ਹਾਥੀ ਦੀ ਬੁੱਧੀ ਦੇਖ ਜਨਤਾ ਰਹਿ ਗਈ ਹੈਰਾਨ, IFS ਨੇ ਕਿਹਾ ਫਿਜਿਕਸ ਦਾ ਮਾਸਟਰ ; ਦੇਖੋ Video
ਇਸ ਵੀਡੀਓ ਨੂੰ ਭਾਰਤੀ ਜੰਗਲਾਤ ਸੇਵਾ (IFS) ਅਧਿਕਾਰੀ ਪ੍ਰਵੀਨ ਕਾਸਵਾਨ ਨੇ ਆਪਣੇ X ਅਕਾਊਂਟ 'ਤੇ ਸਾਂਝਾ ਕੀਤਾ ਹੈ। ਉਹਨਾਂ ਨੇ ਲਿਖਿਆ, ਗਜਰਾਜ ਭੌਤਿਕ ਵਿਗਿਆਨ ਦਾ ਮਾਸਟਰ ਨਿਕਲਿਆ। ਦੇਖੋ ਕਿਵੇਂ ਬਿਜਲੀ ਦੀ ਵਾੜ ਨੂੰ ਪਹਿਲਾਂ ਬੇਅਸਰ ਕੀਤਾ ਗਿਆ ਅਤੇ ਫਿਰ ਆਸਾਨੀ ਨਾਲ ਪਾਰ ਕੀਤਾ ਗਿਆ।
ਹਾਥੀ ਨਾ ਸਿਰਫ਼ ਜੰਗਲ ਦੀ ਦੁਨੀਆਂ ਦੇ ਸਭ ਤੋਂ ਸ਼ਕਤੀਸ਼ਾਲੀ ਜਾਨਵਰ ਹਨ, ਸਗੋਂ ਇਹ ਬਹੁਤ ਬੁੱਧੀਮਾਨ ਵੀ ਹਨ। ਇਸ ਤਰ੍ਹਾਂ ਦੀਆਂ ਬਹੁਤ ਸਾਰੀਆਂ ਵੀਡੀਓਜ਼ ਇੰਟਰਨੈੱਟ ‘ਤੇ ਵਾਇਰਲ ਹੋਈਆਂ ਹਨ, ਜੋ ਇਸ ਤੱਥ ਦੀ ਗਵਾਹੀ ਭਰਦੀਆਂ ਹਨ। ਇਸ ਸਮੇਂ, ਗਜਰਾਜ (ਹਾਥੀ ਵਾਇਰਲ ਵੀਡੀਓ) ਦੀ ਇੱਕ ਅਜਿਹੀ ਵੀਡੀਓ ਨੇ ਧਿਆਨ ਖਿੱਚਿਆ ਹੈ, ਜਿਸ ਵਿੱਚ ਇਸ ਜੰਬੋ ਨੂੰ ਚਲਾਕੀ ਨਾਲ ਬਿਜਲੀ ਦੀ ਵਾੜ ਪਾਰ ਕਰਦੇ ਦਿਖਾਇਆ ਗਿਆ ਹੈ। ਵਾਇਰਲ ਕਲਿੱਪ ਵਿੱਚ, ਹਾਥੀ ਨੇ ਆਪਣੀ ਬੁੱਧੀ ਨਾਲ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਇਸ ਵੀਡੀਓ ਨੂੰ ਭਾਰਤੀ ਜੰਗਲਾਤ ਸੇਵਾ (IFS) ਅਧਿਕਾਰੀ ਪ੍ਰਵੀਨ ਕਾਸਵਾਨ ਨੇ ਆਪਣੇ X ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ। ਉਹਨਾਂ ਨੇ ਲਿਖਿਆ, ‘ਗਜਰਾਜ’ ਫਿਜਿਕਸ ਦਾ ਮਾਸਟਰ ਨਿਕਲਿਆ। ਦੇਖੋ ਕਿਵੇਂ ਬਿਜਲੀ ਦੀ ਵਾੜ ਨੂੰ ਪਹਿਲਾਂ ਬੇਅਸਰ ਕੀਤਾ ਗਿਆ ਅਤੇ ਫਿਰ ਆਸਾਨੀ ਨਾਲ ਪਾਰ ਕੀਤਾ ਗਿਆ। ਅਧਿਕਾਰੀ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਨੇ ਅਜਿਹੀਆਂ ਕਈ ਹੋਰ ਘਟਨਾਵਾਂ ਦਾ ਡਾਕਯੂਮੈਂਟ ਕੀਤਾ ਹੈ, ਜਿਨ੍ਹਾਂ ‘ਤੇ ਜਲਦੀ ਹੀ ਇੱਕ ਅਧਿਐਨ ਜਾਰੀ ਕੀਤਾ ਜਾਵੇਗਾ।
ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਹਾਥੀ ਇੱਕ ਲੱਕੜ ਦੇ ਖੰਭੇ ਕੋਲ ਖੜ੍ਹਾ ਹੈ ਜਿਸ ਉੱਤੇ ਹਾਈ-ਵੋਲਟੇਜ ਤਾਰਾਂ ਲੱਗੀਆਂ ਹੋਈਆਂ ਹਨ। ਫਿਰ ਹਾਥੀ ਆਪਣੀ ਸੁੰਡ ਦੀ ਵਰਤੋਂ ਕਰਕੇ ਖੰਭੇ ਨੂੰ ਹੇਠਾਂ ਧੱਕਦਾ ਹੈ, ਫਿਰ ਢਾਂਚੇ ਨੂੰ ਉਲਟਾ ਦਿੰਦਾ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਲਾਈਨਾਂ ਬੇਅਸਰ ਹਨ। ਇਸ ਤੋਂ ਬਾਅਦ ਉਹ ਬਹੁਤ ਆਰਾਮ ਨਾਲ ਦੂਜੇ ਪਾਸੇ ਚਲਾ ਜਾਂਦਾ ਹੈ।
This elephant is masters in physics. See how intelligently it neutralised power fence. Video SM.
We also have documented many such incidents, soon study will be published. pic.twitter.com/t9a4i26ikB — Parveen Kaswan, IFS (@ParveenKaswan) May 25, 2025
ਜਿੱਥੇ ਨੈਟੀਜ਼ਨਾਂ ਨੇ ਜੰਬੋ ਦੀ ਬੁੱਧੀ ਦੀ ਪ੍ਰਸ਼ੰਸਾ ਕੀਤੀ, ਉੱਥੇ ਹੀ ਉਨ੍ਹਾਂ ਨੇ ਜੰਗਲੀ ਜੀਵਾਂ ਦੇ ਖੇਤਰਾਂ ਵਿੱਚ ਇਲੈਕਟ੍ਰਿਕ ਵਾੜ ਲਗਾਉਣ ‘ਤੇ ਵੀ ਚਿੰਤਾ ਪ੍ਰਗਟ ਕੀਤੀ। ਇੱਕ ਯੂਜ਼ਰ ਨੇ ਕੁਮੈਂਟ ਕੀਤਾ ਅਜਿਹੀ ਵਾੜ ਲਗਾਉਣ ਦੀ ਇਜਾਜ਼ਤ ਕਿਉਂ ਦਿੱਤੀ ਗਈ? ਇੱਕ ਹੋਰ ਨੇ ਪੁੱਛਿਆ, ਕੀ ਇਹ ਜਾਨਵਰਾਂ ਲਈ ਖ਼ਤਰਨਾਕ ਨਹੀਂ ਹੈ? ਇੱਕ ਹੋਰ ਯੂਜ਼ਰ ਨੇ ਕਿਹਾ, ਇਹ ਬਹੁਤ ਹੀ ਬੁੱਧੀਮਾਨ ਅਤੇ ਚਲਾਕ ਜਾਨਵਰ ਹੈ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ- Viral: ਭਾਰਤੀ ਪਤੀ ਦੀ ਬੇਇੱਜ਼ਤੀ ਤੇ ਵਿਦੇਸ਼ੀ ਪਤਨੀ ਭੜਕੀ, ਵੀਡੀਓ ਸ਼ੇਅਰ ਕਰਕੇ ਦਿੱਤਾ ਢੁੱਕਵਾਂ ਜਵਾਬ
