ਦੀਦੀ, ਇਹ ਤੁਹਾਡੇ ਲਈ ਸੀ… ਹਰਮਨਪ੍ਰੀਤ ਕੌਰ ਨੇ ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਕਿਸ ਤੋਂ ਮੰਗੀ ਮੁਆਫ਼ੀ? Video
Women's World Cup Final Harmanpreet Kaur: ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ, ਭਾਰਤੀ ਮਹਿਲਾ ਟੀਮ ਦੀਆਂ ਖਿਡਾਰਨਾਂ ਨੇ ਸਾਬਕਾ ਸਾਥੀ ਅੰਜੁਮ ਚੋਪੜਾ, ਮਿਤਾਲੀ ਰਾਜ ਤੇ ਝੂਲਨ ਗੋਸਵਾਮੀ ਨਾਲ ਜਸ਼ਨ ਮਨਾਇਆ। ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਭਾਰਤੀ ਕਪਤਾਨ ਤੇ ਉਨ੍ਹਾਂ ਦੇ ਸਾਥੀ ਸਾਬਕਾ ਭਾਰਤੀ ਖਿਡਾਰੀਆਂ ਅੰਜੁਮ ਚੋਪੜਾ, ਮਿਤਾਲੀ ਰਾਜ ਤੇ ਝੂਲਨ ਗੋਸਵਾਮੀ ਨੂੰ ਵਿਸ਼ਵ ਕੱਪ ਟਰਾਫੀ ਭੇਟ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ।
ਭਾਰਤੀ ਮਹਿਲਾ ਟੀਮ ਦਾ ਵਿਸ਼ਵ ਕੱਪ ਜਿੱਤਣ ਦਾ ਸੁਪਨਾ ਆਖਰਕਾਰ 2 ਨਵੰਬਰ ਨੂੰ ਨਵੀਂ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ‘ਚ ਸਾਕਾਰ ਹੋਇਆ। ਫਾਈਨਲ ‘ਚ ਦੱਖਣੀ ਅਫਰੀਕਾ ਨੂੰ ਹਰਾਉਣ ਤੋਂ ਬਾਅਦ, ਟੀਮ ਇੰਡੀਆ ਦੀਆਂ ਖਿਡਾਰਨਾਂ ਨੇ ਜਸ਼ਨ ਮਨਾਇਆ। ਇਸ ਦੌਰਾਨ, ਉਨ੍ਹਾਂ ਨੇ ਸਾਬਕਾ ਭਾਰਤੀ ਮਹਿਲਾ ਖਿਡਾਰਨਾਂ ਨੂੰ ਵੀ ਆਪਣੇ ਜਸ਼ਨ ‘ਚ ਸ਼ਾਮਲ ਕੀਤਾ। ਕੈਪਟਨ ਹਰਮਨਪ੍ਰੀਤ ਕੌਰ ਨੇ ਇਨ੍ਹਾਂ ਮਹਾਨ ਖਿਡਾਰੀਆਂ ਨੂੰ ਟਰਾਫੀ ਭੇਟ ਕਰਦਿਆਂ ਕਿਹਾ, “ਦੀਦੀ, ਇਹ ਤੁਹਾਡੇ ਲਈ ਸੀ।” ਭਾਰਤੀ ਕਪਤਾਨ ਨੇ ਸਮਾਰੋਹ ਦੌਰਾਨ ਕਿਸੇ ਤੋਂ ਮੁਆਫੀ ਵੀ ਮੰਗੀ। ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਇਸ ਵੀਡੀਓ ‘ਚ ਕੀ ਹੈ?
ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ਆਈਸੀਸੀ) ਦੇ ਚੇਅਰਮੈਨ ਜੈ ਸ਼ਾਹ ਤੋਂ ਟਰਾਫੀ ਪ੍ਰਾਪਤ ਕਰਨ ਤੋਂ ਬਾਅਦ, ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਸਭ ਤੋਂ ਪਹਿਲਾਂ ਆਪਣੇ ਸਾਥੀਆਂ ਨਾਲ ਜਸ਼ਨ ਮਨਾਇਆ। ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਭਾਰਤੀ ਕਪਤਾਨ ਤੇ ਉਨ੍ਹਾਂ ਦੇ ਸਾਥੀ ਸਾਬਕਾ ਭਾਰਤੀ ਖਿਡਾਰੀਆਂ ਅੰਜੁਮ ਚੋਪੜਾ, ਮਿਤਾਲੀ ਰਾਜ ਤੇ ਝੂਲਨ ਗੋਸਵਾਮੀ ਨੂੰ ਵਿਸ਼ਵ ਕੱਪ ਟਰਾਫੀ ਦਿੰਦੇ ਦਿਖਾਈ ਦੇ ਰਹੇ ਹਨ। ਇਸ ਨੇ ਮਹਾਨ ਖਿਡਾਰੀਆਂ ਨੂੰ ਭਾਵੁਕ ਕਰ ਦਿੱਤਾ।
View this post on Instagram
ਇਹ ਇੱਕ ਯਾਦਗਾਰੀ ਪਲ ਸੀ ਜਦੋਂ ਸਾਰੇ ਖਿਡਾਰੀਆਂ ਨੇ ਇਨ੍ਹਾਂ ਦਿੱਗਜ਼ਾਂ ਨੂੰ ਗਲੇ ਲਗਾਇਆ। ਹਰਮਨਪ੍ਰੀਤ ਕੌਰ ਨੇ ਕਿਹਾ, “ਦੀਦੀ, ਇਹ ਤੁਹਾਡੇ ਲਈ ਸੀ।” ਹਰਮਨਪ੍ਰੀਤ ਕੌਰ ਤੇ ਸਮ੍ਰਿਤੀ ਮੰਧਾਨਾ ਨੇ ਝੂਲਨ ਗੋਸਵਾਮੀ ਨੂੰ ਕਿਹਾ ਕਿ ਅਸੀਂ ਪਿਛਲੀ ਵਾਰ ਤੁਹਾਡੇ ਲਈ ਵਿਸ਼ਵ ਕੱਪ ਨਾ ਜਿੱਤ ਸਕਣ ਲਈ ਮੁਆਫੀ ਮੰਗਦੇ ਹਾਂ। ਗੱਲਬਾਤ ਦੌਰਾਨ ਸਾਰੀਆਂ ਖਿਡਾਰਨਾਂ ਬਹੁਤ ਭਾਵੁਕ ਸਨ। ਝੂਲਨ ਗੋਸਵਾਮੀ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੀਆਂ ਭਾਵਨਾਵਾਂ ਜ਼ਾਹਰ ਕੀਤੀਆਂ ਹਨ।
ਝੂਲਨ ਗੋਸਵਾਮੀ ਨੇ ਕੀ ਕਿਹਾ?
ਭਾਰਤੀ ਮਹਿਲਾ ਟੀਮ ਦੇ ਚੈਂਪੀਅਨ ਬਣਨ ਤੋਂ ਬਾਅਦ, ਸਾਬਕਾ ਮਹਿਲਾ ਖਿਡਾਰਨ ਝੂਲਨ ਗੋਸਵਾਮੀ ਬਹੁਤ ਭਾਵੁਕ ਹੋ ਗਈ ਸੀ। ਇਸ ਦੌਰਾਨ, ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ, “ਇਹ ਮੇਰਾ ਸੁਪਨਾ ਸੀ ਤੇ ਤੁਸੀਂ ਇਸ ਨੂੰ ਸੱਚ ਕਰ ਦਿਖਾਇਆ। ਸ਼ੈਫਾਲੀ ਵਰਮਾ ਦੀਆਂ 70 ਦੌੜਾਂ ਤੇ ਦੋ ਵੱਡੀਆਂ ਵਿਕਟਾਂ, ਦੀਪਤੀ ਸ਼ਰਮਾ ਦਾ ਅਰਧ ਸੈਂਕੜਾ ਤੇ ਪੰਜ ਵਿਕਟਾਂ… ਦੋਵਾਂ ਦਾ ਕਮਾਲ। ਟਰਾਫੀ ਹੁਣ ਸਾਡੀ ਹੈ।”
ਇਹ ਵੀ ਪੜ੍ਹੋ
This was my dream, and youve made it come true 💙@TheShafaliVermas 70 and two big wickets, @Deepti_Sharma06s fifty and a fifer…absolute brilliance from both. The cups home 🇮🇳🏆#WomensWorldCup2025 #TeamIndia pic.twitter.com/RwCDe8RATl
— Jhulan Goswami (@JhulanG10) November 2, 2025
ਭਾਰਤ ਦੀ ਸਾਬਕਾ ਕਪਤਾਨ ਮਿਤਾਲੀ ਰਾਜ ਨੇ ਇੰਸਟਾਗ੍ਰਾਮ ‘ਤੇ ਲਿਖਿਆ, “ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ, ਮੈਂ ਭਾਰਤੀ ਮਹਿਲਾਵਾਂ ਨੂੰ ਵਿਸ਼ਵ ਕੱਪ ਟਰਾਫੀ ਚੁੱਕਦੇ ਦੇਖਣ ਦਾ ਸੁਪਨਾ ਪੂਰਾ ਹੁੰਦਾ ਦੇਖਿਆ ਹੈ। ਅੱਜ ਰਾਤ, ਉਹ ਸੁਪਨਾ ਆਖਰਕਾਰ ਸੱਚ ਹੋ ਗਿਆ ਹੈ। 2005 ਦੇ ਦਿਲ ਟੁੱਟਣ ਤੋਂ ਲੈ ਕੇ 2017 ਦੇ ਸੰਘਰਸ਼ ਤੱਕ, ਹਰ ਹੰਝੂ, ਹਰ ਬਲਿਦਾਨ, ਹਰ ਨੌਜਵਾਨ ਕੁੜੀ ਜਿਸ ਨੇ ਬੱਲਾ ਚੁੱਕਿਆ ਸੀ ਇਹ ਵਿਸ਼ਵਾਸ ਕਰਦੇ ਹੋਏ ਕਿ ਅਸੀਂ ਇੱਥੇ ਹਾਂ, ਇਹ ਸਭ ਇਸ ਪਲ ਤੱਕ ਲੈ ਗਿਆ। ਵਿਸ਼ਵ ਕ੍ਰਿਕਟ ਦੇ ਨਵੇਂ ਚੈਂਪੀਅਨ, ਤੁਸੀਂ ਸਿਰਫ਼ ਇੱਕ ਟਰਾਫੀ ਨਹੀਂ ਜਿੱਤੀ, ਤੁਸੀਂ ਭਾਰਤੀ ਮਹਿਲਾ ਕ੍ਰਿਕਟ ਲਈ ਧੜਕਣ ਵਾਲੇ ਹਰ ਦਿਲ ਨੂੰ ਜਿੱਤ ਲਿਆ। ਜੈ ਹਿੰਦ।”
