ਮਨੂ ਭਾਕਰ ਦੀ ਸ਼ਾਨਦਾਰ ਜਿੱਤ, ਪੈਰਿਸ ਓਲੰਪਿਕ ‘ਚ ਇਕ ਹੋਰ ਤਮਗਾ ਜਿੱਤਣ ਦਾ ਮੌਕਾ, ਜਾਣੋ ਕਦੋਂ ਹੋਵੇਗਾ ਮੈਚ
ਭਾਰਤ ਦੀ ਸਟਾਰ ਨਿਸ਼ਾਨੇਬਾਜ਼ ਮਨੂ ਭਾਕਰ ਨੇ ਇੱਕ ਹੋਰ ਓਲੰਪਿਕ ਤਮਗਾ ਜਿੱਤਣ ਦੀ ਉਮੀਦ ਜਗਾਈ ਹੈ। ਮਨੂ ਭਾਕਰ ਨੇ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਮੁਕਾਬਲੇ ਵਿੱਚ ਤੀਜਾ ਸਥਾਨ ਹਾਸਲ ਕਰਕੇ ਕਾਂਸੀ ਦੇ ਤਗ਼ਮੇ ਲਈ ਕੁਆਲੀਫਾਈ ਕੀਤਾ। ਉਨ੍ਹਾਂ ਦੇ ਸਾਥੀ ਸਰਬਜੋਤ ਸਿੰਘ ਨੇ ਵੀ ਕਮਾਲ ਦੀ ਖੇਡ ਦਿਖਾਈ।
ਪੈਰਿਸ ਓਲੰਪਿਕ ‘ਚ ਦੇਸ਼ ਨੂੰ ਪਹਿਲਾ ਤਮਗਾ ਦਿਵਾਉਣ ਵਾਲੀ ਨਿਸ਼ਾਨੇਬਾਜ਼ ਮਨੂ ਭਾਕਰ ਨੇ ਇਕ ਵਾਰ ਫਿਰ ਕਮਾਲ ਕਰ ਦਿੱਤਾ ਹੈ। 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ‘ਚ ਦੇਸ਼ ਲਈ ਕਾਂਸੀ ਦਾ ਤਗਮਾ ਜਿੱਤਣ ਤੋਂ ਬਾਅਦ ਮਨੂ ਭਾਕਰ ਨੇ ਹੁਣ ਮਿਕਸਡ ਟੀਮ ਈਵੈਂਟ ‘ਚ ਵੀ ਤਮਗੇ ਦੀ ਉਮੀਦ ਜਗਾਈ ਹੈ। ਮਨੂ ਭਾਕਰ ਅਤੇ ਸਰਬਜੋਤ ਸਿੰਘ ਮਿਕਸਡ ਈਵੈਂਟ ‘ਚ ਤੀਜੇ ਸਥਾਨ ‘ਤੇ ਰਹੇ, ਹੁਣ ਇਹ ਦੋਵੇਂ ਕਾਂਸੀ ਦੇ ਤਗਮੇ ਦੇ ਮੁਕਾਬਲੇ ‘ਚ ਦੱਖਣੀ ਕੋਰੀਆ ਦੇ ਨਿਸ਼ਾਨੇਬਾਜ਼ਾਂ ਨਾਲ ਭਿੜਨਗੇ | ਮਨੂ ਭਾਕਰ ਅਤੇ ਸਰਬਜੋਤ ਦਾ ਬ੍ਰਾਂਜ ਮੈਡਲ ਮੈਚ ਮੰਗਲਵਾਰ ਨੂੰ ਦੁਪਹਿਰ 1 ਵਜੇ ਹੋਵੇਗਾ।
ਰਿਦਮ-ਅਰਜੁਨ ਟੀਮ ਬਾਹਰ
ਰਿਦਮ ਸਾਂਗਵਾਨ ਅਤੇ ਅਰਜੁਨ ਚੀਮਾ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਈਵੈਂਟ ਵਿੱਚ ਵੀ ਭਿੜ ਰਹੇ ਸਨ। ਦੋਵਾਂ ਖਿਡਾਰੀਆਂ ਦੀ ਸ਼ੁਰੂਆਤ ਚੰਗੀ ਸੀ ਪਰ ਮੱਧ ਵਿਚ ਉਨ੍ਹਾਂ ਦੀ ਲੈਅ ਵਿਗੜ ਗਈ ਅਤੇ ਉਹ ਕੁੱਲ 576-14x ਨਾਲ 10ਵੇਂ ਸਥਾਨ ‘ਤੇ ਰਹੇ। ਦੂਜੇ ਪਾਸੇ ਮਨੂ ਭਾਕਰ ਅਤੇ ਸਰਬਜੋਤ ਸਿੰਘ ਨੇ 580-2x ਸਕੋਰ ਕੀਤਾ।
🇮🇳 𝗔𝗡𝗢𝗧𝗛𝗘𝗥 𝗠𝗘𝗗𝗔𝗟 𝗜𝗡𝗖𝗢𝗠𝗜𝗡𝗚? A superb performance from Manu Bhaker and Sarabjot Singh as they finish 03rd to have a chance at securing a Bronze medal for India. 🔫 They finished with a score of 580-2x. 👉🏻 They will face 🇰🇷 in the 🥉 match. 😔 Rhythm Sangwan pic.twitter.com/Ii4Uhb8IBV — India at Paris 2024 Olympics (@sportwalkmedia) July 29, 2024
ਮਨੂ ਨੇ ਇਤਿਹਾਸਕ ਕਾਂਸੀ ਤਮਗਾ ਜਿੱਤਿਆ
ਮਨੂ ਨੇ ਐਤਵਾਰ ਨੂੰ ਮਹਿਲਾਵਾਂ ਦੇ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ। ਉਹ ਓਲੰਪਿਕ ਤਮਗਾ ਜਿੱਤਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਨਿਸ਼ਾਨੇਬਾਜ਼ ਬਣੀ। ਉਨ੍ਹਾਂ ਨੇ 12 ਸਾਲ ਬਾਅਦ ਭਾਰਤ ਨੂੰ ਓਲੰਪਿਕ ਸ਼ੂਟਿੰਗ ਰੇਂਜ ‘ਤੇ ਤਮਗਾ ਦਿਵਾਇਆ।
