Spring Onion Latte: ਚੀਨ ‘ਚ ਵਾਇਰਲ ਹੋ ਰਹੀ ਹੈ ਇਹ ਅਜੀਬ ਕੌਫੀ, ਦੇਖ ਕੇ ਲੋਕਾਂ ਦੇ ਉੱਡ ਗਏ ਹੋਸ਼
Spring Onion Latte: ਅੱਜਕਲ ਚੀਨ ਵਿੱਚ ਕੌਫੀ ਦੇ ਨਾਲ ਅਜੀਬੋ-ਗਰੀਬ ਐਕਸਪੈਰੀਮੈਂਟ ਕੀਤੇ ਜਾ ਰਹੇ ਹਨ। ਹੁਣ ਇੱਥੇ ਪਿਆਜ਼ ਦੀ ਕੌਫੀ ਵੀ ਮਿਲਣ ਲੱਗੀ ਹੈ, ਜਿਸ ਨੂੰ 'ਸਪਰਿੰਗ ਓਨੀਅਨ ਲੈਟੇ' ਦਾ ਨਾਂ ਦਿੱਤਾ ਗਿਆ ਹੈ। ਜਦੋਂ ਇਹ ਕੌਫੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਤਾਂ ਲੋਕਾਂ ਨੇ ਇਸ ਨੂੰ ਅਜੀਬ ਕਾਮਬੀਨੇਸ਼ਨ ਵਾਲੀ ਕੌਫੀ ਕਿਹਾ, ਜਿਸ ਬਾਰੇ ਉਨ੍ਹਾਂ ਨੂੰ ਉਮੀਦ ਵੀ ਨਹੀਂ ਸੀ ਕਿ ਇਸ ਤਰ੍ਹਾਂ ਕੌਫੀ ਬਣ ਸਕਦੀ ਹੈ।
ਦੁਨੀਆਂ ਵਿੱਚ ਜੇਕਰ ਲੋਕ ਸਭ ਤੋਂ ਵੱਧ ਕੋਈ ਚੀਜ਼ ਪਸੰਦ ਕਰਦੇ ਹਨ, ਤਾਂ ਉਹ ਹੈ ਚਾਹ ਅਤੇ ਕੌਫੀ। ਉਨ੍ਹਾਂ ਤੋਂ ਬਿਨਾਂ ਲੋਕਾਂ ਦੀ ਨਾ ਸਵੇਰ ਹੁੰਦੀ ਹੈ ਨਾ ਸ਼ਾਮ ਹੁੰਦੀ ਹੈ। ਖਾਸ ਤੌਰ ‘ਤੇ ਜੇਕਰ ਕੌਫੀ ਦੀ ਗੱਲ ਕਰੀਏ ਤਾਂ ਵਿਦੇਸ਼ਾਂ ‘ਚ ਜ਼ਿਆਦਾਤਰ ਲੋਕ ਕੌਫੀ ਪੀਣਾ ਪਸੰਦ ਕਰਦੇ ਹਨ ਅਤੇ ਇਹੀ ਕਾਰਨ ਹੈ ਕਿ ਬਾਜ਼ਾਰ ‘ਚ ਕਈ ਤਰ੍ਹਾਂ ਦੀਆਂ ਕੌਫੀ ਉਪਲਬਧ ਹਨ, ਜਿਨ੍ਹਾਂ ‘ਚ ਐਸਪ੍ਰੇਸੋ, ਕੈਪੂਚੀਨੋ ਅਤੇ ਲੈਟੇ ਆਦਿ ਸ਼ਾਮਲ ਹਨ। ਖੈਰ, ਅੱਜਕੱਲ੍ਹ ਲੋਕ ਕੌਫੀ ਨਾਲ ਵੀ ਕਈ ਤਰ੍ਹਾਂ ਦੇ ਐਕਸਪੈਰੀਮੈਂਟ ਕਰਨ ਲੱਗ ਪਏ ਹਨ। ਅਜਿਹਾ ਹੀ ਇੱਕ ਐਕਸਪੈਰੀਮੈਂਟ ਇਨ੍ਹੀਂ ਦਿਨੀਂ ਚੀਨ ਵਿੱਚ ਵਾਇਰਲ ਹੋ ਰਿਹਾ ਹੈ। ਦਰਅਸਲ, ਇੱਥੇ ਲੋਕ ਪਿਆਜ਼ ਵਾਲੀ ਕੌਫੀ ਬਣਾ ਕੇ ਪੀਂਦੇ ਹਨ।
ਤੁਸੀਂ ਵੀ ਕਈ ਤਰ੍ਹਾਂ ਦੀ ਕੌਫੀ ਪੀਤੀ ਹੋਵੇਗੀ, ਪਰ ਸ਼ਾਇਦ ਹੀ ਤੁਸੀਂ ਹਰੇ ਪਿਆਜ਼ ਅਤੇ ਕੌਫੀ ਨੂੰ ਮਿਲਾ ਕੇ ਪੀਤੀ ਹੋਵੇਗਾ, ਪਰ ਚੀਨ ‘ਚ ਇਨ੍ਹੀਂ ਦਿਨੀਂ ਹਰੇ ਪਿਆਜ਼ ਤੋਂ ਬਣੀ ਲੈਟੇ ਕੌਫੀ ਕਾਫੀ ਮਸ਼ਹੂਰ ਹੋ ਰਹੀ ਹੈ। ਸੋਸ਼ਲ ਮੀਡੀਆ ‘ਤੇ ਵੀ ਇਸ ਅਜੀਬ ਕੌਫੀ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਜੇਕਰ ਤੁਸੀਂ ਇੰਸਟਾਗ੍ਰਾਮ ‘ਤੇ #springonionlatte ਨੂੰ ਸਰਚ ਕਰਦੇ ਹੋ ਤਾਂ ਤੁਹਾਨੂੰ ਇਸ ਦੀਆਂ ਦਰਜਨਾਂ ਤਸਵੀਰਾਂ ਅਤੇ ਵੀਡੀਓ ਮਿਲਣਗੇ। ਪਿਛਲੇ ਮਹੀਨੇ, ਇਹ ਕੌਫੀ ਪਹਿਲੀ ਵਾਰ ਵਾਇਰਲ ਹੋਈ ਸੀ ਜਦੋਂ ਬਹੁਤ ਸਾਰੇ ਨਿਊਜ਼ ਪਲੇਟਫਾਰਮਾਂ ਨੇ ਇਸ ਅਜੀਬ ਕੌਫੀ ਦੀਆਂ ਖਬਰਾਂ ਨੂੰ ਕਵਰ ਕੀਤਾ ਅਤੇ ਇਸਨੂੰ ਹੁਣ ਤੱਕ ਦਾ ਸਭ ਤੋਂ ਹੈਰਾਨੀਜਨਕ ਕਾਮਬੀਨੇਸ਼ਨ ਮੰਨਿਆ ਜਾ ਰਿਹਾ ਹੈ।
ਓਡੀਟੀ ਸੈਂਟਰਲ ਨਾਮ ਦੀ ਇੱਕ ਵੈਬਸਾਈਟ ਦੀ ਰਿਪੋਰਟ ਦੇ ਅਨੁਸਾਰ, ਇਸ ਅਜੀਬ ਕੌਫੀ ਨੂੰ ਬਣਾਉਣ ਦਾ ਤਰੀਕਾ ਅਜਿਹਾ ਹੈ ਕਿ ਪਹਿਲਾਂ ਤੁਹਾਨੂੰ ਇੱਕ ਕੱਪ ਵਿੱਚ ਹਰੇ ਪਿਆਜ਼ ਨੂੰ ਬਾਰੀਕ ਕੱਟਣਾ ਅਤੇ ਮੈਸ਼ ਕਰਨਾ ਹੈ ਅਤੇ ਫਿਰ ਇਸ ਵਿੱਚ ਬਰਫ਼, ਦੁੱਧ ਅਤੇ ਕੌਫੀ ਮਿਲਾਉਣਾ ਹੈ। ਇਸ ਤੋਂ ਬਾਅਦ ਇਸ ‘ਤੇ ਕੁਝ ਕੱਟੇ ਹੋਏ ਪਿਆਜ਼ ਦੇ ਟੁਕੜੇ ਲਗਾਉਣੇ ਹੋਣਗੇ ਅਤੇ ਇਸ ਤਰ੍ਹਾਂ ਕੌਫੀ ਤਿਆਰ ਹੈ। ਇਸ ਕੌਫੀ ਦਾ ਨਾਂ ‘ਸਪਰਿੰਗ ਓਨੀਅਨ ਲੈਟੇ’ ਰੱਖਿਆ ਗਿਆ ਹੈ।
ਇਹ ਵੀ ਪੜ੍ਹੋ- 8 ਘੰਟੇ ਤੱਕ ਤਲਾਬ ਚ ਪਈ ਰਹੀ ਲਾਸ਼, ਪੁਲਿਸ ਨੇ ਜਿਵੇਂ ਹੀ ਬਾਹਰ ਖਿਚਿਆ- ਖਡੇ ਹੋ ਕੇ ਬੋਲਿਆ ਰੁਕੋ ਸਾਬ੍ਹ, ਵੀਡੀਓ
ਹਾਲਾਂਕਿ ਇਸ ਕੌਫੀ ਦੀ ਸ਼ੁਰੂਆਤ ਬਾਰੇ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇਹ ਕਿਵੇਂ ਆਈ, ਕਿੱਥੋਂ ਆਈ ਅਤੇ ਕਦੋਂ ਆਈ ਪਰ ਹਾਲ ਹੀ ‘ਚ ਇਸ ਨੇ ਲੋਕਾਂ ਦਾ ਧਿਆਨ ਉਸ ਸਮੇਂ ਆਪਣੇ ਵੱਲ ਖਿੱਚਿਆ ਜਦੋਂ ਕੁਝ ਮਹੀਨੇ ਪਹਿਲਾਂ ਇਸ ਅਜੀਬੋ-ਗਰੀਬ ਕੌਫੀ ਨੂੰ ਕਈ ਕੌਫੀ ਸ਼ਾਪਾਂ ‘ਚ ਵੇਚਿਆ ਜਾਂਦਾ ਦੇਖਿਆ ਗਿਆ। ਅਜਿਹੀ ਹੀ ਇਕ ਅਜੀਬ ਕੌਫੀ ਖਬਰਾਂ ‘ਚ ਸੀ, ਜਿਸ ਦਾ ਨਾਂ ‘ਹੌਟ ਆਈਸ ਲੈਟੇ’ ਸੀ। ਹੈਰਾਨੀ ਦੀ ਗੱਲ ਇਹ ਸੀ ਕਿ ਇਸ ਕੌਫੀ ਵਿੱਚ ਮਿਰਚ ਵੀ ਮਿਲਾਈ ਗਈ ਸੀ।
ਇਹ ਵੀ ਪੜ੍ਹੋ
ਵੈਸੇ, ਇਸ ਸਮੇਂ ਵਾਇਰਲ ਹੋ ਰਹੀ ਕੌਫੀ ਨੂੰ ਦੇਖ ਕੇ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਪ੍ਰਤੀਕਰਮ ਦੇ ਰਹੇ ਹਨ। ਕੁਝ ਲੋਕਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਇਕ ਦਿਨ ਉਨ੍ਹਾਂ ਨੂੰ ਪਿਆਜ਼ ਵਾਲੀ ਕੌਫੀ ਪੀਣੀ ਪਵੇਗੀ, ਜਦਕਿ ਕੁਝ ਲੋਕਾਂ ਨੇ ਕਿਹਾ ਕਿ ਉਹ ਇਸ ਅਨੋਖੇ ਲੈਟੇ ਤੋਂ ਬਹੁਤ ਪ੍ਰਭਾਵਿਤ ਹੋਏ, ਪਰ ਸਾਹ ਦੀ ਬਦਬੂ ਤੋਂ ਚਿੰਤਤ ਸਨ।
