ਪਾਕਿਸਤਾਨ ‘ਚ ਏਅਰਬੇਸ ‘ਤੇ ਫਿਦਾਈਨ ਹਮਲਾ, 4 ਅੱਤਵਾਦੀ ਹਲਾਕ, ਆਪਰੇਸ਼ਨ ਜਾਰੀ

ਗੁਆਂਢੀ ਦੇਸ਼ ਪਾਕਿਸਤਾਨ ਦੇ ਮੀਆਂਵਾਲੀ ਏਅਰਬੇਸ ‘ਤੇ ਅੱਤਵਾਦੀਆਂ ਨੇ ਹਮਲਾ ਕੀਤਾ ਹੈ। ਅੱਤਵਾਦੀ ਏਅਰਬੇਸ ਦੇ ਅੰਦਰ ਦਾਖਲ ਹੋ ਗਏ ਹਨ ਅਤੇ ਗੋਲੀਬਾਰੀ ਜਾਰੀ ਹੈ। ਪੂਰੇ ਸ਼ਹਿਰ ਵਿੱਚ ਡਰ ਅਤੇ ਸਹਿਮ ਫੈਲ ਗਿਆ ਹੈ। ਤਹਿਰੀਕ-ਏ-ਜੇਹਾਦ ਪਾਕਿਸਤਾਨ (TJP) ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੇ ਪੰਜਾਬ ਦੇ ਮੀਆਂਵਾਲੀ ਪਾਕਿਸਤਾਨ ਸਥਿਤ ਏਅਰਬੇਸ ‘ਤੇ ਸਵੇਰੇ 2 ਵਜੇ ਹਮਲਾ ਕੀਤਾ। ਤਹਿਰੀਕ-ਜੇਹਾਦ-ਪਾਕਿਸਤਾਨ ਦੇ ਬੁਲਾਰੇ ਮੁੱਲਾ ਮੁਹੰਮਦ ਕਾਸਿਮ ਦਾ ਦਾਅਵਾ ਹੈ ਕਿ ਉਸ ਦੇ ਆਤਮਘਾਤੀ ਹਮਲਾਵਰਾਂ ਨੇ ਪੀਏਐਫ ਏਅਰਬੇਸ ‘ਤੇ ਦਰਜਨਾਂ ਛੋਟੇ ਅਤੇ ਵੱਡੇ ਜਹਾਜ਼ਾਂ ਨੂੰ ਤਬਾਹ ਕਰ ਦਿੱਤਾ ਹੈ ਅਤੇ ਕਈ ਫੌਜੀ ਕਰਮਚਾਰੀ ਅਤੇ ਪਾਇਲਟ ਮਾਰੇ ਗਏ ਹਨ।

Terrorists attack on the Pakistan Air Force base in Mianwali.

#PAF #Mianwali #PakArmy #earthquake #Blast pic.twitter.com/HwwAWQvX7J — Rimsha Ishaq (@pti_Rimsha) November 4, 2023

ਅੱਤਵਾਦੀਆਂ ਨੇ ਏਅਰਬੇਸ ‘ਤੇ ਤਾਇਨਾਤ ਲੜਾਕੂ ਜਹਾਜ਼ਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਹੈ। ਅੱਤਵਾਦੀਆਂ ਨੇ ਕਈ ਜਹਾਜ਼ ਤਬਾਹ ਕਰ ਦਿੱਤੇ ਹਨ। ਆਤਮਘਾਤੀ ਹਮਲਾਵਰ ਏਅਰਬੇਸ ਦੀ ਕੰਧ ‘ਤੇ ਲੱਗੀ ਕੰਡਿਆਲੀ ਤਾਰ ਨੂੰ ਕੱਟ ਕੇ ਅੰਦਰ ਵੜ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਪਾਕਿਸਤਾਨ ਦੀ ਜਵਾਬੀ ਗੋਲੀਬਾਰੀ ‘ਚ 4 ਅੱਤਵਾਦੀ ਮਾਰੇ ਗਏ ਹਨ। ਏਅਰਬੇਸ ਦੇ ਅੰਦਰ ਅੱਤਵਾਦੀਆਂ ਵੱਲੋਂ ਲਗਾਤਾਰ ਧਮਾਕੇ ਅਤੇ ਗੋਲੀਬਾਰੀ ਹੋ ਰਹੀ ਹੈ। ਹਮਲੇ ਤੋਂ ਬਾਅਦ ਆਸਪਾਸ ਦੇ ਇਲਾਕਿਆਂ ‘ਚ ਹਾਈ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ। ਏਅਰਬੇਸ ਖੇਤਰ ਦੇ ਨੇੜੇ ਸਥਿਤ ਸਾਰੇ ਸਕੂਲ ਅਤੇ ਕਾਲਜ ਬੰਦ ਕਰ ਦਿੱਤੇ ਗਏ ਹਨ। ਅੱਤਵਾਦੀਆਂ ਦੀ ਭਾਲ ਲਈ ਤਲਾਸ਼ੀ ਮੁਹਿੰਮ ਚਲਾਈ ਜਾ ਰਹੀ ਹੈ। ਏਅਰਬੇਸ ‘ਤੇ ਹਮਲਾ ਸਵੇਰੇ ਤੜਕੇ ਹੋਇਆ। ਸਾਵਧਾਨੀ ਦੇ ਤੌਰ ‘ਤੇ ਪਾਕਿਸਤਾਨ ਦੇ ਸਾਰੇ ਏਅਰਬੇਸ ‘ਤੇ ਅਲਰਟ ਵੀ ਜਾਰੀ ਕੀਤਾ ਗਿਆ ਹੈ।

Terrorists attacked PAF base Mianwali and is ongoing, Ya Allah khair!!#MianWalipic.twitter.com/plGJ0IwWLO

ਇਹ ਵੀ ਪੜ੍ਹੋ

ਬੰਗਲਾਦੇਸ਼ 'ਚ ਇੱਕ ਪਰਿਵਾਰ ਦੇ 4 ਮੈਂਬਰਾਂ ਦਾ ਕਤਲ, ਘਰ ਵਿੱਚੋਂ ਮਿਲੀਆਂ ਲਾਸ਼ਾਂ

ਅਮਰੀਕਾ ਨੇ ਮੰਗਿਆ ਜ਼ਿਆਦਾ, ਦਿੱਤਾ ਘੱਟ; ਕੈਨੇਡੀਅਨ PM ਨੇ ਠੁਕਰਾਈ ਟਰੰਪ ਦੀ ਡੀਲ

ਅਮਰੀਕਾ 'ਚ ਕਪੂਰਥਲਾ ਦੇ ਨੌਜਵਾਨ ਦਾ ਕਤਲ, ਡਿਲੀਵਰੀ ਕਰਦੇ ਸਮੇਂ ਬਣਾਇਆ ਨਿਸ਼ਾਨਾ

— Tehseen Qasim (@Tehseenqasim) November 4, 2023

ਖ਼ਬਰ ਅਪਡੇਟ ਹੋ ਰਹੀ…