T20 World Cup: ਫੈਨਸ ਨੇ 40 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਮਨਾਇਆ ਭਾਰਤ ਦੀ ਜਿੱਤ ਦਾ ਜਸ਼ਨ, ਵੀਡੀਓ ਹੋਇਆ ਵਾਇਰਲ
ਭਾਰਤ ਨੇ ਟੀ-20 ਵਿਸ਼ਵ ਕੱਪ 2024 ਦਾ ਖਿਤਾਬ ਜਿੱਤ ਲਿਆ ਹੈ। ਭਾਰਤੀ ਪ੍ਰਸ਼ੰਸਕਾਂ ਨੇ ਇਸ ਜਿੱਤ ਦਾ ਜਸ਼ਨ ਨਾ ਸਿਰਫ ਜ਼ਮੀਨ 'ਤੇ ਸਗੋਂ ਅਸਮਾਨ 'ਚ ਵੀ ਮਨਾਇਆ। 40 ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਵੀ ਪ੍ਰਸ਼ੰਸਕ ਟੀਮ ਇੰਡੀਆ ਦੀ ਜਿੱਤ ਦਾ ਜਸ਼ਨ ਮਨਾਉਂਦੇ ਨਜ਼ਰ ਆਏ, ਜਿਸ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
![T20 World Cup: ਫੈਨਸ ਨੇ 40 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਮਨਾਇਆ ਭਾਰਤ ਦੀ ਜਿੱਤ ਦਾ ਜਸ਼ਨ, ਵੀਡੀਓ ਹੋਇਆ ਵਾਇਰਲ T20 World Cup: ਫੈਨਸ ਨੇ 40 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਮਨਾਇਆ ਭਾਰਤ ਦੀ ਜਿੱਤ ਦਾ ਜਸ਼ਨ, ਵੀਡੀਓ ਹੋਇਆ ਵਾਇਰਲ](https://images.tv9punjabi.com/wp-content/uploads/2024/06/viral-video-2.jpg?w=1280)
ਟੀ-20 ਵਿਸ਼ਵ ਕੱਪ 2024 ਦੇ ਫਾਈਨਲ ਵਿੱਚ ਟੀਮ ਇੰਡੀਆ ਦੀ ਜਿੱਤ ਨੇ ਪੂਰੇ ਦੇਸ਼ ਵਿੱਚ ਦੀਵਾਲੀ ਵਰਗਾ ਮਾਹੌਲ ਬਣਾ ਦਿੱਤਾ ਹੈ। ਜਿੱਤ ਤੋਂ ਬਾਅਦ ਲੋਕ ਜਸ਼ਨ ਮਨਾਉਣ ਲਈ ਸੜਕਾਂ ‘ਤੇ ਆ ਗਏ ਅਤੇ ਪਟਾਕੇ ਚਲਾਏ। ਟੀਮ ਇੰਡੀਆ ਦੀ ਇਸ ਜਿੱਤ ਦਾ ਜਸ਼ਨ ਨਾ ਸਿਰਫ ਜ਼ਮੀਨ ‘ਤੇ ਸਗੋਂ ਅਸਮਾਨ ‘ਚ ਵੀ ਮਨਾਇਆ ਗਿਆ। ਜੀ ਹਾਂ, ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਪ੍ਰਸ਼ੰਸਕਾਂ ਨੂੰ 40 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਜਿੱਤ ਦਾ ਜਸ਼ਨ ਮਨਾਉਂਦੇ ਹੋਏ ਦਿਖਾਇਆ ਗਿਆ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਲੋਕਾਂ ਦੇ ਦਿਲ ਖ਼ੁਸ਼ੀ ਨਾਲ ਭਰ ਗਏ ਹਨ।
ਦਰਅਸਲ, ਹੁਮਿਲ ਲੋਂਗਾਨੀ ਨਾਮ ਦੇ ਇੱਕ ਉਪਭੋਗਤਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਲੰਡਨ ਜਾ ਰਹੀ ਵਿਸਤਾਰਾ ਫਲਾਈਟ ਦੇ ਯਾਤਰੀ ਬਾਰਬਾਡੋਸ ਵਿੱਚ ਦੱਖਣੀ ਅਫਰੀਕਾ ਵਿਰੁੱਧ ਭਾਰਤ ਦੀ ਜਿੱਤ ਦਾ ਜਸ਼ਨ ਮਨਾਉਂਦੇ ਹੋਏ ਦੇਖੇ ਜਾ ਸਕਦੇ ਹਨ। ਲੋਂਗਾਨੀ ਮੁਤਾਬਕ ਇਹ ਵੀਡੀਓ ਉਸ ਦੇ ਦੋਸਤ ਨੇ ਸ਼ੇਅਰ ਕੀਤੀ ਸੀ, ਜੋ ਫਲਾਈਟ ‘ਚ ਸੀ ਅਤੇ ਆਪਣੇ ਲੈਪਟਾਪ ‘ਤੇ ਮੈਚ ਲਾਈਵ ਦੇਖ ਰਿਹਾ ਸੀ। ਉਸ ਸਮੇਂ ਜਹਾਜ਼ 40 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਉੱਡ ਰਿਹਾ ਸੀ। ਇਸ ਦੌਰਾਨ ਜਿਵੇਂ ਹੀ ਟੀਮ ਇੰਡੀਆ ਨੇ ਮੈਚ ਜਿੱਤਿਆ, ਉਹ ਖੁਸ਼ੀ ਨਾਲ ਝੂਮ ਉੱਠਿਆ। ਇਸ ਦੇ ਨਾਲ ਹੀ ਉਸ ਦੇ ਨਾਲ ਕੁਝ ਹੋਰ ਯਾਤਰੀ ਵੀ ਖੜ੍ਹੇ ਸਨ, ਜੋ ਮੈਚ ਦੇਖ ਰਹੇ ਸਨ ਅਤੇ ਜਿੱਤ ਤੋਂ ਬਾਅਦ ਖੁਸ਼ੀ ਨਾਲ ਤਾੜੀਆਂ ਵਜਾਉਣ ਲੱਗੇ।
ਲੋਂਗਾਨੀ ਨੇ ਆਪਣੀ ਪੋਸਟ ‘ਚ ਲਿਖਿਆ, ‘ਟੀ-20 ਵਿਸ਼ਵ ਕੱਪ 2024 ‘ਚ ਟੀਮ ਇੰਡੀਆ ਦੀ ਜਿੱਤ ਦਾ ਜਸ਼ਨ 40,000 ਫੁੱਟ ਦੀ ਉਚਾਈ ‘ਤੇ ਲੰਡਨ ਜਾਣ ਵਾਲੀ ਵਿਸਤਾਰਾ ਫਲਾਈਟ ‘ਚ ਮਨਾਇਆ ਜਾ ਰਿਹਾ ਹੈ। ਮੇਰੇ ਦੋਸਤ ਹਰਦੀਪ ਸਿੰਘ ਨੇ ਇਹ ਮੈਨੂੰ ਭੇਜਿਆ ਹੈ। ਤੁਹਾਨੂੰ ਇਨ-ਫਲਾਈਟ ਵਾਈ-ਫਾਈ ਪਸੰਦ ਆਵੇਗਾ।
#TeamIndia‘s win of the #T20WorldCup2024 being celebrated 40,000 ft in the air on a @airvistara flight enroute #London !
My friend @i_hardeepsingh (in yellow watching the match on his laptop) just sent me this.
You have got to love In-flight WiFi !#AvGeek #PaxEx pic.twitter.com/ouJWLQX5iM— VT-VLO (@Vinamralongani) June 29, 2024
ਮਹਿਜ਼ 26 ਸੈਕਿੰਡ ਦੇ ਇਸ ਵੀਡੀਓ ਨੂੰ ਲੱਖਾਂ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ ਸੈਂਕੜੇ ਲੋਕ ਇਸ ਵੀਡੀਓ ਨੂੰ ਪਸੰਦ ਵੀ ਕਰ ਚੁੱਕੇ ਹਨ ਅਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਵੀ ਦੇ ਚੁੱਕੇ ਹਨ। ਇੱਥੋਂ ਤੱਕ ਕਿ ਫਲਾਈਟ ਵਿੱਚ ਮੈਚ ਦੇਖ ਰਹੇ ਹਰਦੀਪ ਸਿੰਘ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ ਅਤੇ ਇਨ-ਫਲਾਈਟ ਵਾਈ-ਫਾਈ ਸੇਵਾ ਅਤੇ ਨਾਨ-ਸਟਾਪ ਲਾਈਵ ਮੈਚ ਸਟ੍ਰੀਮਿੰਗ ਲਈ ਏਅਰਲਾਈਨ ਦਾ ਧੰਨਵਾਦ ਕੀਤਾ ਹੈ। ਲੋਂਗਾਨੀ ਦੀ ਪੋਸਟ ਦੇ ਜਵਾਬ ਵਿੱਚ ਹਰਦੀਪ ਸਿੰਘ ਨੇ ਲਿਖਿਆ, ‘ਏਅਰਵਿਸਤਾਰਾ ਨਾਲ ਉਡਾਣ ਭਰਨਾ ਖੁਸ਼ਕਿਸਮਤ ਰਿਹਾ। ਇਹ ਇੱਕ ਸ਼ਾਨਦਾਰ ਅਨੁਭਵ ਸੀ। ਮੈਚ ਦੀ ਸਟ੍ਰੀਮਿੰਗ ਬਿਲਕੁਲ ਸਹੀ ਸੀ, ਗੇਂਦ ਦਰ ਗੇਂਦ!’