TV9 Festival of India: ਫੈਸਟੀਵਲ ਆਫ ਇੰਡੀਆ ਵਿੱਚ ਅੱਜ ਹੋਵੇਗਾ ਡਾਂਡੀਆ ਅਤੇ ਗਰਬਾ ਡਾਂਸ, ਧੁਨੁਚੀ ਡਾਂਸ ਮੁਕਾਬਲੇ ਦਾ ਵੀ ਪ੍ਰਬੰਧ
TV9 ਦੇ ਫੈਸਟੀਵਲ ਆਫ ਇੰਡੀਆ ਦੇ ਮੈਗਾ ਲਾਈਫਸਟਾਈਲ ਐਕਸਪੋ ਵਿੱਚ ਕਈ ਦੇਸ਼ਾਂ ਦੇ 250 ਤੋਂ ਵੱਧ ਸਟਾਲ ਲਗਾਏ ਗਏ ਹਨ। TV9 ਨੈੱਟਵਰਕ ਵੱਲੋਂ ਆਯੋਜਿਤ ਇਹ ਸ਼ਾਨਦਾਰ ਮੇਲਾ 13 ਅਕਤੂਬਰ ਤੱਕ ਜਾਰੀ ਰਹੇਗਾ। ਸਟਾਲਾਂ ਵਿੱਚ ਖਾਣ-ਪੀਣ ਤੋਂ ਇਲਾਵਾ ਹੋਰ ਵੀ ਕਈ ਚੀਜਾਂ ਦੇ ਸਟਾਲ ਲਗਾਏ ਗਏ ਹਨ।
ਨਰਾਤਿਆਂ ਦੇ ਮੌਕੇ ‘ਤੇ ਦਿੱਲੀ ਦੇ ਮੇਜਰ ਧਿਆਨਚੰਦ ਸਟੇਡੀਅਮ ‘ਚ TV9 ਫੈਸਟੀਵਲ ਆਫ ਇੰਡੀਆ ਦਾ ਸ਼ਾਨਦਾਰ ਆਯੋਜਨ ਹੋ ਰਿਹਾ ਹੈ। ਅੱਜ ਸ਼ੁੱਕਰਵਾਰ ਨੂੰ ਤਿਉਹਾਰ ਦਾ ਤੀਜਾ ਦਿਨ ਹੈ। ਮਹਾਅਸ਼ਟਮੀ ਦਾ ਤਿਉਹਾਰ ਅੱਜ (11 ਅਕਤੂਬਰ) ਨੂੰ ਸੰਧੀ ਪੂਜਾ ਅਤੇ ਭੋਗ ਆਰਤੀ ਨਾਲ ਮਨਾਇਆ ਜਾ ਰਿਹਾ ਹੈ।
ਮਹਾਂ ਅਸ਼ਟਮੀ ਦਾ ਦਿਨ ਸ਼ਰਧਾਲੂਆਂ ਲਈ ਬਹੁਤ ਖਾਸ ਹੁੰਦਾ ਹੈ, ਕਿਉਂਕਿ ਇਸ ‘ਤੇ ਸੰਧੀ ਪੂਜਾ ਕੀਤੀ ਜਾਂਦੀ ਹੈ। ਇਹ ਪੂਜਾ ਨਵਰਾਤਰੀ ਦੀ ਅਸ਼ਟਮੀ ਅਤੇ ਨਵਮੀ ਵਿਚਕਾਰ ਕੀਤੀ ਜਾਂਦੀ ਹੈ। ਸੰਧੀ ਪੂਜਾ ਅਸ਼ਟਮੀ ਤਿਥੀ ਦੇ ਅੰਤ ਅਤੇ ਨਵਮੀ ਤਿਥੀ ਦੀ ਸ਼ੁਰੂਆਤ ਵਿੱਚ ਕੀਤੀ ਜਾਂਦੀ ਹੈ। 5 ਦਿਨ ਚੱਲਣ ਵਾਲੇ ਇਸ ਮੇਲੇ ਦੌਰਾਨ ਕਈ ਮੁੱਖ ਆਕਰਸ਼ਣ ਹੋਣਗੇ।
ਸੰਧੀ ਪੂਜਾ ਤੋਂ ਬਾਅਦ ਭੋਗ ਆਰਤੀ
ਫੈਸਟੀਵਲ ਆਫ ਇੰਡੀਆ ਵਿੱਚ, ਸੰਧੀ ਪੂਜਾ ਤੋਂ ਬਾਅਦ, ਭੋਗ ਆਰਤੀ ਕੀਤੀ ਜਾਵੇਗੀ, ਜਿੱਥੇ ਮਾਂ ਦੁਰਗਾ ਨੂੰ ਲਜੀਜ਼ ਭੋਜਨ ਭੇਟ ਕੀਤਾ ਜਾਵੇਗਾ, ਇਹ ਸ਼ੁਕਰਾਨੇ ਅਤੇ ਸ਼ਰਧਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਇਸ ਦਿਨ ਹਰ ਕਿਸੇ ਦੇ ਮਨ ਵਿੱਚ ਵੱਡਾ ਅਧਿਆਤਮਿਕ ਉਤਸ਼ਾਹ ਹੁੰਦਾ ਹੈ, ਸ਼ਰਧਾਲੂ ਦੇਵੀ ਦੇ ਸਤਿਕਾਰ ਲਈ ਪ੍ਰਾਰਥਨਾਵਾਂ, ਰਸਮਾਂ ਅਤੇ ਸੱਭਿਆਚਾਰਕ ਗਤੀਵਿਧੀਆਂ ਵਿੱਚ ਸ਼ਾਮਲ ਹੁੰਦੇ ਹਨ। TV9 ਦੇ ਫੈਸਟੀਵਲ ਆਫ ਇੰਡੀਆ ਵਿੱਚ ਦਿਨ ਭਰ ਕਈ ਸੱਭਿਆਚਾਰਕ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾਣੇ ਹਨ। ਹਾਲਾਂਕਿ, ਡਾਂਡੀਆ ਅਤੇ ਗਰਬਾ ਨਾਈਟ ਤੋਂ ਇਲਾਵਾ ਸ਼ਾਮ ਨੂੰ ਢਾਕ ਅਤੇ ਧੁਨੁਚੀ ਡਾਂਸ ਮੁਕਾਬਲੇ ਵੀ ਹੋਣਗੇ।
ਡਾਂਡੀਆ/ਗਰਬਾ ਨਾਈਟ: ਅੱਜ ਸ਼ਾਮ 6:30 ਵਜੇ ਡਾਂਡੀਆ ਅਤੇ ਗਰਬਾ ਨਾਈਟ ਦਾ ਆਯੋਜਨ ਕੀਤਾ ਜਾਵੇਗਾ। ਇਸ ਦੌਰਾਨ ਰਵਾਇਤੀ ਡਾਂਸ ਅਤੇ ਸ਼ਾਨਦਾਰ ਧੁਨਾਂ ਹਰ ਕਿਸੇ ਦਾ ਮੰਨ ਮੋਹ ਲੈਣਗੀਆਂ।
ਢਾਕ ਅਤੇ ਧੁਨੁਚੀ ਡਾਂਸ ਮੁਕਾਬਲੇ: ਰਾਤ 8 ਤੋਂ 9:30 ਵਜੇ ਤੱਕ ਇੱਕ ਹੋਰ ਮਿਊਜ਼ਿਕਲ ਪ੍ਰੋਗਰਾਮ ਕਰਵਾਇਆ ਜਾਵੇਗਾ।
ਇਹ ਵੀ ਪੜ੍ਹੋ
ਫੈਸਟੀਵਲ ਆਫ ਇੰਡੀਆ ਵਿੱਚ 250 ਤੋਂ ਵੱਧ ਸਟਾਲ
TV9 ਦੇ ਫੈਸਟੀਵਲ ਆਫ ਇੰਡੀਆ ਦੇ ਮੈਗਾ ਲਾਈਫਸਟਾਈਲ ਐਕਸਪੋ ਵਿੱਚ ਕਈ ਦੇਸ਼ਾਂ ਦੇ 250 ਤੋਂ ਵੱਧ ਸਟਾਲ ਲਗਾਏ ਗਏ ਹਨ। TV9 ਨੈੱਟਵਰਕ ਵੱਲੋਂ ਆਯੋਜਿਤ ਇਹ ਸ਼ਾਨਦਾਰ ਮੇਲਾ 13 ਅਕਤੂਬਰ ਤੱਕ ਜਾਰੀ ਰਹੇਗਾ।
ਤੁਸੀਂ ਭਾਰਤ ਦੇ TV9 ਫੈਸਟੀਵਲ ‘ਤੇ ਗਲੋਬਲ ਲਾਈਫਸਟਾਈਲ ਟ੍ਰੈਂਡਸ ਨਾਲ ਰੂ-ਬ-ਰੂ ਹੋ ਸਕਦੇ ਹਨ। ਇੱਥੇ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਦਾ ਆਨੰਦ ਵੀ ਲੈ ਸਕਦੇ ਹੋ। ਅੰਤਰਰਾਸ਼ਟਰੀ ਪ੍ਰਦਰਸ਼ਨੀਆਂ ਦੇ ਨਾਲ-ਨਾਲ ਇੱਥੇ ਲਜ਼ੀਜ਼ ਫੂਡ ਦੇ ਸਟਾਲ ਵੀ ਲਗਾਏ ਗਏ ਹਨ। ਇੱਥੇ ਹਰ ਕਿਸੇ ਲਈ ਕੁਝ ਨਾ ਕੂਝ ਹੈ। 250 ਤੋਂ ਵੱਧ ਸਟਾਲਸ ਵਿੱਚ ਫੈਸ਼ਨ, ਹੋਮ ਡੇਕੋਰ ਅਤੇ ਕ੍ਰਾਫਟ ਸਮੇਤ ਕਈ ਤਰ੍ਹਾਂ ਦੇ ਉਤਪਾਦ ਸ਼ਾਮਲ ਕੀਤੇ ਗਏ ਹਨ। ਇਸ ਫੈਸਟੀਵਲ ਵਿੱਚ ਬਹੁਤ ਕੁਝ ਹੈ। ਲਾਈਵ ਸੰਗੀਤ ਪ੍ਰੋਗਰਾਮ ਦਾ ਮੁੱਖ ਆਕਰਸ਼ਣ ਹੈ। ਸੂਫੀ ਸੰਗੀਤ, ਬਾਲੀਵੁੱਡ ਗੀਤ ਜਾਂ ਹਰ ਮੂਡ ਦਾ ਲੋਕ ਸੰਗੀਤ ਇੱਥੇ ਆਉਣ ਵਾਲੇ ਲੋਕਾਂ ਨੂੰ ਗੂਨਗੁਨਾਉਣ ਲਈ ਮਜਬੂਰ ਕਰ ਦੇਵੇਗਾ।
