LPG ਅਤੇ ਕੱਚੇ ਤੇਲ ਬਾਰੇ ਸਰਕਾਰ ਦਾ ਵੱਡਾ ਅਪਡੇਟ, ਟੈਨਸ਼ਨ ਲੈਣ ਦੀ ਨਹੀਂ ਹੈ ਲੋੜ
ਸਰਕਾਰ ਨੇ ਕਿਹਾ ਹੈ ਕਿ ਦੇਸ਼ ਵਿੱਚ LPG ਅਤੇ ਕੱਚੇ ਤੇਲ ਦੀ ਕੋਈ ਕਮੀ ਨਹੀਂ ਹੈ। ਸੁਜਾਤਾ ਸ਼ਰਮਾ ਦੇ ਅਨੁਸਾਰ, ਸਪਲਾਈ ਨਾਰਮਲ ਹੈ, ਹਾਲਾਂਕਿ ਗਰਮੀ ਕਾਰਨ ਬੁਕਿੰਗ ਵਿੱਚ ਥੋੜ੍ਹੀ ਗਿਰਾਵਟ ਆਈ ਹੈ, ਪਰ ਡਿਲੀਵਰੀ ਸਿਸਟਮ ਸੁਚਾਰੂ ਬਣਿਆ ਹੋਇਆ ਹੈ।
ਸਰਕਾਰ ਨੇ ਦੇਸ਼ ਵਿੱਚ LPG ਅਤੇ ਕੱਚੇ ਤੇਲ ਦੀ ਉਪਲਬਧਤਾ ਨੂੰ ਲੈ ਕੇ ਸਥਿਤੀ ਸਪੱਸ਼ਟ ਕਰਦੇ ਹੋਏ ਕਿਹਾ ਹੈ ਕਿ ਕਿਸੇ ਵੀ ਤਰ੍ਹਾਂ ਦੀ ਕੋਈ ਕਮੀ ਨਹੀਂ ਹੈ। ਪੈਟਰੋਲੀਅਮ ਮੰਤਰਾਲੇ ਵਿੱਚ ਸੰਯੁਕਤ ਸਕੱਤਰ ਸੁਜਾਤਾ ਸ਼ਰਮਾ ਨੇ ਕਿਹਾ ਕਿ ਦੇਸ਼ ਵਿੱਚ ਕੱਚੇ ਤੇਲ ਦੇ ਕਾਫ਼ੀ ਭੰਡਾਰ ਹਨ ਅਤੇ ਘਰੇਲੂ ਖਪਤਕਾਰਾਂ ਨੂੰ ਤਰਜੀਹ ਦੇ ਆਧਾਰ ‘ਤੇ LPG ਸਪਲਾਈ ਕੀਤੀ ਜਾ ਰਹੀ ਹੈ।
LPG ਸਪਲਾਈ ਅਤੇ ਬੁਕਿੰਗ ਦਾ ਹਾਲ
ਸਰਕਾਰ ਦੇ ਅਨੁਸਾਰ, ਦੇਸ਼ ਭਰ ਵਿੱਚ LPG ਵੰਡ ਪੂਰੀ ਤਰ੍ਹਾਂ ਸੁਚਾਰੂ ਹੈ। ਕਿਸੇ ਵੀ ਡਿਸਟ੍ਰੀਬਿਊਟਰ ਪੱਧਰ ‘ਤੇ ਕਮੀ ਦੀ ਕੋਈ ਰਿਪੋਰਟ ਨਹੀਂ ਮਿਲੀ ਹੈ। ਹਾਲ ਹੀ ਵਿੱਚ, ਇੱਕ ਦਿਨ ਵਿੱਚ ਲਗਭਗ 50 ਲੱਖ ਸਿਲੰਡਰ ਬੁੱਕ ਕੀਤੇ ਗਏ ਸਨ, ਜਦੋਂ ਕਿ ਡਿਲੀਵਰੀ ਦਰ ਲਗਭਗ 93% ਰਹੀ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ 98% ਬੁਕਿੰਗ ਹੁਣ ਔਨਲਾਈਨ ਹੋ ਰਹੀ ਹੈ, ਜਿਸ ਨਾਲ ਪ੍ਰਕਿਰਿਆ ਤੇਜ਼ ਅਤੇ ਪਾਰਦਰਸ਼ੀ ਬਣੀ ਹੋਈ ਹੈ। ਹਾਲਾਂਕਿ, ਗਰਮੀਆਂ ਦੇ ਮੌਸਮ ਕਾਰਨ, ਬੁਕਿੰਗ ਵਿੱਚ ਥੋੜ੍ਹੀ ਗਿਰਾਵਟ ਆਈ ਹੈ, ਅਤੇ ਇਹ ਅੰਕੜਾ ਹੁਣ ਲਗਭਗ 45-46 ਲੱਖ ਸਿਲੰਡਰ ਤੱਕ ਪਹੁੰਚ ਗਿਆ ਹੈ।
ਨਵੇਂ ਕੁਨੈਕਸ਼ਨ ਅਤੇ ਸਖ਼ਤ ਕਾਰਵਾਈ
ਮਾਰਚ 2026 ਤੋਂ ਲੈ ਕੇ ਹੁਣ ਤੱਕ, ਲਗਭਗ 4.68 ਲੱਖ ਨਵੇਂ PNG (ਪਾਈਪਡ ਨੈਚੁਰਲ ਗੈਸ) ਕੁਨੈਕਸ਼ਨ ਜਾਰੀ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ, ਨਿਯਮਾਂ ਦੀ ਉਲੰਘਣਾ ਕਰਨ 255 LPG ਡਿਸਟ੍ਰੀਬਿਊਟਰਸ ਤੇ ਜੁਰਮਾਨਾ ਲਗਾਇਆ ਗਿਆ ਹੈ, ਜਦੋਂ ਕਿ 55 ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। 23 ਮਾਰਚ ਤੋਂ ਬਾਅਦ 16.5 ਲੱਖ ਤੋਂ ਜਿਆਦਾ ਛੋਟੇ (5 ਕਿਲੋਗ੍ਰਾਮ) ਸਿਲੰਡਰ ਵੀ ਵੇਚੇ ਗਏ ਹਨ।
ਬੰਦਰਗਾਹ ਅਤੇ ਸਪਲਾਈ ਚੇਨ ਤੇ ਅਪਡੇਟ
ਸ਼ਿਪਿੰਗ ਮੰਤਰਾਲੇ ਵੱਲੋਂ ਮੁਕੇਸ਼ ਮੰਗਲ ਨੇ ਦੱਸਿਆ ਕਿ ਦੇਸ਼ ਦੀਆਂ ਸਾਰੀਆਂ ਬੰਦਰਗਾਹਾਂ ਨਾਰਮਲ ਰੂਪ ਨਾਲ ਕੰਮ ਕਰ ਰਹੀਆਂ ਹਨ ਅਤੇ ਕਿਤੇ ਵੀ ਕੋਈ ਭੀੜ ਨਹੀਂ ਹੈ। ਇਸ ਨਾਲ ਸਪਲਾਈ ਚੇਨ ਪ੍ਰਭਾਵਿਤ ਨਹੀਂ ਹੋਈ ਹੈ।
ਅੰਤਰਰਾਸ਼ਟਰੀ ਉਡਾਣ ਅਤੇ ਯਾਤਰੀਆਂ ਦੀ ਸਥਿਤੀ
ਵਿਦੇਸ਼ ਮੰਤਰਾਲੇ ਦੇ ਵਧੀਕ ਸਕੱਤਰ ਅਸੀਮ ਆਰ. ਮਹਾਜਨ ਨੇ ਦੱਸਿਆ ਕਿ 28 ਫਰਵਰੀ ਤੋਂ ਹੁਣ ਤੱਕ ਲਗਭਗ 10.38 ਲੱਖ ਯਾਤਰੀ ਭਾਰਤ ਵਾਪਸ ਆਏ ਹਨ। ਉਨ੍ਹਾਂ ਕਿਹਾ ਕਿ ਯੂਏਈ ਤੋਂ ਭਾਰਤ ਲਈ ਲਗਭਗ 100 ਉਡਾਣਾਂ ਚੱਲਣ ਦੀ ਉਮੀਦ ਹੈ। ਸਾਊਦੀ ਅਰਬ, ਓਮਾਨ ਅਤੇ ਕੁਵੈਤ ਤੋਂ ਵੀ ਨਿਯਮਤ ਉਡਾਣਾਂ ਜਾਰੀ ਹਨ। ਕਤਰ ਦਾ ਹਵਾਈ ਖੇਤਰ ਅੰਸ਼ਕ ਤੌਰ ‘ਤੇ ਖੁੱਲ੍ਹਾ ਹੈ, ਉੱਥੋਂ ਸੀਮਤ ਉਡਾਣਾਂ ਚੱਲ ਰਹੀਆਂ ਹਨ। ਬਹਿਰੀਨ ਤੋਂ ਵੀ ਜਲਦੀ ਹੀ ਸੀਮਤ ਉਡਾਣਾਂ ਮੁੜ ਸ਼ੁਰੂ ਕਰਨ ਦੀ ਯੋਜਨਾ ਹੈ।
ਇਹ ਵੀ ਪੜ੍ਹੋ
ਕੁੱਲ ਮਿਲਾ ਕੇ ਸਥਿਤੀ ਕਾਬੂ ਵਿੱਚ
ਸਰਕਾਰ ਦਾ ਕਹਿਣਾ ਹੈ ਕਿ ਐਲਪੀਜੀ, ਕੱਚੇ ਤੇਲ, ਬੰਦਰਗਾਹ ਸੰਚਾਲਨ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਸੰਬੰਧੀ ਸਥਿਤੀ ਪੂਰੀ ਤਰ੍ਹਾਂ ਕਾਬੂ ਵਿੱਚ ਹੈ, ਅਤੇ ਜਨਤਾ ਨੂੰ ਕੋਈ ਮੁਸ਼ਕਲ ਨਹੀਂ ਆਵੇਗੀ।
