SSC CGL 2026 Tier-1 ਪ੍ਰੀਖਿਆ ਦਾ ਸ਼ਡਿਊਲ ਜਾਰੀ, ਜਾਣੋ ਐਗਜ਼ਾਮ ਪੈਟਰਨ ਤੇ ਐਡਮਿਟ ਕਾਰਡ ਦੀ ਡੇਟ
ਸਟਾਫ਼ ਸਿਲੈਕਸ਼ਨ ਕਮਿਸ਼ਨ (SSC) ਨੇ ਸਰਕਾਰੀ ਨੌਕਰੀਆਂ ਦੀ ਤਿਆਰੀ ਕਰ ਰਹੇ ਲੱਖਾਂ ਉਮੀਦਵਾਰਾਂ ਲਈ ਅਹਿਮ ਐਲਾਨ ਕਰਦਿਆਂ SSC CGL 2026 Tier-1 ਪ੍ਰੀਖਿਆ ਦੇ ਮੁਕੰਮਲ ਸ਼ਡਿਊਲ ਦਾ ਐਲਾਨ ਕਰ ਦਿੱਤਾ ਹੈ। ਕਮਿਸ਼ਨ ਵੱਲੋਂ ਜਾਰੀ ਕੀਤੀ ਗਈ ਅਧਿਕਾਰਤ ਸੂਚਨਾ ਅਨੁਸਾਰ ਕੰਪਿਊਟਰ ਆਧਾਰਿਤ ਲਿਖਤੀ ਪ੍ਰੀਖਿਆ 30 ਸਤੰਬਰ 2026 ਤੋਂ ਆਰੰਭ ਹੋਵੇਗੀ ਅਤੇ ਇਹ ਪ੍ਰਕਿਰਿਆ 30 ਅਕਤੂਬਰ 2026 ਤੱਕ ਚੱਲੇਗੀ।
ਸਟਾਫ਼ ਸਿਲੈਕਸ਼ਨ ਕਮਿਸ਼ਨ (SSC) ਨੇ ਸਰਕਾਰੀ ਨੌਕਰੀਆਂ ਦੀ ਤਿਆਰੀ ਕਰ ਰਹੇ ਲੱਖਾਂ ਉਮੀਦਵਾਰਾਂ ਲਈ ਅਹਿਮ ਐਲਾਨ ਕਰਦਿਆਂ SSC CGL 2026 Tier-1 ਪ੍ਰੀਖਿਆ ਦੇ ਮੁਕੰਮਲ ਸ਼ਡਿਊਲ ਦਾ ਐਲਾਨ ਕਰ ਦਿੱਤਾ ਹੈ। ਕਮਿਸ਼ਨ ਵੱਲੋਂ ਜਾਰੀ ਕੀਤੀ ਗਈ ਅਧਿਕਾਰਤ ਸੂਚਨਾ ਅਨੁਸਾਰ ਕੰਪਿਊਟਰ ਆਧਾਰਿਤ ਲਿਖਤੀ ਪ੍ਰੀਖਿਆ 30 ਸਤੰਬਰ 2026 ਤੋਂ ਆਰੰਭ ਹੋਵੇਗੀ ਅਤੇ ਇਹ ਪ੍ਰਕਿਰਿਆ 30 ਅਕਤੂਬਰ 2026 ਤੱਕ ਚੱਲੇਗੀ। ਦੇਸ਼ ਭਰ ਵਿੱਚ ਸਥਾਪਿਤ ਵੱਖ-ਵੱਖ ਪ੍ਰੀਖਿਆ ਕੇਂਦਰਾਂ ‘ਤੇ ਇਹ ਇਮਤਿਹਾਨ ਕਈ ਦਿਨਾਂ ਦੌਰਾਨ ਵੱਖੋ-ਵੱਖ ਸ਼ਿਫ਼ਟਾਂ ਵਿੱਚ ਕਰਵਾਇਆ ਜਾਵੇਗਾ।
ਇਸ ਵੱਡੇ ਭਰਤੀ ਅਭਿਆਨ ਰਾਹੀਂ ਕੇਂਦਰ ਸਰਕਾਰ ਦੇ ਵੱਖ-ਵੱਖ ਮੰਤਰਾਲਿਆਂ, ਵਿਭਾਗਾਂ ਅਤੇ ਸੰਵਿਧਾਨਕ ਅਦਾਰਿਆਂ ਵਿੱਚ ਗਰੁੱਪ ‘ਬੀ’ (Group B) ਅਤੇ ਗਰੁੱਪ ‘ਸੀ’ (Group C) ਦੀਆਂ ਕੁੱਲ 12,256 ਖ਼ਾਲੀ ਅਸਾਮੀਆਂ ਭਰੀਆਂ ਜਾਣਗੀਆਂ। ਗ੍ਰੈਜੂਏਟ ਪੱਧਰ ‘ਤੇ ਸਰਕਾਰੀ ਨੌਕਰੀ ਹਾਸਲ ਕਰਨ ਦਾ ਸੁਪਨਾ ਵੇਖ ਰਹੇ ਨੌਜਵਾਨਾਂ ਲਈ ਇਹ ਇੱਕ ਵੱਡਾ ਮੌਕਾ ਹੈ ਅਤੇ ਹੁਣ ਉਮੀਦਵਾਰਾਂ ਨੂੰ ਆਪਣੀ ਤਿਆਰੀ ਨੂੰ ਅੰਤਿਮ ਰੂਪ ਦੇਣਾ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ।
12,256 ਅਸਾਮੀਆਂ ‘ਤੇ ਕੀਤੀ ਜਾਵੇਗੀ ਭਰਤੀ
SSC CGL 2026 ਤਹਿਤ ਕੇਂਦਰ ਸਰਕਾਰ ਦੇ ਵੱਖ-ਵੱਖ ਵੱਕਾਰੀ ਵਿਭਾਗਾਂ ਵਿੱਚ ਨਿਯੁਕਤੀਆਂ ਦਿੱਤੀਆਂ ਜਾਣਗੀਆਂ। ਇਸ ਭਰਤੀ ਪ੍ਰਕਿਰਿਆ ਰਾਹੀਂ ਅਸਿਸਟੈਂਟ ਸੈਕਸ਼ਨ ਅਫ਼ਸਰ (ASO), ਇਨਕਮ ਟੈਕਸ ਇੰਸਪੈਕਟਰ, ਸੈਂਟਰਲ ਐਕਸਾਈਜ਼ ਇੰਸਪੈਕਟਰ, ਸਬ-ਇੰਸਪੈਕਟਰ, ਜੂਨੀਅਰ ਸਟੈਟਿਸਟੀਕਲ ਅਫ਼ਸਰ ਅਤੇ ਆਡੀਟਰ ਵਰਗੇ ਅਹਿਮ ਅਹੁਦੇ ਭਰੇ ਜਾਣਗੇ। ਅਸਾਮੀਆਂ ਦੀ ਵੱਡੀ ਗਿਣਤੀ ਨੂੰ ਵੇਖਦਿਆਂ ਇਸ ਵਾਰ ਲੱਖਾਂ ਦੀ ਤਾਦਾਦ ਵਿੱਚ ਉਮੀਦਵਾਰਾਂ ਦੇ ਪ੍ਰੀਖਿਆ ਵਿੱਚ ਬੈਠਣ ਦੀ ਉਮੀਦ ਹੈ, ਜਿਸ ਕਾਰਨ ਮੁਕਾਬਲਾ ਕਾਫ਼ੀ ਸਖ਼ਤ ਰਹਿਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।
ਪ੍ਰੀਖਿਆ ਤੋਂ ਪਹਿਲਾਂ ਕਦੋਂ ਮਿਲੇਗੀ ਸਿਟੀ ਸਲਿੱਪ ਅਤੇ ਐਡਮਿਟ ਕਾਰਡ?
ਕਮਿਸ਼ਨ ਨਿਯਮਾਂ ਅਨੁਸਾਰ ਲਿਖਤੀ ਪ੍ਰੀਖਿਆ ਸ਼ੁਰੂ ਹੋਣ ਤੋਂ ਲਗਭਗ 10 ਤੋਂ 12 ਦਿਨ ਪਹਿਲਾਂ ਉਮੀਦਵਾਰਾਂ ਲਈ ਪ੍ਰੀਖਿਆ ਕੇਂਦਰ ਵਾਲੇ ਸ਼ਹਿਰ ਦੀ ਜਾਣਕਾਰੀ (ਐਗਜ਼ਾਮ ਸਿਟੀ ਸਲਿੱਪ) ਅਤੇ ਐਪਲੀਕੇਸ਼ਨ ਸਟੇਟਸ ਜਾਰੀ ਕਰ ਦੇਵੇਗਾ। ਪ੍ਰੀਖਿਆਰਥੀ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ ssc.gov.in ‘ਤੇ ਜਾ ਕੇ ਆਪਣੀ ਲੌਗਇਨ ਡਿਟੇਲ ਰਾਹੀਂ ਇਸ ਦੀ ਜਾਂਚ ਕਰ ਸਕਣਗੇ। ਉੱਥੇ ਹੀ, ਫ਼ਾਈਨਲ ਐਡਮਿਟ ਕਾਰਡ (ਰੋਲ ਨੰਬਰ) ਉਮੀਦਵਾਰ ਦੀ ਨਿਰਧਾਰਤ ਪ੍ਰੀਖਿਆ ਮਿਤੀ ਤੋਂ ਲਗਭਗ 4 ਦਿਨ ਪਹਿਲਾਂ ਡਾਊਨਲੋਡ ਕਰਨ ਲਈ ਉਪਲਬਧ ਕਰਵਾਇਆ ਜਾਵੇਗਾ।
Tier-1 ਵਿੱਚ ਹੋਣਗੇ 100 ਸਵਾਲ, 200 ਅੰਕਾਂ ਦਾ ਹੋਵੇਗਾ ਪੇਪਰ
SSC CGL Tier-1 ਪ੍ਰੀਖਿਆ ਆਨਲਾਈਨ ਸੀ.ਬੀ.ਟੀ. ਮੋਡ ਵਿੱਚ ਲਈ ਜਾਵੇਗੀ। ਇਸ ਵਿੱਚ ਕੁੱਲ 100 ਬਹੁ-ਵਿਕਲਪੀ (MCQ) ਪ੍ਰਸ਼ਨ ਪੁੱਛੇ ਜਾਣਗੇ ਅਤੇ ਇਹ ਇਮਤਿਹਾਨ ਕੁੱਲ 200 ਅੰਕਾਂ ਦਾ ਹੋਵੇਗਾ। ਪ੍ਰੀਖਿਆਰਥੀਆਂ ਨੂੰ ਪੂਰਾ ਪੇਪਰ ਹੱਲ ਕਰਨ ਲਈ ਕੇਵਲ 60 ਮਿੰਟ (1 ਘੰਟਾ) ਦਾ ਸਮਾਂ ਮਿਲੇਗਾ। ਇਸ ਪ੍ਰੀਖਿਆ ਵਿੱਚ ਨੈਗੇਟਿਵ ਮਾਰਕਿੰਗ ਵੀ ਲਾਗੂ ਰਹੇਗੀ, ਜਿਸ ਤਹਿਤ ਹਰੇਕ ਗ਼ਲਤ ਜਵਾਬ ਲਈ 0.50 ਅੰਕ ਕੱਟੇ ਜਾਣਗੇ।
ਇਹ ਵੀ ਪੜ੍ਹੋ
ਪ੍ਰੀਖਿਆ ਦਾ ਵਿਸ਼ਾ-ਵਾਰ ਢਾਂਚਾ ਇਸ ਤਰ੍ਹਾਂ ਹੋਵੇਗਾ:
- ਰੀਜ਼ਨਿੰਗ: 25 ਪ੍ਰਸ਼ਨ, ਕੁੱਲ 50 ਅੰਕ
- ਜਨਰਲ ਅਵੇਅਰਨੈੱਸ: 25 ਪ੍ਰਸ਼ਨ, ਕੁੱਲ 50 ਅੰਕ
- ਕੁਆਂਟੀਟੇਟਿਵ ਐਪਟੀਟਿਊਡ: 25 ਪ੍ਰਸ਼ਨ, ਕੁੱਲ 50 ਅੰਕ
- ਅੰਗਰੇਜ਼ੀ ਕੰਪਰੀਹੈਂਸ਼ਨ: 25 ਪ੍ਰਸ਼ਨ, ਕੁੱਲ 50 ਅੰਕ
ਦਸੰਬਰ ਵਿੱਚ ਪ੍ਰਸਤਾਵਿਤ ਹੈ Tier-2 ਪ੍ਰੀਖਿਆ
Tier-1 ਪ੍ਰੀਖਿਆ ਵਿੱਚ ਮੈਰਿਟ ਦੇ ਆਧਾਰ ‘ਤੇ ਸਫ਼ਲ ਹੋਣ ਵਾਲੇ ਉਮੀਦਵਾਰਾਂ ਨੂੰ ਅਗਲੇ ਗੇੜ ਯਾਨੀ Tier-2 ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਦਾ ਮੌਕਾ ਮਿਲੇਗਾ। ਸਟਾਫ਼ ਸਿਲੈਕਸ਼ਨ ਕਮਿਸ਼ਨ ਵੱਲੋਂ ਜਾਰੀ ਕੈਲੰਡਰ ਮੁਤਾਬਕ Tier-2 ਦੀ ਮੁੱਖ ਪ੍ਰੀਖਿਆ ਦਸੰਬਰ 2026 ਵਿੱਚ ਕਰਵਾਏ ਜਾਣ ਦੀ ਤਜਵੀਜ਼ ਹੈ।
ਆਖ਼ਰੀ ਦਿਨਾਂ ‘ਚ ਦੁਹਰਾਈ ‘ਤੇ ਦਿਓ ਵਿਸ਼ੇਸ਼ ਧਿਆਨ
ਪ੍ਰੀਖਿਆ ਵਿੱਚ ਹੁਣ ਬਹੁਤ ਘੱਟ ਸਮਾਂ ਬਚਿਆ ਹੈ, ਇਸ ਲਈ ਸਿੱਖਿਆ ਮਾਹਿਰਾਂ ਦਾ ਸੁਝਾਅ ਹੈ ਕਿ ਉਮੀਦਵਾਰ ਕੋਈ ਵੀ ਨਵਾਂ ਵਿਸ਼ਾ ਸ਼ੁਰੂ ਕਰਨ ਤੋਂ ਗੁਰੇਜ਼ ਕਰਨ ਅਤੇ ਹੁਣ ਤੱਕ ਪੜ੍ਹੇ ਜਾ ਚੁੱਕੇ ਪਾਠਕ੍ਰਮ ਦੀ ਵੱਧ ਤੋਂ ਵੱਧ ਦੁਹਰਾਈ ਕਰਨ। ਇਸ ਦੇ ਨਾਲ ਹੀ ਪਿਛਲੇ ਸਾਲਾਂ ਦੇ ਪ੍ਰਸ਼ਨ ਪੱਤਰਾਂ (PYQs) ਨੂੰ ਹੱਲ ਕਰਨ ਅਤੇ ਰੋਜ਼ਾਨਾ ਆਨਲਾਈਨ ਮੌਕ ਟੈਸਟ ਦੇਣ ‘ਤੇ ਜ਼ੋਰ ਦਿੱਤਾ ਜਾਵੇ। ਇਸ ਨਾਲ ਸਮੇਂ ਦੀ ਸਹੀ ਵੰਡ ਅਤੇ ਸਵਾਲ ਹੱਲ ਕਰਨ ਦੀ ਗਤੀ ਵਿੱਚ ਸੁਧਾਰ ਲਿਆਉਣ ਵਿੱਚ ਵੱਡੀ ਮਦਦ ਮਿਲੇਗੀ।
