ਮਾਂ ਦੀ ਮੌਤ ਦਾ ਬਦਲਾ ਲੈਣ ਲਈ ਜੱਗੂ ਭਗਵਾਨਪੁਰੀਆ ਨੇ ਤਿਆਰ ਕੀਤਾ ਸੀ ਪਲਾਨ, ਗੁਰਗੇ ਗ੍ਰਿਫ਼ਤਾਰ

ਜੱਗੂ ਭਗਵਾਨਪੁਰੀਆ ਗੈਂਗ ਦੁਆਰਾ ਰਚੀ ਗਈ ਇੱਕ ਟਾਰਗੇਟ ਕਿਲਿੰਗ ਸਾਜ਼ਿਸ਼ ਨੂੰ ਸਫਲਤਾਪੂਰਵਕ ਨਾਕਾਮ ਕਰ ਦਿੱਤਾ ਹੈ। ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਨੇ ਆਪਣੀ ਮਾਂ ਦੇ ਹਾਲੀਆ ਕਤਲ ਦਾ ਬਦਲਾ ਲੈਣ ਲਈ ਆਪਣਾ ਨੈੱਟਵਰਕ ਐਕਟਿਵ ਕੀਤਾ ਸੀ। ਅੰਮ੍ਰਿਤਸਰ ਪੁਲਿਸ ਤੇ ਬਟਾਲਾ ਪੁਲਿਸ ਨੇ ਮਿਲ ਕੇ ਇਸ ਗੈਂਗ ਦੇ ਗੁਰਗਿਆਂ ਨੂੰ ਕਾਬੂ ਕੀਤਾ ਹੈ। ਇਸ ਨੂੰ ਲੈ ਕੇ ਡੀਜੀਪੀ ਗੌਰਵ ਯਾਦਵ ਨੇ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ‘ਚ ਇਹ ਦਾਅਵਾ ਕੀਤਾ ਗਿਆ ਹੈ।

26 ਜੂਨ, 2025 ਨੂੰ ਬਟਾਲਾ ‘ਚ ਹਮਲਾਵਰਾਂ ਨੇ ਜੱਗੂ ਭਗਵਾਨਪੁਰੀਆ ਦੀ ਮਾਂ ਹਰਜੀਤ ਕੌਰ ਤੇ ਰਿਸ਼ਤੇਦਾਰ ਕਰਨਵੀਰ ਸਿੰਘ ‘ਤੇ ਉਸ ਸਮੇਂ ਗੋਲੀਆਂ ਚਲਾ ਦਿੱਤੀਆਂ ਸਨ ਜਦੋਂ ਉਹ ਇੱਕ ਕਾਰ ਵਿੱਚ ਬੈਠੇ ਸਨ। ਇਸ ਹਮਲੇ ਵਿੱਚ ਦੋਵਾਂ ਦੀ ਮੌਤ ਹੋ ਗਈ। ਘਟਨਾ ਤੋਂ ਥੋੜ੍ਹੀ ਦੇਰ ਬਾਅਦ, ਬਾਬੀਹਾ ਗੈਂਗ ਨੇ ਇੰਸਟਾਗ੍ਰਾਮ ‘ਤੇ ਪੋਸਟ ਕੀਤਾ ਅਤੇ ਦੋਹਰੇ ਕਤਲ ਦੀ ਜ਼ਿੰਮੇਵਾਰੀ ਲਈ ਸੀ।

In a major breakthrough, Counter Intelligence Punjab, in a joint operation with @BatalaPolice and @AmritsarRPolice, successfully foils a target killing plot orchestrated by the Jaggu Bhagwanpuria Gang.

Acting on credible intelligence received on July 13, it was revealed that pic.twitter.com/7vPHaGrzZ0 — DGP Punjab Police (@DGPPunjabPolice) July 15, 2025

ਇਸ ਘਟਨਾ ਦੀ ਜ਼ਿੰਮੇਵਾਰੀ ਹਰਿਆਣਾ ਦੇ 2 ਬਦਨਾਮ ਗੈਂਗਸਟਰਾਂ ਪ੍ਰਭੂ ਦਾਸੂਵਾਲ ਤੇ ਕੌਸ਼ਲ ਚੌਧਰੀ ਨੇ ਲਈ ਸੀ। ਇਹ ਦੋਵੇਂ ਬੰਬੀਹਾ ਗੈਂਗ ਨਾਲ ਜੁੜੇ ਹੋਏ ਹਨ। ਕਥਿਤ ਬੰਬੀਹਾ ਗੈਂਗ ਵੱਲੋਂ ਸੋਸ਼ਲ ਮੀਡੀਆ ‘ਤੇ ਕੀਤੀ ਗਈ ਪੋਸਟ ਵਿੱਚ ਜ਼ਿਕਰ ਕੀਤਾ ਗਿਆ ਹੈ ਕਿ ‘ਕਰਨਵੀਰ ਗੈਂਗਸਟਰ ਜੱਗੂ ਦਾ ਸਾਰਾ ਕੰਮ ਸੰਭਾਲਦਾ ਸੀ।’ ਉਸ ਨੂੰ ਮਾਰ ਕੇ ਅਸੀਂ ਆਪਣੇ ਭਰਾ ਗੋਰਾ ਬਰਿਆਰ ਦੇ ਕਤਲ ਦਾ ਬਦਲਾ ਲਿਆ ਹੈ। ਭਵਿੱਖ ਵਿੱਚ ਜੇਕਰ ਸਾਡਾ ਕੋਈ ਭਰਾ ਮਰ ਜਾਂਦਾ ਹੈ, ਤਾਂ ਨਤੀਜੇ ਭੁਗਤਣ ਲਈ ਤਿਆਰ ਰਹਿਣਾ ਚਾਹੀਦਾ ਹੈ ਅਤੇ ਸਾਡੇ ਵਿਰੁੱਧ ਬੋਲਣ ਵਾਲਿਆਂ ਨੂੰ ਵੀ ਤਿਆਰ ਰਹਿਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ

ਕੁੜੀਆਂ ਦੇ ਕੱਪੜੇ ਪਾ ਲੁੱਟ-ਖੋਹਾਂ ਕਰਦਾ ਸੀ ਮਹੰਤ, ਸੀਸੀਟੀਵੀ ਨੇ ਖੋਲ੍ਹਿਆ ਭੇਤ

ਯੂਟਿਊਬਰ ਸੈਮ ਦੇ ਘਰ 'ਤੇ ਫਾਈਰਿੰਗ, ਸ਼ਹਿਜ਼ਾਦ ਭੱਟੀ ਨੇ ਦਿੱਤੀ ਸੀ ਧਮਕੀ

2 ਸਾਲ ਤੱਕ ਮਤਰੇਈ ਧੀ ਨਾਲ ਰੇਪ, ਪਿੰਡ ਵਾਲਿਆਂ ਨੇ ਕੀਤੀ ਕੁੱਟਮਾਰ, ਗ੍ਰਿਫ਼ਤਾਰ

ਜੱਗੂ ਦਾ ਰਿਸ਼ਤੇਦਾਰ ਸੀ ਕਰਨਵੀਰ

ਕਰਨਵੀਰ ਸਿੰਘ ਘੁਮਾਣ ਕਲਾਂ ਦੇ ਪਿੰਡ ਭੀਖੋਵਾਲ ਦਾ ਰਹਿਣ ਵਾਲਾ ਹੈ। ਕਿਹਾ ਜਾਂਦਾ ਹੈ ਕਿ ਉਹ ਜੱਗੂ ਦਾ ਰਿਸ਼ਤੇਦਾਰ ਸੀ। ਜੱਗੂ ਦੇ ਜੇਲ੍ਹ ਜਾਣ ਤੋਂ ਬਾਅਦ, ਕਰਨਵੀਰ ਗੈਂਗ ਦਾ ਇੱਕ ਸਰਗਰਮ ਮੈਂਬਰ ਬਣ ਗਿਆ ਸੀ। ਜੱਗੂ ਨੂੰ ਵੀ ਉਸ ‘ਤੇ ਬਹੁਤ ਭਰੋਸਾ ਸੀ। ਇਸੇ ਸਾਲ 26 ਮਈ 2025 ਨੂੰ ਬਟਾਲਾ ਦੇ ਪਿੰਡ ਘੁਮਾਣ ਵਿੱਚ ਗੁਰਪ੍ਰੀਤ ਸਿੰਘ ਗੋਰਾ ਉਰਫ਼ ਗੋਰਾ ਬਰਿਆਰ ਦਾ ਕਤਲ ਕਰ ਦਿੱਤਾ ਗਿਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਬੰਬੀਹਾ ਗੈਂਗ ਨੂੰ ਸ਼ੱਕ ਸੀ ਕਿ ਗੋਰਾ ਬਰਿਆਰ ਦਾ ਕਤਲ ਜੱਗੂ ਦੇ ਗੁੰਡਿਆਂ ਨੇ ਕਰਨਵੀਰ ਦੇ ਨਿਰਦੇਸ਼ਾਂ ‘ਤੇ ਕੀਤਾ ਸੀ।