Pakistan Economy: ਭੁੱਖ ਨਾਲ ਮਰ ਰਹੇ ਹਨ ਲੋਕ, ਜੀਡੀਪੀ ਵਾਧਾ-0, ਪਰ ਰੱਖਿਆ ਬਜਟ 13% ਵਧਿਆ

Pakistan Economic Crisis: ਕਿਹਾ ਜਾਂਦਾ ਹੈ ਕਿ ਸੰਕਟ ਦੀ ਘੜੀ ਵਿਚ ਬੰਦਾ ਹਰ ਪੈਸਾ ਸਮਝਦਾਰੀ ਨਾਲ ਖਰਚ ਕਰਦਾ ਹੈ। ਪਾਕਿਸਤਾਨ (Pakistan ) ਵਿੱਚ ਇਸ ਦੀ ਕੋਈ ਸੋਚ ਅਤੇ ਚਿੰਤਾ ਨਹੀਂ ਹੈ। ਆਰਥਿਕ ਮੰਦੀ ਦੇ ਦੌਰ ‘ਚ ਵੀ ਇਹ ਨਾਗਰਿਕਾਂ ‘ਤੇ ਖਰਚ ਕਰਨ ਦੀ ਬਜਾਏ ਰੱਖਿਆ ‘ਤੇ ਜ਼ਿਆਦਾ ਖਰਚ ਕਰ ਰਿਹਾ ਹੈ। ਪਾਕਿਸਤਾਨ ਦੀ ਅਰਥਵਿਵਸਥਾ ਨੇ ਸਿਰਫ 0.29 ਫੀਸਦੀ ਦਾ ਵਾਧਾ ਦਰਜ ਕੀਤਾ ਹੈ। ਨਾਗਰਿਕਾਂ ਦੀ ਕਮਾਈ ਵਿੱਚ 11 ਫੀਸਦੀ ਦੀ ਗਿਰਾਵਟ ਆਈ ਹੈ।

ਪਾਕਿਸਤਾਨ ਦੀ ਅਰਥਵਿਵਸਥਾ ‘ਚ ਸੇਵਾ ਖੇਤਰ ਦਾ ਸਭ ਤੋਂ ਵੱਡਾ ਯੋਗਦਾਨ 60 ਫੀਸਦੀ ਹੈ। ਇਸ ਸੈਕਟਰ ਨੇ ਸਿਰਫ 0.8 ਫੀਸਦੀ ਦਾ ਵਾਧਾ ਦਰਜ ਕੀਤਾ ਹੈ। ਇਸ ਤੋਂ ਇਲਾਵਾ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਇਸ ਲਈ ਜ਼ਿੰਮੇਵਾਰ ਠਹਿਰਾਇਆ ਜਾ ਰਿਹਾ ਹੈ।

ਆਰਥਿਕ ਸੰਕਟ ਦੇ ਵਿਚਕਾਰ ਪਾਕਿਸਤਾਨ ਸਰਕਾਰ (Pakistan Government) ਨੇ ਰੱਖਿਆ ਬਜਟ ਵਿੱਚ 13 ਫੀਸਦੀ ਦਾ ਵਾਧਾ ਕੀਤਾ ਹੈ। ਪਾਕਿਸਤਾਨ ਸਰਕਾਰ (Pakistan Government) ਨੇ ਰੱਖਿਆ ‘ਤੇ ਖਰਚ ਕਰਨ ਲਈ 1.8 ਖਰਬ ਰੁਪਏ ਅਲਾਟ ਕੀਤੇ ਹਨ। ਇਹ ਕੁੱਲ ਜੀਡੀਪੀ ਦਾ 1.7 ਫੀਸਦੀ ਹੈ। ਪਿਛਲੇ ਸਾਲ ਸਰਕਾਰ ਨੇ ਰੱਖਿਆ ਬਜਟ ਵਜੋਂ 1.57 ਟ੍ਰਿਲੀਅਨ ਰੁਪਏ ਅਲਾਟ ਕੀਤੇ ਸਨ। ਬਾਅਦ ਵਿੱਚ ਇਸ ਨੂੰ ਵਧਾ ਕੇ 1.59 ਟ੍ਰਿਲੀਅਨ ਰੁਪਏ ਕਰ ਦਿੱਤਾ ਗਿਆ। ਇਹ ਪੈਸਾ ਅਗਲੇ ਇੱਕ ਸਾਲ ਵਿੱਚ ਵੱਖ-ਵੱਖ ਖੇਤਰਾਂ ਵਿੱਚ ਖਰਚ ਕੀਤਾ ਜਾਵੇਗਾ।

ਆਮ ਨਾਗਰਿਕਾਂ ‘ਤੇ ਫੋਕਸ ਨਹੀਂ, ਫੌਜ ‘ਤੇ ਜ਼ਿਆਦਾ ਫੋਕਸ

ਇਹ ਹਮੇਸ਼ਾ ਤੋਂ ਇੱਕ ਟਰੇਂਡ ਰਿਹਾ ਹੈ ਕਿ ਪਾਕਿਸਤਾਨ ਵਿੱਚ ਫੌਜ ਨੂੰ ਸਭ ਤੋਂ ਵੱਧ ਪੈਸਾ ਦਿੱਤਾ ਜਾਂਦਾ ਹੈ। ਮਿਸਾਲ ਵਜੋਂ ਇਸ ਵਾਰ ਫ਼ੌਜ ਲਈ 824 ਅਰਬ ਰੁਪਏ ਦਾ ਅਲਾਟਮੈਂਟ ਕੀਤਾ ਗਿਆ ਹੈ। ਹਵਾਈ ਸੈਨਾ ਨੂੰ 368 ਅਰਬ ਰੁਪਏ ਅਤੇ ਜਲ ਸੈਨਾ ਨੂੰ 188 ਅਰਬ ਰੁਪਏ ਦਿੱਤੇ ਗਏ ਹਨ। ਹਾਲੀਆ ਬਜਟ ਵਿੱਚ ਆਮ ਨਾਗਰਿਕਾਂ ਨੂੰ ਪਾਸੇ ਕਰ ਦਿੱਤਾ ਗਿਆ ਹੈ। ਇਸ ਸੰਕਟ ਵਿੱਚ ਸਾਬਕਾ ਸੈਨਿਕਾਂ ਦੀ ਪੈਨਸ਼ਨ ਵਿੱਚ ਵੀ ਵਾਧਾ ਕੀਤਾ ਗਿਆ ਹੈ। ਉਦਾਹਰਣ ਵਜੋਂ, ਪਿਛਲੇ ਸਾਲ 446 ਅਰਬ ਰੁਪਏ ਦੇ ਮੁਕਾਬਲੇ ਹੁਣ ਪੈਨਸ਼ਨਾਂ ਲਈ 563 ਅਰਬ ਰੁਪਏ ਦੀ ਵੰਡ ਕੀਤੀ ਗਈ ਹੈ, ਜੋ ਕਿ 26 ਪ੍ਰਤੀਸ਼ਤ ਵੱਧ ਹੈ।

ਰੱਖਿਆ ਬਜਟ ਦੀ ਵੰਡ ਤੋਂ ਪਤਾ ਲੱਗਦਾ ਹੈ ਕਿ ਰੱਖਿਆ ਪ੍ਰਸ਼ਾਸਨ ਲਈ 5.4 ਬਿਲੀਅਨ ਰੁਪਏ, ਕਰਮਚਾਰੀਆਂ ਨਾਲ ਸਬੰਧਤ ਖਰਚਿਆਂ ਲਈ 705 ਬਿਲੀਅਨ ਰੁਪਏ, ਸੰਚਾਲਨ ਲਈ 442 ਬਿਲੀਅਨ ਰੁਪਏ, ਭੌਤਿਕ ਸੰਪਤੀਆਂ ਲਈ 461 ਬਿਲੀਅਨ ਰੁਪਏ ਅਤੇ ਸਿਵਲ ਕੰਮਾਂ ਲਈ 195 ਬਿਲੀਅਨ ਰੁਪਏ ਰੱਖ ਅਲਾਟ ਕੀਤਾ ਗਿਆ ਹੈ।

ਉਦਯੋਗ ਖੇਤਰ ‘ਚ 2.94 ਫੀਸਦੀ ਦੀ ਗਿਰਾਵਟ

ਪਾਕਿਸਤਾਨ ਦੀ ਜੀਡੀਪੀ ਵਿੱਚ ਸਿਰਫ਼ 0.29 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਇਸ ਸੰਕਟ ਵਿੱਚ ਵੀ ਖੇਤੀ ਖੇਤਰ ਵਿੱਚ 1.55 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ। ਇਸ ਦੇ ਨਾਲ ਹੀ ਉਦਯੋਗ ਖੇਤਰ ‘ਚ 2.94 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਦੌਰਾਨ ਪਾਕਿਸਤਾਨ ਦੀ ਅਰਥਵਿਵਸਥਾ ‘ਚ 60 ਫੀਸਦੀ ਯੋਗਦਾਨ ਦੇਣ ਵਾਲੇ ਸੇਵਾ ਖੇਤਰ ‘ਚ 0.86 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ।

ਅੰਤਰਰਾਸ਼ਟਰੀ ਮੁਦਰਾ ਫੰਡ ਨੇ ਪਾਕਿਸਤਾਨ ਦੀ ਅਰਥਵਿਵਸਥਾ ਦੇ 0.5 ਫੀਸਦੀ ਵਾਧੇ ਦਾ ਅਨੁਮਾਨ ਲਗਾਇਆ ਸੀ। ਇਸ ਤੋਂ ਵੀ ਘੱਟ ਵਾਧਾ ਹੋਇਆ ਹੈ। ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਪਾਕਿਸਤਾਨ ਦੀ ਅਰਥਵਿਵਸਥਾ ਇਸ ਸਮੇਂ 84,657 ਅਰਬ ਰੁਪਏ ਦੀ ਹੈ, ਜੋ ਪਿਛਲੇ ਸਾਲ ਦੇ ਮੁਕਾਬਲੇ 27 ਫੀਸਦੀ ਵਧੀ ਹੈ।

ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ