Monkeypox Vaccine: ਕੀ ਜਲਦੀ ਆ ਸਕਦਾ ਹੈ ਮੰਕੀਪੌਕਸ ਦਾ ਟੀਕਾ, ਜਾਣੋ ਮਾਹਿਰਾਂ ਤੋਂ
Monkeypox Vaccine: ਦੁਨੀਆ ਭਰ ਵਿੱਚ ਇੱਕ ਵਾਰ ਫਿਰ ਤੋਂ Monkeypox ਦਾ ਖ਼ਤਰਾ ਵੱਧ ਰਿਹਾ ਹੈ। ਵਿਸ਼ਵ ਸਿਹਤ ਸੰਗਠਨ ਨੇ ਇਸ ਵਾਇਰਸ ਨੂੰ ਵਿਸ਼ਵ ਸਿਹਤ ਐਮਰਜੈਂਸੀ ਘੋਸ਼ਿਤ ਕੀਤਾ ਹੈ। ਮੰਕੀਪੌਕਸ ਦਾ ਕੋਈ ਟੀਕਾ ਨਹੀਂ ਹੈ, ਪਰ ਸੀਰਮ ਇੰਸਟੀਚਿਊਟ ਨੇ ਕਿਹਾ ਹੈ ਕਿ ਉਹ ਇੱਕ ਟੀਕਾ ਬਣਾਉਣ ਲਈ ਕੰਮ ਕਰ ਰਿਹਾ ਹੈ।
ਦੁਨੀਆ ਭਰ ਵਿੱਚ ਮੰਕੀਪੌਕਸ (mpox) ਦੇ ਮਾਮਲੇ ਤੇਜ਼ੀ ਨਾਲ ਵੱਧ ਰਹੇ ਹਨ। ਇਸ ਵਾਇਰਸ ਲਈ ਕੋਈ ਦਵਾਈ ਜਾਂ ਟੀਕਾ ਨਹੀਂ ਹੈ, ਪਰ ਹਾਲ ਹੀ ਵਿੱਚ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਨੇ ਕਿਹਾ ਹੈ ਕਿ ਉਹ ਮੰਕੀਪੌਕਸ ਲਈ ਟੀਕਾ ਬਣਾਉਣ ਲਈ ਕੰਮ ਕਰ ਰਿਹਾ ਹੈ। ਟੀਕਾ ਇੱਕ ਸਾਲ ਦੇ ਅੰਦਰ ਤਿਆਰ ਹੋਣ ਦੀ ਉਮੀਦ ਹੈ। MPOX ਵੈਕਸੀਨ ਦੀ ਕਿੰਨੀ ਲੋੜ ਹੈ ਅਤੇ ਕੀ ਇਹ ਇੱਕ ਸਾਲ ਦੇ ਅੰਦਰ ਉਪਲਬਧ ਹੋ ਸਕਦੀ ਹੈ? ਦੁਨੀਆ ਦੇ ਹੋਰ ਦੇਸ਼ਾਂ ਵਿੱਚ ਵੀ ਮੰਕੀਪੌਕਸ ਵੈਕਸੀਨ ਉੱਤੇ ਕੰਮ ਚੱਲ ਰਿਹਾ ਹੈ। ਪਰ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਨੇ ਉਮੀਦ ਜਤਾਈ ਹੈ ਕਿ ਉਹ ਇੱਕ ਸਾਲ ਵਿੱਚ ਵੈਕਸੀਨ ਤਿਆਰ ਕਰ ਲੈਣਗੇ।
ਇਸ ਸਬੰਧੀ ਐਪੀਡੀਮੋਲੋਜਿਸਟ ਡਾ: ਜੁਗਲ ਕਿਸ਼ੋਰ ਦਾ ਕਹਿਣਾ ਹੈ ਕਿ ਵੈਕਸੀਨ ਬਣਾਉਂਦੇ ਸਮੇਂ ਕਈ ਗੱਲਾਂ ਦਾ ਧਿਆਨ ਰੱਖਣਾ ਪੈਂਦਾ ਹੈ। ਇਹ ਦੇਖਣਾ ਬਾਕੀ ਹੈ ਕਿ ਇਹ ਵਾਇਰਸ ਕਿੰਨਾ ਘਾਤਕ ਹੈ ਅਤੇ ਇਹ ਕਿਸ ਰਫ਼ਤਾਰ ਨਾਲ ਵੱਧ ਰਿਹਾ ਹੈ। ਕਿਉਂਕਿ ਮੰਕੀਪੌਕਸ ਦੇ ਮਾਮਲੇ 2 ਸਾਲਾਂ ਵਿੱਚ ਦੂਜੀ ਵਾਰ ਵੱਧ ਰਹੇ ਹਨ, ਇਸ ਲਈ ਇਸਦਾ ਟੀਕਾ ਬਣਾਉਣਾ ਜ਼ਰੂਰੀ ਹੋ ਗਿਆ ਹੈ। 2022 ਵਿੱਚ WHO ਨੇ ਕਈ ਦੇਸ਼ਾਂ ਨੂੰ ਵੈਕਸੀਨ ਬਣਾਉਣ ਲਈ ਵੀ ਕਿਹਾ ਸੀ। ਉਦੋਂ ਤੋਂ ਇਸ ਵਾਇਰਸ ਦੀ ਵੈਕਸੀਨ ‘ਤੇ ਕੰਮ ਚੱਲ ਰਿਹਾ ਹੈ ਪਰ ਅਜੇ ਤੱਕ ਵੈਕਸੀਨ ਤਿਆਰ ਨਹੀਂ ਹੋਈ ਹੈ। ਹਾਲਾਂਕਿ ਉਮੀਦ ਹੈ ਕਿ ਸੀਰਮ ਇੰਸਟੀਚਿਊਟ ਜਲਦੀ ਹੀ ਵੈਕਸੀਨ ਤਿਆਰ ਕਰ ਸਕਦਾ ਹੈ।
ਕੀ ਹੈ ਮੰਕੀਪੌਕਸ?
ਨੋਇਡਾ ਦੇ ਭਾਰਦਵਾਜ ਹਸਪਤਾਲ, ਦੇ ਸੀਨੀਅਰ ਡਾਕਟਰ ਅਭਿਸ਼ੇਕ ਕੁਮਾਰ ਦੱਸਦੇ ਹਨ ਕਿ ਮੰਕੀਪੌਕਸ ਇੱਕ ਵਾਇਰਲ ਬਿਮਾਰੀ ਹੈ ਜੋ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਫੈਲਦੀ ਹੈ। ਬੁਖਾਰ, ਸਿਰ ਦਰਦ, ਸਕਿਨ ‘ਤੇ ਧੱਫੜ, ਸਰੀਰ ਦਾ ਦਰਦ, ਪਿੱਠ ਦਰਦ, ਥਕਾਵਟ, ਲਿੰਫ ਨੋਡਸ ਵਿੱਚ ਸੋਜ ਇਸ ਵਾਇਰਸ ਦੇ ਲੱਛਣ ਹਨ। ਲਾਗ ਲੱਗਣ ਤੋਂ ਕੁਝ ਦਿਨਾਂ ਬਾਅਦ, ਸਰੀਰ ‘ਤੇ ਧੱਫੜ ਦਿਖਾਈ ਦਿੰਦੇ ਹਨ। ਜੋ ਮੂੰਹ ਤੋਂ ਸ਼ੁਰੂ ਹੋ ਕੇ ਪੂਰੇ ਸਰੀਰ ਵਿੱਚ ਫੈਲ ਸਕਦੇ ਹਨ। ਇਸ ਵਾਇਰਸ ਦੀ ਪਛਾਣ swab PCR/ਸਕਿਨ ਦੇ ਜਖਮਾਂ ਦੇ PCR ਟੈਸਟ ਰਾਹੀਂ ਕੀਤੀ ਜਾਂਦੀ ਹੈ। ਵਰਤਮਾਨ ਵਿੱਚ ਮੰਕੀਪੌਕਸ ਲਈ ਕੋਈ ਟੀਕਾ ਨਹੀਂ ਹੈ। ਅਜਿਹੀ ਸਥਿਤੀ ਵਿੱਚ, ਇਸ ਤੋਂ ਬਚਾਅ ਕਰਨਾ ਜ਼ਰੂਰੀ ਹੈ।
ਮੰਕੀਪੌਕਸ ਤੋਂ ਕਿਵੇਂ ਰੋਕਿਆ ਬਚਾਅ
- ਜੇਕਰ ਕਿਸੇ ਨੂੰ ਫਲੂ ਵਰਗੇ ਲੱਛਣ ਹਨ, ਤਾਂ ਉਸ ਤੋਂ ਦੂਰ ਰਹੋ
- ਜੇ ਤੁਸੀਂ ਵਿਦੇਸ਼ ਯਾਤਰਾ ਤੋਂ ਵਾਪਸ ਆਏ ਹੋ, ਤਾਂ ਮੰਕੀਪੌਕਸ ਦਾ ਟੈਸਟ ਕਰਵਾਓ।
- ਅਸੁਰੱਖਿਅਤ ਸੈਕਸ ਤੋਂ ਬਚੋ
- ਲੱਛਣ ਦਿਖਾਈ ਦੇਣ ‘ਤੇ ਡਾਕਟਰ ਨਾਲ ਸਲਾਹ ਕਰੋ
ਰੋਕਥਾਮ ਕਿਉਂ ਹੈ ਜ਼ਰੂਰੀ ?
ਮੌਜੂਦਾ ਸਮੇਂ ‘ਚ ਮੰਕੀਪੌਕਸਫੈਲ ਰਿਹਾ ਹੈ ਅਤੇ ਇਸਦਾ ਸਟ੍ਰੇਨ ਵੀ ਬਦਲਿਆ ਹੋਇਆ ਹੈ। ਅਜਿਹੇ ‘ਚ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਦੀ ਕੋਸ਼ਿਸ਼ ਜ਼ਰੂਰੀ ਹੈ। ਜੇਕਰ ਕੇਸ ਤੇਜ਼ੀ ਨਾਲ ਵਧਦੇ ਹਨ ਤਾਂ ਵੈਕਸੀਨ ਦੀ ਲੋੜ ਪਵੇਗੀ। ਕਿਉਂਕਿ ਫਿਲਹਾਲ ਕੋਈ ਟੀਕਾ ਨਹੀਂ ਹੈ, ਇਸ ਲਈ ਮਰੀਜ਼ ਦਾ ਇਲਾਜ ਲੱਛਣਾਂ ਦੇ ਆਧਾਰ ‘ਤੇ ਹੀ ਕੀਤਾ ਜਾਵੇਗਾ।
