Shakun Apshakun: ਅੱਖਾਂ ਦਾ ਫੜਕਣਾ ਸ਼ੁਭ ਹੈ ਜਾਂ ਅਸ਼ੁਭ? ਜਾਣੋ ਮਰਦਾਂ ਅਤੇ ਔਰਤਾਂ ਲਈ ਇਸ ਦੇ ਵੱਖ-ਵੱਖ ਮਤਲਬ ਅਤੇ ਸੰਕੇਤ
Shakun Apshakun: ਪ੍ਰਾਚੀਨ ਭਾਰਤੀ ਵਿਦਿਆਵਾਂ ਵਿੱਚ ਸਾਮੁਦਰਿਕ ਸ਼ਾਸਤਰ ਦਾ ਇੱਕ ਵਿਸ਼ੇਸ਼ ਮਹੱਤਵ ਹੈ। ਇਸ ਸ਼ਾਸਤਰ ਵਿੱਚ ਮਨੁੱਖੀ ਸਰੀਰ ਦੀ ਬਣਾਵਟ, ਬਣਤਰ ਅਤੇ ਅੰਗਾਂ ਦੀਆਂ ਗਤੀਵਿਧੀਆਂ ਦੇ ਅਧਾਰ 'ਤੇ ਭਵਿੱਖ ਵਿੱਚ ਹੋਣ ਵਾਲੀਆਂ ਘਟਨਾਵਾਂ ਦੇ ਸੰਕੇਤਾਂ ਬਾਰੇ ਵਿਸਤ੍ਰਿਤ ਜਾਣਕਾਰੀ ਦਿੱਤੀ ਗਈ ਹੈ।
ਪ੍ਰਾਚੀਨ ਭਾਰਤੀ ਵਿਦਿਆਵਾਂ ਵਿੱਚ ਸਾਮੁਦਰਿਕ ਸ਼ਾਸਤਰ ਦਾ ਇੱਕ ਵਿਸ਼ੇਸ਼ ਮਹੱਤਵ ਹੈ। ਇਸ ਸ਼ਾਸਤਰ ਵਿੱਚ ਮਨੁੱਖੀ ਸਰੀਰ ਦੀ ਬਣਾਵਟ, ਬਣਤਰ ਅਤੇ ਅੰਗਾਂ ਦੀਆਂ ਗਤੀਵਿਧੀਆਂ ਦੇ ਅਧਾਰ ‘ਤੇ ਭਵਿੱਖ ਵਿੱਚ ਹੋਣ ਵਾਲੀਆਂ ਘਟਨਾਵਾਂ ਦੇ ਸੰਕੇਤਾਂ ਬਾਰੇ ਵਿਸਤ੍ਰਿਤ ਜਾਣਕਾਰੀ ਦਿੱਤੀ ਗਈ ਹੈ। ਅਕਸਰ ਅਸੀਂ ਮਹਿਸੂਸ ਕਰਦੇ ਹਾਂ ਕਿ ਸਰੀਰ ਦਾ ਕੋਈ ਨਾ ਕੋਈ ਅੰਗ ਫੜਕਦਾ ਹੈ, ਜਿਸ ਨੂੰ ਵਿਗਿਆਨਕ ਨਜ਼ਰੀਏ ਤੋਂ ਇੱਕ ਆਮ ਸਰੀਰਕ ਪ੍ਰਕਿਰਿਆ ਮੰਨਿਆ ਜਾਂਦਾ ਹੈ।
ਹਾਲਾਂਕਿ, ਸਾਮੁਦਰਿਕ ਸ਼ਾਸਤਰ ਅਨੁਸਾਰ, ਸਰੀਰ ਦੇ ਅੰਗਾਂ ਦਾ ਫੜਕਣਾ ਆਉਣ ਵਾਲੇ ਸਮੇਂ ਦੀ ਚੇਤਾਵਨੀ ਜਾਂ ਕੋਈ ਸ਼ੁਭ ਸੰਕੇਤ ਹੋ ਸਕਦਾ ਹੈ। ਸ਼ਾਸਤਰਾਂ ਵਿੱਚ ਦੱਸਿਆ ਗਿਆ ਹੈ ਕਿ ਸਰੀਰ ਦੇ ਕੁਝ ਅੰਗਾਂ ਦਾ ਫੜਕਣਾ ਬਹੁਤ ਸ਼ੁਭ ਅਤੇ ਲਾਭਕਾਰੀ ਹੁੰਦਾ ਹੈ, ਜਦੋਂ ਕਿ ਕੁਝ ਅੰਗਾਂ ਦਾ ਫੜਕਣਾ ਅਸ਼ੁਭ ਅਤੇ ਨੁਕਸਾਨ ਹੋਣ ਦਾ ਇਸ਼ਾਰਾ ਕਰਦਾ ਹੈ। ਅਜਿਹੇ ਵਿੱਚ, ਆਓ ਜਾਣਦੇ ਹਾਂ ਕਿ ਅੱਖਾਂ ਦਾ ਫੜਕਣਾ ਸਾਡੇ ਜੀਵਨ ਬਾਰੇ ਕੀ ਕਹਿੰਦਾ ਹੈ।
ਮਰਦਾਂ ਦੀ ਸੱਜੀ ਅੱਖ ਦਾ ਫੜਕਣਾ ਹੁੰਦਾ ਹੈ ਬੇਹੱਦ ਸ਼ੁਭ
ਅੱਖਾਂ ਦਾ ਫੜਕਣਾ ਸਭ ਤੋਂ ਵੱਧ ਮਹਿਸੂਸ ਕੀਤੀ ਜਾਣ ਵਾਲੀ ਕਿਰਿਆ ਹੈ ਅਤੇ ਇਸ ਦੇ ਮਾਇਨੇ ਵੀ ਕਾਫ਼ੀ ਡੂੰਘੇ ਹੁੰਦੇ ਹਨ। ਸਾਮੁਦਰਿਕ ਸ਼ਾਸਤਰ ਦੇ ਮੁਤਾਬਕ, ਜੇਕਰ ਕਿਸੇ ਮਰਦ ਦੀ ਸੱਜੀ ਅੱਖ (Right Eye) ਫੜਕਦੀ ਹੈ, ਤਾਂ ਇਸ ਨੂੰ ਬਹੁਤ ਹੀ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਦਾ ਮਤਲਬ ਹੈ ਕਿ ਉਸ ਵਿਅਕਤੀ ਨੂੰ ਜੀਵਨ ਵਿੱਚ ਜਲਦੀ ਹੀ ਕੋਈ ਖ਼ੁਸ਼ਖ਼ਬਰੀ ਮਿਲਣ ਵਾਲੀ ਹੈ। ਇਹ ਇਸ ਗੱਲ ਦਾ ਵੀ ਸੰਕੇਤ ਹੈ ਕਿ ਲੰਬੇ ਸਮੇਂ ਤੋਂ ਰੁਕਿਆ ਹੋਇਆ ਕੋਈ ਮਹੱਤਵਪੂਰਨ ਕੰਮ ਸਿਰੇ ਚੜ੍ਹ ਸਕਦਾ ਹੈ। ਦੂਜੇ ਪਾਸੇ, ਔਰਤਾਂ ਲਈ ਸੱਜੀ ਅੱਖ ਦਾ ਫੜਕਣਾ ਚੰਗਾ ਨਹੀਂ ਮੰਨਿਆ ਜਾਂਦਾ।
ਔਰਤਾਂ ਲਈ ਖੱਬੀ ਅੱਖ ਦਾ ਫੜਕਣਾ ਹੈ ਸ਼ੁਭ ਸੰਕੇਤ
ਔਰਤਾਂ ਦੇ ਮਾਮਲੇ ਵਿੱਚ ਨਿਯਮ ਥੋੜ੍ਹੇ ਵੱਖਰੇ ਹਨ। ਔਰਤਾਂ ਦੀ ਸੱਜੀ ਅੱਖ ਦਾ ਫੜਕਣਾ ਅਸ਼ੁਭ ਮੰਨਿਆ ਜਾਂਦਾ ਹੈ, ਜੋ ਕਿ ਕਿਸੇ ਦੁਖਦਾਈ ਖ਼ਬਰ ਜਾਂ ਪਰੇਸ਼ਾਨੀ ਦਾ ਸੰਕੇਤ ਹੋ ਸਕਦਾ ਹੈ। ਇਸ ਦੇ ਉਲਟ, ਔਰਤਾਂ ਦੀ ਖੱਬੀ ਅੱਖ (Left Eye) ਦਾ ਫੜਕਣਾ ਬਹੁਤ ਹੀ ਲਾਭਕਾਰੀ ਹੁੰਦਾ ਹੈ। ਜੇਕਰ ਕਿਸੇ ਔਰਤ ਦੀ ਖੱਬੀ ਅੱਖ ਫੜਕ ਰਹੀ ਹੈ, ਤਾਂ ਉਸ ਨੂੰ ਜੀਵਨ ਵਿੱਚ ਕੋਈ ਚੰਗੀ ਖ਼ਬਰ ਮਿਲ ਸਕਦੀ ਹੈ। ਇਹ ਧਨ ਲਾਭ, ਰੁਕਿਆ ਹੋਇਆ ਪੈਸਾ ਮਿਲਣ ਜਾਂ ਨੌਕਰੀ ਵਿੱਚ ਤਰੱਕੀ ਮਿਲਣ ਦਾ ਸੰਕੇਤ ਹੈ। ਇਸ ਤੋਂ ਇਲਾਵਾ, ਇਹ ਪਰਿਵਾਰ ਵਿੱਚ ਖੁਸ਼ੀ ਜਾਂ ਸੰਤਾਨ ਸੁੱਖ ਮਿਲਣ ਦਾ ਵੀ ਇਸ਼ਾਰਾ ਹੁੰਦਾ ਹੈ।
ਕਿਹੜੀ ਅੱਖ ਦਾ ਫੜਕਣਾ ਹੁੰਦਾ ਹੈ ਅਸ਼ੁਭ?
ਸਾਮੁਦਰਿਕ ਸ਼ਾਸਤਰ ਸਪਸ਼ਟ ਕਰਦਾ ਹੈ ਕਿ ਸਰੀਰ ਦੇ ਅੰਗਾਂ ਦੀ ਹਰਕਤ ਲਿੰਗ ਦੇ ਅਧਾਰ ‘ਤੇ ਵੱਖ-ਵੱਖ ਫਲ ਦਿੰਦੀ ਹੈ।
ਇਹ ਵੀ ਪੜ੍ਹੋ
ਮਰਦਾਂ ਲਈ: ਖੱਬੀ ਅੱਖ ਦਾ ਫੜਕਣਾ ਬਿਲਕੁਲ ਵੀ ਸ਼ੁਭ ਨਹੀਂ ਮੰਨਿਆ ਜਾਂਦਾ।
ਔਰਤਾਂ ਲਈ: ਸੱਜੀ ਅੱਖ ਦਾ ਫੜਕਣਾ ਮਾੜਾ ਮੰਨਿਆ ਜਾਂਦਾ ਹੈ।
