Viral Video: ਯੂਗਾਂਡਾ ਦੀ ਖ਼ਤਰਨਾਕ ਨਦੀ ‘ਚ ਸ਼ਾਂਤੀ ਨਾਲ ਤੈਰਦਾ ਵਿਅਕਤੀ, ਲੋਕ ਰਹਿ ਗਏ ਹੈਰਾਨ
Viral Video: ਯੂਗਾਂਡਾ ਦੀ ਖ਼ਤਰਨਾਕ ਨੀਲ ਨਦੀ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਵਿੱਚ ਇੱਕ ਵਿਅਕਤੀ ਤੇਜ਼ ਵਹਾਅ ਅਤੇ ਝੱਗ ਵਾਲੀਆਂ ਲਹਿਰਾਂ ਦੇ ਵਿਚਕਾਰ ਬੇਖੌਫ਼ ਤੈਰਦਾ ਨਜ਼ਰ ਆ ਰਿਹਾ ਹੈ। ਇਹ ਦ੍ਰਿਸ਼ ਦੇਖ ਕੇ ਲੋਕ ਹੈਰਾਨ ਹਨ, ਕਿਉਂਕਿ ਜਿੱਥੇ ਖੜ੍ਹਾ ਹੋਣਾ ਵੀ ਮੁਸ਼ਕਲ ਹੈ, ਉੱਥੇ ਇਹ ਨੌਜਵਾਨ ਆਰਾਮ ਨਾਲ ਪਾਣੀ ਵਿੱਚ ਮੌਜ-ਮਸਤੀ ਕਰਦਾ ਦਿਖਾਈ ਦੇ ਰਿਹਾ ਹੈ।
ਯੂਗਾਂਡਾ ਦੀ ਨੀਲ ਨਦੀ ਦਾ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ਤੇ ਤਹਿਲਕਾ ਮਚਾ ਰਿਹਾ ਹੈ। ਜਿਸ ਨਦੀ ਦਾ ਨਾਮ ਸੁਣ ਕੇ ਵੱਡੇ-ਵੱਡੇ ਐਡਵੈਂਚਰ ਪ੍ਰੇਮੀਆਂ ਦੀ ਸਾਹ ਰੁਕ ਜਾਂਦੇ ਹਨ, ਉੱਥੇ ਇੱਕ ਵਿਅਕਤੀ ਬੇਖੌਫ਼ ਹੋ ਕੇ ਤੇਜ਼ ਵਹਾਅ ਦੇ ਵਿਚਕਾਰ ਆਰਾਮ ਨਾਲ ਤੈਰਦਾ ਨਜ਼ਰ ਆ ਰਿਹਾ ਹੈ। ਨਦੀ ਦੀਆਂ ਖ਼ਤਰਨਾਕ ਲਹਿਰਾਂ ਇੰਨੀਆਂ ਪ੍ਰਚੰਡ ਹਨ ਕਿ ਉਨ੍ਹਾਂ ਨੂੰ ਦੇਖ ਕੇ ਹੀ ਰੋਂਗਟੇ ਖੜ੍ਹੇ ਹੋ ਜਾਣ, ਪਰ ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਵਿਅਕਤੀ ਮਨੋਂ ਕਿਸੇ ਸ਼ਾਂਤ ਝੀਲ ਵਿੱਚ ਮੌਜ-ਮਸਤੀ ਕਰ ਰਿਹਾ ਹੋਵੇ। ਇਹੀ ਕਾਰਨ ਹੈ ਕਿ ਇੰਟਰਨੈੱਟ ‘ਤੇ ਲੋਕ ਇਸ ਦ੍ਰਿਸ਼ ਨੂੰ ਦੇਖ ਕੇ ਹੈਰਾਨ ਰਹਿ ਗਏ ਹਨ।
ਇਹ ਵੀਡੀਓ ਇੰਸਟਾਗ੍ਰਾਮ ਅਕਾਊਂਟ @travel_sentas ਦੁਆਰਾ ਸ਼ੇਅਰ ਕੀਤਾ ਗਿਆ ਸੀ। ਪੋਸਟ ਸਾਹਮਣੇ ਆਉਂਦੇ ਹੀ ਲੋਕਾਂ ਨੇ ਇਸਨੂੰ ਤੇਜ਼ੀ ਨਾਲ ਸ਼ੇਅਰ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਦੇਖਦੇ ਹੀ ਦੇਖਦੇ ਇਹ ਵਾਇਰਲ ਹੋ ਗਿਆ। ਹੁਣ ਤੱਕ ਕਰੋੜਾਂ ਲੋਕ ਇਸਨੂੰ ਦੇਖ ਚੁੱਕੇ ਹਨ ਅਤੇ ਹਰ ਕੋਈ ਇਹੀ ਸੋਚਣ ਤੇ ਮਜਬੂਰ ਹੈ ਕਿ ਆਖਿਰ ਕੋਈ ਇਨਸਾਨ ਇੰਨਾ ਨਿਡਰ ਕਿਵੇਂ ਹੋ ਸਕਦਾ ਹੈ। ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਦ੍ਰਿਸ਼ ਕਿਸੇ ਫਿਲਮੀ ਸੀਨ ਤੋਂ ਘੱਟ ਨਹੀਂ ਲੱਗਦਾ। ਚਾਰਾਂ ਪਾਸੇ ਚਿੱਟੀ ਝੱਗ ਵਾਲੀਆਂ ਲਹਿਰਾਂ, ਕੰਨਾਂ ਨੂੰ ਚੀਰ ਦੇਣ ਵਾਲੀ ਪਾਣੀ ਦੀ ਆਵਾਜ਼ ਅਤੇ ਵਿਚਕਾਰ ਇੱਕ ਵਿਅਕਤੀ, ਜੋ ਬਿਨਾਂ ਘਬਰਾਹਟ ਦੇ ਪਾਣੀ ‘ਤੇ ਤੈਰ ਰਿਹਾ ਹੈ।
ਮੌਤ ਦੇ ਵਿਚ ਖੇਡਦਾ ਦਿਖਾਈ ਦਿੱਤਾ ਵਿਅਕਤੀ
ਵੀਡੀਓ ਨੂੰ ਧਿਆਨ ਨਾਲ ਦੇਖਣ ਤੇ ਸਮਝ ਆਉਂਦਾ ਹੈ ਕਿ ਨਦੀ ਦਾ ਵਹਾਅ ਬਹੁਤ ਹੀ ਖ਼ਤਰਨਾਕ ਹੈ। ਪਾਣੀ ਇੰਨੀ ਤੇਜ਼ੀ ਨਾਲ ਅੱਗੇ ਵਧ ਰਿਹਾ ਹੈ ਕਿ ਕੁਝ ਸੈਕਿੰਡ ਦੀ ਗਲਤੀ ਵੀ ਜ਼ਿੰਦਗੀ ‘ਤੇ ਭਾਰੀ ਪੈ ਸਕਦੀ ਹੈ। ਪਰ ਉਸ ਵਿਅਕਤੀ ਦੇ ਚਿਹਰੇ ‘ਤੇ ਡਰ ਦਾ ਕੋਈ ਨਿਸ਼ਾਨ ਨਹੀਂ ਦਿਖਾਈ ਦਿੰਦਾ। ਉਸਦਾ ਆਤਮ-ਵਿਸ਼ਵਾਸ ਦੇਖ ਕੇ ਲੱਗਦਾ ਹੈ ਜਿਵੇਂ ਉਹ ਇਸ ਚੁਣੌਤੀ ਦਾ ਆਦੀ ਹੋਵੇ। ਇਹੀ ਗੱਲ ਇੰਟਰਨੈੱਟ ਯੂਜ਼ਰਾਂ ਨੂੰ ਸਭ ਤੋਂ ਵੱਧ ਹੈਰਾਨ ਕਰ ਰਹੀ ਹੈ।
ਹਾਲਾਂਕਿ ਇਸ ਵਾਇਰਲ ਵੀਡੀਓ ਦੇ ਪਿੱਛੇ ਦੀ ਸੱਚਾਈ ਨੂੰ ਸਮਝਣਾ ਵੀ ਜ਼ਰੂਰੀ ਹੈ। ਜਾਣਕਾਰੀ ਮੁਤਾਬਕ ਯੂਗਾਂਡਾ ਦੇ ਕੁਝ ਸਥਾਨਕ ਲੋਕ ਬਚਪਨ ਤੋਂ ਹੀ ਇਨ੍ਹਾਂ ਤੇਜ਼ ਧਾਰਾਂ ਵਾਲੀਆਂ ਨਦੀਆਂ ਦੇ ਆਸ-ਪਾਸ ਰਹਿ ਕੇ ਵੱਡੇ ਹੁੰਦੇ ਹਨ। ਉਨ੍ਹਾਂ ਲਈ ਨਦੀ ਦਾ ਇਹ ਰੂਪ ਨਵਾਂ ਨਹੀਂ ਹੁੰਦਾ। ਉਹ ਪਾਣੀ ਦੇ ਵਹਾਅ, ਗਹਿਰਾਈ ਅਤੇ ਖ਼ਤਰਨਾਕ ਹਿੱਸਿਆਂ ਨੂੰ ਚੰਗੀ ਤਰ੍ਹਾਂ ਪਛਾਣਦੇ ਹਨ। ਕਈ ਲੋਕ ਸਾਲਾਂ ਦੇ ਤਜਰਬੇ ਤੋਂ ਬਾਅਦ ਹੀ ਅਜਿਹੇ ਜੋਖਿਮ ਭਰੇ ਕਰਤੱਬ ਕਰਨ ਦੀ ਹਿੰਮਤ ਕਰਦੇ ਹਨ। ਇਸ ਲਈ ਜੋ ਦ੍ਰਿਸ਼ ਆਮ ਲੋਕਾਂ ਨੂੰ ਮੌਤ ਨਾਲ ਖੇਡਣਾ ਲੱਗਦਾ ਹੈ, ਉਹ ਸਥਾਨਕ ਲੋਕਾਂ ਲਈ ਕਈ ਵਾਰ ਇਕ ਆਮ ਗਤੀਵਿਧੀ ਵਰਗਾ ਵੀ ਹੋ ਸਕਦਾ ਹੈ।
ਸੋਸ਼ਲ ਮੀਡੀਆ ਯੂਜ਼ਰਾਂ ਨੇ ਇਸ ਵੀਡੀਓ ‘ਤੇ ਕਾਫ਼ੀ ਮਜ਼ੇਦਾਰ ਪ੍ਰਤੀਕਿਰਿਆਵਾਂ ਵੀ ਦਿੱਤੀਆਂ ਹਨ। ਕੁਝ ਲੋਕਾਂ ਨੂੰ ਇਹ ਦ੍ਰਿਸ਼ ਇੰਨਾ ਸ਼ਾਨਦਾਰ ਲੱਗਿਆ ਕਿ ਉਨ੍ਹਾਂ ਨੇ ਇਸਨੂੰ AI ਜਾਂ ਐਡਿਟਿੰਗ ਦਾ ਕਮਾਲ ਦੱਸ ਦਿੱਤਾ। ਵੱਡੀ ਗਿਣਤੀ ਵਿੱਚ ਯੂਜ਼ਰਾਂ ਨੇ ਮਜ਼ਾਕ ਵਿੱਚ ਲਿਖਿਆ ਕਿ ਇਸ ਵਿਅਕਤੀ ਨੇ ਸ਼ਾਇਦ ਡਰ ਨੂੰ ਆਪਣੀ ਜ਼ਿੰਦਗੀ ਤੋਂ ਹੀ ਕੱਢ ਦਿੱਤਾ ਹੈ। ਕਿਸੇ ਨੇ ਕਿਹਾ ਕਿ ਇਹ ਇਨਸਾਨ ਮੌਤ ਨੂੰ ਵੀ ਚੁਣੌਤੀ ਦਿੰਦਾ ਨਜ਼ਰ ਆ ਰਿਹਾ ਹੈ, ਤਾਂ ਕਿਸੇ ਨੇ ਇਸਨੂੰ ਦੁਨੀਆ ਦਾ ਸਭ ਤੋਂ ਖ਼ਤਰਨਾਕ ਸਵਿਮਿੰਗ ਐਕਸਪੀਰੀਅੰਸ ਕਹਿ ਦਿੱਤਾ। ਲੋਕਾਂ ਦਾ ਕਹਿਣਾ ਹੈ ਕਿ ਜਿੱਥੇ ਖੜ੍ਹਾ ਹੋਣਾ ਵੀ ਮੁਸ਼ਕਲ ਹੋਵੇ, ਉੱਥੇ ਇੰਨੀ ਸ਼ਾਂਤੀ ਨਾਲ ਤੈਰਨਾ ਕਿਸੇ ਆਮ ਇਨਸਾਨ ਦੇ ਵੱਸ ਦੀ ਗੱਲ ਨਹੀਂ।
ਇਹ ਵੀ ਪੜ੍ਹੋ
ਇੱਥੇ ਦੇਖੋ ਵੀਡੀਓ
View this post on Instagram
