OMG: ਇਹ ਵਿਅਕਤੀ ਜਾਨਵਰ ਵਾਂਗ ਕੱਚਾ ਖਾ ਜਾਂਦਾ ਹੈ ਚਿਕਨ, ਨਹੀਂ ਹੁੰਦਾ ਭਰੋਸਾ ਤਾਂ ਦੇਖੋ ਵੀਡੀਓ
Viral Video: ਬਹੁਤ ਸਾਰੇ ਲੋਕ ਨਾਨ-ਵੈਜ ਪਸੰਦ ਕਰਦੇ ਹਨ। ਪਰ ਕੀ ਤੁਸੀਂ ਕਦੇ ਸੁਣਿਆ ਹੈ ਕਿ ਕੋਈ ਕੱਚਾ ਚਿਕਨ ਖਾਣ ਦਾ ਸ਼ੌਕੀਨ ਹੈ? ਨਹੀਂ ਨਾ. ਪਰ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੇ ਸ਼ਖਸ ਨਾਲ ਮਿਲਾਉਣ ਜਾ ਰਹੇ ਹਾਂ ਜੋ ਨਮਕ, ਮਿਰਚ ਅਤੇ ਕੈਚੱਪ ਦੇ ਨਾਲ ਕੱਚਾ ਚਿਕਨ ਖਾ ਰਿਹਾ ਹੈ। ਵਿਅਕਤੀ ਦਾ ਕਹਿਣਾ ਹੈ ਕਿ ਅਜਿਹਾ ਕਰਨ ਪਿੱਛੇ ਉਸਦਾ ਇੱਕ ਮਕਸਦ ਹੈ। ਜਾਣੋ ਇਹ ਕੀ ਹੈ।
ਤੁਸੀਂ ਬਹੁਤ ਸਾਰੇ ਨਾਨ-ਵੈਜ ਲਵਰਸ ਦੇਖੇ ਹੋਣਗੇ, ਜਿਨ੍ਹਾਂ ਦੇ ਦਿਨ ਦੀ ਸ਼ੁਰੂਆਤ ਮੀਟ ਨਾਲ ਹੁੰਦੀ ਹੈ। ਪਰ ਕੀ ਤੁਸੀਂ ਕਦੇ ਸੁਣਿਆ ਹੈ ਕਿ ਕੋਈ ਕੱਚਾ ਮਾਸ ਬਿਨਾਂ ਪਕਾਏ ਸੁਆਦ ਲੈ ਕੇ ਖਾ ਲੈਂਦਾ ਹੈ? ਇਹ ਅਜੀਬ ਲੱਗ ਸਕਦਾ ਹੈ, ਪਰ ਇੱਕ ਅਜਿਹਾ ਵਿਅਕਤੀ ਹੈ ਜੋ ਕੱਚਾ ਚਿਕਨ ਹੀ ਚਬਾ-ਚਬਾਕੇ ਖਾ ਰਿਹਾ ਹੈ। ਇਸ ਵਿਅਕਤੀ ਦਾ ਕਹਿਣਾ ਹੈ ਕਿ ਜਦੋਂ ਤੱਕ ਉਹ ਬੀਮਾਰ ਨਹੀਂ ਹੁੰਦਾ, ਉਦੋਂ ਤੱਕ ਉਹ ਅਜਿਹਾ ਕਰਦਾ ਰਹੇਗਾ।
ਇਸ ਵਿਅਕਤੀ ਦੀ ਪਛਾਣ ਜੌਨ ਵਜੋਂ ਹੋਈ ਹੈ, ਜਿਸ ਨੂੰ ਇੰਸਟਾਗ੍ਰਾਮ ‘ਤੇ ਕਰੀਬ ਸਾਢੇ ਤਿੰਨ ਲੱਖ ਲੋਕ ਫਾਲੋ ਕਰਦੇ ਹਨ। ਵਿਅਕਤੀ ਨੇ ਕੱਚਾ ਚਿਕਨ ਖਾਣ ਦੀਆਂ ਕਈ ਵੀਡੀਓਜ਼ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤੀਆਂ ਹਨ। ਉਸ ਦਾ ਕਹਿਣਾ ਹੈ ਕਿ ਉਹ ਅਜਿਹਾ ਸਾਈਂਸ ਐਕਸਪੈਰੀਮੇਂਟ ਦੇ ਤਹਿਤ ਕਰ ਰਿਹਾ ਹੈ, ਜਿਸ ਨੂੰ ਉਸ ਨੇ Raw Chicken Experiment ਦਾ ਨਾਂ ਦਿੱਤਾ ਹੈ। ਜੌਨ ਮੁਤਾਬਕ ਉਹ 19 ਜਨਵਰੀ ਤੋਂ ਕੱਚਾ ਚਿਕਨ ਖਾ ਰਿਹਾ ਹੈ। ਵੀਡੀਓਜ਼ ‘ਚ ਉਹ ਕੱਚਾ ਚਿਕਨ ਮੀਟ ਮਸਾਲੇ ਅਤੇ ਕੈਚੱਪ ਨਾਲ ਖਾਂਦੇ ਦੇਖਿਆ ਜਾ ਸਕਦਾ ਹੈ।
ਇਸ ਅਜੀਬੋ-ਗਰੀਬ ਪ੍ਰਯੋਗ ਦੇ ਜ਼ਰੀਏ, ਜੌਨ ਲੋਕਾਂ ਨੂੰ ਇਹ ਦੱਸਣਾ ਚਾਹੁੰਦਾ ਹੈ ਕਿ ਕੱਚੇ ਮਾਸ ਦਾ ਸੇਵਨ ਕੁਝ ਵੀ ਗਲਤ ਅਤੇ ਡਰਾਉਣਾ ਨਹੀਂ ਹੈ ਜਿੰਨਾ ਇਹ ਬਣਾਇਆ ਗਿਆ ਹੈ। ਜੌਨ ਦਾ ਦਾਅਵਾ ਹੈ ਕਿ ਉਸ ਨੂੰ ਕੱਚਾ ਚਿਕਨ ਖਾਧਾ 17 ਦਿਨ ਹੋ ਗਏ ਹਨ, ਪਰ ਉਹ ਅਜੇ ਤੱਕ ਬੀਮਾਰ ਨਹੀਂ ਹੋਇਆ ਹੈ। ਉਸ ਨੇ ਕਿਹਾ, ‘ਜਦੋਂ ਵੀ ਕੋਈ ਮੈਨੂੰ ਕੁਝ ਕਰਨ ਤੋਂ ਰੋਕਦਾ ਹੈ, ਮੈਂ ਪੂਰੀ ਲਗਨ ਨਾਲ ਕਰਦਾ ਹਾਂ। ਹੁਣ ਮੈਂ ਕੱਚਾ ਚਿਕਨ ਮੀਟ ਖਾ ਕੇ ਅਜਿਹਾ ਕਰ ਰਿਹਾ ਹਾਂ।
ਜੌਨ ਦਾ ਕਹਿਣਾ ਹੈ ਕਿ ਅਜਿਹਾ ਕਰਨ ਨਾਲ ਉਸ ਨੂੰ ਵੱਧ ਤੋਂ ਵੱਧ ਦਸਤ ਜਾਂ ਮਾਮੂਲੀ ਪੇਟ ਦਰਦ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਵੇਗਾ। ਪਰ ਉਸ ਦੀਆਂ ਵੀਡੀਓਜ਼ ‘ਤੇ ਦਰਜਨਾਂ ਲੋਕਾਂ ਵੱਲੋਂ ਕੁਮੈਂਟ ਆ ਰਹੇ ਹਨ, ਜੋ ਉਸ ਨੂੰ ਚੇਤਾਵਨੀ ਦੇ ਰਹੇ ਹਨ ਕਿ ਇਸ ਦਾ ਸੇਵਨ ਕਰਨ ਦੇ ਗੰਭੀਰ ਨਤੀਜੇ ਹੋ ਸਕਦੇ ਹਨ। ਹਾਲਾਂਕਿ, ਉਸ ਦਾ ਕਹਿਣਾ ਹੈ ਕਿ ਸਮਾਂ ਹੀ ਦੱਸੇਗਾ ਕਿ ਉਸ ਨਾਲ ਕੀ ਹੁੰਦਾ ਹੈ।
View this post on Instagramਇਹ ਵੀ ਪੜ੍ਹੋ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕਿਸੇ ਨੇ ਅਜਿਹਾ ਅਜੀਬੋ-ਗਰੀਬ ਐਕਸਪੈਰੀਮੇਂਟ ਕੀਤਾ ਹੋਵੇ। ਇਸ ਤੋਂ ਪਹਿਲਾਂ ਇੰਡੋਨੇਸ਼ੀਆ ਦੀ ਪੌਲੀ ਲੋਂਗ ਅਜਿਹਾ ਕਰਕੇ ਸੁਰਖੀਆਂ ਬਟੋਰ ਚੁੱਕੀ ਹੈ। ਪੌਲੀ ਨੇ ਉਦੋਂ ਦਾਅਵਾ ਕੀਤਾ ਸੀ ਕਿ ਲਗਾਤਾਰ 100 ਦਿਨ ਕੱਚਾ ਸਟੀਕ ਖਾਣ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਕੋਈ ਸਮੱਸਿਆ ਨਹੀਂ ਆਈ। ਇੰਨਾ ਹੀ ਨਹੀਂ ਵਿਅਕਤੀ ਨੇ ਕਿਹਾ ਕਿ ਹੁਣ ਉਹ ਪਹਿਲਾਂ ਨਾਲੋਂ ਬਿਹਤਰ ਮਹਿਸੂਸ ਕਰ ਰਿਹਾ ਹੈ। Poly TikTok ‘ਤੇ ‘ਟੈਸਟੀਕੁਲਰ ਕਿੰਗ’ ਨਾਮ ਨਾਲ ਮਸ਼ਹੂਰ ਹੈ।
View this post on Instagram
ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰੀਵੇਨਸ਼ਨ (ਸੀਡੀਸੀ) ਦੇ ਮੁਤਾਬਕ, ਕੱਚਾ ਚਿਕਨ ਕੈਂਪੀਲੋਬੈਕਟਰ, ਸਾਲਮੋਨੇਲਾ ਜਾਂ ਕਲੋਸਟ੍ਰਿਡੀਅਮ ਪਰਫ੍ਰਿੰਗੇਨ ਨਾਲ ਸੰਕਰਮਿਤ ਹੋ ਸਕਦਾ ਹੈ। ਅਜਿਹੇ ‘ਚ ਕੱਚੇ ਮਾਸ ਦਾ ਸੇਵਨ ਗੰਭੀਰ ਬੀਮਾਰੀਆਂ ਦਾ ਕਾਰਨ ਵੀ ਬਣ ਸਕਦਾ ਹੈ।