ਬੇਸਹਾਰਾ ਬਜ਼ੁਰਗਾਂ ਲਈ ਪੰਜਾਬ ਸਰਕਾਰ ਦਾ ਇੱਕ ਹੋਰ ਵੱਡਾ ਉਪਰਾਲਾ, ਮੁਹਾਲੀ ਚ ਖੁਲ੍ਹਣ ਜਾ ਰਿਹਾ ਸਤਿਕਾਰ ਘਰ

ਪੰਜਾਬ ਸਰਕਾਰ ਨੇ ਵੱਡਾ ਉਪਰਾਲਾ ਕਰਦਿਆਂ ਬੇਸਹਾਰਾ ਬਜੁਰਗਾਂ ਨੂੰ ਸਹਾਰਾ ਦੇਣ ਲਈ ਇੱਕ ਖਾਸ ਮੁਹਿੰਮ ਚਲਾਈ ਹੈ। ਇਸ ਮੁਹਿੰਮ ਦੇ ਤਹਿਤ ਹੁਣ ਮੁਹਾਲੀ ਵਿੱਚ ਇੱਕ ਸਤਿਕਾਰ ਘਰ ਖੁਲ੍ਹਣ ਜਾ ਰਿਹਾ ਹੈ। ਇਹ ਬਿਰਧ ਆਸ਼ਰਮ ਮੁਹਾਲੀ ਦੇ ਸੈਕਟਰ-78 ਵਿੱਚ 3 ਏਕੜ ਜਮੀਨ ਤੇ ਬਣਾਇਆ ਜਾ ਰਿਹਾ ਹੈ। ਇਸ ਆਸ਼ਰਮ ਦੀ ਦੇਖਭਾਲ ਸਮਾਜਿਕ ਸੁਰੱਖਿਆ ਇਸਤਰੀ ਅਤੇ ਬਾਲ ਵਿਕਾਸ ਵਿਭਾਗ ਵੱਲੋਂ ਕੀਤੀ ਜਾਵੇਗੀ। ਸਰਕਾਰ ਦਾ ਕਹਿਣਾ ਹੈ ਕਿ ਨਾ ਸਿਰਫ ਬਜੁਰਗ ਹਮੇਸ਼ਾ ਲਈ ਇੱਥੇ ਰਹਿ ਸਕਦੇ ਸਨ, ਸਗੋਂ ਇੱਥੇ ਇੱਕ ਡੇਅ ਕੇਅਰ ਸੇਂਟਰ ਵੀ ਹੋਵੇਗਾ, ਜਿਸਦੇ ਤਹਿਤ ਬਜੁਰਗ ਦਿਨ ਦੇ ਸਮੇਂ ਆ ਕੇ ਆਪਣਾ ਵੇਹਲਾ ਸਮਾਂ ਆਪਣੇ ਹਮ ਉਮਰ ਲੋਕਾਂ ਨਾਲ ਬਿਤਾ ਸਕਦੇ ਹਨ। ਮਾਨ ਸਰਕਾਰ ਵੱਲੋਂ ਕੀਤੀ ਜਾ ਰਹੀ ਇਸ ਪਹਿਲ ਦੀ ਕਾਫੀ ਸ਼ਲਾਘਾ ਹੋ ਰਹੀ ਹੈ।