Exit Poll Result 2024: ਮਹਾਰਾਸ਼ਟਰ ‘ਚ ਬੀਜੇਪੀ ਦੀ ਬੱਲੇ-ਬੱਲੇ, ਕਾਂਗਰਸ ਨੂੰ ਝਟਕਾ…ਜਾਣੋ ਕੀ ਕਹਿੰਦੇ ਹਨ Exit Poll
Maharashtra Exit Poll Result: ਮਹਾਰਾਸ਼ਟਰ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਪੂਰੀ ਹੋ ਗਈ ਹੈ। ਨਤੀਜੇ 23 ਨਵੰਬਰ ਨੂੰ ਆਉਣਗੇ। ਇਸ ਤੋਂ ਪਹਿਲਾਂ ਐਗਜ਼ਿਟ ਪੋਲ ਦੇ ਅੰਦਾਜ਼ੇ ਸਾਹਮਣੇ ਆ ਚੁੱਕੇ ਹਨ। ਇਸ ਵਿੱਚ ਮਹਾਯੁਤੀ (ਭਾਜਪਾ, ਸ਼ਿਵ ਸੈਨਾ 'ਏਕਨਾਥ ਸ਼ਿੰਦੇ' ਅਤੇ ਐਨਸੀਪੀ 'ਅਜੀਤ ਪਵਾਰ') ਦੀ ਸਰਕਾਰ ਬਣਦੀ ਦਿਖਾਈ ਦੇ ਰਹੀ ਹੈ।
ਮਹਾਰਾਸ਼ਟਰ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਪੂਰੀ ਹੋ ਗਈ ਹੈ। ਸ਼ਾਮ 5 ਵਜੇ ਤੱਕ ਸੂਬੇ ਦੀਆਂ 288 ਸੀਟਾਂ ‘ਤੇ 58.22 ਫੀਸਦੀ ਵੋਟਿੰਗ ਹੋਈ ਹੈ। ਉਮੀਦਵਾਰਾਂ ਦੀ ਕਿਸਮਤ ਵੋਟਰਾਂ ਨੇ ਈਵੀਐਮ ਵਿੱਚ ਕੈਦ ਕਰ ਦਿੱਤੀ ਹੈ, ਜਿਸ ਤੋਂ 23 ਨਵੰਬਰ ਨੂੰ ਪਰਦਾ ਉੱਠੇਗਾ। ਇਸ ਤੋਂ ਪਹਿਲਾਂ ਐਗਜ਼ਿਟ ਪੋਲ ਦੇ ਅਨੁਮਾਨ ਸਾਹਮਣੇ ਆ ਚੁੱਕੇ ਹਨ। MATRIZE ਦੇ Exit Poll ਵਿੱਚ, ਮਹਾਰਾਸ਼ਟਰ ਵਿੱਚ ਇੱਕ ਵਾਰ ਫਿਰ ਮਹਾਯੁਤੀ (ਭਾਜਪਾ, ਸ਼ਿਵ ਸੈਨਾ ‘ਏਕਨਾਥ ਸ਼ਿੰਦੇ’ ਅਤੇ ਐੱਨਸੀਪੀ ‘ਅਜੀਤ ਪਵਾਰ’) ਦੀ ਸਰਕਾਰ ਬਣਦੀ ਦਿਖਾਈ ਦੇ ਰਹੀ ਹੈ।
MATRIZE ਦੇ Exit Poll: ਮਹਾਯੁਤੀ ਨੂੰ 150 ਤੋਂ 170 ਸੀਟਾਂ ਮਿਲਣ ਦੀ ਉਮੀਦ ਹੈ। ਮਹਾਵਿਕਾਸ ਅਘਾੜੀ (ਕਾਂਗਰਸ, ਸ਼ਿਵ ਸੈਨਾ ‘ਉਧਵ ਧੜੇ’ ਅਤੇ ਐਨਸੀਪੀ ‘ਸ਼ਰਦ ਪਵਾਰ’ ਨੂੰ 110 ਤੋਂ 130 ਸੀਟਾਂ ਮਿਲ ਸਕਦੀਆਂ ਹਨ। 8 ਤੋਂ 10 ਸੀਟਾਂ ਹੋਰਾਂ ਨੂੰ ਜਾਂਦੀਆਂ ਦਿਖਾਈ ਦੇ ਰਹੀਆਂ ਹਨ।
ਰਿਪਬਲਿਕ ਪੀ-ਮਾਰਕ ਦੇ Exit Poll ਮੁਤਾਬਕ ਮਹਾਯੁਤੀ ਨੂੰ ਸੂਬੇ ਦੀਆਂ 288 ਸੀਟਾਂ ‘ਚੋਂ 137 ਤੋਂ 157 ਸੀਟਾਂ ਮਿਲ ਸਕਦੀਆਂ ਹਨ। ਮਹਾਵਿਕਾਸ ਅਘਾੜੀ ਨੂੰ 126 ਤੋਂ 146 ਸੀਟਾਂ ਮਿਲਣ ਦੀ ਉਮੀਦ ਹੈ। ਹੋਰਨਾਂ ਨੂੰ 2 ਤੋਂ 8 ਸੀਟਾਂ ਮਿਲ ਸਕਦੀਆਂ ਹਨ।
ਮੇਗਾ ਲੋਕਪਾਲ Exit Poll: ਮਹਾਰਾਸ਼ਟਰ ‘ਚ ਮਹਾਯੁਤੀ ਨੂੰ ਝਟਕਾ ਲੱਗ ਸਕਦਾ ਹੈ। ਮੈਗਾ ਲੋਕਪਾਲ ਐਗਜ਼ਿਟ ਪੋਲ ਮੁਤਾਬਕ ਮਹਾਵਿਕਾਸ ਅਘਾੜੀ 151 ਤੋਂ 162 ਸੀਟਾਂ ਜਿੱਤ ਸਕਦੀ ਹੈ। ਜਦੋਂਕਿ ਮਹਾਯੁਤੀ ਨੂੰ ਸਿਰਫ਼ 115 ਤੋਂ 128 ਸੀਟਾਂ ‘ਤੇ ਹੀ ਸੰਤੁਸ਼ਟ ਹੋਣਾ ਪੈ ਸਕਦਾ ਹੈ।
ਝਾਰਖੰਡ ‘ਚ ਵੀ NDA ਦੀ ਸਰਕਾਰ!
MATRIZE ਦੇ ਐਗਜ਼ਿਟ ਪੋਲ ਵਿੱਚ ਮਹਾਰਾਸ਼ਟਰ ਦੇ ਨਾਲ ਝਾਰਖੰਡ ਵਿੱਚ ਵੀ ਐਨਡੀਏ ਦੀ ਸਰਕਾਰ ਬਣਦੀ ਦਿਖਾਈ ਦੇ ਰਹੀ ਹੈ। ਸੂਬੇ ਦੀਆਂ 81 ਸੀਟਾਂ ਵਿੱਚੋਂ ਐਨਡੀਏ ਨੂੰ 42 ਤੋਂ 47 ਸੀਟਾਂ ਮਿਲ ਸਕਦੀਆਂ ਹਨ। ਜੇਐਮਐਮ ਕਾਂਗਰਸ ਗਠਜੋੜ ਨੂੰ 25 ਤੋਂ 30 ਸੀਟਾਂ ਮਿਲ ਸਕਦੀਆਂ ਹਨ। 1 ਤੋਂ 4 ਸੀਟਾਂ ਹੋਰਾਂ ਨੂੰ ਵੀ ਜਾ ਸਕਦੀਆਂ ਹਨ।
ਇਹ ਵੀ ਪੜ੍ਹੋ
ਅਸੀਂ ਐਗਜ਼ਿਟ ਪੋਲ ‘ਤੇ ਭਰੋਸਾ ਨਹੀਂ ਕਰਦੇ
ਝਾਰਖੰਡ ਮੁਕਤੀ ਮੋਰਚਾ ਦੇ ਨੇਤਾਵਾਂ ਨੇ ਐਗਜ਼ਿਟ ਪੋਲ ‘ਤੇ ਪ੍ਰਤੀਕਿਰਿਆ ਵੀ ਦਿੱਤੀ ਹੈ। ਰਾਂਚੀ ਮਹੂਆ ਤੋਂ ਜੇਐਮਐਮ ਉਮੀਦਵਾਰ ਨੇ ਕਿਹਾ, ਸਾਨੂੰ ਐਗਜ਼ਿਟ ਪੋਲ ‘ਤੇ ਭਰੋਸਾ ਨਹੀਂ ਹੈ। ਅਸੀਂ ਇਨ੍ਹਾਂ ਅੰਕੜਿਆਂ ਨਾਲ ਸਹਿਮਤ ਨਹੀਂ ਹਾਂ। ਲੋਕਾਂ ਨੇ ਸਾਡੇ ਗਠਜੋੜ ਨੂੰ ਬਹੁਮਤ ਦਿੱਤਾ ਹੈ। ਸਾਡੀ ਸਰਕਾਰ ਬਣ ਰਹੀ ਹੈ। ਭਾਜਪਾ ਦੇ ਵੋਟਰ ਤਾਂ ਨਿਕਲੇ ਹੀ ਨਹੀਂ ਹਨ। ਅਸੀਂ ਜਾਣਦੇ ਹਾਂ ਕਿ ਰਾਜ ਵਿੱਚ ਇੰਡੀਆ ਗਠਜੋੜ ਦੀ ਸਰਕਾਰ ਆਵੇਗੀ।
ਐਗਜ਼ਿਟ ਪੋਲ ਅਤੇ ਸਟੀਕ ਪੋਲ ਵਿੱਚ ਅੰਤਰ
ਐਗਜ਼ਿਟ ਪੋਲ ‘ਤੇ ਝਾਰਖੰਡ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਜੇਸ਼ ਠਾਕੁਰ ਦਾ ਬਿਆਨ ਵੀ ਆਇਆ ਹੈ। ਉਨ੍ਹਾਂ ਕਿਹਾ, ਐਗਜ਼ਿਟ ਪੋਲ ਅਤੇ ਸਟੀਕ ਪੋਲ ਵਿੱਚ ਫਰਕ ਹੈ। ਅਸੀਂ ਸਹੀ ਚੋਣਾਂ ਵਿੱਚ ਵਿਸ਼ਵਾਸ ਕਰਦੇ ਹਾਂ। ਸਾਨੂੰ ਜਨਤਾ ‘ਤੇ ਭਰੋਸਾ ਹੈ। ਲੋਕਤੰਤਰ ਵਿੱਚ ਲੋਕ ਸਰਵਉੱਚ ਹੁੰਦੇ ਹਨ। 23 ਨਵੰਬਰ ਨੂੰ ਜਨਤਾ ਜੋ ਵੀ ਫੈਸਲਾ ਲਵੇਗੀ, ਅਸੀਂ ਉਸ ਨੂੰ ਸਵੀਕਾਰ ਕਰਾਂਗੇ।
