ਭਾਰਤ ਵਿੱਚ ਕੈਂਸਰ ਨਾਲੋਂ ਵੱਡੀ ਸਮੱਸਿਆ ਬਣ ਗਿਆ ਹੈ ਮੋਟਾਪਾ, ਪਰ ਦੁਨੀਆ ਲਈ ਸਭ ਤੋਂ ਵੱਡੀ ਚਿੰਤਾ ਹੈ ਮੈਂਟਲ ਹੈਲਥ: ਸਰਵੇਖਣ

ਜਦੋਂ ਤੁਸੀਂ ਅਕਸਰ ਆਪਣੇ ਫ਼ੋਨ ‘ਤੇ ਰੀਲਾਂ ਦੇਖਦੇ ਹੋ, ਕਿਸੇ ਵੈੱਬਸਾਈਟ ਦੀ ਪੜਚੋਲ ਕਰਦੇ ਹੋ ਜਾਂ ਸੜਕਾਂ ਤੋਂ ਲੰਘਦੇ ਹੋ, ਤਾਂ ਤੁਹਾਨੂੰ ਕੰਧਾਂ ‘ਤੇ ਅਜਿਹੇ ਬਹੁਤ ਸਾਰੇ ਪੋਸਟਰ ਦਿਖਾਈ ਦਿੰਦੇ ਹੋਣਗੇ ਜੋ ਤੁਹਾਨੂੰ ਵਾਅਦਾ ਕਰਦੇ ਹਨ ਕਿ ਤੁਸੀਂ 1 ਮਹੀਨੇ ਵਿੱਚ ਭਾਰ ਘਟਾ ਸਕਦੇ ਹੋ। ਅੱਜਕੱਲ੍ਹ ਭਾਰਤ ਵਿੱਚ ਹਰ ਥਾਂ ਜਿੰਮ ਜਾਣ ਦਾ ਕ੍ਰੇਜ਼ ਵਧ ਗਿਆ ਹੈ ਅਤੇ ਵੱਡੀ ਗਿਣਤੀ ਵਿੱਚ ਭਾਰਤੀ ਹੁਣ ਮੋਟਾਪੇ ਨੂੰ ਲੈ ਕੇ ਚਿੰਤਤ ਹੋਣ ਲੱਗੇ ਹਨ। ਲੋਕਾਂ ਦਾ ਧਿਆਨ ਹੁਣ ਡਾਈਟ, ਐਕਸਰਸਾਈਜ਼ ਅਤੇ ਯੋਗਾ ਵੱਲ ਖਿੱਚਿਆ ਹੋਇਆ ਹੈ ਅਤੇ ਮੋਟਾਪੇ ਨੂੰ ਇੱਕ ਬਿਮਾਰੀ ਮੰਨਣ ਵਾਲੇ ਲੋਕਾਂ ਦੀ ਗਿਣਤੀ ਵਧੀ ਹੈ। ਇਸ ਸਬੰਧੀ ਹਾਲ ਹੀ ਵਿੱਚ ਇੱਕ ਸਰਵੇਖਣ ਸਾਹਮਣੇ ਆਇਆ ਹੈ।

ਲੈਂਸੇਟ ਦੀ ਸਾਲ 2024 ਦੀ ਰਿਪੋਰਟ ਦੇ ਅਨੁਸਾਰ, ਭਾਰਤ ਦੀ 70% ਸ਼ਹਿਰੀ ਆਬਾਦੀ ਮੋਟਾਪੇ ਜਾਂ ਵੱਧ ਭਾਰ ਦੀ ਸ਼੍ਰੇਣੀ ਵਿੱਚ ਹੈ, ਭਾਰਤ ਦੀ ਲਗਭਗ 30 ਮਿਲੀਅਨ ਆਬਾਦੀ ਮੋਟਾਪੇ ਦੀ ਸ਼ਿਕਾਰ ਹੈ। ਇਸ ਤੋਂ ਬਾਅਦ, ਦੇਸ਼ ਵਿੱਚ ਮੋਟਾਪੇ ਬਾਰੇ ਚਿੰਤਾ ਵਧਦੀ ਜਾ ਰਹੀ ਹੈ।

ਮੋਟਾਪਾ ਬਣ ਗਿਆ ਵੱਡੀ ਸਮੱਸਿਆ

ਇਪਮੋਸ ਹੈਲਥ ਸਰਵਿਸ ਰਿਪੋਰਟ 2024 ਸਾਹਮਣੇ ਆਈ ਹੈ ਜਿਸ ਤੋਂ ਪਤਾ ਚੱਲਦਾ ਹੈ ਕਿ ਭਾਰਤ ਵਿੱਚ 47% ਲੋਕ ਕੈਂਸਰ ਬਾਰੇ ਅਤੇ 28% ਲੋਕ ਮੋਟਾਪੇ ਬਾਰੇ ਚਿੰਤਤ ਹਨ, ਪਰ ਰਿਪੋਰਟ ਦੇ ਅਨੁਸਾਰ, ਸਮੇਂ ਦੇ ਨਾਲ ਕੈਂਸਰ ਬਾਰੇ ਚਿੰਤਤ ਲੋਕਾਂ ਦੀ ਗਿਣਤੀ ਵਿੱਚ ਕਮੀ ਆਈ ਹੈ। ਦੂਜੇ ਪਾਸੇ, ਮੋਟਾਪੇ ਬਾਰੇ ਚਿੰਤਤ ਲੋਕਾਂ ਦੀ ਗਿਣਤੀ ਵਧੀ ਹੈ।

ਪਿਛਲੇ ਇੱਕ ਸਾਲ ਵਿੱਚ ਮੋਟਾਪੇ ਬਾਰੇ ਚਿੰਤਤ ਲੋਕਾਂ ਦੀ ਗਿਣਤੀ 14% ਵਧੀ ਹੈ, ਜਦੋਂ ਕਿ ਕੈਂਸਰ ਬਾਰੇ ਚਿੰਤਤ ਲੋਕਾਂ ਦੀ ਗਿਣਤੀ 12% ਘੱਟ ਗਈ ਹੈ। ਮੋਟਾਪੇ ਨੂੰ ਸਮੱਸਿਆ ਮੰਨਣ ਵਾਲੇ ਲੋਕਾਂ ਦੀ ਗਿਣਤੀ 4 ਸਾਲਾਂ ਵਿੱਚ ਤਿੰਨ ਗੁਣਾ ਵਧੀ ਹੈ। ਪਿਛਲੇ ਇੱਕ ਸਾਲ ਵਿੱਚ ਉਨ੍ਹਾਂ ਦੀ ਗਿਣਤੀ 14% ਤੋਂ ਵਧ ਕੇ 28% ਹੋ ਗਈ ਹੈ। ਭਾਰਤੀ ਤੰਦਰੁਸਤੀ ਪ੍ਰਤੀ ਜਾਗਰੂਕ ਹੋ ਗਏ ਹਨ ਅਤੇ ਮੋਟਾਪੇ ਨੂੰ ਗੰਭੀਰਤਾ ਨਾਲ ਲਿਆ ਜਾ ਰਿਹਾ ਹੈ। ਇਪਸੋਸ ਨੇ ਸਿਹਤ ਸੇਵਾ ਰਿਪੋਰਟ-2024 ਲਈ 31 ਦੇਸ਼ਾਂ ਦੇ ਲਗਭਗ 23,000 ਲੋਕਾਂ ਦਾ ਸਰਵੇਖਣ ਕੀਤਾ, ਜਿਸ ਵਿੱਚ 2,200 ਭਾਰਤੀਆਂ ਨਾਲ ਹੀ ਗੱਲਬਾਤ ਕੀਤੀ ਗਈ।

ਕਿਹੜੀ ਬਿਮਾਰੀ ਨੂੰ ਕਿਸ ਸਾਲ ਕਿੰਨੇ ਲੋਕਾਂ ਨੇ ਸਮੱਸਿਆ ਮੰਨਿਆ?

ਇਲਾਜ ਨੂੰ ਲੈ ਕੇ ਲੋਕ ਪਰੇਸ਼ਾਨ

ਰਿਪੋਰਟ ਦੇ ਅਨੁਸਾਰ, ਦੇਸ਼ ਦੇ 25% ਲੋਕ ਇਲਾਜ ਲਈ ਲੰਬੇ ਇੰਤਜ਼ਾਰ ਤੋਂ ਅਤੇ 25% ਸਟਾਫ ਦੀ ਘਾਟ ਤੋਂ ਪ੍ਰੇਸ਼ਾਨ ਹਨ। ਇਸ ਦੇ ਨਾਲ ਹੀ, 44% ਭਾਰਤੀਆਂ ਨੇ ਸਵੀਕਾਰ ਕੀਤਾ ਹੈ ਕਿ ਦੇਸ਼ ਦੀ ਸਿਹਤ ਸੰਭਾਲ ਪ੍ਰਣਾਲੀ ਬਹੁਤ ਵਧੀਆ ਹੈ ਪਰ ਨਾਲ ਹੀ 15% ਨੇ ਇਹ ਵੀ ਸਵੀਕਾਰ ਕੀਤਾ ਹੈ ਕਿ ਦੇਸ਼ ਦੀ ਸਿਹਤ ਸੰਭਾਲ ਪ੍ਰਣਾਲੀ ਮਾੜੀ ਹੈ। ਇਸ ਦੇ ਨਾਲ ਹੀ, 62% ਦਾ ਕਹਿਣਾ ਹੈ ਕਿ ਦੇਸ਼ ਵਿੱਚ ਬਹੁਤ ਸਾਰੇ ਲੋਕ ਚੰਗੀ ਸਿਹਤ ਸੰਭਾਲ ਦਾ ਖਰਚਾ ਨਹੀਂ ਚੁੱਕ ਸਕਦੇ।

ਇਹ ਵੀ ਪੜ੍ਹੋ

ਨਾ ਮੈਦਾ, ਨਾ ਕੋਈ ਚਟਣੀ... ਸਰਦੀਆਂ ਦੇ ਇਸ ਸੁਪਰਫੂਡ ਨਾਲ ਬਣਾਓ ਹੈਲਥੀ ਪੀਜ਼ਾ

Gallbladder ਦਾ ਸਟੋਨ ਬਣ ਸਕਦਾ ਹੈ ਮੌਤ ਦਾ ਕਾਰਨ

ਕੀ ਬ੍ਰੈਸਟ ਫੀਡਿੰਗ ਕਰਵਾਉਣ ਵਾਲੀਆਂ ਔਰਤਾਂ ਥਾਇਰਾਇਡ ਦੀ ਦਵਾਈ ਲੈ ਸਕਦੀਆਂ ਹਨ?ਜਾਣੋ

ਔਰਤਾਂ ਵਿੱਚ ਕਿਹੜੀ ਬਿਮਾਰੀ ਜ਼ਿਆਦਾ?

ਔਰਤਾਂ ਦੀ ਸਿਹਤ ਨੂੰ ਲੈ ਕੇ ਵੀ ਰਿਪੋਰਟ ਵਿੱਚ ਗੱਲ ਕਹੀ ਗਈ ਹੈ। ਮੈਂਟਲ ਹੈਲਥ ਨੂੰ ਲੈ ਕੇ ਔਰਤਾਂ ਦਾ ਕੀ ਕਹਿਣਾ ਹੈ, ਇਸ ਬਾਰੇ ਡੇਟਾ ਪੇਸ਼ ਕੀਤਾ ਗਿਆ ਹੈ। ਦੇਸ਼ ਵਿੱਚ 13 ਤੋਂ 28 ਸਾਲ ਦੀ ਉਮਰ ਦੀਆਂ 55% ਔਰਤਾਂ ਮੈਂਟਲ ਹੈਲਥ ਬਾਰੇ ਚਿੰਤਤ ਹਨ। ਨਾਲ ਹੀ ਔਰਤਾਂ ਦੀ ਮੈਂਟਲ ਹੈਲਥ ਸੰਬੰਧੀ ਅੰਕੜੇ ਵੀ ਪੇਸ਼ ਕੀਤੇ ਗਏ ਹਨ। ਰਿਪੋਰਟ ਦੇ ਅਨੁਸਾਰ, ਦੁਨੀਆ ਭਰ ਵਿੱਚ 51% ਔਰਤਾਂ ਮਾਨਸਿਕ ਸਿਹਤ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੀਆਂ ਹਨ ਜਦੋਂ ਕਿ ਮਰਦਾਂ ਵਿੱਚ ਇਹ ਅੰਕੜਾ ਔਰਤਾਂ ਨਾਲੋਂ 10% ਘੱਟ ਹੈ।

ਬਿਮਾਰੀ ਦੇ ਅਨੁਸਾਰ, ਕਿੰਨੇ ਪ੍ਰਤੀਸ਼ਤ ਔਰਤਾਂ ਕਿਸ ਬਿਮਾਰੀ ਦਾ ਸਾਹਮਣਾ ਕਰ ਰਹੀਆਂ ਹਨ।

ਮੈਂਟਲ ਹੈਲਥ ਦੁਨੀਆ ਦੀ ਸਭ ਤੋਂ ਵੱਡੀ ਸਮੱਸਿਆ ਹੈ

ਦੁਨੀਆ ਭਰ ਵਿੱਚ ਮਾਨਸਿਕ ਸਿਹਤ ਤੋਂ ਬਾਅਦ ਕੈਂਸਰ ਨੂੰ ਸਭ ਤੋਂ ਵੱਡੀ ਚਿੰਤਾ ਮੰਨਿਆ ਜਾਂਦਾ ਹੈ। 38% ਲੋਕ ਕੈਂਸਰ ਤੋਂ ਪੀੜਤ ਹਨ। ਰਿਪੋਰਟ ਦੇ ਅਨੁਸਾਰ, ਕੈਂਸਰ ਬਾਰੇ ਸਭ ਤੋਂ ਵੱਧ ਚਿੰਤਾ ਇਟਲੀ ਵਿੱਚ ਹੈ, ਜੋ ਕਿ 56% ਹੈ। ਇਸ ਦੇ ਨਾਲ ਹੀ, ਮੋਟਾਪੇ ਬਾਰੇ ਸਭ ਤੋਂ ਵੱਡੀ ਚਿੰਤਾ ਮੈਕਸੀਕੋ ਵਿੱਚ ਹੈ। ਭਾਰਤ ਦਿਲ ਦੀ ਬਿਮਾਰੀ ਨੂੰ ਦੁਨੀਆ ਦੀ ਸਭ ਤੋਂ ਵੱਡੀ ਸਮੱਸਿਆ ਮੰਨਦਾ ਹੈ ਜੋ ਕਿ 33% ਹੈ।