਆ ਗਾਰਡ ਕੁਰਸੀ ‘ਤੇ ਬੈਠਾ ਸੀ, ਜਿਸ ਦੇ ਸਿਰ ‘ਤੇ ਬੋਲ ਜਾ ਵੱਜੀ। ਉਹ ਦਰਦ ਨਾਲ ਪ੍ਰੇਸ਼ਾਨ ਹੋ ਗਿਆ। ਉਸ ਨੂੰ ਦੇਖ ਕੇ ਵਿਰਾਟ ਵੀ ਚਿੰਤਤ ਹੋ ਗਏ। ਬਾਊਂਡਰੀ ‘ਤੇ ਖੜ੍ਹੇ ਨਾਥਨ ਲਿਓਨ ਨੇ ਉਸ ਦਾ ਹਾਲ-ਚਾਲ ਪੁੱਛਿਆ। ਇਸ ਤੋਂ ਬਾਅਦ ਆਸਟ੍ਰੇਲੀਅਨ ਟੀਮ ਦਾ ਫਿਜ਼ੀਓ ਮੈਡੀਕਲ ਕਿੱਟ ਲੈ ਕੇ ਉੱਥੇ ਪਹੁੰਚਿਆ ਅਤੇ ਸੁਰੱਖਿਆ ਗਾਰਡ ਦੀ ਜਾਂਚ ਕੀਤੀ। ਚੰਗੀ ਗੱਲ ਇਹ ਰਹੀ ਕਿ ਕੋਈ ਵੱਡਾ ਹਾਦਸਾ ਨਹੀਂ ਵਾਪਰਿਆ।

📂 Virat Kohli’s Swashbuckling six .MP4

📺 #AUSvINDOnStar 👉 1st Test, Day 3, LIVE NOW! #AUSvIND #ToughestRivalry pic.twitter.com/w0KmBbFznu — Star Sports (@StarSportsIndia) November 24, 2024

ਹੁਣ ਤੱਕ ਦੇ ਮੈਚ ਵਿੱਚ ਕੀ ਹੋਇਆ?

ਇਹ ਵੀ ਪੜ੍ਹੋ

ਸ਼੍ਰੇਅਸ ਅਈਅਰ ਦਾ ਹੋਇਆ ਅਪਰੇਸ਼ਨ, ਹਸਪਤਾਲ 'ਚ ਇਨ੍ਹੇਂ ਦਿਨ ਹੋਰ ਰਹਣਗੇ

ਸ਼੍ਰੇਅਸ ਅਈਅਰ ਦੀ ਹਾਲਤ 'ਤੇ ਬੋਲੇ ਸੂਰਿਆਕੁਮਾਰ ਯਾਦਵ, ਦਿੱਤਾ ਵੱਡਾ ਅਪਡੇਟ

ਸ਼੍ਰੇਅਸ ਅਈਅਰ ਹਸਪਤਾਲ ਦੇ ICU 'ਚ ਦਾਖਲ, 7 ਦਿਨਾਂ ਤੱਕ ਚੱਲ ਸਕਦਾ ਹੈ ਇਲਾਜ਼

ਭਾਰਤੀ ਕਪਤਾਨ ਜਸਪ੍ਰੀਤ ਬੁਮਰਾਹ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਟੀਮ ਇੰਡੀਆ ਪਹਿਲੀ ਪਾਰੀ ‘ਚ 150 ਦੌੜਾਂ ‘ਤੇ ਹੀ ਸੀਮਤ ਰਹੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦੇ ਹੋਏ ਆਸਟ੍ਰੇਲੀਆਈ ਟੀਮ ਨੂੰ 104 ਦੌੜਾਂ ‘ਤੇ ਢੇਰ ਕਰ ਦਿੱਤਾ। ਇਸ ਨਾਲ ਟੀਮ ਇੰਡੀਆ ਨੂੰ 46 ਦੌੜਾਂ ਦੀ ਬੜ੍ਹਤ ਮਿਲ ਗਈ। ਭਾਰਤ ਨੇ ਦੂਜੀ ਪਾਰੀ ‘ਚ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਤੀਜੇ ਦਿਨ ਟੀ ਬ੍ਰੇਕ ਤੱਕ 5 ਵਿਕਟਾਂ ‘ਤੇ 359 ਦੌੜਾਂ ਬਣਾਈਆਂ। ਟੀਮ ਦੀ ਕੁੱਲ ਬੜ੍ਹਤ ਹੁਣ 405 ਦੌੜਾਂ ‘ਤੇ ਪਹੁੰਚ ਗਈ ਹੈ।