ਪਹਿਲਾਂ ਖੋਹਿਆ Nexon ਦਾ ਤਾਜ, ਹੁਣ Creta ਦਾ ਘਮੰਡ ਵੀ ਤੋੜੇਗੀ ਇਹ ਇਲੈਕਟ੍ਰਿਕ ਕਾਰ, ਮਾਰਕੀਟ ਵਿੱਚ ਆ ਰਿਹਾ ਧਾਂਸੂ ਮਾਡਲ
MG Windsor EV ਨੂੰ ਪਹਿਲੀ ਵਾਰ ਭਾਰਤ ਵਿੱਚ 11 ਸਤੰਬਰ 2024 ਨੂੰ ਲਾਂਚ ਕੀਤਾ ਗਿਆ ਸੀ। ਉਦੋਂ ਤੋਂ, ਇਹ ਕਾਰ ਧਮਾਲ ਮਚਾ ਰਹੀ ਹੈ। ਇਸਨੇ ਵਿਕਰੀ ਦੇ ਮਾਮਲੇ ਵਿੱਚ Tata Nexon EV, Mahindra XUV400 EV ਅਤੇ Tata Curve EV ਵਰਗੀਆਂ ਇਲੈਕਟ੍ਰਿਕ SUV ਨੂੰ ਪਿੱਛੇ ਛੱਡ ਦਿੱਤਾ ਹੈ। ਹੁਣ ਕਾਰ ਦਾ ਇੱਕ ਨਵਾਂ ਮਾਡਲ ਆ ਰਿਹਾ ਹੈ, ਜੋ Creta EV ਨਾਲ ਵੀ ਮੁਕਾਬਲਾ ਕਰੇਗਾ।
7 ਮਹੀਨੇ ਪਹਿਲਾਂ ਭਾਰਤ ਵਿੱਚ ਲਾਂਚ ਕੀਤੀ ਗਈ ਬ੍ਰਾਂਡ ਨਿਊ ਇਲੈਕਟ੍ਰਿਕ ਕਾਰ ਇੰਡੋ-ਬ੍ਰਿਟਿਸ਼ ਬ੍ਰਾਂਡ JSW MG ਮੋਟਰਸ ਲਈ ਗੇਮ ਚੇਂਜਰ ਸਾਬਤ ਹੋਈ। ਲਾਂਚਿੰਗ ਦੇ ਛੇ ਮਹੀਨਿਆਂ ਦੇ ਅੰਦਰ, MG ਨੇ ਦੇਸ਼ ਭਰ ਵਿੱਚ ਇਲੈਕਟ੍ਰਿਕ ਕਰਾਸਓਵਰ ਦੀਆਂ 20,000 ਤੋਂ ਵੱਧ ਯੂਨਿਟਾਂ ਵੇਚੀਆਂ ਹਨ। ਇਸਨੇ ਸਭ ਤੋਂ ਤੇਜ਼ੀ ਨਾਲ ਵਿਕਣ ਵਾਲੀ ਇਲੈਕਟ੍ਰਿਕ ਕਾਰ ਦਾ ਦਰਜਾ ਪ੍ਰਾਪਤ ਕੀਤਾ ਹੈ। ਇਹ ਪਿਛਲੇ ਮਹੀਨੇ ਨਾ ਸਿਰਫ਼ ਕੰਪਨੀ ਲਈ ਸਗੋਂ ਪੂਰੇ ਸੈਗਮੈਂਟ ਲਈ ਸਭ ਤੋਂ ਵੱਧ ਵਿਕਣ ਵਾਲੀ ਇਲੈਕਟ੍ਰਿਕ ਕਾਰ ਰਹੀ ਹੈ। ਹੁਣ ਕੰਪਨੀ ਇਸ ਕਾਰ ਦਾ ਲਾਂਗ ਰੇਂਜ ਵਰਜ਼ਨ ਲਾਂਚ ਕਰਨ ਜਾ ਰਹੀ ਹੈ।
ਹਾਲ ਹੀ ਵਿੱਚ ਖ਼ਬਰ ਆਈ ਸੀ ਕਿ ਐਮਜੀ ਮੋਟਰ ਵਿੰਡਸਰ ਈਵੀ ਦਾ ਪਹਿਲਾ ਅਪਡੇਟ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਲੈਕਟ੍ਰਿਕ ਕਰਾਸਓਵਰ ਦੇ ਅਪਡੇਟ ਕੀਤੇ ਵਰਜਨ ਵਿੱਚ ਕੁਝ ਨਵੇਂ ਫੀਚਰਸ ਮਿਲਣ ਦੀ ਉਮੀਦ ਹੈ। ਖਾਸ ਤੌਰ ‘ਤੇ, ਇਸ ਵਿੱਚ ਇੱਕ ਵੱਡਾ ਬੈਟਰੀ ਪੈਕ ਸ਼ਾਮਲ ਹੈ। ਹੁਣ ਅੱਪਡੇਟ ਕੀਤੀ ਵਿੰਡਸਰ ਈਵੀ ਨੂੰ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਹੈ।
ਟੈਸਟਿੰਗ ਦੌਰਾਨ ਦੇਖੀ ਗਈ ਕਾਰ
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਇਹ ਕਾਰ ਹਰਿਆਣਾ ਦੇ ਗੁਰੂਗ੍ਰਾਮ ਦੇ ਆਲੇ-ਦੁਆਲੇ ਟੈਸਟਿੰਗ ਦੌਰਾਨ ਦੇਖੀ ਗਈ ਹੈ। ਟੈਸਟਿੰਗ ਮਾਡਲ ਪੂਰੀ ਤਰ੍ਹਾਂ ਕਵਰ ਕੀਤਾ ਗਿਆ ਸੀ। ਇਹ ਸਪੱਸ਼ਟ ਤੌਰ ‘ਤੇ ਦਿਖਾਈ ਦੇ ਰਿਹਾ ਹੈ ਕਿ ਸਟਾਈਲਿੰਗ ਦੇ ਮਾਮਲੇ ਵਿੱਚ ਕੋਈ ਕਾਸਮੈਟਿਕ ਬਦਲਾਅ ਨਹੀਂ ਹੋਣਗੇ। ਵਿੰਡਸਰ ਈਵੀ ਦੇ ਇਸ ਸੰਸਕਰਣ ਨਾਲ ਅਸੀਂ ਸਿਰਫ਼ ਇਹੀ ਬਦਲਾਅ ਦੀ ਉਮੀਦ ਕਰ ਸਕਦੇ ਹਾਂ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਵਿੱਚ ਮੌਜੂਦਾ ਮਾਡਲ ਤੋਂ ਵੱਖਰਾ ਕਰਨ ਲਈ ਇੱਕ ਪ੍ਰੋ ਬ੍ਰਾਂਡਿੰਗ ਹੋਵੇਗੀ।
ਵਿੰਡਸਰ ਈਵੀ ਵਿੱਚ ਹੋਵੇਗੀ ਜਿਆਦਾ ਰੇਂਜ
ਜਿਵੇਂ ਕਿ ਪਹਿਲਾਂ ਦੱਸਿਆ ਗਿਆ ਸੀ, MG Windsor EV ਨੂੰ ਅੱਪਗ੍ਰੇਡੇਡ 50.6 kWh ਬੈਟਰੀ ਪੈਕ ਮਿਲਣ ਵਾਲਾ ਹੈ ਜੋ ਵਰਤਮਾਨ ਵਿੱਚ ਇੰਡੋਨੇਸ਼ੀਆ ਵਿੱਚ ਵੇਚੇ ਜਾਣ ਵਾਲੇ Wuling Cloud EV ‘ਚ ਉਪਲਬਧ ਹੈ। ਇਹ ਵੱਡੀ ਬੈਟਰੀ 460 ਕਿਲੋਮੀਟਰ ਦੀ ਰੇਂਜ ਦੇ ਸਕਦੀ ਹੈ। ਵਰਤਮਾਨ ਵਿੱਚ, ਵਿੰਡਸਰ ਈਵੀ 38 kWh ਬੈਟਰੀ ਨਾਲ ਲੈਸ ਹੈ ਜੋ ਇੱਕ ਵਾਰ ਚਾਰਜ ਕਰਨ ‘ਤੇ 332 ਕਿਲੋਮੀਟਰ ਦੀ ਰੇਂਜ ਦਿੰਦੀ ਹੈ। ਨਵੇਂ ਵੇਰੀਐਂਟ ਦੇ ਅਗਲੇ ਮਹੀਨੇ ਦੇ ਸ਼ੁਰੂ ਵਿੱਚ ਭਾਰਤ ਭਰ ਵਿੱਚ MG ਡੀਲਰਸ਼ਿਪ ‘ਤੇ ਆ ਜਾਵੇਗਾ।
170 ਕਿਲੋਮੀਟਰ ਪ੍ਰਤੀ ਘੰਟਾ ਟਾਪ ਸਪੀਡ
MG ਮੌਜੂਦਾ ਫਰੰਟ-ਵ੍ਹੀਲ-ਡਰਾਈਵ ਇਲੈਕਟ੍ਰਿਕ ਮੋਟਰ ਨੂੰ ਬਰਕਰਾਰ ਰੱਖ ਸਕਦੀ ਹੈ, ਜੋ 134 bhp ਅਤੇ 200 Nm ਟਾਰਕ ਪੈਦਾ ਕਰਦੀ ਹੈ। ਇਹ ਕਾਰ ਨੂੰ 170 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟਾਪ ਸਪੀਡ ‘ਤੇ ਲੈ ਪਹੁੰਚਾ ਸਕਦੀ ਹੈ। ਵਿੰਡਸਰ ਸਿਰਫ਼ 8.6 ਸਕਿੰਟਾਂ ਵਿੱਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਫੜ ਸਕਦੀ ਹੈ। ਵਿੰਡਸਰ ਈਵੀ ਦੇ ਨਵੇਂ ਮਾਡਲ ਵਿੱਚ ਟੈਰੇਨ ਮੋਡ ਵੀ ਮਿਲ ਸਕਦਾ ਹੈ।
ਇਹ ਵੀ ਪੜ੍ਹੋ
