ਜਾਣੋ, ਉਸ ਵਿਅਕਤੀ ਬਾਰੇ ਜਿਸਦੇ ਕਾਰਨ ਛਿੜ ਸਕਦਾ ਹੈ ਦੁਨੀਆ ‘ਚ ਪ੍ਰਮਾਣੂ ਯੁੱਧ

ਰੂਸ ਅਤੇ ਅਮਰੀਕਾ ‘ਚ ਵਧਦੇ ਤਣਾਅ ਦੇ ਵਿਚਕਾਰ,ਇੱਕ ਨਾਮ ਅਚਾਨਕ ਸੁਰਖੀਆਂ ਵਿੱਚ ਆ ਗਿਆ ਹੈ,ਦਮਿਤਰੀ ਮੇਦਵੇਦੇਵ। ਰੂਸ ਦੇ ਸਾਬਕਾ ਰਾਸ਼ਟਰਪਤੀ ਅਤੇ ਸੁਰੱਖਿਆ ਪ੍ਰੀਸ਼ਦ ਦੇ ਮੌਜੂਦਾ ਡਿਪਟੀ ਚੇਅਰਮੈਨ ਮੇਦਵੇਦੇਵ ਨੇ ਹਾਲ ਹੀ ਵਿੱਚ ਇੱਕ ਬਿਆਨ ਦਿੱਤਾ ਸੀ ਜਿਸ ਨੂੰ ਅਮਰੀਕਾ ਨੇ ਸਿੱਧਾ ਪ੍ਰਮਾਣੂ ਖ਼ਤਰਾ ਮੰਨਿਆ ਸੀ। ਨਤੀਜਾ ਇਹ ਨਿਕਲਿਆ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਰੂਸ ਦੇ ਨੇੜੇ ਦੋ ਪ੍ਰਮਾਣੂ ਪਣਡੁੱਬੀਆਂ ਤਾਇਨਾਤ ਕਰਨ ਦਾ ਹੁਕਮ ਦਿੱਤਾ। ਹੁਣ ਦੁਨੀਆ ਡਰੀ ਹੋਈ ਹੈ ਕਿਉਂਕਿ ਦੋਵੇਂ ਪ੍ਰਮਾਣੂ ਸ਼ਕਤੀਆਂ ਇੱਕ ਦੂਜੇ ਨੂੰ ਖੁੱਲ੍ਹ ਕੇ ਚੇਤਾਵਨੀ ਦੇ ਰਹੀਆਂ ਹਨ।

ਇਹ ਤਣਾਅ ਕਿਵੇਂ ਵਧਿਆ?

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪਿਛਲੇ ਹਫ਼ਤੇ ਚੇਤਾਵਨੀ ਦਿੱਤੀ ਸੀ ਕਿ ਜੇਕਰ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਯੂਕਰੇਨ ਵਿੱਚ ਜੰਗਬੰਦੀ ਲਈ ਸਹਿਮਤ ਨਹੀਂ ਹੁੰਦੇ ਹਨ, ਤਾਂ ਅਮਰੀਕਾ ਰੂਸ ‘ਤੇ ਹੋਰ ਸਖ਼ਤ ਪਾਬੰਦੀਆਂ ਲਗਾਏਗਾ। ਟਰੰਪ ਨੇ ਇਸਨੂੰ ਜੰਗਬੰਦੀ-ਜਾਂ-ਪਾਬੰਦੀਆਂ ਦੀ ਆਖਰੀ ਡੇਡਲਾਇਨ ਕਿਹਾ ਸੀ। ਇਸ ਦਾ ਜਵਾਬ ਦਿੰਦੇ ਹੋਏ, ਮੇਦਵੇਦੇਵ ਨੇ ਅਮਰੀਕਾ ਨੂੰ ਰੂਸ ਦੀ ਪਰਮਾਣੂ ਪ੍ਰਣਾਲੀ, ਡੈੱਡ ਹੈਂਡ ਦੀ ਯਾਦ ਦਿਵਾਈ, ਇੱਕ ਅਜਿਹੀ ਪ੍ਰਣਾਲੀ ਜੋ ਰੂਸ ‘ਤੇ ਪਹਿਲਾਂ ਹਮਲਾ ਹੋਣ ‘ਤੇ ਆਪਣੇ ਆਪ ਹੀ ਹਮਲਾ ਸ਼ੁਰੂ ਕਰ ਦਿੰਦੀ ਹੈ। ਟਰੰਪ ਨੇ ਇਸ ਬਿਆਨ ਨੂੰ ਇੱਕ ਗੰਭੀਰ ਖ਼ਤਰਾ ਮੰਨਿਆ ਅਤੇ ਰੂਸ ਦੇ ਨੇੜੇ ਪ੍ਰਮਾਣੂ ਪਣਡੁੱਬੀਆਂ ਤਾਇਨਾਤ ਕਰਨ ਦਾ ਹੁਕਮ ਦਿੱਤਾ। ਉਸਨੇ ਮੇਦਵੇਦੇਵ ਨੂੰ ਇੱਕ ਅਸਫਲ ਰਾਸ਼ਟਰਪਤੀ ਕਿਹਾ ਅਤੇ ਚੇਤਾਵਨੀ ਦਿੱਤੀ ਕਿ ਉਹ ਖਤਰਨਾਕ ਜ਼ਮੀਨ ਚੱਲ ਰਿਹਾ ਹੈ।

ਕੌਣ ਹੈ ਦਮਿਤਰੀ ਮੇਦਵੇਦੇਵ ?

ਉਹ 2008 ਤੋਂ 2012 ਤੱਕ ਰੂਸ ਦੇ ਰਾਸ਼ਟਰਪਤੀ ਰਹੇ। ਉਸ ਸਮੇਂ ਵਲਾਦੀਮੀਰ ਪੁਤਿਨ ਸੰਵਿਧਾਨ ਕਾਰਨ ਰਾਸ਼ਟਰਪਤੀ ਨਹੀਂ ਬਣ ਸਕੇ ਸਨ, ਇਸ ਲਈ ਉਨ੍ਹਾਂ ਨੇ ਮੇਦਵੇਦੇਵ ਨੂੰ ਅੱਗੇ ਰੱਖਿਆ। ਦਮਿਤਰੀ ਦਾ ਜਨਮ ਲੈਨਿਨਗ੍ਰਾਦ ਚ ਹੋਇਆ ਜਿਸ ਨੂੰ ਹੁਣ ਪੀਟਰਸਬਰਗ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ। ਉਹ ਪੇਸ਼ੇ ਵਜੋਂ ਇਕ ਵਕੀਲ ਹਨ। ਉਹ 1990 ਦੇ ਦਹਾਕੇ ਤੋਂ ਪੁਤਿਨ ਦੇ ਨੇੜੇ ਰਹੇ ਹਨ। ਰਾਸ਼ਟਰਪਤੀ ਬਣਨ ਤੋਂ ਪਹਿਲਾਂ, ਉਨ੍ਹਾਂ ਨੇ ਗੈਜ਼ਪ੍ਰੋਮ ਦੇ ਚੇਅਰਮੈਨ, ਉਪ ਪ੍ਰਧਾਨ ਮੰਤਰੀ ਅਤੇ ਚੀਫ਼ ਆਫ਼ ਸਟਾਫ਼ ਵਰਗੇ ਮਹੱਤਵਪੂਰਨ ਅਹੁਦਿਆਂ ‘ਤੇ ਕੰਮ ਕੀਤਾ। ਰਾਸ਼ਟਰਪਤੀ ਹੁੰਦਿਆਂ, ਉਨ੍ਹਾਂ ਨੇ ਨਿਊ ਸਟਾਰਟ ਪ੍ਰਮਾਣੂ ਸੰਧੀ ਅਤੇ ਪੁਲਿਸ ਸੁਧਾਰਾਂ ਵਰਗੇ ਸ਼ਾਂਤੀਪੂਰਨ ਕਦਮ ਚੁੱਕੇ। ਉਹ 2020 ਤੱਕ ਰੂਸ ਦੇ ਪ੍ਰਧਾਨ ਮੰਤਰੀ ਸਨ, ਹੁਣ ਉਹ ਰਾਸ਼ਟਰੀ ਸੁਰੱਖਿਆ ਪ੍ਰੀਸ਼ਦ ਦੇ ਉਪ ਚੇਅਰਮੈਨ ਹਨ, ਪਰ ਉਨ੍ਹਾਂ ਦੀ ਅਸਲ ਸ਼ਕਤੀ ਨੂੰ ਸੀਮਤ ਮੰਨਿਆ ਜਾਂਦਾ ਹੈ।