ਸ਼ੁਭਮਨ ਗਿੱਲ ਲਈ ਆਈ ਮਾੜੀ ਖਬਰ, ਆਸਟ੍ਰੇਲੀਆ ਖਿਲਾਫ ਦੂਜੇ ਟੈਸਟ ਖੇਡਣ ‘ਤੇ ਵੀ ਸਸਪੈਂਸ

Shubman Gill Injury: ਸ਼ੁਭਮਨ ਗਿੱਲ ਪਰਥ ਟੈਸਟ ਨਹੀਂ ਖੇਡ ਸਕੇ। ਉਮੀਦ ਕੀਤੀ ਜਾ ਰਹੀ ਸੀ ਕਿ ਉਹ ਐਡੀਲੇਡ ‘ਚ ਗੁਲਾਬੀ ਗੇਂਦ ਨਾਲ ਖੇਡੇ ਜਾਣ ਵਾਲੇ ਦੂਜੇ ਟੈਸਟ ‘ਚ ਵਾਪਸੀ ਕਰ ਸਕਦਾ ਹੈ। ਪਰ, ਡਾਕਟਰ ਦੇ ਕਹਿਣ ਤੋਂ ਬਾਅਦ, ਹੁਣ ਉਸ ਦੇ ਖੇਡਣ ‘ਤੇ ਵੀ ਸਸਪੈਂਸ ਹੈ। ਪਰਥ ਟੈਸਟ ਦੀ ਸ਼ੁਰੂਆਤ ਤੋਂ ਪਹਿਲਾਂ ਅਭਿਆਸ ਦੌਰਾਨ ਸ਼ੁਭਮਨ ਗਿੱਲ ਜ਼ਖ਼ਮੀ ਹੋ ਗਏ ਸਨ। ਉਨ੍ਹਾਂ ਦੇ ਹੱਥ ਦੀ ਉਂਗਲੀ ਜ਼ਖ਼ਮੀ ਹੋ ਗਈ ਸੀ। ਟਾਈਮਜ਼ ਆਫ ਇੰਡੀਆ ਨੇ ਸੂਤਰਾਂ ਦੇ ਹਵਾਲੇ ਨਾਲ ਗਿੱਲ ਦੀ ਸੱਟ ਬਾਰੇ ਅਪਡੇਟ ਦਿੱਤੀ ਹੈ, ਜਿਸ ‘ਚ ਉਨ੍ਹਾਂ ਦੇ ਦੂਜੇ ਟੈਸਟ ‘ਚ ਨਾ ਖੇਡਣ ਦੀ ਸੰਭਾਵਨਾ ਹੈ।

ਅਭਿਆਸ ਮੈਚ ਤੋਂ ਬਾਹਰ

ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਦੂਜਾ ਟੈਸਟ ਮੈਚ ਐਡੀਲੇਡ ‘ਚ 6 ਦਸੰਬਰ ਤੋਂ 10 ਦਸੰਬਰ ਤੱਕ ਖੇਡਿਆ ਜਾਵੇਗਾ। ਇਹ ਮੈਚ ਦਿਨ-ਰਾਤ ਹੋਵੇਗਾ ਯਾਨੀ ਖੇਡ ਗੁਲਾਬੀ ਗੇਂਦ ਨਾਲ ਖੇਡੀ ਜਾਵੇਗੀ। ਡਾਕਟਰ ਦੀ ਸਲਾਹ ਤੋਂ ਬਾਅਦ ਦੂਸਰਾ ਟੈਸਟ ਖੇਡਣ ਨੂੰ ਲੈ ਕੇ ਪੈਦਾ ਹੋਏ ਸਸਪੈਂਸ ਵਿਚਾਲੇ ਗਿੱਲ ਦੇ ਹੁਣ ਦੋ ਦਿਨਾਂ ਅਭਿਆਸ ਮੈਚ ‘ਚ ਵੀ ਨਾ ਖੇਡਣ ਦੀ ਪੁਸ਼ਟੀ ਹੋ ​​ਗਈ ਹੈ। ਭਾਰਤੀ ਟੀਮ ਨੇ ਕੈਨਬਰਾ ਵਿੱਚ ਦੋ ਦਿਨਾਂ ਅਭਿਆਸ ਮੈਚ ਖੇਡਣਾ ਹੈ, ਜੋ ਗੁਲਾਬੀ ਗੇਂਦ ਨਾਲ ਖੇਡਿਆ ਜਾਵੇਗਾ।

ਗਿੱਲ ਨੂੰ ਆਰਾਮ ਦੀ ਸਲਾਹ

ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ, TOI ਨੇ ਲਿਖਿਆ ਕਿ ਸ਼ੁਭਮਨ ਗਿੱਲ ਨੂੰ ਡਾਕਟਰ ਨੇ 10 ਤੋਂ 14 ਦਿਨਾਂ ਤੱਕ ਪੂਰਾ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ। ਮਤਲਬ ਉਹ ਅਭਿਆਸ ਮੈਚ ‘ਚ ਨਹੀਂ ਖੇਡਣਗੇ। ਇਸ ਤੋਂ ਇਲਾਵਾ ਦੂਜੇ ਟੈਸਟ ‘ਚ ਵੀ ਉਨ੍ਹਾਂ ਦੀ ਮੌਜੂਦਗੀ ਨੂੰ ਲੈ ਕੇ ਸਸਪੈਂਸ ਬਣਿਆ ਹੋਇਆ ਹੈ। ਸੂਤਰਾਂ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਅਸੀਂ ਉਨ੍ਹਾਂ ਦੀ ਸੱਟ ਦੇ ਠੀਕ ਹੋਣ ਨੂੰ ਦੇਖਣਾ ਚਾਹਾਂਗੇ। ਉਹ ਕਿਵੇਂ ਮਹਿਸੂਸ ਕਰ ਰਹੇ ਹਨ? ਜੇਕਰ ਉਹ ਠੀਕ ਹੋ ਜਾਂਦਾ ਹੈ ਤਾਂ ਵੀ ਲੱਗਦਾ ਹੈ ਕਿ ਟੈਸਟ ਮੈਚ ‘ਚ ਪ੍ਰਵੇਸ਼ ਕਰਨ ਤੋਂ ਪਹਿਲਾਂ ਉਸ ਨੂੰ ਅਭਿਆਸ ਦੀ ਲੋੜ ਹੋਵੇਗੀ।

ਹਾਲ ਹੀ ‘ਚ ਮੁੰਬਈ ਦੇ ਸਾਬਕਾ ਕ੍ਰਿਕਟਰ ਅਤੇ ਭਾਰਤੀ ਟੀਮ ਦੇ ਸਲੈਕਟਰ ਜਤਿਨ ਪਰਾਂਜਪੇ ਨੇ ਵੀ ਕਿਹਾ ਸੀ ਕਿ ਗਿੱਲ ਦੀ ਸੱਟ ਅਜਿਹੀ ਹੈ ਕਿ ਖਿਡਾਰੀ ਨੂੰ 2-3 ਟੈਸਟ ਮੈਚਾਂ ਤੋਂ ਬਾਹਰ ਰਹਿਣਾ ਪੈ ਸਕਦਾ ਹੈ।

ਸ਼ਮੀ ਨੂੰ ਆਸਟ੍ਰੇਲੀਆ ਭੇਜਣ ‘ਤੇ ਕੋਈ ਚਰਚਾ ਨਹੀਂ

ਸ਼ਮੀ ਬਾਰੇ ਸੂਤਰਾਂ ਨੇ TOI ਨੂੰ ਦੱਸਿਆ ਕਿ ਫਿਲਹਾਲ ਉਨ੍ਹਾਂ ਨੂੰ ਆਸਟ੍ਰੇਲੀਆ ਭੇਜਣ ਦੀ ਕੋਈ ਚਰਚਾ ਨਹੀਂ ਹੈ। ਇਸ ਬਾਰੇ ‘ਚ ਕੋਈ ਚਰਚਾ ਨਹੀਂ ਹੋਈ ਹੈ, ਸ਼ਮੀ ਫਿਲਹਾਲ ਸਿਆਮ ਮੁਸ਼ਤਾਕ ਅਲੀ ਟਰਾਫੀ ‘ਚ ਖੇਡ ਰਹੇ ਹਨ।

ਇਹ ਵੀ ਪੜ੍ਹੋ

ਸਾਊਥ ਅਫਰੀਕਾ ਬਣੀ ਵਰਲਡ ਚੈਂਪੀਅਨ, ਪਹਿਲੀ ਵਾਰ ਆਸਟ੍ਰੇਲੀਆ ਨੂੰ ਹਰਾਇਆ

ਗੌਤਮ ਗੰਭੀਰ ਦੀ ਮਾਂ ਨੂੰ ਆਇਆ ਹਾਰਟ ਅਟੈਕ, ਇੰਗਲੈਂਡ ਦੌਰਾ ਵਿਚਾਲੇ ਛੱਡ ਪਰਤੇ ਭਾਰਤ

ਇੰਗਲੈਂਡ ਸੀਰੀਜ਼ ਤੋਂ ਪਹਿਲਾਂ ਗੰਭੀਰ ਨੂੰ ਕਿਉਂ ਆਈ ਰੋਹਿਤ-ਵਿਰਾਟ ਦੀ ਯਾਦ?

ਭਾਰਤ ਨੇ ਆਸਟ੍ਰੇਲੀਆ ਖਿਲਾਫ 5 ਟੈਸਟ ਮੈਚਾਂ ਦੀ ਸੀਰੀਜ਼ ‘ਚ 1-0 ਦੀ ਬੜ੍ਹਤ ਬਣਾ ਲਈ ਹੈ। ਉਨ੍ਹਾਂ ਨੇ ਪਹਿਲਾ ਟੈਸਟ 295 ਦੌੜਾਂ ਨਾਲ ਜਿੱਤਿਆ ਸੀ।