ਪਠਾਨਕੋਟ ਪਹੁੰਚੇ ਨਾਇਬ ਸੈਣੀ, ਪਾਰਟੀ ਪ੍ਰੋਗਰਾਮਾਂ ‘ਚ ਲੈ ਰਹੇ ਹਿੱਸਾ; ਕੇਵਲ ਢਿੱਲੋਂ ਵੀ ਮੌਜੂਦ
ਹਰਿਆਣਾ ਦੇ ਮੁੱਖ ਮੰਤਰੀ ਦਫ਼ਤਰ ਵੱਲੋਂ ਜਾਰੀ ਸ਼ਡਿਊਲ ਅਨੁਸਾਰ, ਨਾਇਬ ਸਿੰਘ ਸੈਣੀ ਸਵੇਰੇ 9:40 ਵਜੇ ਹੈਲੀਕਾਪਟਰ ਰਾਹੀਂ ਚੰਡੀਗੜ੍ਹ ਤੋਂ ਰਵਾਨਾ ਹੋਏ ਤੇ ਸਵੇਰੇ 10:40 ਵਜੇ ਪਠਾਨਕੋਟ ਦੇ ਮਾਧੋਪੁਰ 'ਚ ਬੀਐਸਐਫ ਕੈਂਪਸ ਹੈਲੀਪੈਡ 'ਤੇ ਪਹੁੰਚੇ। ਸਵੇਰੇ 11:00 ਵਜੇ, ਉਹ ਕੇਵਲ ਸਿੰਘ ਢਿੱਲੋਂ ਦੇ ਨਾਲ ਡਾ. ਸ਼ਿਆਮਾ ਪ੍ਰਸਾਦ ਮੁਖਰਜੀ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਨ ਲਈ ਮਾਧੋਪੁਰ ਦੇ ਏਕਤਾ ਸਥਲ ਪਹੁੰਚੇ।
ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਤੇ ਪੰਜਾਬ ਭਾਜਪਾ ਪ੍ਰਧਾਨ ਕੇਵਲ ਸਿੰਘ ਢਿੱਲੋਂ ਅੱਜ, ਐਤਵਾਰ ਨੂੰ ਇੱਕ ਦਿਨ ਦੇ ਦੌਰੇ ‘ਤੇ ਪਠਾਨਕੋਟ ਦੇ ਸੁਜਾਨਪੁਰ ਪਹੁੰਚੇ ਹਨ। ਭਾਜਪਾ ਨੇ ਅਧਿਕਾਰਤ ਤੌਰ ‘ਤੇ ਕਿਹਾ ਹੈ ਕਿ ਇਹ ਦੌਰਾ ਡਾ. ਸ਼ਿਆਮਾ ਪ੍ਰਸਾਦ ਮੁਖਰਜੀ ਦੇ ਜਯੰਤੀ ਪ੍ਰੋਗਰਾਮ ਨਾਲ ਸਬੰਧਤ ਹੈ। ਹਾਲਾਂਕਿ, ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਦੌਰਾ ਸੂਬੇ ‘ਚ ਮਹੱਤਵਪੂਰਨ ਰਾਜਨੀਤਿਕ ਘਟਨਾਵਾਂ ਦਾ ਗਵਾਹ ਵੀ ਬਣ ਸਕਦਾ ਹੈ।
ਹਰਿਆਣਾ ਦੇ ਮੁੱਖ ਮੰਤਰੀ ਦਫ਼ਤਰ ਵੱਲੋਂ ਜਾਰੀ ਸ਼ਡਿਊਲ ਅਨੁਸਾਰ, ਨਾਇਬ ਸਿੰਘ ਸੈਣੀ ਸਵੇਰੇ 9:40 ਵਜੇ ਹੈਲੀਕਾਪਟਰ ਰਾਹੀਂ ਚੰਡੀਗੜ੍ਹ ਤੋਂ ਰਵਾਨਾ ਹੋਏ ਤੇ ਸਵੇਰੇ 10:40 ਵਜੇ ਪਠਾਨਕੋਟ ਦੇ ਮਾਧੋਪੁਰ ‘ਚ ਬੀਐਸਐਫ ਕੈਂਪਸ ਹੈਲੀਪੈਡ ‘ਤੇ ਪਹੁੰਚੇ। ਸਵੇਰੇ 11:00 ਵਜੇ, ਉਹ ਕੇਵਲ ਸਿੰਘ ਢਿੱਲੋਂ ਦੇ ਨਾਲ ਡਾ. ਸ਼ਿਆਮਾ ਪ੍ਰਸਾਦ ਮੁਖਰਜੀ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਨ ਲਈ ਮਾਧੋਪੁਰ ਦੇ ਏਕਤਾ ਸਥਲ ਪਹੁੰਚੇ।
ਸ਼ਰਧਾਂਜਲੀ ਸਮਾਰੋਹ ਤੋਂ ਬਾਅਦ, ਦੋਵਾਂ ਆਗੂਆਂ ਨੇ ਸਵੇਰੇ 11:20 ਵਜੇ ਦੇ ਕਰੀਬ ਸੁਜਾਨਪੁਰ ਦੇ ਆਰਐਸ ਗਾਰਡਨ ਵਿਖੇ ਇੱਕ ਜਨਤਕ ਇਕੱਠ ਨੂੰ ਸੰਬੋਧਨ ਕਰਨਗੇ। ਜਨਤਕ ਮੀਟਿੰਗ ਤੋਂ ਬਾਅਦ, ਆਗੂਆਂ ਦਾ ਪਠਾਨਕੋਟ ਦੇ ਐਮਰਾਲਡ ਡਾਊਨਟਾਊਨ ਵਿਖੇ ਦੁਪਹਿਰ ਦਾ ਖਾਣਾ ਖਾਣ ਦਾ ਪ੍ਰੋਗਰਾਮ ਹੈ। ਇਸ ਤੋਂ ਬਾਅਦ ਉਹ ਬੀਐਸਐਫ ਕੈਂਪਸ ਹੈਲੀਪੈਡ ਤੋਂ ਹੈਲੀਕਾਪਟਰ ਰਾਹੀਂ 1:15 ਵਜੇ ਜਲੰਧਰ ਲਈ ਰਵਾਨਾ ਹੋਣਗੇ।
LIVE: श्रद्धेय डॉ. श्यामा प्रसाद मुखर्जी जयंती कार्यक्रम (पठानकोट, पंजाब) https://t.co/kAdBGHeAC7
— Nayab Saini (@NayabSainiBJP) July 5, 2026
ਜਲੰਧਰ ‘ਚ ਸੈਣੀ ਤੇ ਢਿੱਲੋਂ ਦਾ ਪੀਏਪੀ ਗਰਾਊਂਡਜ਼ ਹੈਲੀਪੈਡ ‘ਤੇ ਦੁਪਹਿਰ 1:50 ਵਜੇ ਪਹੁੰਚਣ ਦਾ ਪ੍ਰੋਗਰਾਮ ਹੈ ਤੇ ਲਾਲਾ ਚੰਚਲ ਦਾਸ ਆਡੀਟੋਰੀਅਮ ਵੱਲ ਰਵਾਨਾ ਹੋਣ ਦਾ ਪ੍ਰੋਗਰਾਮ ਹੈ, ਜਿੱਥੇ ਉਹ ਦੁਪਹਿਰ 2:00 ਵਜੇ ਇੱਕ ਹੋਰ ਜਨਤਕ ਮੀਟਿੰਗ ਨੂੰ ਸੰਬੋਧਨ ਕਰਨਗੇ। ਆਗੂਆਂ ਦੇ ਦੁਪਹਿਰ 3:30 ਵਜੇ ਹੈਲੀਕਾਪਟਰ ਰਾਹੀਂ ਚੰਡੀਗੜ੍ਹ ਵਾਪਸੀ ਕਰਨਗੇ। ਉਗ ਸ਼ਾਮ 4:15 ਵਜੇ ਰਾਜੇਂਦਰ ਪਾਰਕ ਹੈਲੀਪੈਡ ਪਹੁੰਚਣਗੇ।
ਇਹ ਵੀ ਪੜ੍ਹੋ
ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੂੰ Z+ ਸੁਰੱਖਿਆ ਸ਼੍ਰੇਣੀ ਕਾਰਨ ਪੰਜਾਬ ਪ੍ਰਸ਼ਾਸਨ ਨੇ ਇਸ ਦੌਰੇ ਲਈ ਪੁਖ਼ਤਾ ਸੁਰੱਖਿਆ ਪ੍ਰਬੰਧ ਕੀਤੇ ਹਨ। ਪੰਜਾਬ ਪੁਲਿਸ ਨੇ ਪੂਰੇ ਰੂਟ ‘ਤੇ ਵਾਧੂ ਕਰਮਚਾਰੀ ਤਾਇਨਾਤ ਕੀਤੇ ਹਨ। ਇਸ ‘ਚ ਟ੍ਰੈਫਿਕ ਪ੍ਰਬੰਧਨ, ਪਾਇਲਟ ਤੇ ਐਸਕਾਰਟ ਵਾਹਨਾਂ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ, ਜਦੋਂ ਕਿ ਪੂਰੇ ਦੌਰੇ ਦੌਰਾਨ ਮੁੱਖ ਮੰਤਰੀ ਦੇ ਕਾਫਲੇ ਦੇ ਨਾਲ ਇੱਕ ਪੂਰੀ ਤਰ੍ਹਾਂ ਲੈਸ ਐਂਬੂਲੈਂਸ ਵੀ ਰੱਖੀ ਗਈ ਹੈ।
