NEET UG 2026: ਲੁਧਿਆਣਾ ਦਾ ਆਰੀਅਨ ਗੁਪਤਾ ਬਣਿਆ ਸੰਯੁਕਤ ਟੌਪਰ, ਪੰਜਾਬ ਦਾ ਵਧਾਇਆ ਮਾਣ
NTA ਦੁਆਰਾ ਜਾਰੀ ਕੀਤੇ ਗਏ ਨਤੀਜਿਆਂ ਅਨੁਸਾਰ, ਇਸ ਸਾਲ ਲਗਭਗ 20 ਲੱਖ ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਸ 'ਚ 11.21 ਲੱਖ ਵਿਦਿਆਰਥੀ ਸਫ਼ਲਤਾ ਪ੍ਰਾਪਤ ਕੀਤੀ। ਇਸ ਸਾਲ ਦੇ ਨਤੀਜਿਆਂ ਦੀ ਇੱਕ ਮਹੱਤਵਪੂਰਨ ਗੱਲ ਇਹ ਹੈ ਕਿ ਸਫਲ ਉਮੀਦਵਾਰਾਂ 'ਚੋਂ 58 ਪ੍ਰਤੀਸ਼ਤ ਤੋਂ ਵੱਧ ਮਹਿਲਾ ਵਿਦਿਆਰਥੀ ਹਨ।
ਲੁਧਿਆਣਾ ਦੇ ਆਰੀਅਨ ਗੁਪਤਾ ਨੇ NEET UG 2026 ‘ਚ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਆਲ ਇੰਡੀਆ ਰੈਂਕ-1 (AIR-1) ਪ੍ਰਾਪਤ ਕੀਤਾ ਹੈ। ਆਰੀਅਨ ਨੇ 720 ‘ਚੋਂ 715 ਅੰਕ ਪ੍ਰਾਪਤ ਕੀਤੇ ਤੇ ਹਰਿਆਣਾ ਦੇ ਪੰਸ਼ੁਲ ਬਾਂਸਲ ਦੇ ਨਾਲ ਸੰਯੁਕਤ ਰਾਸ਼ਟਰੀ ਟੌਪਰ ਬਣਿਆ। 21 ਜੂਨ ਨੂੰ ਹੋਈ ਰੀ-NEET ਪ੍ਰੀਖਿਆ ਦੇ ਨਤੀਜਿਆਂ ‘ਚ ਆਰੀਆਨ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
NTA ਦੁਆਰਾ ਜਾਰੀ ਕੀਤੇ ਗਏ ਨਤੀਜਿਆਂ ਅਨੁਸਾਰ, ਇਸ ਸਾਲ ਲਗਭਗ 20 ਲੱਖ ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਸ ‘ਚ 11.21 ਲੱਖ ਵਿਦਿਆਰਥੀ ਸਫ਼ਲਤਾ ਪ੍ਰਾਪਤ ਕੀਤੀ। ਇਸ ਸਾਲ ਦੇ ਨਤੀਜਿਆਂ ਦੀ ਇੱਕ ਮਹੱਤਵਪੂਰਨ ਗੱਲ ਇਹ ਹੈ ਕਿ ਸਫਲ ਉਮੀਦਵਾਰਾਂ ‘ਚੋਂ 58 ਪ੍ਰਤੀਸ਼ਤ ਤੋਂ ਵੱਧ ਮਹਿਲਾ ਵਿਦਿਆਰਥੀ ਹਨ।
ਪੰਜਾਬ ਦਾ ਸ਼ਾਨਦਾਰ ਪ੍ਰਦਰਸ਼ਨ
ਆਰੀਅਨ ਗੁਪਤਾ ਦੀ ਸਫਲਤਾ ਨੇ ਦੇਸ਼ ਭਰ ‘ਚ ਪੰਜਾਬ ਦਾ ਨਾਮ ਰੌਸ਼ਨ ਕੀਤਾ ਹੈ। ਸੂਬੇ ਦੇ ਇੱਕ ਹੋਰ ਵਿਦਿਆਰਥੀ, ਗੀਤਾਂਸ਼ ਸਰੀਨ ਨੇ ਵੀ ਟਾਪ-10 ‘ਚ ਸਥਾਨ ਪ੍ਰਾਪਤ ਕੀਤਾ।
ਟਾਪ-17 ਰੈਂਕ ‘ਚ 8 ਸੂਬੇ ਸ਼ਾਮਲ
- ਪੰਜਾਬ
- ਹਰਿਆਣਾ
- ਰਾਜਸਥਾਨ
- ਉੱਤਰ ਪ੍ਰਦੇਸ਼
- ਮਹਾਰਾਸ਼ਟਰ
- ਬਿਹਾਰ
- ਤਾਮਿਲਨਾਡੂ
- ਤੇਲੰਗਾਨਾ
ਸਕੋਰ ਤੇ ਟਾਪਰ
ਦੇਸ਼ ਭਰ ‘ਚ 19 ਉਮੀਦਵਾਰਾਂ ਨੇ 700 ਤੋਂ ਵੱਧ ਅੰਕ ਹਾਸਲ ਕੀਤੇ ਹਨ। ਇਸ ਤੋਂ ਇਲਾਵਾ 1,492 ਵਿਦਿਆਰਥੀਆਂ ਨੇ 650 ਤੋਂ ਵੱਧ ਅੰਕ ਪ੍ਰਾਪਤ ਕੀਤੇ, ਜਦਕਿ 10,160 ਵਿਦਿਆਰਥੀਆਂ ਨੇ 600 ਤੋਂ ਵੱਧ ਅੰਕ ਹਾਸਲ ਕੀਤੇ ਹਨ।
NEET UG 2026 ‘ਚ ਪੰਜਾਬ ਦੇ ਆਰੀਅਨ ਗੁਪਤਾ ਅਤੇ ਹਰਿਆਣਾ ਦੇ ਪੰਸ਼ੁਲ ਬਾਂਸਲ ਨੇ ਸਾਂਝੇ ਤੌਰ ‘ਤੇ ਆਲ ਇੰਡੀਆ ਰੈਂਕ (AIR)-1 ਹਾਸਲ ਕੀਤੀ। ਦੋਵਾਂ ਨੇ 720 ‘ਚੋਂ 715 ਅੰਕ ਪ੍ਰਾਪਤ ਕਰਕੇ ਦੇਸ਼ ‘ਚ ਸਭ ਤੋਂ ਵੱਧ ਸਕੋਰ ਕੀਤਾ। ਨਤੀਜੇ ਜਾਰੀ ਹੋਣ ਨਾਲ ਹੁਣ MBBS, BDS, AYUSH ਤੇ ਹੋਰ ਮੈਡੀਕਲ ਕੋਰਸਾਂ ਲਈ ਕਾਊਂਸਲਿੰਗ ਤੇ ਦਾਖ਼ਲਾ ਪ੍ਰਕਿਰਿਆ ਦਾ ਰਾਹ ਸਾਫ਼ ਹੋ ਗਿਆ ਹੈ।
ਇਹ ਵੀ ਪੜ੍ਹੋ
ਲਗਭਗ 20 ਲੱਖ ਉਮੀਦਵਾਰਾਂ ਨੇ ਦਿੱਤੀ ਪ੍ਰੀਖਿਆ
ਐਨਟੀਏ (NTA) ਅਨੁਸਾਰ, NEET UG 2026 ਦੀ ਪ੍ਰੀਖਿਆ ‘ਚ ਲਗਭਗ 20 ਲੱਖ ਉਮੀਦਵਾਰ ਸ਼ਾਮਲ ਹੋਏ। ਇਹ ਪ੍ਰੀਖਿਆ 21 ਜੂਨ ਨੂੰ ਭਾਰਤ ਦੇ 551 ਸ਼ਹਿਰਾਂ ਤੇ ਵਿਦੇਸ਼ ਦੇ 14 ਸ਼ਹਿਰਾਂ ‘ਚ ਬਣਾਏ ਗਏ 5,440 ਪ੍ਰੀਖਿਆ ਕੇਂਦਰਾਂ ‘ਤੇ ਕਰਵਾਈ ਗਈ ਸੀ।
ਟਾਪ-10 ਉਮੀਦਵਾਰ
| ਰੈਂਕ | ਨਾਮ | ਰਾਜ | ਅੰਕ |
| AIR-1 | ਆਰੀਅਨ ਗੁਪਤਾ | ਪੰਜਾਬ | 715 |
| AIR-2 | ਪੰਸ਼ੁਲ ਬਾਂਸਲ | ਹਰਿਆਣਾ | 715 |
| AIR-3 | ਉਪਲਕਸ਼ ਗੋਇਲ | ਰਾਜਸਥਾਨ | 714 |
| AIR-4 | ਆਯੁਸ਼ ਭਾਲੋਟੀਆ | ਬਿਹਾਰ | 713 |
| AIR-5 | ਕੁਡਾਲੇ ਸ਼੍ਰਾਵਣੀ ਕ੍ਰਿਸ਼ਨਾ | ਮਹਾਰਾਸ਼ਟਰ | 713 |
| AIR-6 | ਰੀਆ ਰੰਜਨ | ਬਿਹਾਰ | 713 |
| AIR-7 | ਆਰੀਅਨ ਦੁਬੇ | ਉੱਤਰ ਪ੍ਰਦੇਸ਼ | 713 |
| AIR-8 | ਗੀਤਾਂਸ਼ ਸਰੀਨ | ਪੰਜਾਬ | 712 |
| AIR-9 | ਗੌਰਵ ਸਿੰਘ | ਰਾਜਸਥਾਨ | 712 |
| AIR-10 | ਮੋਹਨੀਸ਼ ਮਾਰੂਤੀ ਭੋਸਲੇ | ਮਹਾਰਾਸ਼ਟਰ | 712 |
