Viral Video: ਸਟੰਟ ਕਾਰਨ ਹੋਇਆ ਖ਼ਤਰਨਾਕ ਹਾਦਸਾ, ਪਾਕਿਸਤਾਨ ਦਾ ਇਹ ਵੀਡੀਓ ਇੰਟਰਨੈੱਟ ‘ਤੇ ਵਾਇਰਲ
Viral Video: ਪਾਕਿਸਤਾਨ ਦੇ ਇੱਕ ਕਾਰ ਹਾਦਸੇ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਚਾਰ ਦੋਸਤਾਂ ਦਾ ਇੱਕ ਸਟੰਟ ਉਨ੍ਹਾਂ 'ਤੇ ਹੋ ਭਾਰੀ ਪੈ ਗਿਆ । ਉਨ੍ਹਾਂ ਨੇ ਰਿਵਰਸ ਗੇਅਰ ਵਿੱਚ ਤੇਜ਼ ਰਫ਼ਤਾਰ ਨਾਲ ਕਾਰ ਚਲਾਈ, ਅਤੇ ਕੁਝ ਹੀ ਪਲਾਂ ਵਿੱਚ, ਕਾਰ ਕੰਟਰੋਲ ਤੋਂ ਬਾਹਰ ਹੋ ਗਈ ਅਤੇ ਹਾਦਸਾਗ੍ਰਸਤ ਹੋ ਗਈ।
ਸਟੰਟ ਕਰਦੇ ਸਮੇਂ ਲੋਕ ਅਕਸਰ ਹਾਦਸਿਆਂ ਦਾ ਸ਼ਿਕਾਰ ਹੋ ਜਾਂਦੇ ਹਨ। ਤੁਸੀਂ ਸੋਸ਼ਲ ਮੀਡੀਆ ‘ਤੇ ਬਹੁਤ ਸਾਰੀਆਂ ਵੀਡੀਓਜ਼ ਦੇਖੀਆਂ ਹੋਣਗੀਆਂ ਜਿਨ੍ਹਾਂ ਵਿੱਚ ਲੋਕ ਕਈ ਤਰ੍ਹਾਂ ਦੇ ਸਟੰਟ ਕਰਦੇ ਦਿਖਾਈ ਦਿੰਦੇ ਹਨ, ਕਦੇ ਬਾਈਕ ‘ਤੇ ਤਾਂ ਕਦੇ ਕਾਰਾਂ ਵਿੱਚ, ਪਰ ਫਿਰ ਉਨ੍ਹਾਂ ਦਾ ਸਟੰਟ ਇੱਕ ਹਾਦਸੇ ਵਿੱਚ ਖਤਮ ਹੋ ਜਾਂਦਾ ਹੈ। ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਅਜਿਹੇ ਹੀ ਇੱਕ ਹਾਦਸੇ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਵੀਡੀਓ ਵਿੱਚ, ਚਾਰ ਦੋਸਤ ਰਿਵਰਸ ਗੇਅਰ ਵਿੱਚ ਤੇਜ਼ ਰਫ਼ਤਾਰ ਨਾਲ ਕਾਰ ਚਲਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਪਰ ਕੁਝ ਸਕਿੰਟਾਂ ਵਿੱਚ ਹੀ ਉਨ੍ਹਾਂ ਦਾ ਸਟੰਟ ਉਲਟਾ ਪੈ ਗਿਆ।
ਇਹ ਹਾਦਸਾ ਪਾਕਿਸਤਾਨ ਵਿੱਚ ਵਾਪਰਿਆ ਦੱਸਿਆ ਜਾ ਰਿਹਾ ਹੈ। ਵੀਡੀਓ ਵਿੱਚ, ਤੁਸੀਂ ਇੱਕ ਕਾਰ ਨੂੰ ਰਿਵਰਸ ਗੇਅਰ ਵਿੱਚ ਸੜਕ ‘ਤੇ ਤੇਜ਼ ਰਫ਼ਤਾਰ ਨਾਲ ਜਾਂਦੇ ਹੋਏ ਦੇਖ ਸਕਦੇ ਹੋ। ਸ਼ੁਰੂ ਵਿੱਚ, ਸਭ ਕੁਝ ਠੀਕ ਜਾਪਦਾ ਹੈ, ਡਰਾਈਵਰ ਸੰਤੁਲਨ ਨਾਲ ਗੱਡੀ ਚਲਾਉਂਦਾ ਹੈ, ਪਰ ਕੁਝ ਸਕਿੰਟਾਂ ਵਿੱਚ, ਸਥਿਤੀ ਕਾਬੂ ਤੋਂ ਬਾਹਰ ਹੋ ਜਾਂਦੀ ਹੈ। ਕਾਰ ਸੰਤੁਲਨ ਗੁਆ ਬੈਠਦੀ ਹੈ ਅਤੇ ਰਿਵਰਸ ਗੇਅਰ ਵਿੱਚ ਹਾਦਸਾਗ੍ਰਸਤ ਹੋ ਜਾਂਦੀ ਹੈ। ਹਾਲਾਂਕਿ ਇਹ ਪਤਾ ਨਹੀਂ ਹੈ ਕਿ ਇਸ ਭਿਆਨਕ ਹਾਦਸੇ ਵਿੱਚ ਕੋਈ ਜ਼ਖਮੀ ਹੋਇਆ ਹੈ ਜਾਂ ਨਹੀਂ, ਬਹੁਤ ਸਾਰੇ ਲੋਕ ਮਦਦ ਲਈ ਮੌਕੇ ‘ਤੇ ਪਹੁੰਚੇ। ਇਹ ਘਟਨਾ ਜ਼ਰੂਰ ਭਿਆਨਕ ਸੀ।
ਲੱਖਾਂ ਵਾਰ ਦੇਖਿਆ ਗਿਆ ਵੀਡੀਓ
ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @TansuYegen ਅਕਾਊਂਟ ਦੁਆਰਾ ਕੈਪਸ਼ਨ ਨਾਲ ਸਾਂਝਾ ਕੀਤਾ ਗਿਆ ਸੀ, “ਪਾਕਿਸਤਾਨ ਵਿੱਚ ਇੱਕ ਵਾਹਨ ਦੇ ਪਿੱਛੇ ਤੇਜ਼ ਰਫ਼ਤਾਰ ਨਾਲ ਜਾ ਰਹੇ ਚਾਰ ਦੋਸਤਾਂ ਦੇ ਗਰੁੱਪ ਨਾਲ ਹਾਦਸਾ।” ਇਸ 33 ਸਕਿੰਟ ਦੇ ਵੀਡੀਓ ਨੂੰ ਪਹਿਲਾਂ ਹੀ 2.9 ਮਿਲੀਅਨ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਿਸ ਵਿੱਚ 7,000 ਤੋਂ ਵੱਧ ਲਾਈਕਸ ਅਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਹਨ।
ਇੱਕ ਯੂਜ਼ਰ ਨੇ ਲਿਖਿਆ, “ਇਹ ਦੇਖਣਾ ਸੱਚਮੁੱਚ ਦਿਲ ਤੋੜਨ ਵਾਲਾ ਹੈ। ਰਿਵਰਸ ਡਰਾਈਵਿੰਗ ਵਰਗੇ ਤੇਜ਼ ਰਫ਼ਤਾਰ ਵਾਲੇ ਸਟੰਟ “ਰੋਮਾਂਚਕ” ਨਹੀਂ ਹਨ, ਇਹ ਘਾਤਕ ਹਨ। ਇੱਕ ਪਲ ਵਿੱਚ ਕੰਟਰੋਲ ਗੁਆਉਣਾ ਚਾਰ ਜ਼ਿੰਦਗੀਆਂ ਨੂੰ ਹਮੇਸ਼ਾ ਲਈ ਬਦਲ ਸਕਦਾ ਹੈ। ਕਿਰਪਾ ਕਰਕੇ ਟਰੈਕ ‘ਤੇ ਰਹੋ ਅਤੇ ਸਟੰਟ ਪਬਲਿਕ ਸੜਕਾਂ ਤੋਂ ਦੂਰ ਰੱਖੋ।” ਇੱਕ ਹੋਰ ਯੂਜ਼ਰ ਨੇ ਲਿਖਿਆ, “ਮੈਂ ਸਮਝਦਾ ਹਾਂ ਕਿ ਗੱਡੀ ਚਲਾ ਰਿਹਾ ਬੰਦਾ ਸਾਬਤ ਕਰਨਾ ਚਾਹੁੰਦਾ ਸੀ ਕਿ ਉਹ ਇੱਕ ਪ੍ਰੋ ਡਰਾਈਵਰ ਹੈ, ਪਰ ਉਹ ਲੋਕ ਖਿੜਕੀ ਤੋਂ ਬਾਹਰ ਕੀ ਦੇਖ ਰਹੇ ਸਨ, ਉਹ ਕਿ ਉਮੀਦ ਕਰ ਰਹੇ ਸਨ?”
ਇੱਥੇ ਦੇਖੋ ਵੀਡੀਓ
The accident experienced by a group of 4 friends who came speeding backwards in a vehicle in Pakistan pic.twitter.com/ehuo5pwT6j
— Tansu Yegen (@TansuYegen) February 14, 2026ਇਹ ਵੀ ਪੜ੍ਹੋ
